ރައްޔިތުންގެ މަޖިލިހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. --- ފޮޓޯ: މަޖިލިސް
11 ޖޫން 2019 - 11:06
5 comments
ގެސްޓްހައުސް ވިޔަފާރިވެރިންނަށް ސަރުކާރުން ސޮވެރިން ގެރެންޓީއެއް ދިނުމަށް ގޮވާލައި ކާށިދޫ ދާއިރާގެ މެމްބަރު އަބްދުﷲ ޖާބިރު ރައްޔިތުންގެ މަޖިލިހަށް ގަރާރެއް ހުށަހަޅުއްވައިފި އެވެ.
މަޖިލިހުގެ މިއަދުގެ ޖަލްސާގައި ފުރަތަމަ ކިޔުން އިއްވި ގަރާރުގައި ވަނީ ގެސްޓްހައުސް ވިޔަފާރި ހިމެނޭ ގޮތަށް ޓޫރިޒަމްގެ ސިނާއަތް ބޭރުގެ އިންވެސްޓަރުންގެ ކޮންޓްރޯލްގެ ދަށަށް ގޮސްފައިވާ ކަމަށެވެ. ގެސްޓްހައުސްގެ ވިޔަފާރިން ދިވެހިންނަށް ލިބޭ މަންފާ ކުޑަވެ، ގެސްޓްހައުސްގެ މުޅި ވިޔަފާރި ބޭރުގެ އިންވެސްޓަރުންގެ ކޮންޓްރޯލްގެ ދަށަށް ހިނގައިދާނެ ކަމުގެ ބިރު ހީވެފައިވާ ކަމަށް ގަރާރުގައިވެ އެވެ.
ގަރާރުގައިވާ ގޮތުން މިކަން މިގޮތަށް ވަނީ ބޭންކުތަކުން އެ ސިނާއަތް ތަރައްގީ ކުރުމަށް އެކަށީގެންވާ ފައިނޭންސް ފޯރުކޮށް ނުދެވުމާއި، ބޭންކްތަކުން ލިބެން ހުރި މަދު ފައިނޭންޝަލް ވަސީލަތްތަކަށް ވާސިލްވުމަށް އާންމު ގެސްޓްހައުސް ވިޔަފާރިވެރިޔާ އަށް ހުރަސްތައް ކުރިމަތި ކުރުވާފައިވުމެވެ.
ސަރުކާރުގެ ގެސްޓްހައުސް ސިޔާސަތުގެ ދަށުން ކުދި އަދި މެދުފަންތީގެ ވިޔަފާރިތަކަށް ލޯން ދޫކުރުމަށް އެކަށީގެންވާ ހަރުދަނާ ނިޒާމެއް އަދި ގެސްޓްހައުސް ތަރައްގީ ކުރުމަށް ބޭނުންވާ އިންވެސްޓްމަންޓަށް ފަސޭހަ އިން ވާސިލްވެވޭނެ އުސޫލެއް ތަންފީޒު ކުރަމުން ނުގެންދާ ކަމަށް ވެސް ގަރާރުގައިވެ އެވެ.
އެހެންވެ މިއީ ރާއްޖޭގެ ގެސްޓްހައުސްގެ ވިޔަފާރި ބޭރުގެ މީހުންގެ ކޮންޓްރޯލްގެ ދަށަށް ދިޔަ ނުދިނުމަށް ދިވެހި ދައުލަތުން ސޮވެރިން ގެރެންޓީއެއް ދީގެން ނަމަވެސް ގެސްޓްހައުސް އިންވެސްޓަރުންނަށް ފަސޭހަ އިން ފައިސާ ލިބޭނެ އިންތިޒާމުތަކެއް މިހާރުން މިހާރަށް ހަމަޖައްސައި އެ މަގުން އަމަލު ކުރުމަށް ދައުލަތުގެ މައްޗަށް ލާޒިމް ކުރަން ބާރު އެޅުމުގެ ގޮތުން މަޖިލިހަށް ހުށަހެޅުއްވީ ކަމަށް ޖާބިރުގެ ގަރާރުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
11 June 2019
މަތިވެރީގަ ހުންނަ ކާސާމިއާ އަކީ ޖާބިރުގެ މަސްހަލަތުއޮތް ތަނެއް.
ޝެލަރީ
11 June 2019
ބަރާބަރު ވާހަކައެއްމީ ވަރަށް ރަނގަޅު ޤާރާރެއްމީ
ރުޅި
11 June 2019
މީނާ ބޭނުންވަނީ މީނާގެ ވިޔަފާރި ދައުލަތުގެ ފައިސާގައި ކުރިއަރުވަން. މީނާ މުއްސަދިވީވެސް އެގޮތަށް. ބަލަ ޖާބިރު މަޖިލީހަށް ހޮވުނީ ކާށިދުއާއި ގާފަރާ މާލެއާ ދޭތެރޭ ކޭބަލްކާރ ގެ ޚިދުމަތްދިނުމާއި މާލޭ މީހުން ދާވަރުގެ ހޮސްޕިޓަލް ކާށިދޫގައި އަޅައިދޭނެކަމަށް ވައުދުވެގެން. އެކަމަކު އެކަންނުކޮށް މިހާރު މިފެންނަނީ ވެރިކަމުގެ ނިޒާމް ބަދަލުކުރުމާއި، އަންބޮޑި ބޮޑުކުރަން ޑިމާންޑްކުރާތަން. ވައުދު އުވާލީ
ވިގަނި
11 June 2019
ގެސްޓްހައުސް ހިންގާމީހާ މަޖިލީހަށްވަދެ މިބުނަނީ ތިމަންނައަށް ސޮވެރެން ގެރެންޓީދޭށޭ. ކޭބަލްކާރޭ ކިޔާ ރައްޔިތުންކުރިމަތީގަ ކާޓޫނު ހެދިހެދިފަ މިހިރީ ކުރާ ކަންތައް.
Dhaadhey
11 June 2019
ޖާބިރު ތިބުނީ ރަނގަޅުވާހަކައެއް. ދާކަށްނެތް ހިނގައެއްޖެ. ސަބަބަކީ އެފަދަ ކަންކަމަށް ރާއްޖެތެރޭގެ ރަށްރަށުން ތަންތަން ހަދަން މާލީ އެއްވެސް ނިޒާމަކުން ފައިސާ ނުލިބޭތީ.