ސިފައިންނާއި ފުލުހުން ތަމްރީނުތަކެއްގައި: މިރޭ ތަމްރީނުތަކެއް ފެށީ ވަކި ކަމެއް މެދުވެރިވެގެން ނޫން ކަމަށް އެމްއެންޑީއެފް އިން ބުނޭ -- ފޮޓޯ/ޕޮލިސް
21 މެއި 2019 - 23:26
37 comments
ސިފައިންނާއި ފުލުހުން ގުޅިގެން މިރޭ މާލޭގައި ތަމްރީނުތަކެއް ފެށީ ވަކި ކަމެއް މެދުވެރިވެގެން ނޫން ކަމަށް އެމްއެންޑީއެފުން ބުނެފި އެވެ.
ސިފައިންނާއި ފުލުހުން ގުޅިގެން މިރެއިން ފެށިގެން ބުރާސްފަތި ދުވަހުގެ ހެނދުނުގެ ނިޔަލަށް ތަމްރީނުތަކެއް ވަނީ ފަށައިފަ އެވެ. އެ ތަމްރީނުތައް ކުރިއަށް ގެންދަނީ ޓެރަރިޒަމްގެ ނުރައްކަލެއް ރާއްޖެއަށް އޮތް ކަމުގެ މައުލޫމާތު ލިބިގެން ކަމަށް ބުނެ ސޯޝަލް މީޑިއާގައި ބައެއް ފަރާތްތަކުން ދަނީ ތުހުމަތު ކުރަމުންނެވެ.
އެކަމާ ގުޅިގެން އެމްއެންޑީއެފުން ނެރުނު ބަޔާނެއްގައި ބުނީ އެ ތަމްރީނުތަކަކީ ސިފައިންނާއި ފުލުހުން ގުޅިގެން މި މަހުގެ ކުރީކޮޅު ފެށި ތަމްރީނުތަކުގެ ދެވަނަ ސިލްސިލާ ކަމަށެވެ. އަދި އެއީ ވަކި އިތުރު ކަމެއް މެދުވެރިގެން ގެންދާ ތަމްރީނުތަކެއް ނޫން ކަމަށް ދިވެހި ސިފައިންގެ ބަޔާނުގައި ވެ އެވެ. އެކަމަކު، އާންމުންނަށް ޝައްކުވާ ބާވަތުގެ ކަމެއް ހިނގާ ނަމަ، އެކަމުގެ މައުލޫމާތު ދިނުމަށް އެ ބަޔާނުގައި އެމްޑީއެފުން އެދިފައި ވެ އެވެ.
"އެއްވެސް ހާލަތެއްގައި ޝައްކުވާ ޒާތުގެ ކަމެއް ހިނގާ ނަމަ ނޭޝަނަލް ކައުންޓާ ޓެރަރިޒަމް ސެންޓަރުގެ ހިލޭ ގުޅޭ ނަމްބަރު 1615 އަށް ނުވަތަ މޯލްޑިވްސް ޕޮލިސް ސާވިސްގެ ހިލޭ ގުޅޭ ނަމްބަރު 119 އަށް ގުޅުއްވައި، މައުލޫމާތު ހިއްސާ ކުރުމަށް އިލްތިމާސް ކުރަމެވެ،" ސިފައިންގެ ބަޔާނުގައި ބުންޏެވެ.
މިރޭ ފެށި ތަމްރީނުތަކުގައި ސިފައިން ހަތިޔާރާ އެކު ހަރަކާތްތެރިވުމުގެ އިތުރުން ސިފައިންނާއި ފުލުހުން ގުޅިގެން އެއްގަމު އުޅަނދުތަކާއި ކަނޑު އުޅަނދުތައް ވެސް ބަލައި، ފާސްކުރާނެ ކަމަށް އެމްއެންޑީއެފުން ކުރިން އޮތީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހުވެއި
23 May 2019
ރާއްޖޭގެ އަވައްޓެރި ގައުމުތަކަކުން ރާވައިގެން އުޅެނީ ޓެރަރިޒަމްހަމަލާއެއްދީ ރާއްޖެ އަޅުވެތިކޮށް ފައިބުޑަށް ސަނާކިޔާ ގައުމަކަށް ހަދަން. އަންނިކޔާމީހާ ވެރިކަމަށް އަންނާނެ.
ކޮތަރު
22 May 2019
ވަރަށް އެއްޗިހި ގޮއްވާހިތުން އުޅޭ ބައިގަނޑެއް އެބައުޅޭ
ބަކުރުބޭ
22 May 2019
އެއްމެ ސުވާލެއް. މުޅި ޤައުމުގައި ގަމާއި ކައްދޫވެސް ހިމެނޭ ގޮތަށް ތިބި ހުރިހާ ސިފައިން "ހައި އެލާޓް" އަށް ގެނައިތާ 3 ދުވަސް. އެވެސް މާލެގެ ޓްރެއިންގްތޯ؟
ޑޮކްޓާރ. ބަނާނާ
22 May 2019
ކަންކަން ވިސްނޭ މީހުން އެކަން ގަބޫލުކުރަނީ ނެރޭ ބަޔާނަކުން ނުވަތަ ބުނާ ބަހަކުންނޫން! މިހާރު ލޮލަށްފެންނަ މަންޒަރު ތަކާއި ކަންކަން ހިގާފައިވާ ގޮތް ވަރަށްރަގަޅަށް ސޯސަލް މީޑީއާއި ނޫސްތައްބަލާލުމުން ދޭހަވޭ! ތިއޮޕަރޭޝަނަކީ ދާއިމީގޮތެއްގައި މިގައުމުގައި ހިންގަންޖެހޭކަމެއް! ސީރިޔާއަށް އެންމެގިނަ މީހުންދާއެއްގައުމަކީ ދިވެހިރާއްޖެކަމަށްދުނިޔޭގަ މީޑިއާ އިންދޭހަވޭ! މިގައުމުގައި ތި ކަންމިއޮތީ ހައްދުފަހަނަޅާ ގޮސްފަ! 24 ގަޑިއިރު ތިއޮޕަރޭސަން ޖައްސާ!
ސައްކު
22 May 2019
އޮޕަރޭޝަން ބިސްމަޅި އަށް ރެޑީ ވަނީ.
އެނގޭތަ?
22 May 2019
ފަޅުރަށްރަށަށް ތުނބުޅިލީ މީހުން ގޮސް ކުރަނީ ޕިކްނިކެއް ނޫނެވެ.
ދުރާލާ
22 May 2019
ޢާންމުން ބިރުގެންފާނެތީ ކިޔާ އެއްޗިހި ތިޔައީ. ލަންކާއަށް ވުރެ ކުރިން ރާއްޖެއަށް ހަމަލާއެއް އަތުވެދާނެ ކަމުގެ އިންޓެލް މައުލޫމާތު ލިބިފައި އޮތީ. އަތޮޅުތަކުގެ ސުކޫލުތަކަށް ވެސް އެވެއަރ ޕްރޮގްރާމް ހިންގައިފި މުޅި ރާއްޖެ ކަވަރު ވެއްޖެ މިހާރު.
ޢެޑްމުންޑޯ
22 May 2019
ދެންކީއްވެބާ ޕެޓްރޯލް ޝެޑްތަކާއި ޓީވީ ސްޓޭޝަނއތަކާއި ހޮސްޕުޓަލް ، އިންޖީނުގެފަދަ ތަންތާގައި ހަތިޔާރާއި އެކު ފޯރިމަރަނީ
އަލިފް ހ
22 May 2019
އަޑެއް ކިއްޔާ ރެނދެއް ލާނެ! އހ
ޢަދާލާ އިސްމާޢީލް
22 May 2019
ކޮންކަމެއް ސިއްރުކުރާކަށް.ހުރިހާ ބާރެއް ފެށިގެން އަންނަނީ ރައްޔިޔުންގެ ކިބައިން.ރައްޔިތުންނަށް ނައަންގައި ކޮންހާ ހާސަރެއް ދަމާކަށްތަ.ގަޓު ހުރެގެން ނޫނީ ކަންކަމާ ހަވާލުވާނެ ކަމެއްނެތެވެ.ކޯޓުތަކުން ނުބަލާން ނިންމާފައިވާ މައްސަލަތައް އަލުންވައްދައި އެ މައްސަލަތައް ކެންސަލްކޮށް މީހުންނަށް މަޤާމުތައް ދިނީމަ ވާގޮތް މިފެންނަނީއެވެ.އެންމެ ފަހުން ގޯސް މިވަނީ ރައްޔިތުމީހާއެވެ.