ނައިބު ރައީސް ފައިސަލް ނަސީމް، މިދިޔަ ބުރާސްފަތި ދުވަހު ހއ. މޮޅަދު އަށް ވަޑައިގެން އެ ރަށުގައި ދިރިއުޅޭ ހާއްސަ އެހީ އަށް ބޭނުންވާ އަރަފާތުއާ ސަލާމް ކުރައްވަނީ. --- ފޮޓޯ: ރައީސް އޮފީސް
23 ޖޫން 2019 - 11:26
59 comments
ނައިބު ރައީސް ފައިސަލް ނަސީމް މިދިޔަ ބުރާސްފަތި ދުވަހު ހއ. މޮޅަދު އަށް ވަޑައިގެންނެވި އިރު، ސަފުގެ އެންމެ ކުރީގައި ހުރީ ހާއްސަ އެހީ އަށް ބޭނުންވާ ޖާދުﷲ އަރަފާތު، 22، އެވެ. ނައިބު ރައީސަށް އާންމުންގެ ތެރެއިން އެންމެ ފުރަތަމަ މަރުހަބާ ދެންނެވީ އެމްއެންޑީއެފްގެ ޔުނިފޯމެއް އަޅައިގެން ހުރި އަރަފާތެވެ.
މޮޅަދު އަށް ކުރެއްވި ދަތުރުފުޅުގައި އެންމެ ބޮޑު ސަމާލުކަމެއް ހުއްޓުނީ ވެސް އެ ރަށަށް އުފަން އަރަފާތަށެވެ.
އަރަފާތަކީ އެމްއެންޑީއެފާ ގުޅުމަށް އަބަދުވެސް ލޯބި ކުރަމުން އައި ޒުވާނެކެވެ. އެކަމަކު އޭނާގެ މަންމަ ފާތުމަތު އާދަމްގެ ބޮޑު އެހީތެރިކަމެއް އަރަފާތަށް އަބަދުވެސް ދޭން މަޖުބޫރެވެ. އެހެންވެ، އެމްއެންޑީއެފްގެ ތަމްރީނަށް އަރަފާތު ފޮނުވުމަށް އޭނާގެ މަންމަ ގަބޫލެއް ނޫނެވެ. އޭނާ ދެން އެންމެ ބޮޑަށް ކުރަމުން އައި އުންމީދަކީ ރަށުގައި ފެނަކަ އިން ބަލަހައްޓާ އިންޖީނުގެ އިން ވަޒީފާއެކެވެ.
ބޭނުން ވަނީ ކޮން ކަމެއްތޯ ނައިބު ރައީސް، އަރަފާތު ކައިރީގައި އެ ދަތުރުގެ ތެރެއިން އެއްސެވުމުން ޖަވާބުގައި އަރަފާތު ބުނީ ފެނަކަ އިން ވަޒީފާއެއް ކަމަށެވެ. އަދި ނައިބު ރައީސް ވަނީ އަރަފާތުގެ ހުށަހެޅުން ގަބޫލުފުޅު ކުރައްވައި، އެ ވަޒީފާ ލިބޭނެ ކަމުގެ ޔަގީންކަން އޭނާ އަށް ދެއްވައިފަ އެވެ. އެންމެ ފަހުން ނައިބު ރައީސް ރަށުން ފުރާވަޑައިގަތީ، އެކަމުގެ ލިޔުން އަރަފާތާ ހަވާލު ވެސް ކުރައްވައިފަ އެވެ.
އަރަފާތު ފެނަކައިގެ ވަޒީފާ އަށް ރަސްމީކޮށް ނުކުތީ މިއަދެވެ. ނައިބު ރައީސް ވަނީ އަރަފާތަށް ދޭން ޖެހޭ ތަމްރީންތަކާއި ވަޒީފާގައި ކުރަން ޖެހޭ ކަންކަން ކިޔައިދީ ހެދުމަށް މޮޅަދޫގައި ހުންނަ އިންޖީނުގެ ބަލަހައްޓާ ވެރިންނަށް އިލްތިމާސް ވެސް ކުރައްވައިފަ އެވެ.
"އަޅުގަނޑު ހަމަ އުފަލުން ގޮސް ރޮވުނު. ނައިބު ރައީސް އެއްސެވީ ވަޒީފާ ބޭނުން ވަނީ ކޮންތާކުންތޯ. ފެނަކައިންނޭ ބޭނުމީ ބުނީމަ، އެ ހިނދުން ހިނދަށް ހަމަޖެއްސީ،" ---ފާތުމަތު
އަރަފާތަށް ޖެންޑަ މިނިސްޓަރު ޝިދާތާ ޝަރީފް ފެނަކައިގެ ޓީޝާޓް ދެއްވަނީ. އޭނާ އަށް މޮޅަދޫގައި ހުންނަ އިންޖީނުގެއިން ވަނީ ވަޒީފާ ދީފައި. --- ފޮޓޯ: ރައީސް އޮފީސް
ނައިބު ރައީސާ ބައްދަލު ކުރެއްވުމަށް މޮޅަދޫގައި ބޭއްވި ބައްދަލުވުމުގައި އަރަފާތު ބުނީ ފެނަކަ އިން ވަޒިފާ ލިބުމުން ވަރަށް އުފާވާ ކަމަށެވެ. މިއީ ވަރަށް ބޭނުންވި ވަޒީފާއެއް ކަމަށް އޭނާ ބުންޏެވެ. އަދި ނައިބު ރައީސް ވަޒީފާ ދެއްވުމާ ގުޅިގެން އެމަނިކުފާނަށް އޭނާ ޝުކުރު އަދާކުރި އެވެ.
ނައިބު ރައީސްގެ އެ ނިންމެވުމާ ގުޅިގެން އެކަމުގެ އެންމެ ބޮޑު އުފަލެއް ލިބުނު އަރަފާތުގެ މަންމަ ފާތުމަތު 45، "މިހާރު" އަށް ބުނީ ނައިބު ރައީސްގެ ފަރާތްޕުޅުން އަރަފާތަށް ވަޒީފާ ލިބިދާނެ ކަމަށް އުންމީދު ވެސް ނުކުރާ ކަމަށެވެ. އެއީ ކުރިން އެނގުނު ކަމެއް ނޫން ކަމަށް ވެސް އޭނާ ބުންޏެވެ.
"އަޅުގަނޑު ހަމަ އުފަލުން ގޮސް ރޮވުނު. ނައިބު ރައީސް އެއްސެވީ ވަޒީފާ ބޭނުން ވަނީ ކޮންތާކުންތޯ. ފެނަކައިންނޭ ބޭނުމީ ބުނީމަ، އެ ހިނދުން ހިނދަށް ހަމަޖެއްސީ،" ފާތުމަތު ބުންޏެވެ.
އޭނާ ބުނި ގޮތުގައި މިދިޔަ އަހަރާ ޖެހެން ދެން އަރަފާތު ގެންގުޅުނީ ހއ. އިހަވަންދޫ ސްކޫލްގައި ހުންނަ ހާއްސަ އެހީ އަށް ބޭނުންވާ ކުދިންނަށް ކިޔަވައިދެމުން އަންނަ ޑަޔަމަންޑް ކްލާހުގަ އެވެ. އަދި އަރަފާތަށް ވަޒީފާއެއް ހޯދައިދިނުމުގެ ބޭނުމުގައި މޮޅަދު އަށް ބަދަލުވީ މި އަހަރުގެ ތެރޭގައި ކަމަށް އޭނާ ބުންޏެވެ.
"އަޅުގަނޑުގެ މައިންބަފައިން ވެސް ވަރަށް ބޮޑަށް މުސްކުޅިވެފައިވާތީ އާއި އެ މީހުން ވެސް ރަަށަށް އަންނަން ކިޔާތީ ރަށަށް ބަދަލުވީ،" ފާތުމަތު ބުންޏެވެ.
ނައިބު ރައީސް ހއ. މޮޅަދޫގައި. އެ ރަށުން އެމަނިކުފާނަށް ހޫނު މަރުހަބާއެއް ދެންނެވި. --- ފޮޓޯ: ރައީސް އޮފީސް
ރަށަށް ބަދަލުވެ، އަރަފާތަށް ވަޒީފާ ހޯދައިދިނުމުގެ މަސައްކަތް ފެށީ ހާއްސަ އެހީއަށް ބޭނުންވާ ގިނަ ކުދިންނަށް ސަރުކާރުގެ މުއައްސަސާތަކުން ވަޒީފާ ލިބޭތީ ކަމަށް ފާތުމަތު ބުންޏެވެ. އެގޮތުން އަރަފާތަށް އަމިއްލަ އަށް ދިރިއުޅެވޭ ފަދަ މަސައްކަތެއް ހޯދައިދޭން އަބަދުވެސް އުންމީދު ކުރި ކަމަށް އޭނާ ބުންޏެވެ.
"އަރަފާތު އިހަވަންދޫގައި އުޅުނު އިރު، އޭނާގެ ގާތް ރަހްމަތްތެރިއަކަށް ފެނަކަ އިން ވަޒީފާ ލިބުނީ. އެއީ ވެސް ހާއްސަ އެހީއަށް ބޭނުންވާ ކުއްޖެއް. އޭރުން ފެށިގެން އަރަފާތު ބޭނުންވީ ފެނަކަ އިން ވަޒީފާ. އަޅުގަނޑު ހިތުގައި އޮވޭ ފެނަކައިން ވަޒީފާ ލިބިއްޖެއްޔާ ވަރަށް ރަނގަޅު ވާނެއޭ،" ފާތުމަތު ކިޔައިދިނެވެ.
އޭނާ ބުނި ގޮތުގައި އަރަފާތު ކަހަލަ ހާއްސަ އެހީއަށް ބޭނުންވާ ކުދިންނަށް ވަޒީފާ ލިބުމަކީ އެފަދަ ކުދިންނަށް ސަރުކާރުން ދޭ އަހަންމިއްޔަތު ކަން ހާމަކޮށްދޭ ކަމެކެވެ. އެހެންކަމުން، ކުރިއަށް އޮތް ތަނުގައި އަރަފާތަށް ހެޔޮ ބަދަލުތަކެއް އަންނާނެ ކަމަށް އުންމީދު ކުރާ ކަމަށް ވެސް އޭނާ ބުންޏެވެ.
"އަރަފާތަށް މިހާރު ވެސް ބޮޑު ކުރިއެރުމެއް ލިބިފައި ވަނީ. ސްކޫލްގައި އުޅުން އިރު، ދިވެއްސާއި އިނގިރޭސި ދުވަހާއި ގުރުއާން މުބާރާތްތަކުގައި ވެސް ބައިވެރިވެފައި ހުރީ،" ފާތުމަތު ބުންޏެވެ.
ނައިބު ރައީސް ފައިސަލް ނަސީމް ހއ. މޮޅަދޫގައި. --- ފޮޓޯ: ރައީސް އޮފީސް
އަރަފާތަށް ލިބޭ އެންމެ ބޮޑު ހިތްހަމަޖެހުމަކީ އެމްއެންޑީއެފް އިން އޭނާ އަށް ސިފައިންގެ ޔުނިފޯމެވެ. އެއީ އެމްއެންޑީއެފުން ބޭއްވި މަލްޓި މީޑީއާ ކޯހެއްގައި ބައިވެރިވެގެން ލިބުނު ޔުނިފޯމެކެވެ. އަރަފާތު ބޭނުންވާ އިރެއްގައި އެ ޔުނިފޯމް ލައިގެން އުޅުމަށް އެއްވެސް ހުރަހެއް ނެތެވެ.
އަރަފާތުގެ އަހުލާގާ ގުޅޭ ގޮތުން އޭނާގެ މަންމަ ބުނީ އަރަފާތަކީ އަހުލާގު ރަނގަޅު، ވަރަށް ކިޔަމަންތެރި ޒުވާނެއް ކަމަށެވެ.
އަރަފާތަށް ފެނަކަ މުވައްޒަފުންގެ އެހީތެރިކަމާއި އެއްބާރުލުން ލިބޭނެ ކަމަށް އާއިލާ އިން އުންމީދު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޮއްބެ
25 June 2019
ނުކުޅެދުންތެރިކަން ހުންނަ މީހަކަށް ނުކުޅެދޭ މީހަކު ވަޒީފާ އެއްދީފި.
ވިސްނު
29 June 2019
މަލާމަތް ކުރުމުގެ މާނައެއް ނެތް ކަލެއަށް ވެސް ނުކުޅެދޭ ކުއްޖަކު ލިބިދާނެ
ފަޅުމަސް
24 June 2019
ދައުލަތުގެ މަޤާމުތައް އެގޮތަށް ހަދިޔާ އަށް ބެހޭތޯ؟ އެ ކުއްޖާއަކީ ބަލި ނުކުޅެދޭ ކުއްޖެއްކަމަށްވިޔަސް، ކޮންމެސް އުސޫލެއް އޮންނަން ވާނެ.. އެ ކުއްޖާ ފިޔަވައި ދެން ތިބި ބަލި ކުދިން، އެ ކުދިން ބޭނުންވާ ތަންތަނުން މަޤާމު ލިބެންވާނެ، މިގޮތަށް ދައުލަތުގެ މަޤާމުތައް ދެވެންޏާ..
ބޯގަޅި
24 June 2019
ސީދާ ކޮރަޕްޝަން
ހިތެއްނެތް
24 June 2019
ޚާއްސަ އެހީއަށް ބޭނުންވާ މީހުންނަށް އެހީވެދިނުމަކީވެސް މިހާރު ކޮރަޕްޝަން؟
އެކަން
24 June 2019
އަޅުގަނޑުގެ ދަރިފުޅަކީވެސް ހާޢްސަ އެހީތެރިކަމެއް ބޭނުންވާ ކުއްޖެއް، ކެއާރ ސޮސައިޓީއަށް ގެންދަން އެތަނަށްވެސް މަހަކު 1500ރ ދައްކަންޖެހޭ އެހީތެރިކަން ހުންނަ ކުދިންނަށް އެހީތެރިވުމުގެ ގޮތުން ސަރުކާރުން ކީއްތޯވާނި އެފަދަ އެންޖީއޯތަކަށް އެހީތެރިވުމުގެ ގޮތުން އެކުދިން އަތުން ނަގާ ފީ ސަރުކާރުން ދައްކާދިނިއްޔާ އެހީތެރިކަމެއްދޯ އެއީ ސަރުކާރުން ދެނީ 200ރ ހާއްްސަ ސްކޫލަށް 1500ރ ދެން އެހީތެރިކަމެއްތޯ މިދެނީ ދިމަލެއް ނުވޭ ކިޔާ އެއްޗަކާ
ޓޮކާނޯ
24 June 2019
ޔާމީނު ކުރި ހުރިހާ ކަމެއް ކުރާތި ފޭމަސް ވާން
ރަށުމީހާ
24 June 2019
ބެލެނިވެރިޔާ އަށް ތިކަމަކީ ނައިބު ރައީސް އަށް ކުރެވޭނެ ކަމެއްނޫން.
ހައްޖަ
23 June 2019
ނުކުޅެދުންތެރިކަން ހުންނަ މީހުން ދޭންޖެހޭ ޢިނާޔަތާ ހިމާޔަތް ރައްކާތެރިކަން އެމީހުންނަށް ވެސް ލިބެން ޖެހޭނެ އެކަމަކު ސަރުކާރުގެ މަތީ ފެންވަރުގެ މަގާމްތަށް އެމީހުންނަށް ދިނުމުން އެމަސައްކަތް އެ މީހުންނަކަށް ނުކުރެވޭނެ އެކަމުގެ ސަބަބުން އެމަސައްކަތް އިތުރު މީހަކު ކުރަން ޖެހޭނެ އެކަން ކުރަން ޖެހޭ މީހަކަށް މަސައްކަތް ދެގުނަ އިތުރުވީ
މަންޑޭލާ
23 June 2019
އިންޑިޔާސިފައިން ބެރުކުރޭ. މި ރާއްޖެއަކީ ފަހުރުވެރި މިނިވަންކަމެ އޮތްޤައުމެ. މިހާރު ހިޔަނި އެޅެމުންދަނީ.
ކަކުނިބޯ
24 June 2019
މަޖީދީމަގުގަ ޓްރެފިކް ވަރަށް ބޮޑު ހައްލުކޮށްލަންވީނު
ޖަމާލުން
23 June 2019
އަހަރެންވެސް މިއުޅެނީ 55 އަށްވުރެ މަތިވީމާ ވަޒީފާ ގަނޑެއް ނުލިބިގެން އަނބިދަރިންނަށް ކާންބޯން ނުދެވިގެން! ނައިބުރައީސް ގާތުވެސް ބުނިން. ހަރާންފަދަ ކޮށްދިން ކަމެއް! ދެން ހަމަ އިސްތިހާރުވާން ވެގެން މިކަހަލަ ކަމެއް ކުރީމާ.........
ވިސްނަވާ
23 June 2019
މާތްﷲ އަރަފާތަށް އަރަފާތަށް ކާމިޔާބު ދިރިއުޅުމެއް މިންވަރު ކުރައްވާށި. އާމީން! ނާއިބުރައީސް ހެޔޮނިޔަތުގައި ކުރެއްވިޔަސް ހެޔޮނުވާނެ އަހަރެމެންކަހަލަ ނިކަމެތިންނަށް އެގޭނެހެން މިކަހަލަ ކަންކަން އިޝްތިހާރު ނުކުރައްވާ! އަހަރެމެން އުޅޭހާލުން ހިތަށްވަރަށް ދަތިވޭ. އަހަރެމެންނޫނަސް މިފަދަ ހާލުގައި އެތައްބަޔަކުތިބޭނެ. އަހަރެމެން މާލޭގައި މިއުޅެނީ ތެލެސީމިއާ ދެކުދިން ގޮވާގެން ކުއްޔަށް. އޯލެވެލް ނިއްމާފަ ދަރިންތިބީ. ކުދިން ވަޒީފާޔަށް އެތައްތަނަކަށްލާފިި.
ޔޫޓާން
24 June 2019
މިހިރީ މީންނަށްކޮއްލާ އަސަރު. އުސޫލެއްނެތި މިފަދަ ކަންކން ކުރުމުން. ނާއިބުރައީސަށް ކޮންމެވެސް މަިހަކު މިކޮމެންޓުތައް ފޮނުވާދީބަލަ