އެމެރިކާގެ އެއާކްރާފްޓް ކެރިއާ އެއް. އިތުރު 1000 ސިފައިން މެދު އިރުމައްޗަށް ފޮނުވަން ވަނީ ނިންމާފައި.
18 ޖޫން 2019 - 10:57
11 comments
އުމާން ކަނޑު އޮޅިން ދަތުރުކުރި ޖަޕާނާއި ނޯވޭގެ ދެ ތެޔޮ ޓޭންކަރަކަށް ހަމަލާދިން މައްސަލަޔާއި ޔުރޭނިއަމް ފައްކާ ކުރުން އިތުރު ކުރި މައްސަލައިގައި އީރާނާއި އެމެރިކާއާ ދެމެދު ބޮޑު ނުތަނަވަސްކަމެއް އުފެދިފައި ވަނިކޮށް އެމެރިކާގެ އިތުރު 1000 ސިފައިން މެދު އިރުމައްޗަށް ފޮނުވަން ނިންމައިފި އެވެ.
އެމެރިކާގެ ދިފާއީ ވަޒީރު ޕެޓްރިކް ޝަނާހަން ވިދާޅުވީ މެދު އިރުމައްޗަށް އިތުރު ސިފައިން ފޮނުވަނީ އީރާނުގެ ބާރުތަކުން އަދާވާތްތެރި އަމަލުތައް ހިންގާތީ ކަމަށެވެ.
ޓޭންކަރުތަކަށް ދިން ހަމަލާއަކީ އީރާނުގެ އަމަލެއްކަން ހާމަވާ ފޮޓޯތަކެއް ކަަމަށް ބުނެ އެމެރިކާގެ ކަނޑުގެ ސިފައިން ވަނީ އާ ފޮޓޯތަކެއް ވެސް އާއްމުކޮށްފަ އެވެ.
އަނެއްކޮޅުން އީރާނުން ވަނީ ބޮޑެތި ބާރުތަކާ އެކު ސޮއިކޮށްފައިވާ މުއާހަދާއިން ހުއްދަކުރާ ވަރަށް ވުރެ އިތުރަށް ޔުރޭނިއަމް ފައްކާކުރަން މަސައްކަތް ފަށައިފަ އެވެ. އެ މުއާހަދާއަށް އަމަލު ކުރުން ހުއްޓައިލިކަން ވެސް އެގައުމުން ވަނީ އިއުލާނުކޮށްފަ އެވެ.
އީރާނުން ބުނީ މުއާހަދާގައި ކަނޑައަޅާފައިވާ މިންވަރަށް ވުރެ ފައްކާކޮށްފައިވާ ޔުރޭނިއަމް އިތުރުވާނީ ޖޫން 27 ގައި ކަމަށެވެ.
އެމެރިކާގެ ދިފާއީ ވަޒީރު ވިދާޅުވީ އީރާނުގެ ބާރުތަކާއި އެގައުމަށް މަދަދުކުރާ ގްރޫޕްްތަކުން މެދު އިރުމަތީގައި ތިބި އެމެރިކާ ސިފައިންނަށާއި އެމެރިކާގެ މަސްލަހަތުތަކަށް ނުރައްކާ ކުރަމުންދާ ކަމަށެވެ. ސިފައިން އިތުރު ކުރަން ޖެހުނީ އެހެންވެ ކަަމަށް އޭނާ ވިދާޅުވި އެވެ.
މިފަހަރު އިތުރު 1000 ސިފައިން ފޮނުވަން ނިންމުމުގެ ކުރިން އެމެރިކާގެ ރައީސް ޑޮނަލްޑް ޖޭ ޓްރަމްޕް ވަނީ 1500 ސިފައިން މެދު އިރުމައްޗަށް ފޮނުވާނެކަން މިދިޔަ މޭމަހު އިއުލާނުކުރައްވައިފަ އެވެެ. އެ އަދަދާ އެކު އެމެރިކާއިން މެދު އިރުމަތީގައި ތިބޭ ސިފައިންގެ އަދަދު 2500 އަށް އަރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންއޮތްގޮތް
19 June 2019
އެމެރިކާ ބަނޑަށްޖެހިދާނެތީ ތެޅިފޮޅެނީއެވެ. އޭއްޗެކޭމީއްޗެކޭކިޔައިގެނެވެ. ނުވިތާކަށް ފޭކު ފޮޓޯތަކާއި ވީޑިއޯތައް ހަދަހަދައިގެނެވެ. އީރާނުވެސް ވަކިސަހަލެކޭ ބުނުނާނަމެވެ. އެމީހުނަށް ކޮށްފައިވާ ޖެއްސުމަށް ގޮނަކަށް ގޮނެއް ދެވޭތޯބަލާނެތާއެވެ! ކޮންމެެއަކަސް ދުނިޔެ 3ވަނަ ބޮޑުހަނގުރާމައަކަށް ހުށަހެޅިފައިއޮންނަތާ އެތައްދުވަހެއް ވެއްޖެކަމުގައި ބެލެވެއެވެ. އެކަމަކު އޭގެ ރަހަދެކެ، އަސަރުފޯރައި، އެހިތާމަކުރިބަޔަކު އަދިވެސް ތިއްބަތީ، 3ވަނަ މަޑުޖެހެނީކަހަލައެވެ.
އީމަން
19 June 2019
އެމެރިކާގެ ފިތުނަ އެއީ އަހަންނަށް އެއްގޮތަވެސް އޮޅިފަ އޮތް އެއްޗެއްނޫނެވެ.
ހަސަން ނުވަވަނަ
19 June 2019
މިފަހަރު އީރާނުވެސް ޗޮކުންދުއްވާލާނެ. ހުރިހާ ނުބައެއް ހަދަނީ އީރާން. އެހެންވެ އަހަރުމެންގެ ރޫހާނީ ލީޑަރު ރައީސް ޔާމީން އީރާން އާ ގުޅުން ކަނޑާލީ. ޔާމީނަކީ ހެޔޮވިސްނޭ ހެޔޮލަފާ މީހެއްކަން މިހާރު އިގިއްޖެދޯ.
އަހަންމާބެ
19 June 2019
ކަލޯ މޮޔަނުގޮވާ. އިރާގާ އިރާނާ އަޅާކިޔުމަކީ އުޑާ ބިމާ އަޅާކިޔުންކަހަލަ ކަމެއް. އިރާނުގާ އުފެދުނު އާޔަތުﷲ ގެ ސަރުކާރު ނުވަތަ އިސްލާމިކް ރިވޮލިއުޝަން ވައްޓާލަން ސައުދީއާ އެމެރިކާ އަދި އިޒްރޭލާ ޔޫރަޕު ގުޅިގެން ނުކުރާ އެއްކަމެއްވެސް ނޯންނާނެ. އެމެރިކާގެ ސިއްރު ކޮމާންޑޯއިންވެސް ފައިބައިގެން އިރާނު ސިފައިންގެ އަތްދަށުގާ ހައްޔަރުވީ.. އެމެރިކާގެ އިގުތިސާދުގަވެސް މިއަދަކު ނެތް އިރާނުކަހަލަ ބާރަކާ ކުރިމަތިލައިގެން ބޮޑު ހަނގުރާމައެއް ކުރެވޭހާ ހަކަތައެއް.
ޑރ.ފަޒުނާ/ހިތަދޫ/ސ.އެފުރިކާ
18 June 2019
މިމައްސަލާގައި ވަރަށް ބޮޑަށް ރިސާރޗެއް ހެދުމުން ނިކުއްނަތީޖާއަކީ ޖަޕާނުގެ ބޮޑުވަޒީރުވެސް ތެހެރާނުގައި އުޅެނިކޮށް ޖަޕާނުގެ ސުޕަރޓޭންކަރަކާއި ނޯރވޭގެ ޓޭންކަރަކަށް ހަމަލާދީ އަދި ވީޑިއޯވެސް ތިވަނީކޮށްފައި، ކަންނެތް އަރަބި ޑިކުޓޭޓަރުންގެ ސިކުނޑި ދޮވެލުމުގެ ބޭނުމުގަޔާއި އެމެރިކާ ގަލްފުތެރެއަށް ވަނުމުގެ ބޭނުމުގައި އެމެރިކާއާއި ގުޅުންހުރި އަދި އެމީހުންގެ އެހީ ލިބިގެން ތިކަމެއް ހިނގިކަމަށް ވަރަށްބޮޑަށް ބެލެވޭ. މިގޮތަށް ޖަޕާނުގެ ޚަބަރުތައްވެސް އައީ.ސޭޅީން
Dhaadhey
18 June 2019
އެމެރިކާ އަކަށް އީރާނަކާ ނުކުޅެވޭނެ. އަނެއްކާވެސް ސައޫދީއާއި ޔޫ.އޭއީ އިން ފައިސާކޮޅެއް ހޯދުމުގެ ދަތުރެއް. ތިހެން ފޮނުވާ 1000 އެއްހާ މީހުންނަށް ރިވޮލިއުޝަނަރީ ގާޑުން ޑަރުވެސް ހީނުވާނެ.
ސުވާލު
18 June 2019
ތިހެން ހަމަ ކިޔަމުން ދިޔައީ އިރާގަށް އަރާ މުޅި ގައުމު ސުންނާފަތި ކުރި އިރު ވެސް
2019
18 June 2019
ﷲ އިރާދަކުރެއްވިއްޔާ މިފަހަރު އެމެރިކާ އެހެން ހަނދަކަށް ފޮނުވައިލާނެ! ހުރިހައިކުދިން ފޮޓޯ ނަގަން ތައްޔާރުވޭ!
ޢެއަޮއް.
18 June 2019
ޢެމެރިކާއިން އަމާޒު ހިފައިފައޮތީ އީރަންގެ ބާކީއޮތް ތެޔޮފޮދަށާ މިހާރު އެފައްކާކުރާ ޔުރޭނިއަމްކޮޅަށް .. އެކަމު ވާހަކައަކީ އަބަދުވެސް ސުލްހަ ސުލްހަ... އެމީހުން ގައުމެއް ފަސާދަކުރަނީ އެތެރޭ ތިބޭމީހުން ލައްވައި، ރިސްވަތު ދީގެން ، ދެން މައްސަލަޖެހޭހާ އަވަހަކަށް ސުލްހައޭކިއާ ފައުޖު ފޮނުވާނީ.. އަސްލު މަގްސަދަކީ އަބަދުވެސް މާއްދީ ބެއިނުމެއް... ތެޔޮ ، ރަން ، ނެޗުރަލް ގޭސް ބަލާބަ އެފްރިކާ މިހާރުވެސް އެއީ ދިރިހުރި މިސާލެއް.. ..
ރުޅި
18 June 2019
މުޅިދުނިޔެފަސާދަކުރަނީ އެމެރިކާއިން. އެމެރިކާނުޖެހޭ މުޅި އޭޝިޔާއާއި މެދުއިރުމަތީގައި ސިފައިން ބައިތިއްބާކަށް. ތިޔަ ޓޭންކަރުތަކަށް ހަމާދޭނީވެސް ހަމަ އެމެރިކާއިން. ކޮންމެވެސް އެއްޗެކޭ ކިޔައިގެން އަރައިގަންނަންވެގެން.
ރަދީފް
18 June 2019
ސާބަހޭ އިރާން.ތިޔަ 1000 ސިފައިން ފައްސާލަން ވާނެ.އެމެރިކާ މީހުން ހަނދާނަށް ގެންނަންޖެހޭނެ ޔަމަންގެ އަދަންގެ ބޭރުގަ އޮތް އެމެރިކާގެ މަނަވަރު ޔޫއެސްއެސް ކޯލްއަށް 2000 ވަނަ އަހަރު ދެވުނު ހަމަލާ.މިހަމަލާއާއި އެއްލެވެލްއެއްގެ ހަމަލާތަކެއް ދިނުމުގެ ގާބިލްކަން އެބަހުރި މިވަގުތު.އިރާން ވާންކޮށްފ ބަހައްޓާތި.ވ.ވެެދުން