"ސޫރިޔާވަންޝީ" ގެ ތާރީހު ބަދަލު ކުރުމުން އަކްޝޭ ކުމާރުގެ ފޭނުން ރުޅިގަދަވެއްޖެ

"ސޫރިޔާވަންޝީ" ގެ ޕޯސްޓަރެއް.

އަހުމަދު އަދްޝަން، މިހާރު

17 ޖޫން 2019 - 07:31

ސަލްމާން ހާންގެ ފިލްމު "އިންޝާﷲ" އަށް ވުރެ މާ ކުރިން އަކްޝޭ ކުމާރުގެ "ސޫރިޔާވަންޝީ" އަންނަ އަހަރުގެ ފިތުރު އީދުގައި ރިލީޒްކުރަން ނިންމާފައި ވަނިކޮށް، ސަލްމާނާ ހެދި އެ ފިލްމު ފަސްކުރުމުން އަކްޝޭގެ ފޭނުން ރުޅި ގަދަވެއްޖެ އެވެ.

އަކްޝޭގެ ބައެއް ފޭނުން ވަނީ މި މައްސަލާގައި ޑައިރެކްޓަރު ރޯހިތު ޝެޓީގެ އިތުރުން ސަލްމާނަށް ވެސް ބަހުގެ ހަމާލަތައް ފޮނުވައިފަ އެވެ. ހާއްސަކޮށް ރޯހިތަށެވެ. ބައެއް ފޭނުން ބުނީ އަކްޝޭގެ ފިލްމަކަށް އޭނާގެ އެއްވެސް ބާރެއް ނެތްކަން މިހާރު އެނގިއްޖެ ކަމަށާއި ހުރިހާ ނިންމުމެއް ނިންމަނީ ރޯހިތު ކަމަށެވެ. ބައެއް މީހުން ބުނީ ރޯހިތު އެކަން ކުރީ ސަލްމާން ދެކެ ބިރުން ކަމަށެވެ.

Shame on you.... #RohitShetty
— HBD Shiddu || Amod || (@avk_Amod) June 14, 2019

އަދި "ސޫރިޔާވަންޝީ" ގެ ތާރީހު ބަދަލު ކުރިކަން ސަލްމާން ހިއްސާ ކުރި ޓްވީޓްގައި ރޯހިތު ކޮއްކޮއެއްގެ ގޮތުގައި ސިފަކޮށްފައި، އަކްޝޭގެ އެއްވެސް ވާހަކައެއް އޭގައި ހިއްސާ ނުކުރުމަކީ ސަލްމާންގެ ދެފުށްކެހެރިކަން ދައްކުވައިދޭ ކަމެއް ކަމަށް ވެސް ބައެއް ފޭނުން ބުންޏެވެ.

Salman Khan said brother to #RohitShetty, but not mentioned #AkshayKumar that means Rohit taking all decisions for #Sooryavanshi .😂😂 pic.twitter.com/pJoYBvxCh9
— What So Social (@what_social) June 12, 2019

ފޭނުންގެ ރުޅި ގަދަވުމުން އަކްޝޭ ކުރި ޓްވީޓެއްގައި ވަނީ ރުޅި މައިތިރިކޮށް "ސޫރިޔާވަންޝީ" ރިލީޒް ކުރާ ތާރީހު ބަދަލު ކުރުމަކީ ރަނގަޅަކަށް ކުރި ކަމެއްގެ ގޮތުގައި ދުށުމަށް އެދިފަ އެވެ. އަދި ތާރީހު ބަދަލު ކުރަން ޖެހުމަކީ އޭނާ އަށް ވެސް މައްސަލައެއް ނޫން ކަމަށް ބުންޏެވެ.

We can't bear sir. It is too much. #RohitShetty played with ur emotion as well as our emotion too. So BHAGODA ROHIT SHETTY
— भुपेन्द्र गिरी (अक्षय FAN)🇳🇵🇳🇵🇳🇵🇳🇵🇳🇵🇳🇵 (@akshay_nepal) June 14, 2019

އަކްޝޭ އާއި ކެޓްރީނާ ކެއިފް ލީޑް ރޯލް ކުޅޭ "ސޫރިޔާވަންޝީ" ރިލީޒް ކުރަން މިހާރު ނިންމާފައި ވަނީ އަންނަ އަހަރުގެ މާޗް 27 ގަ އެވެ. އެގޮތަށް ނިންމިކަން އިއުލާން ކުރީ މި މަހުގެ 11 ވަނަ ދުވަހު އެވެ.

pic.twitter.com/mpgKKZw5Ns
— Akshay Kumar (@akshaykumar) June 14, 2019

ކުރިން "ސޫރިޔާވަންޝީ" ރިލީޒް ކުރަން ނިންމި ދުވަސް ކަމަށްވާ އަންނަ އަހަރުގެ ފިތުރު އީދުގައި ރިލީޒް ކުރާ "އިންޝާﷲ" އަކީ ސަންޖޭ ލީލާ ބަންސާލީ ޑައިރެކްޓް ކުރާ ފިލްމެކެވެ. ސަލްމާނާ އެކު އެ ފިލްމުގެ ބަތަލާގެ ރޯލުން ފެނިގެން ދާނީ އާލިއާ ބަޓެވެ.

ސަލްމާނަކީ އަބަދު ވެސް ފިތުރު އީދު އަމިއްލަކޮށްގެން އުޅޭ އެކްޓަރެކެވެ. މިހާރު ސިނަމާތަކުގައި ދައްކާ އޭނާގެ އެންމެ ފަހުގެ ފިލްމު "ބާރަތު" އަކީ ވެސް މިދިޔަ ފިތުރު އީދުގައި ރިލީޒް ކުރި ފިލްމެކެވެ.

ބޮލީވުޑް ސަލްމާން ޚާން ކެޓްރީނާ ކައިފް އަކްޝޭ ކުމާރު

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަގީގަތް

17 June 2019

ތިޔަ ސަލްމާނަށްވުރެ އަކްޝޭ އެކްޓްކުރަން މާމޮޅު. ބޮލީވުޑްގެ ކިންގުންނަކީ އާމުރު ޚާން، އަމީތާބު ބައްޗަން އަދި އަކްޝޭ ކުމާރު. ސާރުކް ހާން އަދި ސަލްމާން ހާން މޮޅު ކޮށްގެން އުޅެނީ އެމީހުންގެ ފޭނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިނީ

18 June 2019

ޝާހުރުކުވެސް ސަލްމާނަށްވުރެ މޮޅު ހަމަ ގައިމުވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާނާ

17 June 2019

ސަލްމާނު މީގެ ކުރިން ބަންސާލީގެ ކޮންމެސް ފިލްމެއް އޭނާއަށް ނުދިނީމަ ރުޅި އައިސްގެން ބަންސާލީ ދިމާލަށް ވަރަށް އެއްޗެހި ކީ. އަހަރެން ހަނދާންވާ ގޮތުން އެއީ ބާޖީރާއޯ މަސްތާނީ ކަންނޭނގެ.. ބަންސާލީގެ ފިލްމަށް ބަންސާލީ ބޭނުން މީހެއްދޯ ނަގާނީ! މިހާރުދެން ބަންސާލީ ކައިރީގަ ރޮއެ އާދޭސްކޮށްގެން ފިލްމެއް ލިބުނީމަ ސަލްމާނު މިއޮއްވާ ފޮންޏެއްދޯ!