ބާޒާރު ސަރަހައްދުގައި ބިސް ވިއްކަނީ: އެސްޓީއޯ އިން އާއްމުކޮށް ބިސް ގެންނަން ވިސްނާ. --ފޮޓޯ:ނިޝާން އަލީ/މިހާރު
09 މެއި 2019 - 13:04
9 comments
ކޮންމެ ރޯދަ މަހަކަށް ހާއްސަކޮށް އެސްޓީއޯ އިން ބިސް ގެނައުމުގެ ބަދަލުގައި އާންމުކޮށް ވެސް ބިހުގެ ވިޔަފާރި ކުރުމަށް ޕްލޭން ކުރަމުންދާ ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން އަމްރު ވިދާޅުވެއްޖެ އެވެ.
އަމްރު ވިދާޅުވީ، ކޮންމެ ރޯދަމަހަކަށް ހާއްސަކޮށް ބިހުގެ ވިޔަފާރި ކުރުމުން އިތުރު ހަރަދުތައް ކުރަންޖެހޭ ކަމަށްވެ. މިކަން ކުރުމަށް އާ ސްޓާފުންނާއި، ލޮޖިސްޓިކް މަސައްކަތް ކުރުމަށް ވެސް ހަރަދު ކުރަންޖެހޭ ކަމަށް ވިދާޅުވި އެވެ. ކޮންމެ އަހަރެއްގެ އެއް މަހަށް ހާއްސަކޮށް މި ވިޔަފާރި ކުރަންޖެހުމުން، މާކެޓުގެ ކަންކަން އެންމެ ފުރިހަމައަށް ދެނެގަތުމަށް އުނދަގޫވާ ކަމަށް އޭނާ ވިދާޅުވި އެވެ. އަދި ސަޕްލަޔަރުންގެ އަތުން ރަނގަޅު އަގެއް ހޯދުމަށް ވެސް އުނދަގޫވެ އެވެ.
އަމްރު ވިދާޅުވީ، ކޮންމެ ރޯދަ މަހަކާ ދިމާކޮށް ބިސް ގެނެސް ވިއްކުމަކީ އެ ކުންފުންޏަށް ފައިދާވާ ވިޔަފާރިއެއް ނޫން ކަމަށެވެ. އެކަމަކު އާންމުކޮށް ކުރާ ވިޔަފާރިއަކަށް ބަދަލުވެއްޖެ ނަމަ، ރަނގަޅު އަގެއްގައި ތަކެތި ލިބޭނެ ކަމަށް ވިދާޅުވި އެވެ.
އެސްޓީއޯ އިން ބުނީ މި ރޯދަ މަހު އެއްވެސް ދަތި ކަމެއް ނެތި، ބިސް ލިބޭނެ ކަމަށާއި ރޯދަ އަށް ހާއްސަކޮށް ހަތަރު ޝިޕްމެންޓެއް ގެންނާނެ ކަމަށެވެ. އޭގެ ތެރެއިން ދެ ޝިޕްމެންޓް މިހާރު ގެނެސްފައިވާ އިރު ތިން ވަނަ ޝިޕްމެންޓު ކްލިޔާ ކުރުމުގެ މަސައްކަތް ކަސްޓަމްސް އިން ދަނީ ކުރަމުންނެވެ.
އެސްޓީއޯ އިން ބިސް ކޭހެއް ވިއްކަނީ 270ރ. އަށެވެ. އިންޑަސްޓްރިއަލް ވިލެޖު ސަރަހައްދުގައި ހުންނަ އެސްޓީއޯ ހޯލްސޭލް ސެންޓަރުން ބިސް ކޭސް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭހަން
12 May 2019
ބޮޑުފައިދާއެއް ނުލިބުނަސް، އާންމު ބާވަތްތައް ތިބޭފުޅުންގެ ބެލުމުގެ ދަށުންގެނެސް ވިއްކަން ބަހައްޓަދީބަލަ. މިހާރު މިއުޅޭ ބައެއް ވިޔަފާރިވެރީން އެތިބީ އިންތިހާއަށް އަގުބޮޑުކުރަން ހިފާފާ. ސަރުކާރަށް ޖެއްސުންކުރަން ފަށާފާ. އެކަމަކު ޖެއްސުން ކުރެވެނީކީ ސަރުކާރަކަށްނޫން. އާންމު ދެރަވަރު ރައްޔިތުމީހާއަށް. އެންމެ ދެރަކަމަކީ އަގުހެޔޮކޮށް ވިއްކަންދޫކުރާ ކާޑުގެ ބާވަތްތައްވެސް ހިތުހުރި ވަރަކަށް ވިއްކަމުން ދާތީ. މިކަމަށް ހައްލެއްބޭނުންވެޔޭ ކިޔާކިޔާ ވާޅުވެއްޖެ
ވިސްނާލާފާ
12 May 2019
އެސްޓީއޯއިން ހަނޑޫ ހަކުރު ފުށް އެވަނީ އަހުހެޔޮކޮށްފަ. އެކަމަކު އަގުހެޔޮކުރިޔަސް، އެގޮތަކަށް ގަންނާކަށް ނުލިބޭ. ހަކުރު ކިލޯއެއް 3.98 ވިއްކަން ބުނާއިރު މަމެންނަށް ވިޔަފާރިވެރިން ވިއްކަނީ 5 ރުފިޔާއަށް. ދެނވެސް ޔަގީންކުރުމުގެ ގޮތުން ތިޔަތަނުގެ ފަރާތުން އެތަންތަނަށް ގޮސް ކަންހިނަގަނީ ހަމަ އެހެންތޯ ބަލާލަ ދީބަލަ. ހެޔޮނުވާނެ ކަންކޮށްފަ އެކަންކަން އެހެންކުރޭތޯވެސް ބަލާލަ ދީބަލަ. ނުއަގުގާ ކާޑުގެ ބާވަތްތައް ވިއްކާ ފަރާތްތައް ޖުރުމަނާކޮށްދީބަލަ. ޕްލީސް.
ފުންއަސަރު
12 May 2019
އާންމު ރައްޔިތުން ބޭނުންކުރާ އަންމު ބާވަތްތައް އެސްޓީއޯ އިން ތާއަބަދު އަގުހެޔޮކޮށް ލިބެންހުރުމީ އޯގާތެރި ސަރުކާރެއްގެ ހެޔޮކަން. އެއިރެއްގެ ސަރުކާރަކުން ރައްޔިތުންނަށް ލާބަޔާ މަންފާލިބޭ ކަމެއްކޮށްދޭން ތިބިނަމަ، އެކަން ހުއްޓުވާނޭ ބަޔަކު ނުތިބޭނެ. އެކަމަކު ބައެއް ބޮޑެތި ވިޔަފާރިވެރިން އެކަމާ ދަތްވިކާނެ. މޭކަރާނެ. އެހިސާބުން ސަރުކާރުގެ ބައެއް ވެރީންނަށް ކަންކަން ކުރާން ދަތިވަނީ. ދިހަވަރަކަށް ވިޔަފާރިވެރިން ރުޅިއަތުވެދާނޭތީ ރައްޔިތުން ހާލުގާ ޖައްސަނީ
ޜަނގަޅުބިސް
09 May 2019
އިންޖެކްޝަން ޖަހައިގެން އަޅުވައި ބިހުގެ ފައިދާއެއް ނުހުރޭ. ވީމާ މިކަން ބައްލަވަިގެން ގެންނަވާތި
ސާމާނުބެ
09 May 2019
މިރޯދަމަހު އެއްވެސް ދަތިކަމެއްނެތި ބިސްލިބޭނެ އޭގެ މާނައަކީ ކިއުގަ ޖެހިގެން މީހަކައް 2 ކޭސް ބިސް ލިބުންތޯ؟ ރާއްޖެތެރޭގެ ގިނަ ރައްޔަތުންނަކައް ތިކަމުގެފައިދާއެއްނުކުރޭ ރައްފުށުގެ ކުދި ވިޔަފާރިވެރިން ބޭނުންވާ އަދަދަކަށް ބިސްނުލިބޭނަމަ ގިނަ ރައްޔަތުން ބިސްކާންޖެހޭނީ އަގުބޮޑުކޮށް އެމީހުންނަކައް ތިކިއުއަކައްނޭރޭނެ
އަލިފް ހ
11 May 2019
ގެންނަ ހުރިހާ އެއްޗެއްވެސް ދަނީ މިވަރަކުން. އަދި ދާއިމަށް ގެންނަން ފައްޓައިފިއްޔާ މަހަކު އެއް ފަހަރުވެސް ގަންނަން ނުލިބޭނެކަން. ޔަޤީން!
ހަސަން ނުވަވަނަ
09 May 2019
ޖަަޒީރާގަ އޯކޭވާނެ ނުގެނަޔަސް. އެޖެންޑާ 19 ސަޅިވާނެ
އުދުހޭ
09 May 2019
އަންނި ބުނީ ސަރުކާރުން ނުކުރާނެއޭ ވިޔަފާރިއެއް. ސަރުކާރުން ވިޔަފާރި ކުރަންޖެހެނީ ބާޒާރުގެ އަގުތަށް ކޮންޓްރޯލް ކުރަން.
އިޙްސާސް
09 May 2019
ގެންނަނީ އަވަހަށް ހަލާކުވާ ބިސް. ކޮލިޓީ ރަގަޅު ކުރަންވެއްޖެނު. މާލޭގެ ބައެއް ގުދަންތަކުން ކޮލިޓީ ރަގަޅު ބިސް ވިއްކާ.