ވިޔަފާރި / ވެލާނާ އިންޓަނޭޝަނަލް އެއާޕޯޓް

އާ ޓާމިނަލުން ފެންނާނީ ދިވެހިވަންތަ ސިފަތައް، އެއްބަސްވުމުގައި ސޮއިކޮށްފި

އާ ޓާމިނަލްގެ އެއްބަސްވުމަށް ގެންނަ ބަދަލުތަކުގައި ސޮއިކުރެއްވުމަށް ފަހު ސައުދީ ބިންލާދިން ގްރޫޕްގެ ސީއޯއޯ ޕައުލޯ ބީޖީ (ކ)، އެމްއޭސީއެލްގެ އެކްޓިން ސީއީއޯ މޫސާ ސޯލިހު އެގްރިމެންޓް ދައްކާލައްވަނީ --ފޮޓޯ:ނިޝާން އަލީ/މިހާރު

ފާތިމަތު ޝަނާ މުހައްމަދު، މިހާރު

27 ޖޫން 2019 - 13:22

28 comments

ވީއައިއޭގެ އާ ޓާމިނަލްގެ އެތެރޭގެ ޑިޒައިން ދިވެހިވަންތަ ސިފަތަކަކާ ހެދުމުގެ ގޮތުން ކުރީގެ އެއްބަސްވުމަށް ގެންނަ ބަދަލުގައި އެމްއޭސީއެލް އާއި ސައުދީ އަރަބިއްޔާގެ ބިން ލާދިން ގްރޫޕުން މިއަދު ސޮއިކޮށްފި އެވެ.

ވީއައިއޭގައި ބޭއްވި ރަސްމިއްޔާތުގައި އާ ޓާމިނަލަށް ގެންނަ ބަދަލުތަކުގެ އެއްބަސްވުމުގައި އެމްއޭސީއެލްގެ ފަރާތުން އެކްޓިން މެނޭޖިން ޑިރެކްޓަރު މޫސާ ސޯލިހު ސޮއިކުރެއްވި ބިންލާދިން ގްރޫޕްގެ ފަރާތުން ސޮއިކުރެއްވީ ސީއޯއޯ ޕައުލޯ ބީޖީ އެވެ.

މީގެ ދޮޅު އަހަރެއްހާ ދުވަސް ކުރިން އާ ޓާމިނަލްގެ އަމަލީ މަސައްކަތް ފެށި ކަމަށް ވިޔަސް ހުއްޓިފައި އޮންނަތާ ދުވަސްތަކެއް ވެއްޖެ އެވެ. އެކަމަކު އެއްބަސްވުމަށް ގެންނަ ބަދަލުތަކުގައި ސޮއިކުރުމާާ އެކު އެ މަސައްކަތް ކުރިއަށް އޮތް ދިހަ ވަރަކަށް ދުވަހުގެ ތެރޭގައި ފެށޭނެ ކަމަށް، އެމްއޭސީއެލުން ބުންޏެވެ.

ސޯލިހު ވިދާޅުވީ ޓާމިނަލްގެ މަސައްކަތް އަލުން ފެށުމަކީ ވަރަށް ބޮޑު ކާމިޔާބީއެއެއް ކަމަށެވެ.

ޕައުލޯ ވިދާޅުވި ގޮތުގައި ޕްރޮޖެކްޓަށް މައްސަލަތަކެއް ދިމާވި ނަމަވެސް އެކަން ހައްލުކުރެވި އަލުން ފެށުނީ ސައުދީ ފަންޑުގެ އެހީތެރިކަމާ އެކު އެވެ.

ސައުދީ ފަންޑަކީ 357 މިލިއަން ޑޮލަރު (5.5 ބިލިއަން ރުފިޔާ) ހޭދަކުރާ މަޝްރޫއަށް މާލީ އެހީ ދޭ އެއް ފަރާތެވެ. އެ ފަންޑުގެ އިތުރުން ދެން ފައިސާ ދެނީ މެދުއިރުމަތީގެ އެހެން ބައެއް ގައުމުތަކުންނެވެ.

ޓާމިނަލްގެ ފައުންޑޭޝަނަށް ބޭނުންވާ ދަގަނޑު ހޮޅިތައް ޖެހުމުގެ އިތުރުން އެހެން މަސައްކަތެއް މިހާތަނަށް އޮތީ ނުކުރެވި އެވެ. އޭގެ ސަބަބަކީ ބޭނުންވާ ބައެއް ފައިސާ ލިބޭ ގޮތް އޭރު ހަމަނުޖެހުމެވެ.

އާ ޓާމިނަލްގެ އެއްބަސްވުމަށް ގެންނަ ބަދަލުތަކުގައި ސައުދީ ބިންލާދިން ގްރޫޕްގެ ސީއޯއޯ ޕައުލޯ ބީޖީ (ކ)، އެމްއޭސީއެލްގެ އެކްޓިން ސީއީއޯ މޫސާ ސޯލިހު ސޮއިކުރަައްވަނީ --ފޮޓޯ:ނިޝާން އަލީ/މިހާރު

މިހާރަށް ވުރެ ބޮޑު ޓާމިނަލެއްގެ ބޭނުން ޖެހިފައި އޮތް ރާއްޖޭގެ އެންމެ ބޮޑު އެއާޕޯޓްގައި ހަދާ ޒަމާނީ ޓާމިނަލް ނިންމަން އިތުރު މުއްދަތު ވެސް، އެއްބަސްވުމަށް ގެނައި ބަދަލުގެ ސަބަބުން، ވަނީ ދީފަ އެވެ. އެގޮތުން މިހާރު އޮތީ 2022 ގައި މަޝްރޫއު ނިންމާ ގޮތަށެވެ.

އެމްއޭސީއެލްގެ އެސޯސިއޭޓް ޖެނެރަލް މެނޭޖަރު މުހައްމަދު ސޮލާހު ވިދާޅުވީ ޓާމިނަލް ނިމޭ އިރު އެތަން ފެންނާނީ ދިވެހިވަންތަ ގޮތަކަށް ކަމަށެވެ. އެގޮތުން ދިވެހިންގެ ސަގާފަތާއި އާދަކާދަތަކުގެ ސިފަތައް ޓާމިނަލުން ފެންނާނެ ކަމަށް އޭނާ ވިދާޅުވި އެވެ.

އާ ޓާމިނަލްއާ ގުޅޭ ގޮތުން އެމްއޭސީއެލްގެ ކޮންސަލްޓެންޓް ޕައުލް އަޑުލް (ކ)، އެމްއޭސީއެލްގެ އެސޯސިއޭޓް ޖެނެރަލް މެނޭޖަރު މުހައްމަދު ސޮލާހު (ވ)--ފޮޓޯ:ނިޝާން އަލީ/މިހާރު

ގާތްގަނޑަކަށް 78،000 ސްކުއާ މީޓަރުގެ ޖާގަ ހިމެނޭ އާ ޓާމިނަލް ހަދަނީ އެންމެ ޒަމާނީ ހިދުމަތްތައް ލިބޭ ގޮތަށެވެ.

އެއާޕޯޓް އާ ޓާމިނަލް ވެލާނާ އިންޓަނޭޝަނަލް އެއާޕޯޓް ބިން ލާދިން ގުރޫޕް އެމްއޭސީއެލް ސައޫދީ އަރަބިއްޔާ ރާއްޖެ-ސައުދީ

28 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަތަން އިސްކުރަންޖެހޭ

27 June 2019

މިސަރުކާރުން އުޅެނީ ހުރިހާކަމެއް އޮޅުވާލަން. ޝުކުރިއްޔާ ޔާމިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދުވެރިޔާ

27 June 2019

އިބޫ ވެރިކަމަ އަރާ ތިތަން ހުއްޓުވީ. ޔާމިންގެ ސަރުކާރުން ތިތަން އަޅާތީ. މި ޓާމިނަލްގެ މޭސްތިރިއަކީ ރައިސް ޔާމިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރުމައިނާ

27 June 2019

ސުވާލަކީ ތިޔަ ކުންފުނީގެ ބޯޑް އެކުލަވާލައިފިތޯ؟ މެނޭޖިންގް ޑައިރެކްޓަރެއްނެތި ކީއްވެގެންތޯ ތިޔަހާ ބޮޑެތި އެގްރީމެންޓްތަކުގައި ތިޔަ ސޮއިކުރަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

27 June 2019

އާދޭހާއިއެކު 2 ރައީސުންގެ ކިބައިން އެދެނީ “ވޯޓް ހޯއްދެވުމަށް ވެވަޑައިގެންނެވި ވައުދު ލަސްނުކޮށް ފުއްދެވުމަށް” މަސައްކަތް ފެއްޓެވުމަށް. * * މާލޭ އެއަރޕޯޓެކޭ އެއްފަދައިން ހަނިމާދޫ އެއަރޕޯޓާއި މާލޭ އެއަރޕޯޓަށްވުރެ ފެންވަރު ރަނގަޅު ރަންވޭއަކާއި ބޮޑް އޭޕްރަންއެއްއޮތް ރާއްޖޭގެ އެންމެ ފުރަތަމަ އިންޓަރނޭޝަނަލް އެއަރޕޯޓް ތަރައްޤީކޮށް “އަހަރުމެންވެސް ކުލީ އަޅުވެތިކަމުންމިންޖުކޮށް” ދިރިއުޅުމުގެ ހައްޤުހޯދާދެއްވާށޭ. އިންސާފު ޤާއިމްކުރެވޭނީ މިކަންކުރެވިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

27 June 2019

ޝުކުރިއްޔާ ރައިސް ޔާމިން. ޔާމިން ފެށިކަމަކަ ވާތީ އަހަރެން ހީކުރީ ނުފަށާނެކަމަ. މަސައްކަ ކުރިޔަ ގެންދިއުމަ ސަރުކާރުން ހުއްދަދިންތީ އުފާކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

27 June 2019

ތިތަން ކިތަމްމެވަރަކަ ސިފަ ބަދަލުކުރަން އުޅުނަސް ރައިސް ޔާމިން ހެދިތަނަކަ ވާނީ. މުޅި އިޔާޕޯޓު ބަދަލުކޮއްލީ ޔާމިން މީދޮގެއްނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗަކޮއޭ

27 June 2019

މަސައްކަތް ހުއްޓުވީމަ ދައްކަންޖެހުނު ފައިސާ އިތުރުވުމުން އަގުބޮޑުވީ. ދެންމިކިޔަނީ ޑިޒައިން ބަދަލުކުރީއޭ... ދިވެހިވަންތައޭ... ފަޅޮލޭ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީމް މައިކާލޯ

27 June 2019

މިމީހުން ކީ އެއްޗެއް ރައްޔިތުންނަށް އެނގޭނީ! ކުރީ ސަރުކާރުން ފަށާފައި ނުނިމި ހުރި ކޮންމެ ޕްރޮޖެކްޓެއްގެ ނެގެޓިވްސް ފުރަތަމަ ގެނެސްދީފަ ދެން މިފެންނަނީ އެއަށް ޗޭންޖަސް ގެނެސްފީމައޭ ކިޔާފައި އަލުން އަގު ރިވައިސްކޮށް އަދި އެއަށްވުރެ ބޮޑުކޮށް އަގުކޮށް ކުރިއަށް ގެންދާތަން. އިޚްލާސްތެރިކަން ހުރީ ކޮން ބައެއްގެ ކަން މިހާރު ރައްޔިތުންނަށް އޮޅޭ