ކަރެކްޝަނަލް ސާވިސް އިން ބޭއްވި ރަސްމިއްޔާތެއްގައި މިނިސްޓަރު އިމްރާނާއި ހޯމް މިނިސްޓްރީގެ ބައެއް އިސްވެރިން އަދި ކަރެކްޝަނަލް ސާވިސްގެ ބައެއް ވެރިން.---ފޮޓޯ: މިހާރު
07 ޖޫން 2019 - 13:49
23 comments
ގާނޫނުގެ ދަށުން ރައީސް އިބްރާހިމް މުހައްމަދު ސޯލިހް ގައިދީންތަކަކަށް މާފު ދެއްވިއިރު، އޭގެ ތެރެއިން މާފު ނުދެއްވާ ގައިދީއަކު ޖަލުން ދޫކުރި މައްސަލަ ތަހުގީގު ކުރުމަށް ހޯމް މިނިސްޓަރު އިމްރާން އަބްދުﷲ ފުލުހުންނަށް އަންގަވައިފި އެވެ.
އެ މިނިސްޓްރީން މިއަދު ބުނީ މާފު ދިނުމާއި އަދަބު ލުއިކޮށްދިނުމުގެ ގާނޫނުގެ ދަށުން ރައީސް މާފު ދެއްވި ގައިދީންގެ ލިސްޓުގައި ނުހިމެނޭ މީހަކު ދޫކުރިކަން ހޯމް މިނިސްޓަރު އިމްރާނަށް އެނގިވަޑައިގަތުމުން އެކަން ބައްލަވާފައިވާ ކަމަށެވެ.
އެހެންވެ، އެކަން ހިނގައިދިޔަ ގޮތް އިތުރަށް ބަލައި، ދިރާސާ ކުރުމަށް ފަހު އިދާރީ ފިޔަވަޅު އެޅުމަށް މޯލްޑިވްސް ކަރެކްޝަނަލް ސާވިސް އަށް މިނިސްޓަރު އިމްރާން އަންގަވާފައިވާ ކަމަށް ހޯމް މިނިސްޓްރީން ބުންޏެވެ. އަދި އެ މައްސަލައިގެ ތަހުގީގު ހިންގަން ފުލުހުންނަށް ވެސް މިނިސްޓަރު އިމްރާން އަންގަވާފައިވާ ކަމަށް އެ މިނިސްޓްރީން ބުނެ އެވެ.
އުސޫލުތަކުގެ ބޭރުން ދޫކުރި ގައިދީ މިހާރު ހުރީ ތަހުގީގަށް ބަންދުކޮށްފައި ކަމަށް ހޯމް މިނިސްޓްރީން ބުންޏެވެ.
"މިހާރު" އަށް އެނގިފައިވާ ގޮތުގައި ގައިދީ ދޫކުރި މައްސަލައިގައި، ކަރެކްޝަނަލް ސާވިސްގެ އޮފެންޑާ މެނޭޖްމަންޓް ޑިޕާޓްމަންޓުގައި މަސައްކަތް ކުރަމުން އައި ސްޓާފް ސާޖެންޓަކު މިދިޔަ މަހުގެ 23 ގައި ވަނީ ސަސްޕެންޑު ކޮށްފަ އެވެ. އޭނާ އަކީ ކުށްވެރިން ދޫކުރަން ޗިޓް ހަދާ މީހާ އެވެ.
އެނގިފައިވާ ގޮތުގައި، މިނިވަން ކުރަން ނުޖެހޭ ގައިދީ ދޫކުރުމުގެ ޗިޓް ހެދީ އެ އޮފިސަރެވެ. އެ ޗިޓުގައި، އެ ޑިޕާޓްމަންޓުގެ ވެރިޔާ އާއި ކޮމިޝަނާ އޮފް ޕްރިޒަންސް ސޮއިކުރެއްވުމަށް ފަހު އެ ކުށްވެރިޔާ މިނިވަން ވެސް ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޫވެހި
08 June 2019
އެއީ މިނިވަންވީ މީގެންނޫން މަކަރާއި ހީލަތާއި އޮޅުވާލުމުގެ ކުށުގެ ޖިނާއީ ތަޙްގީގެއް އެ ހުރިހާއެއްމެންގެ މައްޗަށް ހިތްގަޑްޖެހޭ އޮތަ.
ޒިންމާދާރު
08 June 2019
މޭމަތީގައި ކުލަބަރިޖަހާފަ ތިމާއަށް އެކަށީގެންނުވާ ވަރަށް ރޭންކް ދިނީމާ ވާނެ ހައެތި ތިވަނީ، ސޮއިކުރި މީހުންވެސް ޒިންމާކުރުވަންޖެހޭ، ހައެކަނި ޗިޓު ހެދިމީހާ އެއް ނޫން ސަސްޕެންޑް ކޮށްލަންވީ، މުނާޒު ވެސް ޒިންމާ ނަގަންޖެހޭ.
ދާދޭ
08 June 2019
ތިގޮތަށް އޮފިސަރަށް ކަންތައް ކުރުމުގެ ފުރުޞަތު ލިބުނީ އެއަށްވުރެ މަތީ މީހުންނަށްގެ އަތުގައި މާފުދިން މީހުންގެ ލިސްޓް ނެތުމުން ނުވަތަ އެއަށް ބަލޅުމެއްނެތި ގެނައި ހުރިހާ އެއްޗެއްގައި ސޮއިކުރީމާ. ތިކަމެއް ތީނާ ކިތަންމެ ފަހަރަކު ކޮށްފައިވުމާ ބޮޑަށް ވައްތަރީ. އޭނާއަށް އެނގޭނެ ވެރިން ބަލާނުލާ ސޮއިކުރާނެކަން ދައްކާ ކޮންމެ އެއްޗެއްގައި. ތިބާވަތުގެ ތަންތަނަކީ އެތައް ލޭޔަރަކުން ޗެކްކުރެވޭގޮތަށް ބައްޓަންކުރެވެންޖެހޭތަންތަން.
ތޮލާލު
08 June 2019
އޭނާޔަކީ ހެދުނު 8 ދައަންވަރު 2ކައަ މަސަތްކަތް ކުރަން އޮފީހުގަ އިންނަމީހެން ކެއްނުވާނަރަށް މަސަތްކަތް އެޅީމަ ވެދާނެދޯ މިވަރުކަމެއް... ދެރައީ އޭނަޔަށް ހެދުނު ގޯސް ރަގަޅުކޮއްލަށް ޑަބަލްޗެކް ކޮހލާނެ މީހަކުވެސް މިތާނެތީމަ ތިބީހުސް ސޮއިކުރާމީހުން...ޖަރީމާހުސް ކަމެއް ގޯސްވީމަ މަތިއަޅަން ދަށައްތިބޭ އޮފިސަރުން ކަޑާބޭރުކުރަނީ...
ޑރ.ފަޒުނާ/ހިތަދޫ/ސ.އެފުރިކާ
08 June 2019
މިވަގުތުފުރާނަ ހުރި އެއްމެހައި ޖީލުތައް ނެތިދިއުމުންތޯ ތިޔަގައުމު އޮޅުންބޮޅުންތަކުން ސަލާމަތްވެ ގައުމެއްގެ ގޮތުގައި ހިނގައިގަންނާނީ... ލަފާކުރވޭގޮތުގައި އަދި 100 އަހަރަށް ތުރެން ގިނަދުވަސް ނަގާނެ.. ދާދި އިހަކަށް ދުވަހު ދައުލަތުން އެތަކެއްމިލިއަނުން ޚަރަދުކޮށް އަދި އެތަނަކުން ސިމެންތި ވަސްވެސް ނުކެނޑޭހާ އައު ބުރިޖެއް އެއޮތް ފުނޑާލީ.. ބައެއްފަހަރު ހިތަށް އަރާ އިންސާނުންބާވައޭ ނުވަތަ އެހެން އެއްޗެއް އުޅެމުން އަންނަ ގައުމެއްބާވައޭ.ޑުރަގުސުޓޭޓެއްކަމު
ޑީސީ
08 June 2019
މިނިސްޓަރޫ ނުގަވާއިދުން މިރާއްޖޭގަ މިއުޅޭ 250000 ބިދޭސީން އެމީހުންގެ ގައުމަށް ފޮނުވާލަބަލަ ފުރަތަމަ
ދާދޭ
08 June 2019
އެއީޓޫރިސްޓުންނޭ. އެމެރިކާއާ މެކްސިކޯ ބޯޑަރ ފަދަ ބޮޑު ބޯޑަރެއް ރާއްޖެއާ ބަންގާޅާދެމެދު އޮންނައިރު ކިހިނެއް އެމީހުން އެތެރެވުން ހުއްޓުވޭނީ. އިމިގްރޭޝަނުގެ ވެރިންގެ ޖީބަށް ވަންނަ ފައިސާގަނޑު މަދުވެދާނެދޯ ފޮނުވާލައިފިއްޔާ.
ބޮޑުމީހާ
07 June 2019
ނުގަވާއިދުން މީހުންދޫވޭތަ؟ ކިތައް ފޯމް ފުރަންޖެހޭނެ، ކިތައް މީހުންގެ ސޮއި ބޭނުންވާނެ....ކޮންމެ ކަމެއްވެސް ކޮށްނިންމާފަ އިހުމާލޭ، ގަވާއިދޭ ކިޔާނެކަމެއްނެތް....ތިޖަހާ ހުރިހާ ސަކަރާތެއް މިހާރު ދިވެހިންނަށް ދަސްވެއްޖެ
ޞާބަސް
07 June 2019
ޒިންމާ ނަގަން އެންމެ ފަޖުން މިޖެހުނީ ޗިޓު ހެދި މީހާ. ސޮއިކުރި ޒިންމާދާރު ވެރިންގެ އެއްވެސް ޒިންމާ އެއް ނެތް. ބޮދު އެތި ކުޑަ އެތި ކާލާ އުސޫލު.
ކޮރަލް
07 June 2019
ރައީސް މައާފް ދިނީ.ކިހާވަރެއްކުއްވެރިން ނަކަށްކަން ރައްޔިތުން އެނގެން ބޭނުމެވެ. ނޫސްވެރީ ބަލާލަ ބަލާށެވެ.
ދާދޭ
08 June 2019
ނޫސްވެރިންނަކީވެސް އެވައްތަރުގެ ބަޔެއް. އާރުލާ މައުލޫމާތެއް ނުހޯދޭނެ. ފާމުދިން މީހުންނާއި އެމީހުން ކޮށްފައިވާ ކުށުގެބާވަތާއި ހުކުމުގެ މުއްދަތާއި ހުކުމް ތަންފީޒު ކުރުމަށް ހޭދަވި މުއްދަތު ފަދަ މަޢުލޫމާތު ދިނީމާދޯ އިނގޭނީ. އީރާނުގައި އެއޮންނަފަދަ މާފުދިނުމުގެ ނިޒާމެއް ގާއިމް ކުރަންފެނޭ. ވަރަށްގިނައިން މާފުދެވޭ އަދި ހަރުދަނާ ނިޒާމެއް އެއީ.
ހަސަނު
07 June 2019
ލިސްޓެއްގައި ވާ އެންމެންގެ ނަމުގާ ހަދާފަ ހުރި ޗިޓުތަކުގާ ތަނުގެ ވެރިން ސޮއިކުރާއިރު ކޮންމެސް ވަރަކަށް ބަލަން ޖެހޭ.. ކުޑަމިނުން މީހުން ގެ އަދަދާ ސޮއެކުރި ޗިޓުތަކުގެ އަދަދު ދިމާވޭތޯ ބާލާލަން ޖެޙޭނެ....
ހަކީމް
07 June 2019
މުޅި ގައުމު ފަސާދަ ވެފަ ... ހައްޤު އަދަބު ނުލިބޭތީ ވާގޮތް.