ބޮލީވުޑްގެ ޚަބަރުތައް ކުރުކޮށް

އެކްތާ: އޭނާގެ އާ ސިލްސިލާއަކީ "ބޭޕަނާ ޕިޔާރު".

އަހުމަދު އަދްޝަން، މިހާރު

07 މެއި 2019 - 08:21

ނެޓްފްލިކްސް އިން މިދިޔަ އަހަރު ގެނެސް ދިން އިންޑިއާގެ ކާމިޔާބު ވެބް ސީރީޒް "ސެކްރެޑް ގޭމްސް" ގެ ދެވަނަ ސީޒަނުގެ ޓީޒާ ޓްރެއިލާ ދައްކާލައިފި އެވެ.

ދެވަނަ ސީޒަން ވެސް ވެގެން ދާނީ ފުރަތަމަ ސީޒަން ފަދަ ޝައުގުވެރި އެއްޗަކަށެވެ. ޓީޒާ އިން އަދި ހަމައެކަނި މުހިއްމު ތަރިންތައް ދައްކައިލީ އެވެ. އަނުރާގް ކެޝަޕާއި ވިކްރަދަތިޔާ މޮޓްވާނޭ ޑައިރެކްޓް ކުރާ "ސެކްރެޑް ގޭމްސް" ގެ ކާސްޓުން މި ފަހަރު ވެސް ސީޒަން އެކަކުން ފެނުނު ސައިފް އަލީ ހާނާއި ނަވާޒުއްދީން ސިއްދީގީ ފެންނާނެ އެވެ.

މީގެ ކާސްޓާ އަލަށް ގުޅުނު ތަރިންގެ ތެރޭގައި އަނުރާގްގެ ކުރީގެ އަންހެނުން ކަލްކީ ކޮއެޗްލިން، ޕަންކަޖް ތުރިޕަތީ އަދި ރަންވީރު ޝޯރޭ ހިމެނެ އެވެ.

Season 2 is coming. Put your chattris in the air. #SacredGamesS2 pic.twitter.com/1ACW0eVGDe
— Netflix India (@NetflixIndia) May 6, 2019

ދެވަނަ ސީޒަން ސްޓްރީމް ކުރަން ފަށާނެ ތާރީހަކާއި، ހިމެނޭނީ ކިތައް އެޕިސޯޑް ކަމެއް އަދި ނޭނގެ އެވެ.

ފުރަތަމަ ސީޒަނުގައި ގެނެސް ދިނީ 8 އެޕިސޯޑެވެ.

"ކްލާސް އޮފް 83" ގެ ޝޫޓިން ފަށައިފި

ދާދި ފަހުން ނެޓްފްލިކްސް އިން އިއުލާން ކުރި އިންޑިއާގެ އާ ކޮންޓެންޓްގެ ތެރޭގައި ހިމެނޭ ފިލްމު "ކްލާސް އޮފް 83" ގެ ޝޫޓިން ފަށައިފި އެވެ.

Excited to venture into the web world with #ClassOf83 a @NetflixIndia original film by @sabharwalatul produced by @iamsrk @_GauravVerma @RedChilliesEnt pic.twitter.com/iOWVqlCZny
— Bobby Deol (@thedeol) May 5, 2019

ޝާހްރުކް ހާންގެ ފިލްމު ކުންފުނި ރެޑް ޗިލީޒް ޕްރޮޑަކްޝަނާ ގުޅިގެން ހަދާ މި ފިލްމުގެ ބަތަލަކީ ބޮބީ ޑިއޯލް އެވެ. އޭނާ ވަނީ ސެޓުން ނަގާފައިވާ ފޮޓޯއެއް ހިއްސާކޮށް، ޝޫޓިން ފެށިކަން ކަށަވަރު ވެސް ކޮށް ދީފަ އެވެ.

"ކްލާސް އޮފް 83" ގައި ބޮބީ ކުޅޭނީ ފުލުހަކަށް އުޅެފައި ފަހުން ޒުވާން ތަމްރީނު ކުރަން މަސައްކަތް ކުރާ މީހެއްގެ ރޯލެވެ. އެކަމަކު އަތުލް ސަބްރަވާލް ޑައިރެކްޓް ކުރާ މި ފިލްމުގެ އިތުރު ކާސްޓުންނަކީ ކޮބައި ކަމެއް ނޭނގެ އެވެ.

މިދިޔަ އަހަރު "ރޭސް 3" ކުޅުނު ބޮބީގެ ކުރިއަށް އޮތް ފިލްމަކީ އޮކްޓޯބަރުގައި ރިލީޒް ކުރާ "ހައުސްފުލް 4" އެވެ.

"ބާލާ" ގެ ޝޫޓިން ފަށައިފި

މިދިޔަ އަހަރުގެ އެންމެ ކާމިޔާބު އެއް ފިލްމު ކަމަށްވާ ހޮރޯ-ކޮމެޑީ "އިސްތިރީ" ގެނެސް ދިން ޑައިރެކްޓަރު އަމަރު ކޯޝިކްގެ އާ ފިލްމު "ބާލާ" ގެ ޝޫޓިން ފަށައިފި އެވެ.

Ayushmann Khurrana, Bhumi Pednekar and Yami Gautam... #Bala filming begins today... Costars Saurabh Shukla, Jaaved Jaaferi and Seema Pahwa... Directed by Amar Kaushik... Produced by Dinesh Vijan. #JioStudios pic.twitter.com/9thZjPp1AD
— taran adarsh (@taran_adarsh) May 6, 2019

މި ފިލްމުގެ ތަރިންނަކީ އަޔޫޝްމަން ކުރާނާ އާއި ބޫމީ ޕެޑްނޭކަރުގެ އިތުރުން ޔާމީ ގޯތަމް އެވެ.

"ބާލާ" ވެގެން ދާނީ "ދަމް ލަގާ ގޭ ޙައިޝާ" އާއި "ޝުބް މަންގަލް ސާވްދާން" އަށް ފަހު ބޫމީ އާއި އަޔޫޝްމަން އެކުގައި ކުޅޭ ތިން ވަނަ ފިލްމަށެވެ.

އަދި މި ފިލްމަކީ އަޔޫޝްމަން ބޮލީވުޑަށް ތައާރަފުވި 2012 ގެ "ވިކީ ޑޯނާ" އަށް ފަހު އެ ފިލްމުގެ ބަތަލާ ޔާމީއާ އެކު އޭނާ ކުޅޭ ދެވަނަ ފިލްމެވެ.

ދިނޭޝް ވިޖަން އާއި ޖިއޯ ސްޓޫޑިއޯ ގުޅިގެން ހަދާ "ބާލާ" ގެ އިތުރު ކާސްޓުންގެ ތެރޭގައި ސީމާ ބިސްވާސް، ޖާވިދު ޖާފްރީ އަދި ސޯރަބް ޝުކްލާ ހިމެނެ އެވެ. ފިލްމު ރިލީޒް ކުރާނެ ތާރީހެއް އަދި އިއުލާނެއް ނުކުރެ އެވެ.

ސިލްސިލާ "ބޭޕަނާ ޕިޔާރު" ގެ ޕްރޮމޯ ދައްކާލައިފި

އެކްތާ ޕްރޮޑިއުސްކޮށް، ކަލާޒުން އަލަށް ދައްކަން ފަށާ އާ ސިލްސިލާ "ބޭޕަނާ ޕިޔާރު" ގެ ޕްރޮމޯއެއް ދައްކާލައިފި އެވެ.

Bepanah pyaar! Only on @ColorsTV ....soon( this song is my fav) @pearlvpuri @aparnadixit2061 #ShobhaKapoor pic.twitter.com/lgNfvpCsL6
— Ekta Kapoor (@ektaravikapoor) May 4, 2019

އެކްތާ ކުރިން ގެނެސް ދިން ސިލްސިލާއެއް ކަމަށްވާ "ކަސަމް ތޭރޭ ޕިޔާރު ކޭ" ގެ އާ ސީޒަނެއްގެ ގޮތުގައި ގެނެސްދޭ "ބޭޕަނާ ޕިޔާރު" ގެ ޕްރޮމޯ ޓްވީޓް ކުރަމުން އޭނާ ބުނީ މި ސިލްސިލާ ވަރަށް އަވަހަށް ދައްކަން ފަށާނެ ކަމަށެވެ.

ސިއްރު ކަންތައްތަކެއް ވެސް އެކުލެވޭ ލޯބީގެ ވާހަކައެއް ކިޔައިދޭ ސިލްސިލާގެ މުހިއްމު ރޯލުތަކުން ދާނީ ޕާލް ވީ ޕޫރީ އާއި އަޕަރްނާ ޑިކްސިޓްގެ އިތުރުން އިޝިތާ ދައްތާ އެވެ.

ބެލެވޭ ގޮތުން "ބޭޕަނާ ޕިޔާރު" ދައްކަން ފަށާނީ ކަލާޒުން މިހާރު ގެނެސްދޭ އެކްތާގެ "ނާގިން" ސީޒަން ތިނެއް މި މަހުގެ ފަހުކޮޅު ނިންމައިލުމަށް ފަހު އެވެ. ރިޕޯޓްތައް ބުނާ ގޮތުން އެ ސިލްސިލާ މި މަހުގެ 26 ގައި ނިންމައިލާނެ އެވެ.