ފަސް ރަށެއްގެ ސިއްހީ މަރުކަޒު ހޮސްޕިޓަލަށް ބަދަލުކުރަނީ

ގދ. ގައްދޫގެ ސިއްހީ މަރުކަޒު ހޮސްޕިޓަލަކަށް ބަދަލުކުރަން ވީ އެއްބަސްވުން ހެލްތު މިނިސްޓަރު އަބްދުﷲ އަމީން (މ) އާއި އާކްއެންޑް ސްޓޫޑިއޯ މެނޭޖިން ޑައިރެކްޓަރު މުހައްމަދު ހާމީން (ކ) ބަދަލުކުރައްވަނީ، ގައްދޫ ދާއިރާގެ މަޖިލިސް މެމްބަރު އަހުމަދު ޒާހިރު ކައިރީގައި ހުންނަވަނިކޮށް -- ފޮޓޯ: ނިޝާން އަލީ/މިހާރު

ލަމްޔާ އަބްދުﷲ، މިހާރު

26 ޖޫން 2019 - 14:40

22 comments

ރާއްޖޭގެ ފަސް ރަށެއްގެ ސިއްހީ މަރުކަޒެއް ހޮސްޕިޓަލަށް ބަދަލުކުރަން ހެލްތު މިނިސްޓްރީން މިއަދު ނިންމައިފި އެވެ.

ހޮސްޕިޓަލަށް ބަދަލުކުރަން ނިންމީ ހއ. އިހަވަންދޫ ސިއްހީ މަރުކަޒާއި ޅ. ހިންނަވަރުގެ ސިއްހީ މަރުކަޒާއި އދ. މާމިގިލި ސިއްހީ މަރުކަޒާއި ތ. ތިމަރަފުށީގެ ސިއްހީ މަރުކަޒު އަދި ގދ. ގައްދޫ ސިއްހީ މަރުކަޒެވެ.

މި ސިއްހީ މަރުކަޒުތައް ހޮސްޕިޓަލްތަކަށް ބަދަލުކުރަން ބޭނުންވާ ޑިޒައިން ހެދުން ދެ ކުންފުންޏަކާ މިއަދު ވަނީ ހަވާލުކޮށްފަ އެވެ.

ތިމަރަފުށީ ސިއްހީ މަރުކަޒު ހޮސްޕިޓަލަކަށް ބަދަލުކުރަން ޑިޒައިންކުރަން ހަވާލުކުރީ އިޕޮކް އެސޯސިއޭޓްސްއާ އެވެ. މި އެއްބަސްވުމުގައި ހެލްތު މިނިސްޓަރު އަބްދުﷲ އަމީން ސޮއިކުރެއްވި އިރު، އިޕޮކް އެސޯސިއޭޓްސްގެ ފަރާތުން ސޮއިކުރެއްވީ އެތަނުގެ މެނޭޖިން ޑައިރެކްޓަރު މުއާވިއަތު އަބްދުއްސައްތާރެވެ.

ޖުމްލަ 60 ދުވަހުގެ ތެރޭގައި މަސައްކަތް ނިންމާ ގޮތަށް ހަވާލުކުރީ 147،953ރ. އަށެވެ.

ތިމަރަފުށީ ސިއްހީ މަރުކަޒު، ހޮސްޕިޓަލަކަށް ބަދަލުކުރުމުގެ ޑިޒައިން އެއްބަސްވުމުގައި މިނިސްޓަރު އަމީން ސޮއިކުރައްވާއިރު، އެ ދާއިރާގެ މެމްބަރު ރިޔާޒް އަރިހުގައި.---ފޮޓޯ: ނިޝާން އަލީ/މިހާރު

އިހަވަންދު އާއި ހިންނަވަރާއި މާމިގިލި އަދި ގައްދޫގެ ސިއްހީ މަރުކަޒުތައް ހޮސްޕިޓަލަކަށް ބަދަލުކުރަން ޑިޒައިން ކުރަން ހަވާލުކުރީ، 477،077ރ ގެ އަގަކަށް އާކްއެންޖް ސްޓޫޑިއޯއާ އެވެ. މި މަސައްކަތަށް ދިނީ 60-66 ދުވަހެވެ.

އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ މެނޭޖިން ޑައިރެކްޓަރު މުހައްމަދު ހާމީން އެވެ. މިނިސްޓްރީގެ ފަރާތުން ސޮއިކުރެއްވީ މިނިސްޓަރު އަމީނެވެ.

ހިންނަވަރު ސިއްހީ މަރުކަޒު، ހޮސްޕިޓަލަކަށް ބަދަލުކުރުމުގެ ޑިޒައިން އެއްބަސްވުމުގައި މިނިސްޓަރު އަމީން ސޮއިކުރައްވާއިރު، އެ ދާއިރާގެ މެމްބަރު ޖީހާން އަރިހުގައި.---ފޮޓޯ: ނިޝާން އަލީ/މިހާރު

މި ރަސްމިއްޔާތުގައި ވާހަކަ ދައްކަމުން އަމީން ވިދާޅުވީ ރާއްޖޭގެ ސިއްހީ ހިދުމަތުގެ ފެންވަރު ރަނގަޅުކުރަން މި ސަރުކާރުން ވަރަށް ބޮޑު އިސްކަމެއް ދޭ ކަމަށެވެ.

ހެލްތު މިނިސްޓްރީން ބުނި ގޮތުގައި ސިއްހީ މަރުކަޒުތައް ހޮސްޕިޓަލުތަކަށް ބަދަލުކުރުމުން އެތަނުން ދޭ ހިދުމަތްތައް އިތުރުވާނެ އެވެ. އެގޮތުން އަންހެނުންގެ ހާއްސަ ޑޮކްޓަރުންގެ ހިދުމަތާއި ކުޑަކުދިންގެ ހާއްސަ ޑޮކްޓަރުންގެ ހިދުމަތް ލިބޭނެ އެވެ. އަދި ދަތުގެ ފަރުވާ އާއި ފިޒިއޮތެރަޕީގެ ހިދުމަތާއި ޑައަލަސިސް ހިދުމަތް ވެސް ލިބޭނެ ގޮތް ހަމަޖައްސާނެ ކަމަށް މިނިސްޓްރީން ބުންޏެވެ.

އިހަވަންދޫ ސިއްހީ މަރުކަޒު، ހޮސްޕިޓަލަކަށް ބަދަލުކުރުމުގެ ޑިޒައިން އެއްބަސްވުމުގައި މިނިސްޓަރު އަމީން ސޮއިކުރައްވާއިރު، އެ ދާއިރާގެ މެމްބަރު ޝިފާއު އަރިހުގައި.---ފޮޓޯ: ނިޝާން އަލީ/މިހާރު

ހޮސްޕިޓަލަކަށް ބަދަލުވުމުން އިތުރުކުރާ ކަންކަމުގެ ތެރޭގައި އެމަޖަންސީ ކޮޓަރިއަކާއި ކުދި އޮޕަރޭޝަން ކުރާނެ ތިއެޓަރަކާއި އައިސީޔޫއަކާއި ތުއްތު ކުދިންނަށް ހާއްސަ އައިސީޔޫއެއް ހިމެނެ އެވެ. އަދި އެކްސްރޭގެ ހިދުމަތާއި ވިއްސާ ކޮޓަރިއަކާއި އަލްޓްރާ ސައުންޑް ސްކޭނުގެ ހިދުމަތްތައް ވެސް އެތަންތަނުން ލިބޭނެ ގޮތް ހަމަޖައްސާނެ ކަމަށް މިނިިސްޓްރީން ބުނެ އެވެ.

ހޮސްޕިޓަލް ހެލްތު މިނިސްޓްރީ އަބްދުﷲ އަމީން، ކުރީގެ ހެލްތު މިނިސްޓަރު

22 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔުނައިޓެޑް އައްޑޫ

27 June 2019

އަތޮޅުތެރޭ ނެތްވަރުގެ ހޮސްޕިޓަލެއް ނައިފަރުގައި ހުއްޓާ ޖެހިގެން އޮތް ހިންނަވަރުގެ ސިއްޙީމަރުކަޒު ހޮސްޕިޓަލަކަށް ބަދަލު ކުރުމަކީ މަޤާމުގެ ނުފޫޒު ބޭނުންކޮށްގެން ނާޖާއިޒު ފައިދާނެގުން. ކޮރަޕްޝަނަކީ އެކަނި ފައިސާއިން ހިންގާ ކަމެއް ނޫން. މިއީ ސިޔާސީ ކޮރަޕްޝަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ޚިޔާލު

27 June 2019

ގައްދޫގައި ސްކޭންގެ ޚިދުމަތް ފެއްޓުމަށްވުރެ މާ ތާހިރު ވާނެ، ތިނަދޫގައި ސްކޭން ޚިދުމަތުގެ ހުރިހާ މެޝިނެއް ހުރެމެ ޑޮކްޓަރެއް ނެތިގެން އުޅޭ އިރު، ސްކޭން ޑޮކްޓަރެއް ތިނަދުއަށް ފޮނުވައިފިއްޔާ. އަތޮޅު ހޮސްޕިޓަލޯ. ލޮލް. ތެދެއް. ގައްދޫ އެ ޖަހަލީ މެކުހަށް. އެނގޭތީ މި ބުނީ. ނޫސްވެރިން މިކަން ބަލައިގެން ތިބޭތި. ގައްދޫ ހޮސްޕިޓަލާއި ތިނަދޫ ޑރ. ޢަބްދުއްސަމަދު މެމޯރިއަލް ހޮސްޕިޓަލްގެ ތަފާތުތައް ކުރިއަށް އޮތް ތަނުގައި ފެންނާނެ. ކުރިއަރަނީ ކޮން ތަނެއްތޯ ބަލާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮޅާ

27 June 2019

ސިއްހީ މަރުކަޒު ހޮސްޕިޓަލަކަށް ބަދަލު ނުކޮށްފިއްޔާ ބުނާނެ ހޮސްޕިޓަލެއް ނެތޭ. ހޮސްޕިޓަލަކަށް ބަދަލުކޮށްދޭން ނިންމައިފިއްޔާ ބުނާނެ ނަން ބޯޑެކޭ. ރަނގަޅު އެއްގޮތްވެސް އެބައޮތްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިފާޒް

27 June 2019

ހިންނަވަރުގައި މިހާރު އެއް ހޮސް ޕިޓަލް އަޅައިފި ގޯތި ދޫކުރުންވެސް އަވަސް ކޮއްލަ ދީބަ. ބޯހިޔާވަހިކަމަކީވެސް އަސާސީ ހައްގެއް. ހިންނަވަރުގައި ގޯތި ދޫނުކުރާތާ 18ވަރަކަށް އަހަރުވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްޔާހު

27 June 2019

ހޯރަފުއްޓަށް އެއަރޕޯޓް ދީފިން އިހަވަންދުއަށްވެސް ކޮންމެވެސް ހިދުމަތެއް ލިބެންޖެހޭ. މިސަރުކާރުން ހަމައެކަނި ހޯރަފުއްޓަށް ކިހާބޮޑު ކުރިއެރުމެއް ވެދިނީ ޔާމީނު ފަށާފައިވާ މަޝްރޫއެއްގައި ޕެޗް އަޅައިގެން ހޯރަފުއްޓަށް ދިންއިރު އިހަވަންދޫ މީހުންތިބީ އެކަހެރިވެފަ.އެކަމަކު މިހާރު ހިތްހަމަ ޖެހިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައިލްސް

27 June 2019

އިހަވަންދު އާއި ހިންނަވަރާއި މާމިގިލި އަދި ގައްދޫގެ ސިއްހީ މަރުކަޒުތައް ހޮސްޕިޓަލަކަށް ބަދަލުކުރަން ޑިޒައިން ކުރަން ހަވާލުކުރީ، 477،077ރ ގެ އަގަކަށް ، ރަނގަޅު އަގެއްތަ މީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލީމާ

27 June 2019

މި ކޮމެންޓް ތައް ބެލީމަ އެގޭ ދިވެހިންނަށް ރަގަޅު އެއްގޮތެއްވެސް ނެތްކަން. މިހާތު ދުވަހަކު ނާޅާވަރަށް ހޮސްޕިޓަލްތައް އަޅަންފެށީމަ ކިޔަނީ ނަންބޯޑޭ. ހޮސްޕިޓަލަ ހުޅުވާ ޚިދުމަތްދޭ ދުވަހު ބުނާނެ ތޯއްޗެއް މާލަހުންނޭ އިމާރާތަ އެޅީ. މިނިސްޓަރ އަމީންގެ ފާމްނެސް އަށް އަޅުގަނޑު ސެލިއުޓު ކުރަން.