ނޫރު އަލް ހަސަންގެ ގާތުގައި ޑޮކްޓަރެއް.
20 ޖޫން 2019 - 06:38
9 comments
މި ވަގުތު ޕާކިސްތާނުގެ "އެންމެ ފަލަ މީހާ" ގެ ގޮތުގައި މަޝްހޫރުވެފައިވާ މީހާ އަށް ފަރުވާ ދޭން ހޮސްޕިޓަލަށް ގެންދަން ގޭގެ ފާރުން ބައެއް ތަޅައިލަން ޖެހިއްޖެ އެވެ.
އެ ގައުމުގެ މީޑިއާތަކުން ބުނި ގޮތުގައި ބަރުދަނުގައި 330 ކިލޯ ހުރި ޕަންޖާބު ޕްރޮވިންސްގެ ސާދިގުއާބާދަށް ނިސްބަތްވާ ނޫރު އަލް ހަސަން ގޭގެ މައި ދޮރުން ނުނެރެވިގެން، ގޭގެ ފާރުން ބައެއް ޖެހުނީ ވައްޓައިލާށެވެ. އަދި އޭނާ ނެރުމުގެ މަސައްކަތުގެ ޕާކިސްތާނުގެ އަސްކަރިއްޔާ އާއި އާންމުން އެހީ ލިބިފައިވެ އެވެ.
ހަސަނަށް ފަރުވާ ދޭން ލާހޯރްގެ ހޮސްޕިޓަލަކަށް ގެންދިޔައީ އަސްކަރިއްޔާގެ ހެލިކޮޕްޓަރެއްގަ އެވެ.
މިކަމާ ބެހޭ ގޮތުން ޕާކިސްތާނުގެ އަސްކަރިއްޔާގެ ވެރިޔާ އާމީ ސްޓާފް އޮފް ޖެނެރެލް ގަމަރު ޖާވިދު ބަޖްވާ މީޑިއާތަކަށް ވިދާޅުވީ ހަސަން ހޮސްޕިޓަލަށް ގެންގޮސް ދޭން އެހީތެރިވެ ދިނީ އާއިލާ އިން އެކަމަށް އެދުމުން ކަމަަށެވެ. އަދި އެ މަސައްކަތް ކާމިޔާބުކަމާ އެކު ކުރެވުނު ކަމަށް ވިދާޅުވި އެވެ.
މީޑިއާތަކުން ބުނީ އާދަޔާހިލާފަށް ހަސަން ފަލަވުމުގެ ސަބަބުން އޭނާ އަށް އޮންނަ ތަނުން ހިރިވެސް ނުލެވޭ ކަމަށެވެ. އަދި އެކަމުގެ ސަބަބުން ސިއްހީ ގިނަ މައްސަލަތަކެއް ކުރިމަތިވެ، އޮޕަރޭޝަނެއް ވެސް ކުރަން ޖެހިފައިވެ އެވެ.
ހަސަނަށް މިހާރު ލާހޯރުގެ ހޮސްޕިޓަލުން ފަރުވާ ދެމުން އަންނަ އިރު ލެޕަރަސްކޯޕިކް ސާޖަރީއެއް ހަދަން މިހާރު އަންނަނީ ތައްޔާރުވަމުންނެވެ.
ކުރިން ޕާކިސްތާނުގެ އެންމެ ފަލަ މީހާގެ ގޮތުގައި ފާހަގަ ކުރެވުނު 360 ކިލޯ ހުރި މީހާ 2017 ގައި ލެޕަރަސްކޯޕިކް ސާޖަރީއެއް ކާމިޔާބުކަމާ އެކު ހަދައި، ބަރުދަނުން 200 ކިލޯ ދުއްވާލާފައިވެ އެވެ.
ޕާކިސްތާން އެންޑްކޯރީން ސޮސައިޓީން ހަދާފައިވާ ދިސާރާއަކުން ދައްކާ ގޮތުގައި އެ ގައުމުގެ އާބާދީގެ 29 ޕަސަންޓް މީހުންނަކީ ފަލަ މީހުންނެވެ. އަދި އާދަޔާހިލާފަށް ފަލަ މީހުންގެ ނިސްބަތް 51 ޕަސަންޓަށް އަރަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ
21 September 2019
ލިޔުމުގަ ނެތޭ 29 ޕަސެންޓްގެ ތެރެއިންނެކޭ.. 29 ޕަސެންޓް ފަލައޭ، "އަދި" 51 ޕަސެންޓް މީހުންނަކީ އާދަޔާ ޚިލާފަށް ފަލަ މީހުންނޭ އޮތީ. އެހެން ނޫންނަމަ އޮންނާނީ "އަދި އޭގެ ތެރެއިން 51 ޕަސެންޓް މީހުންނަކީ" އާދަޔާ ޚިލާފަށް ފަލަ މީހުންނޭ. ދިވެހި ކިޔަން ދަސްކޮށްބަލަ.
އައްޑޫ
21 June 2019
މި ހަބަރު ލިޔުނު ކުއްޖާ އަކީ އައްޑޫ ކޫދަކާ ދީ
އޭނާ
20 June 2019
އެހެންވެ އަހަރެން ކޮންމެ ދުވަހަކުވެސް އެއްފަހަރު ބޭރަށް ނިކުމެ އުޅެވޭތޯ ބަލަނީ. ކުޑަކޮށްވެސް އަޅައިގަންނަ ގޮތެއް ހުރެއްޖެއްޔާ އަހަރެންދަނީ ދުވަން.
ރަދީފްް
20 June 2019
ބަރު ކަމުންނެއް ނޫން ދޯ ފާރު ތަޅާލަން ޖެހުނީ؟ ފަލަކަމުން.. ކިތަންމެ ބަރު އެއްޗެއްވެސް ދޮރަށްވުރެ ސައިޒުން ކުޑަ ވެއްޖެއްޔާ ނެރެވިދާނެ. އެކަމަކު ދޮރަށްވުރެ ފަލަވީމަ ނުނެރެވޭނެ.
އަދުރޭޭ
20 June 2019
އާބާދީގެ 29 ޕަރސެންޓް ފަލައީ.. އެކަމަކު 51 ޕަސެންޓަކީ އާދަޔާ ޚިލާފަށް ފަލަ މީހުން؟ ކިހިނެއް ޖެހި ހިސާބެއް؟
ނާގަބާޑި
20 June 2019
އަދުރޭގެ ހިސާބް
ސަަަސަ
20 June 2019
29 ޕަސެންޓުގ ެތެރެއިން އާދަޔާ ޚިލާފަށް ފަލައީ 51 ޕަސެންޓް. ކުޑަކޮށް ވިސްނާލުންވެސް ރަނގަޅުތާ
ގާސިމް
20 June 2019
ލިޔުމުގަ ނެތޭ 29 ޕަސެންޓްގެ ތެރެއިންނެކޭ.. 29 ޕަސެންޓް ފަލައޭ، "އަދި" 51 ޕަސެންޓް މީހުންނަކީ އާދަޔާ ޚިލާފަށް ފަލަ މީހުންނޭ އޮތީ. އެހެން ނޫންނަމަ އޮންނާނީ "އަދި އޭގެ ތެރެއިން 51 ޕަސެންޓް މީހުންނަކީ" އާދަޔާ ޚިލާފަށް ފަލަ މީހުންނޭ. ދިވެހި ކިޔަން ދަސްކޮށްބަލަ.
ފަލަ
20 June 2019
ހުސް ގިތެޔޮ ކައިގެން އުޅޭ ބައެއް! ރިހައެއް ކެއްކިޔަސް، ރޮއްޓެއް ފިހުނަސް، ބަތެއް ކެއްކިޔަސް، ފޮނިއެއްޗަކަސް ހަމަ ގިތެޔޮ! ދެން ފަލަވީމަ އެވާހަކަ ދައްކާނެކަމެއް ނެތެއްނު!