ރައީސް ބިލެއް ތަސްދީގު ކުރައްވަނީ: ގާނޫނީ ފަންނުގެ ބިލް މިއަދު ވަނީ ތަސްދީގު ކުރައްވާފައި -- ފޮޓޯ/ރައީސް އޮފީސް
27 ޖޫން 2019 - 15:04
1 comments
ގާނޫނީ ފަންނުގެ ބިލް ރައީސް އިބްރާހިމް މުހައްމަދު ސޯލިހް މިއަދު ތަސްދީގު ކުރައްވައިފި އެވެ.
ރައްޔިތުންގެ މަޖިލީހުން މިދިޔަ ހަފުތާގައި ފާސްކުރި ގާނޫނީ ފަންނުގެ ބިލަކީ ވަކީލުންނާއި ގާނޫނީ ދާއިރާގެ ކަންކަން ރެގިއުލޭޓް ކުރުމާ ބެހޭ ބިލެވެ. މިއީ ގާނޫނީ ވަކީލުން ރެގިއުލޭޓް ކުރުމާ ބެހޭގޮތުން ރާއްޖޭގައި ފާސްކުރި ފުރަތަމަ ބިލެވެ.
އެ ބިލް ރައީސް މިއަދު ތަސްދީގު ކުރެއްވުމާ އެކު ގާނޫނަކަށް ވެ، އެ ގާނޫނުގެ ދަށުން މިނިވަން މުއައްސަސާއެއްގެ ގޮތުގައި ބާ ކައުންސިލްގެ ނަމުގައި މުއައްސަސާއެއް އުފެދުނީ އެވެ. ވަކީލުން ރެގިއުލޭޓް ކުރުމާއި އެ މީހުންނަށް ހުއްދަ ދިނުމުގެ ކަންކަން ދެން ކުރާނީ އެ ކައުންސިލުންނެވެ.
ގާނޫނުގެ ދަށުން ފުރަތަމަ އިންތިޚާބުކުރާ ބާ ކައުންސިލްގެ މެމްބަރުން ހޮވުމަށް މިއަދުން ފެށިގެން 21 ދުވަހުގެ ތެރޭގައި އިންތިޚާބެއް ބާއްވަން ޖެހޭނެ އެވެ.
ބާ ކައުންސިލްގައި ތިއްބަވާނީ ކައުންސިލްގެ ރައީސާއި ނައިބު ރައީސާއި ބަންޑާރަ ނައިބުގެ އިތުރުން އިތުރު ހަ ވަކީލެކެވެ. ބަންޑާރަ ނައިބު ފިޔަވައި އެހެން ހުރިހާ މަގާމުތަކަށް ވެސް ބޭފުޅުން އިންތިޚާބު ކުރާނީ ވަކީލުން މެދުގައި ނަގާ ވޯޓަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަންޑަރަ އުނދުޅި
27 June 2019
މިވީ ކޮން އެއްޗަކަށް ތޯ އެވެ؟ ވަކީލުންގެ ކޮމިޝަންގައި ވެސް ބަނާޑަރ ނައިބު އެވެ. ޤާޒީންގެ ޖޭއެސްސީ ގައި ވެސް ބަންޑާރަ ނައިބު އެވެ. އެކަމަކު މިހާރު ޖޭއެސްސީގައި ވަކީލުގެ ތެރެއިން ހޮވާފައި ހުރި ލަތީފާ އަކީ ފަނޑިޔާރުން ވޯޓް ދީގެން ހޮވާފައި ހުރި ވަކީލާއެއް ކަމަށް ވާތީ ކަންބޮޑުވެއޭ މިކިޔަނީ މި ޤާނޫނު ހެދި މީހުން ނެވެ.