ޚަބަރު / ރައީސް އިބްރާހިމް މުހައްމަދު ސޯލިހް

އޭޖީ ރިފްއަތަށް ރައީސްގެ ފުރިހަމަ އިތުބާރު އެބަ އޮތް: ސަރުކާރު

ރިފްއަތަށް ބަންޑާރަނައިބު ކަމުގެ ލިއުން ރައީސް އަރުވަނީ: އޭޖީ ނިންމުންތައް ނިންމަވަނީ ދައުލަތުގެ މަސްލަހަތަށް ކަމަށް އަލީ ޒާހިރު ވިދާޅުވި.

ފަޒީނާ އަހުމަދު، މިހާރު

23 މެއި 2019 - 17:32

18 comments

ދައުލަތުގެ ބަންޑާރަނައިބު، އިބްރާހިމް ރިފްއަތު ލަފާ ދެއްވަނީ ދައުލަތުގެ މަސްލަހަތަށް ކަމަށާއި އޭނާއާ ދޭތެރޭގައި ރައީސް އިބްރާހިމް މުހައްމަދު ސޯލިހްގެ ފުރިހަމަ އިތުބާރު އެބަ އޮތް ކަމަށް ރައީސް އޮފީހުގެ ޗީފް އޮފް ސްޓާފް، އަލީ ޒާހިރު މިއަދު ވިދާޅުވެއްޖެ އެވެ.

ކޯޓުތަކުން މި ފަހުން ނިންމި ގިނަ މައްސަލަތަކާއި އެ އޮފީހުން ނިންމި މައްސަލަތަކުގައި ވެސް އޭޖީ ލަފާ ދެއްވާފައި ވަނީ، ދައުލަތުގެ މަސްލަހަތަށް ބެއްލެވުމެއް ނެތި، ދައުލަތަށް ބުރަ ބޮޑުވާ ގޮތަށް ކަމަށް ބުނެ އޭނާ އަށް ވަނީ އިދިކޮޅުގެ ފާޑުކިއުން އަމާޒުވެފަ އެވެ. ބައެއް ނިންމެވުންތަކުގައި އަމިއްލަ މަސްލަހަތު އިސްކުރައްވާ ކަމުގެ ތުހުމަތު ވެސް ވަނީ ކޮށްފަ އެވެ.

އޭޖީގެ ފަރާތުން ބަސް ބުނަނީ ހުރިހާ މަރުހަލާތަކަކަށް ފަހު. އޭޖީ އެ ވިދާޅުވަނީ އެބޭފުޅާގެ އަމިއްލަފުޅު ވާހަކައެއް ނޫން. އެއީ މުޅި ސަރުކާރުގެ ބަސް. --އަލީ ޒާހިރު

އޭޖީ ދެއްވާ ލަފާތަކާ އެކު ރައްޔިތުންގެ ފައިސާ ބަހަމުންދާ ކަމަށް ކުރަމުންދާ ތުހުމަތާ ގުޅިގެން އަލީ ޒާހިރު "މިހާރު" އަށް ވިދާޅުވީ ދައުލަތުން ބަދަލު ދޭން ޖެހިފައިވާ މައްސަލަތަކުގައި، ބަންޑާރަނައިބާއި ސަރުކާރު ބަދުނާމުކޮށް ވާހަކަ ދައްކަނީ ކަމުގެ ހަގީގަތް ސާފުނުވާތީ ކަަމަށް ވުން އެކަށީގެންވާ ކަމަށެވެ. ކޯޓަށް ހުށަހަޅާ މައްސަލަތަކުގައި ބަދަލު ނަގައިދެނީ ކުރީގެ ސަރުކާރުތަކުން ގޯސްކޮށް، އުސޫލުން ބޭރުން އެއްބަސްވުންތައް އުވާލާފައިވުމުން ކަމަށް އަލީ ޒާހިރު ވިދާޅުވި އެވެ.

އޭނާ ވިދާޅުވި ގޮތުގައި ދައުލަތުން ބަދަލު ދޭން ޖެހޭ މައްސަލަތަކުގައި ގޮތް ނިންމަނީ އޭޖީ އެކަންޏެއް ނޫނެވެ.

"[ބަދަލު ނަގައިދިނުމާ ހަމައަށް ދަނީ] ވަރަށް ދިގު ޕްރޮސެސްއެއްގެ ތެރެއިން. އެކި ފަރާތްތަކުން ގެއްލުމުގެ ބަދަލު ހޯދަން، ޚާއްސަކޮށް ވިޔަފާރިތައް ފުނޑުފުނޑުކޮށްލާ ކަމަށް ބުނެ މައްސަލަތައް ހުށަހެޅުމުން، އެއީ އެކަކު ދެ މީހަކު ނިންމާ މައްސަލަތަކެއް ނޫން،" އަލީ ޒާހިރު ވިދާޅުވި އެވެ.

އެ މައްސަލަތައް ނިންމަނީ، އޭނާ ވިދާޅުވި ގޮތުގައި، އެ ކަމާ ގުޅޭ ގޮތުން މިނިސްޓީރިއަލް ލެވެލްގެ ކޮމިޓީތަކެއްގައި ވެސް މަޝްވަރާކޮށް، އެކަންކަން ބަލައި، ވަރަށް ދިގު މަރުހަލާއެއް ކަޑައްތު ކުރުމަށް ފަހު އެވެ.

"އޭޖީގެ ފަރާތުން ބަސް ބުނަނީ މި ހުރިހާ މަރުހަލާތަކަކަށް ފަހު. އޭޖީ އެ ވިދާޅުވަނީ އެބޭފުޅާގެ އަމިއްލަފުޅު ވާހަކައެއް ނޫން. އެއީ މުޅި ސަރުކާރުގެ ބަސް. އޭޖީއާ މެދުގައި ސަރުކާރަށް ފުރިހަމަ އިތުބާރު އެބަ އޮތް،" އަލީ ޒާހިރު ވިދާޅުވި އެވެ.

އޭނާ ވިދާޅުވި ގޮތުގައި އޭޖީ ލަފާ ދެއްވަނީ ދައުލަތުގެ މަސްލަހަތު އިސްކުރައްވަ އެވެ.

ރައީސް އޮފީސް ރައީސް އިބްރާހިމް މުހައްމަދު ސޯލިހް އެޓާނީ ޖެނެރަލް އެޓާނީ ޖެނެރަލްގެ އޮފީސް އަލީ ޒާހިރު، ޗީފް އޮފް ސްޓާފް (ރައީސް އޮފީސް) އިބްރާހިމް ރިފްއަތު، އެޓާނީ ޖެނެރަލް

18 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިކް

24 May 2019

ތިޔަކަހަލަ އިތުބާރެއް އޭރުގެ ލީގަލް އެޑްވައިސްދޭން ތިބި މީހުންނަށް ބާއްވައިގެން އެމްޑީޕީގެ ކުރީ ވެރިކަމުގަ ގޮތްދޫނުކުރަން ގާޒީއެއް ދޫނުކޮށް ތިބެ އެއީ ހަމަ އެންމެ ރަގަޅުގޮތް ކަމަށް ގަބޫލުކޮށްގެން ތިބީމަ ވެރިކަންވެސް ވެއްޓުނީ. އޭޖީ ބަދަލުކޮށް ރައްޔިތުންގެ އިތުބާރު ހޯދައިގެން ކަންކަން ހައްލުކޮށްލެވޭތޯ ބަލައިފިއްޔާ އެމްޑީޕީގެ ނަމަށް ހުތުރުވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ސޯޅަ

24 May 2019

ބ‫ިގަށް 70 މިލިޔަން ދޭން ދަށުކޯޓުން ހުކުން ކުރީމާ އޭޖީ އިސްތިއުނާފަށް ނުދޭ. ދީބާޖާ އަށް 348 މިލިޔަން ދޭން ދަށުކޯޓުން ކުރި ހުކުން އިސްތިއުނާފު ސުޕްރީމް ކޯޓާ ހިސާބަށް. މިހެން ވީމާ ރައްޔިތުން އިތުބާރެއް ނުކުރާނެ. ރައީސު ހުރޭ އިތުބާރުކޮށް ކޮށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބޭ

24 May 2019

ރާއްޖޭގެ ތަރީޚް ބުނާ ގޮތުން ވެރިކަމުގަ ހުންނަވާ ބޭފުޅަކު ފުރިހަމަ އިތުބާރު ކުރައްވާ ކަމަށް ވިދާޅުވުމުން އަނެއް ބެފުޅާގެ މަޤާމު ގެއްލޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާހަލްދީބް

24 May 2019

ޖީއެމްއާރ މޯލްޑިވްސްގަ ދިވެހިޕާޓްނަރަކީކާކުތޯ، މިނިސްޓީރިއަލްކޮމިޓީގަވެސް ބޯގަންވިލާ ކުއްޖަކު ހުރޭތޯ، ރިފްއަތާ އަބްދުއްﷲ ޝާހިދުވެސްތޯ. ކުރީގެ ބަންޑާރަ ނައިބުގެ ސްޓޭންޑް ބަދަލުކޮށް އެތައްމިލިއަން ރުފިޔާއެއް މާފްކުރަން ނިންމެވީ ގާނޫނީގޮތުން އޮތް ކޮން ބާރެއްގެ ދަށުންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިތުބާރު

24 May 2019

ތިގޮތަށް ފުރިހަމަ އިތުބާރު އޮތް ޔާނުގެ ފަރާތުން ބްރޯއަށްވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޑިއާރާއްޖެ

24 May 2019

ޖީއެމްއާރުން ދިވެހި ދައުލަތަށް ދަންކަންޖެހޭ ފައިސާ ދައްކަން ނުޖެހޭނެކަމަށް އެޖީ ނިންމުމުން ދިވެހިރަތްއިތުން ނުހަނު ލޯބިވާ އިއްޒަތްތެރި ރައީސުލްޖުމްހޫރިއްޔާ އެކަމަށް ތާއީދު ކުރެއްވީއެވެ. މީ އެތަށްރަށެއްގެ އަސާސީ ޙިދުމަތްތަކެއް ގާއިމުކުރެވޭނެ ފައިސާކަމަށް ވިޔަސް އަވަށްޓެރިންގެ އިހްސާސްތައް ދެނެގަނެ އެފައިސާ ހަދިޔާކުރައްވާ މުޅިދުނިޔެއަށް ނަމޫނާ ދައްކަވާ ދިވެހިން ފަޙްރުވެރިކޮށްދެއްވާފިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭބަލިމިތުރު

24 May 2019

އަހަރެންނައް އަންނި ބުނާއެއްޗެއްނޫނީ އަޑެއްނީވޭ، އަހަރެންގެ ހަތަރުފަރާތުގައި ވަނީ އަންނި. އަންނި ދުވާލަކީ ރޭގަނޑޭ ބުނެފިނަމަވެސް އަހަރެންބުނަންޖެހޭނީ އާދޭހޭ ތިޔަވިދާޅުވީ ތެދުފުޅެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާރ1

23 May 2019

ޢަލީ ޒާހިރޫ. ދައުލަތުގެ މަސްލަހަތަކީ ޖީއެމްއާރުގެ މަސްލަހަތުތޯ؟.ދައުލަތައް ދައްކަންޖެހޭ ޓެކްސްފައިސާ ޖީއެމްއާރުން ދައްކަން ނުޖެހެންޏާ ކީއްވެތޯ ދިވެހި ކުދިކުދި ކުންފުނިތަކުން ގަދަކަމުން ފައިސާ ނަގަނީ. ބަލަ ޖީއެމްއާރުން ދައްކަން ޖެހިފައޮތީ އެމީހުން ހިންގި ވިޔަފާރީގެ ޓެކުހެއްނޫންތޯ؟ އަދި ފައިދާގޮތުގަ ހޯދި ބަދަލުގެ ޓެކުހެއް ނޫންތޯ.