ވާމިލިއަންއިން ފެރީގެ ހިދުމަތް ދިން ފެރީއެއް ފަޅުގައި: އެކުންފުނިން ވަނީ ފެރީގެ ހިދުމަތް ދިނުން ހުއްޓާލާފައި---
18 ޖޫން 2019 - 12:36
63 comments
މ. އާއި ފ، އަދި ދ. އަތޮޅުގައި ފެރީގެ ހިދުމަތް ދިނުމަށް ރައީސް މުހައްމަދު ނަޝީދުގެ ވެރިކަމުގައި ހަވާލުކޮށްފައިވާ ވާމިލިއަން ކުންފުނިން އެ އަތޮޅުތަކަށް ފެރީގެ ހިދުމަތް ދިނުން މެދުކަނޑާލައިފި އެވެ.
އެ ތިން އަތޮޅުގެ ކައުންސިލުން ބުނިގޮތުގައި ރޯދަ މަހުގެ މެދު ތެރެއިން ފެށިގެން އެ ކުންފުނިން ވަނީ ފެރީގެ ހިދުމަތް ދިނުން ހުއްޓާލައިފަ އެވެ. އެ ކުންފުނިން އެ ހިދުމަތް ހުއްޓާލީ އަށް އަހަރު ހިދުމަތް ދިނުމަށް ފަހުގައި ކަމަށް ކައުންސިލްތަކުން ބުނެ އެވެ.
"މީގެ ކުރިން މެދު ކެނޑުނު ނަމަވެސް ފެރީގެ ހިދުމަތް ދެމުން އައީ. މިހާރު އެއްކޮށް ހުއްޓާލައިފަ އޮތީ. އޭގެ ސަބަބުން ރައްޔިތުންނަށް ވަރަށް ދަތިތައް ކުރިމަތިވޭ،" ދ. އަތޮޅު ކައުންސިލްގެ ރައީސް އަހުމަދު ޝާފިއު ވިދާޅުވި އެވެ.
އެ ތިން އަތޮޅަށް ފެރީގެ ހިދުމަތް ދޭތީ އެ ކުންފުންޏަށް ވަނީ ރިސޯޓް ހެދުމަށް ދެ ރަށް ދީފަ އެވެ. ފެރީގެ ހިދުމަތް ހުއްޓާލި ނަމަވެސް އެ ދެ ރިސޯޓް އަންނަނީ ހިންގަމުންނެވެ. އެއީ ދ. ވޮއްމުލީގައި ހިންގާ ސެއިންޓް ރީޖިސް އާއި ދޫރެސްގައި ހިންގާ އާވީ ރިސޯޓެވެ.
އެކަމާ ގުޅޭގޮތުން އެ ކުންފުނީގެ ބަހެއް އަދި ވަނީ ލިބޭ ގޮތް ނުވެފަ އެވެ.
އެކަމަކު ޓްރާންސްޕޯޓް މިނިސްޓްރީގެ ސްޓޭޓް މިނިސްޓަރު އަހުމަދު އާދިލް ވިދާޅުވީ ވާމިލިއަން އިން ފެރީގެ ހިދުމަތް ދެވެން ނެތްކަން އެ މިނިސްޓްރީ އަށް އަންގާފައިވާ ކަމަށެވެ. ސަބަބެއް ކަމަށް އެ ކުންފުނިން ބުނަނީ އެ ކުންފުންޏަށް ސަރުކާރުން ދޭން ޖެހޭ ބިންތަކެއް ނުދިނުމާއި އެއްބާރުލުން ނުލިބޭތީ ކަމަށް އޭނާ ވިދާޅުވި އެވެ.
ދެ ރިސޯޓް ދީފައި ވަނިކޮށް ފެރީގެ ހިދުމަތް ހުއްޓާލި މައްސަލާގައި އަޅާނެ ފިޔަވަޅެއް ބެލުމަށް އެޓާނީ ޖެނެރަލްގެ ލަފަޔަކަށް އެދިފައިވާނެ ކަމަށް ވެސް އާދިލް ވިދާޅުވި އެވެ.
އެ ތިން އަތޮޅުގެ ފެރީގެ ހިދުމަތް ހުއްޓިފައިވާތީ އެމްޓީސީސީ މެދުވެރިކޮށް ވަރަށް އަވަހަށް އެ ހިދުމަތް ފަށާނެ ކަމަށް ވެސް އާދިލް ވިދާޅުވި އެވެ.
MDP ge dhathuru fathuru ge siyaasathu fail vee havaaluvi meehunge niyaiy goasvumun: Aslam
The most trusted news source in the Maldives
Mihaaru
އެމްޑީޕީގެ ދަތުރުފަތުރުގެ ސިޔާސަތު ފެއިލްވި ސަބަބު---
އެމްޑީޕީ ކުރީގެ ސަރުކާރުން ފެރީގެ ހިދުމަތް ދޭން އެކި ކުންފުނިތަކާ ހަވާލުކުރީ، އޭގެ ބަދަލުގައި ރިސޯޓްތައް ހަދަން ރަށްރަށާއި ގެސްޓް ހައުސްތަކަށް ބިންތައް ދޫކުރާ ގޮތަށެވެ. ބައެއް ކުންފުނިތަކުން ވަނީ އޭރު ލިބުނު ރަށްރަށުގައި މަތީފަންތީގެ ރިސޯޓުތައް ވެސް ހަދައިފަ އެވެ. އެކަމަކު ފެރީގެ ހިދުމަތެއް ނުދެ އެވެ.
އޭރުގެ ހައުސިން މިނިސްޓަރު، އަދި މިހާރުގެ ޕްލޭނިން މިނިސްޓަރު މުހައްމަދު އަސްލަމް އިއްޔެ ވިދާޅުވީ ނަޝީދު ސަރުކާރުން ގެންނަން އުޅުނު ދަތުރުފަތުރުގެ ނިޒާމް ފެއިލްވީ އެކަންކަމާ ހަވާލުވި މީހުންގެ ނިޔަތް ގޯސްވުމުން ކަމަށެވެ.
ބައެއް އެއްބަސްވުންތަކުގައި ކަނޑައަޅާފައިވާ ގޮތަށް ފެރީގެ ހިދުމަތް ނުދީގެން އެއްބަސްވުން އުވާލުމުން ބޮޑެތި ބަދަލުތައް ހޯދަން ކޯޓަށް މައްސަލަ ހުށައެޅި އެވެ. އެގޮތުން މިފަހުން އެންމެ މަޝްހޫރުވީ ދީބާޖާގެ މައްސަލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިޖޭ
23 June 2019
މި ރިސޯޓް ތައް ވިއްކާ ލެވެންޖެހޭނީ، ގަންނަމީހުން ފެރީ ނިޒާމާއި ހަވާލު ވާ ގޮތަށް.... މިހާރު ރަށް ވިއްކާލާފަ ފެރީ ހުއްޓާލީމާ މިވީ ކިހިނެއް....... މީ އަނެއް ދީބާޖާ ކުންފުނި ދޯ
މުހައްމަދު އަހުމަދު
20 June 2019
މިކަމަށް ކޮން ފިޔަވަޅެއްޓޯ އަޅަނީ ބަލަމާ، އެއީ ތިޔަ ކުންފުނީގެ ވެރިޔަކީ މިހާރު އެޖެންޑާ 19 ގެ މަޖިލިސް މެމްބަރަކަށް ވާތީވެ. އިންސާފާ ހަމަހަމަކަން ގާއިމް ވޭތޯ މިމައްސަލައިން އަޅުގަނޑުމެން މިތިބީ ބަލަން
ޙިމާރުލް ވަތަން
19 June 2019
ދ. ޢަތޮޅުން އެންމެ ރީތި ދެރަށް. ފޭރިގެންފަ. ދެން ކޯޓުން 300 މިލިއަންހޯދީމަ ހުންނާނީ ވާމިލިއަން. ޙުސްނުވާ މިލިއަން
ކޮމަންމޭން
19 June 2019
އަނެއްކާ އަނެއްބަޔަކަށް 300 މިލިއަން ދޭންޖެހުނީ ކަންނޭގެ. ފައްކާ އެގްރިމަންޓްތަކެއް ނަޝީދު ވެރިކަމުގައި ހަދާފަ އޮތީ. މިނޫނިއްޔާ މިދުނިޔޭގަ ސަރުކާރު ގޮތްހުސްވާ ގައުމެއް ނޭގޭ އޮތްކަމެއް.
ހަސަން112
19 June 2019
މިވާމިލިއަނު ކުންފުންޔަކީ އެމްޑީޕީގެ މަޖްލީސް މެމްބަރު ދޮންބިލެތް ހަލީމުގެ މަސްލަހަތު އޮންނަ ތަނެއް! ވަރަށް ބޮޑަށް ލަފާކުރެވާ ދީބާޖާ ގޮތަށް ބިލައަނުން ފައިސާ ތަކެއް ލިބެން އުޅޭތީ ކުރިކަމެއްހެން! މިވެރިކަމުގައި 30ބިލިއަން ބަދަލު ދޭނެކަމަށް ރައީސް އޮފީހުންވަނީ ވަނީ މިދިޔަމަހު އަންގާފަ! އެމްޑީޕީގެ އެކްޓިވިސްޓުން މިގައުމު މިފަހަރު ދޮވެލާނެ!
އައްޔުބޭ
19 June 2019
2ރިސޯޓް ދީފައިވާއިރު ކޮން ބޮޑައެއް ހާކާކަށް އަތުލާ. ރިސޯޓްތައް ވަކި ހިންގިގެން ނުވާނެ ރައްޔިތުންނަށ ފަސޭހައެއްނުދީ ފަސޭހަކޮށް ލުއި ހަރަދަކުން އެކަންކުރަން ރިސޯޓް ވަކި ހިންގިގެންނ ނުވާނެ
ބޮލި މުލައް
19 June 2019
ދެ ރިސޯޓު އޮތް އަތޮޅުތަކުގެ ރައްޔަތުންނަށް ގޮވާލަން މިހާރުން މިހާރަށް ރިސޯޓުތަކަށް އަރާ
ހަސަން ނުވަވަނަ
19 June 2019
މައްސަލައެއް ނެތްތާ ބޮޑެތި ޓައި އަޅައިގެން ރައްޔިތުންގެ ފަރާތުން ވަކާލާތުކުރަން އެހެރީނު ދޮންބިލެތް އަހުމަދު ހަލީމް ހޮވާފަ ދިވެހި ރައްޔިތުން. ދެން ބާރަށް އުނަގަނޑު ބިންދައިގެން ދާ ވަރަށް ހަތަރެސްފައި ޖަހާ
ދާދޭ
19 June 2019
ރައްޔިތުން އަތުން ލާރިގަނޑެއް ލިބޭނޭ މަގު ފަހިކޮށްފާ ތިހުއްޓާލީ. 3 ބިލިއަނެއްހާ ރުފިޔާ އެމީހުންގެ ގެއްލުމުގެ ބަދަލަށް ދޭންޖެހިދާނެ. 1.5 ބިލިއަން އަލްހާނަށް ދެނިކޮށް އޯކޭ ވެދާނެ.
އެޑަމް
19 June 2019
މިކަމަކީ ސަރުކާރުންވަރައްޚާއްސަގޮތެއްގާބަލަންވެއްޖެކަމެއް ކޮންމެބަޔަކު ފެރީގެޚިދުމަތް ދޭނެކަމައްބުނެތިންހަތަރު ފަޅުރައް ބިޑަކާނުލާނަގައިގެން ރިސޯޓު ހަދާފަ އިކުއިޒަމްފީވެސްސަރުކާރައްނުދައްކާ އެންމެފަހުން ފެރީގެޚިދުމަތްވެސްހުއްޓާލަނީ މިފަދަފަރާތްތަކުން މިރިސޯޓުތައްބަދަލުދީފާނަގާކައްނުޖެހޭތޯ???