ހެލްތު މިނިސްޓްރީގެ އިސް ބޭފުޅުންނާ އެކު މިނިސްޓަރު އަމީން ނޫސްވެރިންނާ ވާހަކަ ދައްކަވަނީ. --ފޮޓޯ: ހުސެއިން ވަހީދު/މިހާރު
16 މެއި 2019 - 16:40
38 comments
ރާއްޖޭގެ ސިއްހީ ޚިދުމަތް ފޯރުކޮށްދިނުމުގައި ކުރިމަތިވެފައިވާ ގޮންޖެހުންތަކުން އަރައިގަނެ ހައްލު ހޯދުމަށް ކުރާ މަސައްކަތުގެ ދަށުން، ކުރިއަށް އޮތް ތިން މަހެއްހާ ދުވަހުގެ ތެރޭގައި 10 ހޮސްޕިޓަލަކަށް ބޮޑެތި ބަދަލުތަކެއް ގެނެސް ފެންވަރު މަތިކުރަން ނިންމާފައިވާ ކަމަށް ހެލްތު މިނިސްޓަރު އަބްދުﷲ އަމީން މިއަދު ވިދާޅުވެއްޖެ އެވެ.
ހެލްތު މިނިސްޓްރީގައި ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ވިދާޅުވީ އެ 10 ހޮސްޕިޓަލަށް ބޭނުންވާ ޑޮކްޓަރުންނާއި ނަރުހުންނާއި އެހެނިހެން ޚިދުމަތްތެރިން ހަމަކޮށް، މެޝިނަރީޒް އާއި ބޭސް ފޯރުކޮށްދޭން މަސައްކަތް ކުރަމުން އަންނަ ކަމަށެވެ. އޭގެ ނަތީޖާ އަކަށް ވާނީ، މިނިސްޓަރު ވިދާޅުވި ގޮތުގައި ސިއްހީ ޚިދުމަތް ހޯދަން އުފުލާ ތަކުލީފު ލުއިވެ، އެ ހޮސްޕިޓަލްތަކާ ކައިރި ރަށްތަކުގެ މީހުންނަށް ވެސް ހިދުމަތް ހޯދަން ފަސޭހަވުމެވެ.
ޚިދުމަތް ތަރައްގީ ކުރަމުން އަންނަނީ ކޮން ހޮސްޕިޓަލްތަކެއްގައި ކަމެއް މިނިސްޓަރު ވިދާޅެއް ނުވެ އެވެ. އެކަމަކު ވިދާޅުވީ ހޮސްޕިޓަލްތައް ކަނޑައެޅުމުގައި އެންމެ ބޮޑަށް ހައްލު ހޯދަން ޖެހިފައިވާ ތަންތަނާއި އާބާދީ އާއި ޚިދުމަތުގެ ފެންވަރަށް ވެސް ބަލާފައިވާނެ ކަމަށެވެ.
"ކުރިއަށް އޮތް ތިން މަސް ދުވަހުގެ ތެރޭގައި ބައެއް ހޮސްޕިޓަލްތަކަށް ބޮޑެތި ބަދަލުތަކެއް އަންނާނެ، އަދި ދުވަހުން ދުވަހަށް ބޭނުންވާ ހައްލުތައް ވެސް ބަޖެޓް ތެރެއިން ގެންނާނަން،" މިނިސްޓަރު ވިދާޅުވި އެވެ.
މިނިސްޓަރު އަމީން ނޫސްވެރިންނާ ވާހަކަ ދައްކަވަނީ. --ފޮޓޯ: ހުސެއިން ވަހީދު/މިހާރު
މިދިޔަ ސެޕްޓެމްބަރު މަހު ބޭއްވި ރިޔާސީ އިންތިޚާބުގެ ކުޑަ ދުވަސްކޮޅެއް ކުރިން، ވަރަށް ގިނަ ސިއްހީ މަރުކަޒުތައް 24 ގަޑިއިރު ޚިދުމަތް ދޭ ތަންތަނަށް ބަދަލުކޮށްފައިވާ ކަން ފާހަގަކުރައްވަމުން މިނިސްޓަރު ސިފަކުރެއްވީ އެއީ ނަމެއްގައި ކޮށްފައިވާ ކަމެއްގެ ގޮތުގަ އެވެ. އެތަނަށް ބޭނުންވާ މުވައްޒަފުން ހަމަކޮށް، ވަސީލަތްތައް ގާއިމްކޮށްފައި ނުވާ ކަން އަމީން ވިދާޅުވި އެވެ.
"އެ ރަށްރަށުގެ މީހުން ހަގީގަތުގައި ވަރަށް ދަތި އުނދަގުލުގައި ޚިދުމަތް ހޯދަމުން އަންނަނީ. ބައެއް ރަށްރަށުގެ މައްސަލަތައް ތިބޭފުޅުންނާ ހަމައަށް ފެންމަތިވި ކަމުގައި ވިޔަސް އެއަށް ވުރެ މާ ތަކުލީފުގައި މި ރަށްރަށުގެ މީހުން ޚިދުމަތް ހޯދަމުން އަންނަނީ،" މިނިސްޓަރު ވިދާޅުވި އެވެ.
މިނިސްޓަރު ވިދާޅުވި ގޮތުގައި ރާއްޖޭގެ 22 ހެލްތު ސެންޓަރެއްގެ ޚިދުމަތުގެ ފެންވަރު މަތިކުރުމާއި ހޮސްޕިޓަލްތަކަށް ބަދަލުކުރުމުގެ މަސައްކަތް އަންނަނީ ކުރަމުންނެވެ. ބައެއް ހޮސްޕިޓަލްތައް ޓާޝަރީ ހޮސްޕިޓަލްތަކަށް ވެސް ބަދަލުކުރަން ވަނީ ނިންމައިފަ އެވެ.
ޑޮކްޓަރުންނާއި ނަރުހުންގެ ދަތިކަން ހައްލުކޮށް، ޑޮކްޓަރުން ރެކްރޫޓް ކުރުމާއި މިހާރު ތިބި ޑޮކްޓަރުންގެ ފެންވަރު މަތިކުރަން ވެސް އަންނަނީ މަސައްކަތް ކުރަމުންނެވެ. ކުރިއާ ތަފާތުކޮށް، އެކަން މިހާރު ކުރަނީ ސީދާ ހެލްތު މިނިސްޓްރީގެ ބެލުމުގެ ދަށުން ކަމަށް އަމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަގީބު
17 May 2019
ވަޞީލްތް ހަމަކޮށްގެން މެނުވީ ރަގަޅު ނަތީޖާއެއް ނުނުކުންނާނެ. އެކަށީގެންވާ ބަޖެޓް ނުކިބޭނަމަ، މަދުރަންތަނަށް އެޓެންޝަންދީގެން ހައްލޔކުތުމަކީ ނަތީޖާ ރަގަޅުވާނެކަމެއްކަމަށް ގަބޫލުކުރެވޭ. ދިވެހިންނަކީ ކެތްރެރިކަމެއްނެރް އެޕްތިޝިއޭޓް ނުކުރާބައެއް. އިބޫއައިފަހުން ކަންކަމަށް ހެޔޮބަދަލް އަންނަކަން އެއީ ހަގީގަތް. ކޮމެންޓްތަކުންވެސް މި އެގެނީ ތަންކޮޅެއް ޒާތީކޮށް ވަކިމީހަކާ އަޅައިގަނެގެން އުޅޭތަން. މައްސަލައެއް އުޅެތީ ނޫންކަން ވަރަށް ސާފުދޯ އެހެންވީމަ
އައްޑާ
17 May 2019
ބައްލަވާ ވަޒީރު އިތުރުފުޅު ނުހައްދަވާ، ދިހަ ހޮސްޕިޓަލް އަޕްގްރޭޑް ކުރަން ބަޖެޓުގައި ފައިސާ ޖަހާފައިނުވާއިރު 2 މަސްތެރޭ އެކަންކުރެވޭނީ ކޮން ގޮތަކުންތޯ ވިދާޅުވެ ބައްލަވާ!
މޯޑޭ
17 May 2019
ެައަބަދުވެސް މިމީހުން ކިޔާނި ޑޮކުޓަރުން އަންނި. މާދަށް އަށްނަނި. މިހާރު ފުލައިޓް ޑިލޭވީ. މާދަށް އަށްނަނި. މިހާރު ވިސާ މަންސަލަ ޖެހުނީ. އަށްނާނެ ވަކި ދުވަހެން ނޭގޭ. އަށްނާނެ . ހޮސްފިޓަލު އަފްގުރޭޓް ކުރަނި. މަސްވަރާކުރަނި. ބަޔަކާވާހަކަދަށްނި . ޑޮުކުޓަރުން ނުލިބޭ. ފެނަޑޯލް ނުލިބޭ ނަރުހުން ނުލިބޭ. ތަމްރީނު ކުރަށް ފަށަނި. މީނޫން އެއްޗެއް ކިޔާ އަޑެއް ނީވޭ.
ނަމޫނާ ކަތީބު
17 May 2019
ބަައްލަވާ މިނިސްޓަރޫ ތި އުޅުއްވަނީ ޔާމީނުގެ ވެރިކަމުގައި ހެލްތް ދާއިރާ ހިންގި ގޮތައް ކޮންމެތަނަކަށް ސިޔާސީ މީހުން ލައިގެން މިދާއިރާ ރަގަޅުކުރައްވަން ހީކޮށްގެންތޯ؟ ބަލަ އެއީ ކާމިޔާބު ސިޔާސަތެއްނޫން ޑޮކްޓަރުން ކިތަންމެ އިތުރުކުރިޔަސް 22 މަރުކަޒެއްގެނަން ބަދަލުކުރިޔަސް މަސްވެރިޔަކަށް ޞިއްޙީ ދާއިރާ ހިންގާ މެނޭޖްނުކުރެވޭނެ. ގަބޫލުކުރައްވާ! އައި ޖީއެމް އެޗުން ޚާއްސަ ޑޮކްޓަރަކަށް ދެއްކުމާއި، ޓެސްޓްތައްހެދެނީ 6 މަސް ފަހުން. މިވަރުދެން ރަގަޅިތަ ބުނަންވީ!
މަމެންގެ އަޑު
17 May 2019
ހެލްތް ދާއިރާއިން ކިޔަވައިގެންތިބި ފަރާތްތައް މުވައްސަސާތަކަށް އައްޔަންކޮށް ދައުލަތުގެ ހޮސްޕިޓަލްތަކުގައި މަސައްކަތް ކުރައްވާ ޑޮކްޓަރުން އަމިއްލަ ކްލިނިކް ތަކުގައި ބަލިމީހުންބެލުން މަނާކުރެވި ރާއްޖެތެރޭގެ އެކި ސަރަހައްދުތަކުގައި މަދުވެގެން 5 ހޮސްޕިޓަލެއް އަޕްގްރޭޑްކޮށް އައި ޖީ އެމް އެޗުން ޚާއްސަޑޮކްޓަރުންނަށް ދެއްކުން އަވަސްކޮށް އެދުވަހަކުދައްކާ ބަލިމީހުންނަށް އެދުވަހަކު ޓެސްޓްތައް ހެދި ޑޮކްޓަރައް ދެއްކޭ ގޮތްވީމާ ޚިދުމަތް ރަގަޅުވީކަމަށްބެލެވޭނީ.
ރުމާލް 2
17 May 2019
ޢަޅުގަނޑަށް ވިސްނޭގޮތުގައި ޞިއްޙީ ޚިދުމަތްދޭތަންތަން ރަގަޅު ކުރެވޭނީ ބޮޑެތި ޢިމާރާތްއަޅައި އެކި ނަންނަމުގައި އެތަންތާގެނަންބޯޑް ބަދަލަލުކޮށްގެން ނޫން! ދުނިޔޭގެ ކުރިއަރާފައިވާ ގައުމުތަކުގެ ހޮސްޕިޓަލްތަކަށްވުރެ ރާއްޖޭގެ ހޮސްޕިޓަލްތައް މާރީތިވެފައި ތަންވަސް. އެކަމަކު މިތަންތަނަކުން ރައްޔިތުން އެދޭ އަވަސްމިނެއްގައި ޞިއްޙީ ފަރުވާ ލިބެމުން ނުދޭ. މައްސަލައަކީ މެނޭޖްކުރަން ނޭގުމާއި، ސިޔާސީވެރިން އައްޔަން ކުރުން.
މިސްރާބު
17 May 2019
ހުރިހާ ތަނެއްގެ ނަންބޯޑު ބަދަލުކޮށްލައި ފާރުތަކުގައި ރީނދޫ ކުލަ ހާކާލާ. ދެންކޮންމެސް ޑީބާބާ ކުންފުންޏަކަށް 30 ހަކަށް މިލިއަން ވައްޓާލާ. އޭރުން ތަރައްގީގެ މެގަރ ޕްރޮޖެކްޓް ނިމުނި. މިއެއް ނޫން ކުރީގަވެސް ލެޕްޓޮޕް ހިފައިގެން ހިންގި ގޮތަކީ
ލަބީބް
17 May 2019
އުފާވެރި ހަބަރެއް. ޝުކުރުއްޔާ އަމީން
މަސްވެރިޔާ
17 May 2019
އައްޑޫ، ފުވައްމުލަކު އަދި ހުވަދޫއަތޮޅުގެ ފަސްދޮލަހަކަށް ހާސް ރައްޔިތުންނަށް ތއްޔާރުކޮއް ތިޔަހިންގަވާ ހިތަދޫ ރީޖަނަލް ހޮސްޕިޓަލަށް ވަދެލީމާ ތިގެންވާ ތަރައްގީީ ފެނޭ. ސްކޭނެއް ހަދަންޏާ ކުރިމަތީގަހުރި ޑިސްޕެންސަރީއަކަށް. މުޅިހޮސްޕިޓަލުގަ އަމިއްލަޤައުމުގައި އުޅެވެންނެތް އެހެންތަނަކުން ވަޒީފާނުލިބޭފެންވަރުގެ ޒުވާން ޑަކުތަރުން. ތަޖުރިބާއެއް ނެތްތާ، އިގިރޭސިބަހުން ބޭސް ސިޓީގަޑެއް ކުރަހާކަށްވެސް ނޭގޭ. ރީޖަނަލް މީހުން ވަދެލާނެ ފާޚާނާ ގަޑެއްވަރުވެސް ނެތީ.
ޙަބީބު
17 May 2019
މާބޮޑައްލަސް ހުވަރަފުށި އެއާޕޯޓައްވުރެ ކުރިން މަސަތްކަތް ކުރަންވީ ސިއްހީނިޒާމު ރަނގަޅުކުރަން ސަލީމުމެން އެމްޑީޕީގެ ޕުރޮޕެގެންޑާ ފަތުރާގެން މަޖިލީހައް ވަންނަން ވެގެން އިބޫފައިބުޑައް ވެއްޓި ޖަޒީރާގަ ދަތުރުކޮއްބަލަ ބޮއްކުރާގަ އެއީ އެމްޑީޕީގެ ސިޔާސަތަކީ ކަމެއްވާބަޔެއްނޫންތީ