އޭޖީ ރިއްފަތު، ކޮންސަލްޓަންޓާ ބައްދަލު ކުރެއްވުން--
27 މެއި 2019 - 20:43
24 comments
ރާއްޖޭގެ ޝަރުއީ ދާއިރާ އިސްލާހު ކުރުމަށް ސަރުކާރުން ކުރަމުން އަންނަ މަސައްކަތްތަކަށް އެއްބާރުލުން ދިނުމަށް ސައުތު އެފްރިކާގެ ރިޓަޔާޑް ޖަސްޓިސް، ޔޮހާން ކްރީގްލާ ރާއްޖެ ވަޑައިގެންފި އެވެ.
އެޓާނީ ޖެނެރަލް އޮފީހުން ނެރުނު ބަޔާނެއްގައި ބުނެފައިވަނީ އެ ފަނޑިޔާރު ރާއްޖެ ގެނެސްފައި ވަނީ ޔޫއެންޑީޕީގެ އެހީތެރިކަމާ އެކުގައި ޝަރުއީ ދާއިރާގެ ފުރިހަމަ ދިރާސާއެއް ހެދުމަށް ކަމަށެވެ.
ޔޮހާން އަކީ ސައުތު އެފްރިކާގެ ޝަރުއީ ދާއިރާގައި 25 އަހަރަށް ވުރެ ގިނަ ދުވަހު މަސައްކަތް ކުރައްވާފައިވާ ބޭފުޅެކެވެ. އެގޮތުން އޭނާ ވަނީ ކޮންސްޓިޓިއުޝަނަލް ކޯޓު 1994 ގައި އުފެއްދީއްސުރެ 2002 އާ ހަމައަށް އެ ކޯޓުގެ ފަނޑިޔާރުކަން ކުރައްވާފަ އެވެ. މިހާރު އޭނާ މަސައްކަތް ކުރައްވަމުން ގެންދަވަނީ ޝަރުއީ ދާއިރާއާ ގުޅޭ އެކިއެކި ބައިނަލްއަގުވާމީ ޕްރޮގުރާމުތަކުގަ އެވެ.
މިދިޔަ އާދިއްތަ ދުވަހުން ފެށިގެން އަންނަ އާދިއްތަ ދުވަހާ ހަމައަށް ޔޮހާން ރާއްޖޭގައި މަސައްކަތް ކުރައްވާނެ ކަމަށް ބަޔާނުގައި ބުނެފައިވެ އެވެ. އެގޮތުން މިނިވަން މުއައްސަސާތަކާއި މަދަނީ ޖަމިއްޔާތަކުގެ އިތުރުން ގާނޫނީ ދާއިރާގެ ތަޖުރިބާކާރުންނާ އޭނާ ބައްދަލު ކުރެއްވުމަށް ނިންމާފައިވާ ކަމަށް ބަޔާނުގައި ބުނެފައިވެ އެވެ.
އޭޖީގެ ބަޔާނުގައި ބުނެފައިވަނީ ޝަރުއީ ދާއިރާ އިސްލާހު ކުރުމުގެ މަސައްކަތުގެ ތެރޭގައި ގާނޫނުތަކުގައި ހުރި މައްސަލަތަކާއި އެކަންކަން ތަންފީޒު ކުރަން ދިމާވެފައިވާ ދަތިތަކާއި ގޮންޖެހުންތައް ދިރާސާ ކުރުން ހިމެނޭ ކަމަށެވެ. އަދި މިހާރު ޝަރުއީ ދާއިރާގެ އޮނިގަނޑު އޮތްގޮތާއި އެކި މުއައްސަސާތައް އެކުލަވާލާފައިވާގޮތް މުރާޖާ ކުރުން ހިމެނޭ ކަމަށް ބުނެފައިވެ އެވެ. އޭގެ އިތުރުން ފަނޑިޔާރުން އައްޔަން ކުރުމާއި ސުލޫކީ މައްސަލަ ބަލައި ފިޔަވަޅު އަޅާ އުސޫލު މުރާޖާ ކުރުމަށް ވަނީ ނިންމާފަ އެވެ.
އެކަންކަމަށް ބަލައި ދިރާސާކޮށް ހަދާ ރިޕޯޓް އޮގަސްޓް މަހުގެ 29 ވަނަ ދުވަހުގެ ނިޔަލަށް އޭޖީ އޮފީހާ ހަވާލު ކުރަން ވަނީ ނިންމާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްالله
28 May 2019
ތި ކަމެއް ނުވާނެ ދީނެއްގެ ސަރިއްޔަތް އޮންނަހާ ހިނދަކު.
ހާދަރު
28 May 2019
ދިރާސާތަކުން ކުރަނީ ކީއް؟ ސިއްހީ ދާއިރާގެ ކަންކަން ބެލުމަށް ގެނައި ނަޝީދުގެ ވެރިކަމުގަ ބޭރު މީހުން. އެމީހުންގެ ދިރާސާއިން ދެއްކީ މިރާއްޖޭގެ ސިއްހީ ނިޒާމުގެ މެޖޯރިޓީ މުވައްޒަފުންނަކީ މެދު އުމުރުގެ އަންހެނުން ކަމަށް. އަދި ޕޭޝެންޓް ކެއާ އޭރިއާތަކުގަ ގޮތްނިންމަން ތިބީ އެމީހުން ކަމަށް. ނިޒާމް ހަލުވި ކުރުމަށް އެމީހުން ރިޕްލޭސް ކުރެވެން ޖެހޭކަމަށް. އެކަން އެންމެނަށްވެސް އިނގޭ. ކޮބާ ކުރެވޭ ކަމަކީ. ޕެކޭޖެއް ދީފަ ރިޓައަރ ކުރުވަބަލަ.
ޙސހސހ
28 May 2019
އިސްލާމް ގައުމެއްގެ ޝަރުޢީ ދާއިރާ އިސްލާޙް ކުރަން ޔަހޫދީ އަކު ގެނައިމަ ދެން މިމީހުން ކުރަން މިއުޅެނީ ކޮންކަމެއްކަން ވަރަށް ސާފް.
އާދަން ކޮއި
28 May 2019
"އޭޖީގެ ބަޔާނުގައި ބުނެފައިވަނީ ޝަރުއީ ދާއިރާ އިސްލާހު ކުރުމުގެ މަސައްކަތުގެ ތެރޭގައި ގާނޫނުތަކުގައި ހުރި މައްސަލަތަކާއި އެކަންކަން ތަންފީޒު ކުރަން ދިމާވެފައިވާ ދަތިތަކާއި ގޮންޖެހުންތައް ދިރާސާ ކުރުން ހިމެނޭ ކަމަށެވެ.އެކަންކަމަށް ބަލައި ދިރާސާކޮށް ހަދާ ރިޕޯޓް އޮގަސްޓް މަހުގެ 29 ވަނަ ދުވަހުގެ ނިޔަލަށް އޭޖީ އޮފީހާ ހަވާލު ކުރަން ވަނީ ނިންމާފަ އެވެ" ހުރިހާ ޤާނޫނުތަކެއް ބަލަންޏާ ހާދަ ވަގުތެކޭ އިނގޭ.ވާނެބާ؟
ބޮޑުމީހާ
28 May 2019
ޝަރުއީދާއިރާގެހުރި މައްސަލަތައް މިހުރީ 1. ކިޔަވައިގެން ތިބި، ކޮރަޕްޓްނޫން ފަޑިޔާރުންނެތުން 2. ޝަރީއަތްތައް ދިގުލައިގެން ދިއުން 3. މިއަދު ނިންމާ ނިންމުމާއި މާދަމާ ނިންމާ ނިންމުން ދިމާނުވުން 4. އަމިއްލައަށް މައްސަލަތަކުގެ ތެރެއަށްވަނުން 5. އުމުރުދުވަހަށް ފަޑިޔާރުންނަށް ވަޒީފާގައި ދާއިމްވުން މިކަންތައްތައްނޭގެ މީހަކުނެތް. ސައުތްއެފްރިކާ މީހާވެސް ބުނާނީ މިކަންތައްތައް ރަގަޅުކުރާށެ. އިޚްލާސްތެރިކަމާއިއެކު ރަގަޅުކުރަން، އަމަލާއި ބަހުންދައްކަންވީ
އިސްމާލި
28 May 2019
ޝަރުއީ ދާއިރާ އިސްލާހު ކުރުމުގެ ތެރޭގައި އޭޖީ އިސްލާހުކުރުން ހިމެނޭތޯ؟ އޭޖީއަށް ކިޔަވައިދިނުން ރަނގަޅު މަސްލަހަތު ފުށުއެރުމަކީ ކޮން އެއްްޗެއްކަން. މިހާރު ހުރި އޭޖީއަށް އެކަން އެނގޭހެނެއް ހިއެއް ނުވޭ
މުސްލިހު
28 May 2019
މިބައިމީހުން ހިތާހިތުގެ ގުޅުން ނެތީ ހަމައެކަނި އިސްލާމީ ޝަރީޢަތާއި އެޝަރީޢަތަށް ފުރިހަމަ މާނައިގައި އަކުރުން އަކުރުން ފިލިން ފިއްޔަށް ޢަމަލުކުރާ މުސްލިމުންނާ ނުވަތަ އެގޮތާއި އެންމެ ގާތް ބަޔަކާ.
ޒަރީރު
28 May 2019
ތިޔަ ބުނާ ބަޔަކީ ސައުދީ ތަ؟
އަބްދުއްالله
28 May 2019
ފިލިން ފިއްޔަށް ތި ކަން ކުރަން ވެއްޖެ ނަމަ ބޯ ކެނޑުމާ އޮށްގަލުން ތެޅުންވެސް ހިމަނަން ދޯ.
މުސްލިހު
28 May 2019
މި އިސްލާމީ ގައުމުގެ ފަނޑިޔާރުގެ އިސްލާހުކުރާ ދިރާސާ ހަދަން މުޅި ދުނިޔެ ފީނައިގެންވެސް އެކަމަށް ކުފޫ ހަމަވާ މުސްލިމަކު ހަމަ ފެންނަ ކަމަކަށް ނުވި ދޯ؟ ގައިމު އިސްލާމީ ޝަރީޢާ ފުރިހަމައަށް ދަންނަ އިތުބާރު ހުރި ރިޓަޔަރޑް ފަނޑިޔާރުން ދުނިޔޭގެ މަދެއް ނުވާނެ. އެހެނުން އެބަޔަކަށް ރަނގަޅުވާނީ ހަމަ ހިތާހިތުގެ ގުޅުން އޮންނަ މީހުން އެކަނިތާ ދޯ؟ 1/2
އުދުހޭ
28 May 2019
5 ފަންޑިޔާރުން ކުރި ހުކުމެއް އޭގެތެރެއިން 2 ފަނޑިޔާރުން ހައްޔަރުކުރުމުން ބާކީތިބި ފަނޑިޔާރުން ބަދަލުކުރި ވާހަކަ ޔޮހާނަށް ކިޔައިދޭންވާނީ ޑޮކްޓަރަކު ކައިރި ބަހައްޓާފަ! ހެއަށް ގޮތެއް ވެދާނެ!
ހަލުވިލާ
28 May 2019
ފުރިހަމަނަން ލިޔެލި ނަމަ؟ ތިސޮރަށް ކިޔަނީ ޔޯހާން ކްރިސްޓިއަން ކްރީގްލާރ. ކްރިސްޓިއަން އިންސްޓިޓުއުޓް އޮފް ސައުތް އެފްރިކާ ގައި ވަރަށް ހާއްސަ މަސަތްކަތް ކުރެއްވި ދީން ވެރިއެއް އޭނާޔަކީ. ޖަޖަކަށްވުމަކީ މާބުރަކަމަކަށް ވުމުން އެބޭފުޅާ އިސްތިއުފާދީފައި ދުރުވީ ގެއަށް.