ފްލެޓްތައް 7،000ރ. އަށް ދެވޭނެ، އެޗްޑީސީން ކަނޑައެޅީ ބޮޑު އަގެއް: މުއިއްޒު

ހައުސިން މިނިސްޓަރު ޑރ. މުއިއްޒު: ހިޔާ މަޝްރޫއުގެ ފްލެޓްތައް ދޫކުރަން ކުރީގެ ސަރުކާރުން ނިންމީ 5،600ރ. އަށް ކަމަށް މިނިސްޓަރު ވިދާޅުވި. --ފޮޓޯ: ހުސެއިން ވަހީދު/މިހާރު

ފަޒީނާ އަހުމަދު، މިހާރު

26 ޖޫން 2019 - 12:40

54 comments

ހިޔާ މަޝްރޫއުގެ ފްލެޓަކަށް ކުރީ ސަރުކާރުން އެންމެ ބޮޑުވެގެން މަހަކު 7،000ރ. ދައްކާ ގޮތަށް އަގު ކަނޑައެޅި ނަމަވެސް ހުޅުމާލެ ޑިވެލޮޕްމެންޓް ކޯޕަރޭޝަން (އެޗްޑީސީ) އަށް ފައިދާވާނެ ކަމަށާއި މިހާރު ބުނާ 11،000 ރ. އަކީ ބޮޑު އަގެއް ކަމަށް ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ހުޅުމާލޭގައި އިމާރާތް ކުރަން ފެށި ފްލެޓްތަކަށް މަހަކު ދައްކަން ޖެހޭ ވަރު 11،000ރ އަށް އަރާނެ ކަމަށް އެޗުޑީސީން އިއްޔެ ވަނީ ބުނެފަ އެވެ. އެކަމަކު އެއީ ދެ ކޮޓަރީގެ ފްލެޓަކަށް ބޮޑު އަގަކަށް ވާތީ ސަރުކާރާ އެކު މަޝްވަރާ ކުރަމުން އަންނަ ކަމަށް އެޗްޑީސީން ބުންޏެވެ.

އަގު ބޮޑުވީ، އެޗްޑީސީން ބުނިގޮތުގައި، ފްލެޓް އަޅަން ފުރަތަމަ ހަވާލުކުރި އިރު ހިމެނިފައި ނުވާ ފިނިޝިންގެ މަސައްކަތްތައް ފަހުން ހިމެނުމުންނެވެ. ހިޔާ މަޝްރޫއުގެ އިމާރާތްތަކަށް ގެނައި ބަދަލުތަކުގެ ސަބަބުން ފްލެޓްގެ އަދަދު ވެސް ވަނީ 6،860 އަށް މަދުވެފަ އެވެ. އެއީ އެ އިމާރާތްތަކުގެ ތިރިން ބައެއް ބައިތައް ވިޔަފާރީގެ ބޭނުމަށް ހާއްސަ ކުރުމުންނެވެ. އެކަމަކު ވިޔަފާރީގެ ބޭނުމަށް ބައެއް ތަންތަން ހާއްސަ ކުރިޔަސް ފްލެޓެއްގެ އަގަށް ބަދަލު އަންނަ ވަރުގެ އާމްދަނީއެއް އެ ތަންތަނަކުން ނުލިބޭނެ ކަމަށް އެޗްޑީސީން ބުންޏެވެ.

ކުރީ ސަރުކާރުން ފްލެޓަށް ކަނޑައެޅި އަގަކީ 5،600ރ.

އެޗްޑީސީގެ މި ވާހަކަތަކަށް ޑރ. މުއިއްޒު ޖަވާބު ދެއްވީ ކުރީގެ ސަރުކާރުގައި އެ މަޝްރޫ އަށް އަގު ހަދާފައިވާ ގޮތުގެ ތަފްސީލުތައް އާއްމުކުރައްވަމުންނެެވެ.

މިނިސްޓަރު ވިދާޅުވީ ކުރީގެ ސަރުކާރުގައި ރައީސް ޔާމީން ނިންމާފައިވާ ގޮތުން ހިޔާ މަޝްރޫއުގެ ފްލެޓްތަކުގެ މަހު ކުއްޔަކީ 5،600ރ. ކަމަށެވެ. އެކަން ހައުސިން މިނިސްޓްރީ އާއި އެޗްޑީސީ އަށް ރައީސް އޮފީހުން އެންގި ކަމަށް އޭނާ ވިދާޅުވި އެވެ.

Hiyaa flat thakuge mahukuyyakee Rf 5600 kamah Raees Yameen 17/10/2018 gai vanee nimmavaafai. Housing Ministry adhi HDC ah ekan vanee eyru angavaafai.Emme ginavegen Rf7000 ge kuyyakunves 15 aharu thereygai HDC ah faidhaavey (project aa gulhunhuri hurihaa kharadheh himeney gothun) pic.twitter.com/W9YdeRuOvv
— Dr Mohamed Muizzu (@MMuizzu) June 25, 2019

ފްލެޓްތަކުގެ އަގާ ގުޅިގެން މުއިއްޒު ކުރެއްވި ޓުވީޓް.

މިނިސްޓަރު ވަނީ ފްލެޓްގެ އަގު، 25 އަހަރާއި 20 އަހަރު އަދި 15 އަހަރަށް ބަހާލުމުން ޑައުންޕޭމަންޓާއި މަހު ކުލީގެ ގޮތުގައި ދައްކަން ނިންމި ވަރުގެ ތަފްސީލުތައް ވެސް އާއްމު ކުރައްވައިފަ އެވެ.

މިނިސްޓަރު ވިދާޅުވި ގޮތުގައި އެ މަޝްރޫއުގެ ފްލެޓެއް މަހަކު އެންމެ ބޮޑުވެގެން 7،000ރ. އަށް ދެއްކި ނަމަވެސް 15 އަހަރުގެ ތެރޭގައި އެޗްޑީސީ އަށް ފައިދާވާނެ އެވެ. އެއީ މަޝްރޫއުގެ ހުރިހާ ހަރަދެއް ހިމަނައިގެން ކަމަށް ވެސް ވިދާޅުވި އެވެ.

އެޗްޑީސީން ބުނެފައިވާ ގޮތުގައި ހިޔާ މަޝްރޫއުގެ ފްލެޓްތައް ނިމޭނީ އަންނަ އަހަރުގެ ފެބުރުއަރީ ނުވަތަ މާޗް މަހު އެވެ.

ހިޔާ މަޝްރޫއުގެ ފްލެޓްތައް ފަރުމާކޮށްފައިވާ ގޮތުން ގިނަ މައްސަލަތަކެއް ވަނީ ކުރިމަތިވެފަ އެވެ. އެގޮތުން 25 ބުރީގެ އިމާރާތްތަކުގައި ހުންނަނީ އެންމެ ހަތަރު ލިފްޓް ކަމަށް ވާތީ އުނދަގޫތަކެއް ކުރިމަތިވާނެ އެވެ. އެކަމަކު އެ ތަންތަނަށް ލިފްޓް އިތުރު ކުރެވޭނެ ގޮތެއް ނެތް ކަމަށް ވެސް އެޗްޑީސީން ބުންޏެވެ.

ބޯހިޔާވަހިކަން ފްލެޓް ހުޅުމާލެ ހައުސިން އެޗްޑީސީ ޑރ. މުހައްމަދު މުއިއްޒު، މާލޭގެ މޭޔަރު ހިޔާ ފްލެޓްތައް

54 ކޮމެންޓް, 57 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝެލަރީ

27 June 2019

ފުލެޓްތަށް ބަހާލީ ޕާޓީ ކުދީންނައް އެވާހަކަ ވެސް ކިޔާދީބަ ތީ ޤައުމީ ޤައްދާރުނޭ މުޅި ޤައުމު އެގޮވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

27 June 2019

މުއީޒު ތިޔަ ބުނާ ކުޑަ އަގުގައި ދޭން ވިސްނާފައޮތްއިރު ފިނިޝިންގ ގެ ހުރިހާކަމެއް 25 ބުރިއާހަމައަށް އެއްޗެހި އުފުލައިގެން ކުރަން އޮތީ ރައްޔިތުންނަށް. އަދި ޗައިނާ ޓައުން އިން އެންމެ ފުރަތަމަ ދިން ފްލެޓްތައް ތިޔަ ތަންތަން ހެދި އަގަށްވުރެ މާކުޑަކޮށް ހަދަން ޚަރަދު ދިޔައީ. އެކަމަކު ވެސް ދިނީ 7350 ރުފިޔާއަށް ހަމަ ތިޔަ މުއިއްޒުގެ ވެރިކަމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަމީރު އަލީ

27 June 2019

އެގާރަ ހާސް ރުފިޔާއަކީ މާލޭގެ ކުލީގެ ރޭޓަށްބަލާފައި ހެޔޮއަގެކެވެ. ސަރުކާރަށް ފައިދާވުމަކީ ރައްޔިތުންނަށްވެސް ފައިދާވާނެކަމެކެވެ. މިހާރުވެސް މިއަޅާ މި ދިރިއުޅެނީ 2 ކޮޓަރި 18 ހާހަށް ކުއްޔަށް ހިފައިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެސީ

27 June 2019

މުއީޒް ހަދާން އެބަހުރިތަ ގާކޮށި ފުލެޓަށް ވީގޮދެެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުންޒަހަމް

27 June 2019

މިގައުމުގައި މީހުން އުޅޭތާ 3000 އަހަރުވީއިރު 1978 އަހަރާހަމަޔަށް ސަރުކާރަކުން ބިމެއް ތިޔަބުނާ ފުލެޓްގެ ނަމުގައި ދެއްވާކަމައް ވިދާޅުވާ ބޮޑުއަގުގައި ފުލެޓެއްވެސް ވިއްކާފަ އެއްނެތް މިއީ ރާވައިގެން ރަށްޔަތުން އަޅުވެތި ކުރަން ހިންގި ޖަރީމާއެއް އަނެއްކާ މިގަންނަން މިޖެހެނީ ހަމަ އެކަނި މާލޭގެ ރަށްޔަތުން ރަށްރަށުގައި ހިލޭ ގޯތި ދޫކުރޭ މާލޫގެ ރަށްޔިތަކަށް ވެއްޖެއްޔާ ރަށަކުންވެސް ނުލިބޭ މާލެޔަކުންވެސް ނުލިބޭ މީތޯ އިންސާފަކީ ވޯޓްލާން މާލޭގެ ރަށްޔަތުންފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

27 June 2019

ކޮންމެ ރަށެއްގެ ރައްޔިތަކަށްވިޔަސް ބިން އޮންނަ ރަށްތަކުން ބިންލިބޭ. އެކަމަކު އެއްވެސް ރަށަކުން އޭނައަށް ބިމެއް ލިބިފައިނެތްނަމަ. ލާމު ގަމުން މާލޭގެ ކިތައް މީހުންތޯ ބިން ނަގާފަ އޮތީ ބަލާލުން ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުޅި

27 June 2019

ފުންޒަހަމް ހަތަރުކަށިމަތި މާލޭމީހުން މިހާރުވެސް ދިރިއުޅެނީ ސިންގަޕޫރު މެލޭޝިޔާ ލަންޑަން ފަދަ ގައުމުތަކުގަ. އަތުންފައިން އެއްވެސް ކަމެއްނުކުރޭ. އަދިވެސް މާލޭ މީހުންނަށްތަ ބިންދޭންވީ. ހަދަންވީ ގޮތަކީ ރާއްޖޭގެ އެންމެންނަށް ބިންދެވޭފަދަ ބޮޑު ބިންލިބިގެންވާ ލ. އަތޮޅަށް ދިވެހިރާއްޖޭގެ ވެރިކަން ބަދަލުކުރުން. އޭރުން މާލޭ ގެ ބިން މާލޭ މީހުންނަށް ލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޖޭ

27 June 2019

. 82ހާސް ޑޯލަރަށ ފްލެޓް އެއްޖެހޭ އިރު، ހަމަ އެކަނި އެ އަދަދު 82،398ޑޮލަރު (1،270591ރ 15 އަހަރަށް މަހަކަށް ޖެހެނީ 7058ރ، އަދި ކޮބާ 15 އަހަރުގެ ލޯން ިންޓެރެސްޓް، މުއިއްޒު އެއޮތީ ބުނެފަ ލައިބޯރ+%3.3 ކަަމަށް، އެއީ %5.9، އެއީ މަހަކު 10،500ރ އެބަ ޖެހޭ،، ދެނ ްކިހިނެއް މިތަން 7000ރ އަށް ދ"ޫކުރެވޭނީ ވެސް ، އަދި އެހްޑީސީ އަށް ފައިދާ އެއވެސް ނުވާނެ.... މުއިއްޒުމެން މިޕރޮޖެކްޓް ަހވާޅު ކޮށްފައި އެއޮތީ އަކަފޫޓޭއް 1905ރ އަށް، އެއީ މިއަދު މާކެޓް އަގުގެ %180...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީމާ1

26 June 2019

ކޮބާހޭ ބަލަ ފުލެޓް ކޮމިޓީ ގެ ހަބަރަކީ.... ޗަރުކޭސް ނުދައްކަ ރައްޔިތުން ރަތަށް ނާރަނީސް ވާންވީ ގޮތެއް ބުނެދޭންވީނުން.... މިހާރު ކޮން ދުވަހެއް ތަޅުވާތާ... އަދި ވެސް ހިތް ނުފުރޭތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

26 June 2019

ބޯހިޔާވަހިކަމަކީ ސަރުކާރުގައި އިހްލާސްތެރިކަމެއް ހުރިނަމަ ހައްލު ކުރެވޭ ވަރުގެ ސިމްޕަލް ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

27 June 2019

އެއްވެސް ސަރުކާރެއްގަ ނުހުންނާނެ ތި އިޚްލާސްތެރިކަމެއް، މާލޭގައި ބޮޑެތި އިމާރާތްތައް އަޅާފަ ގެ ކުއްޔަށްދީފަ ސިންގަޕޫރާއިނ ޔޫރަޕްގަ އުޅޭ މަހްޖަނުންނަށް އޭރު ކިހިނެތްވާނީ. މުޒާހާރާނުކޮށް މިކަން ހައްލުނުވާނެ. ރައްޔިތުންނަށް މިހާރުވެސް މިލިބޭ އަސާސީ ހިދުމަތްތައް މި ލިބެނީ މުޒާހަރާކޮށްގެން، ކުޑަ ހިތްވަރެއް ބޭނުންވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޑް

26 June 2019

ކޮންމެ ފުލެޓެއް ތަޅާލާފައި ފަސްފަހަރު އަލުން ހަދައި މީހުންނަށް އުޅެން ކަމުނުދާ ފުލެޓެއް ދެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

26 June 2019

ކަލޯ ހަމަ ހޭގަތަ ތިހިރީ. ޙަނދާން ނުވޭތަ ގާކޮށްޓައި އަރަބިއްޔާ ފްލެޓް ހައްގުވި ނިކަމެތި ރައްޔިތުންނާ މެދު ކަލޯ ކަންތައް ކުރި ގޮތް. ކަލޯ އަނގަ ހުޅުވަން މާކަ ތާޚިރެއް ނުވާނެ.