ހަތަރު މީހަކަށް މަރުގެ އަދަބު ދިނުމުގެ ލިޔުމުގައި ސިރިސޭނާ ވަނީ ސޮއިކުރައްވާފައި. --ފޮޓޯ:އޭއެފްޕީ
04 ޖުލައި 2019 - 11:56
6 comments
ކޮލަމްބޯ (ޖުލައި 4) - މަސްތުވާތަކެތި ހުއްޓުވުމުގެ ކެމްޕޭން ފެއްޓެވި ފަހުން އަމިއްލަ ނަފްސު ވަނީ ނުރައްކަލުގެ ތެރޭގައި ކަމަށް ސްރީ ލަންކާގެ ރައީސް މައިތުރިޕާލާ ސިރިސޭނާ ވިދާޅުވެއްޖެ އެވެ.
އެމަނިކުފާން ވިދާޅުވީ އަމިއްލަ ހަށިކޮޅަށް ނުރައްކާ ކުރިމަތިވަމުންދާ ކަމަށް ބުނެ އިންޓަލިޖެންސް އެޖެންސީތަކުން ވެސް އެމަނިކުފާނަށް އަންގާފައިވާ ކަމަށެވެ.
ސިރިސޭނާ އަށް ނުރައްކާ ބޮޑުވެފައި ވަނީ ޑްރަގުގެ ކުށްވެރިންނަށް މަރުގެ އަދަބު ދޭން ނިންމެވުމުންނެވެ. ހަތަރު ކުށްވެރިއަކަށް މަރުގެ އަދަބު ދިނުމުގެ ލިޔުމުގައި ސިރިސޭނާ ވަނީ މިދިޔަ ހަފުތާގައި ސޮއި ކުރައްވައިފަ އެވެ. އެކަމާ ގުޅިގެން ބައިނަލްއަގުވާމީ ގޮތުންނާއި ގައުމުގެ އެތެރޭން ސިރިސޭނާ އަށް ދަނީ ފިއްތުންތައް ކުރިމަތިކުރަމުންނެވެ.
ބޮޑު ވަޒީރު ރަނިލް ވިކްރަމަސިންހަ ވަނީ ލަންކާގައި މަރުގެ އަދަބު ދިނުމާ ދެކޮޅު ކަމަށް ވިދާޅުވެފަ އެވެ. ކުރީގެ ރައީސް މަހިންދާ ރާޖަޕަކްސާ އާއި ޕާލަމެންޓުގެ ގިނަ މެންބަރުން ވެސް އެކަމާ ދެކޮޅު ހައްދަވާ ކަމަށް ރަނިލް ވިދާޅުވި އެވެ.
ލަންކާގައި މަރުގެ އަދަބު ދިނުން ހުއްޓުވުމަށް ސުޕްރީމް ކޯޓަށް ވަނީ 10 ޕެޓިޝަން ހުށަހަޅައިފަ އެވެ.
ސިރިސޭނާ ވިދާޅުވީ މަސްތުވާތަކެއްޗަށް ދެވި ހިފާފައިވާ 200،000 މީހުން ލަންކާގައި އެބަތިބި ކަމަށާއި ލަންކާގެ ޖަލުތަކުގެ އާބާދީގެ 60 ޕަސެންޓަކީ ޑްރަގާ ގުޅޭ ކުށްވެރިން ކަމަށެވެ.
ސިރިސޭނާގެ އޮފީހުގެ ސީނިއާ އޮފިޝަލަކު ވިދާޅުވީ ދަންޖައްސައިގެން މަރުގެ އަދަބު ތަންފީޒް ކުރަން ރައީސް ބޭނުންފުޅު ވަނީ ޑްރަގު ވިޔަފާރި ކުރާ މީހުންނަށް ވަރުގަދަ މެސެޖެއް ދިނުމުގެ ގޮތުން ކަމަށެވެ.
ސްރީ ލަންކާގައި އެންމެ ފަހުން މަރުގެ އަދަބު ތަންފީޒްކޮށްފައި ވަނީ، މީގެ 43 އަހަރު ކުރިން، 1976 ވަނަ އަހަރު އެވެ.
ކޮލަމްބޯގެ މައި ޖަލުގައި ހުރި ޖައްލާދު އިސްތިއުފާ ދީފައި ވަނީ 2014 ވަނަ އަހަރު އެވެ. ނަމަވެސް އޭގެ ފަހުން ޖައްލާދުގެ މަގާމުގައި މީހަކު ހަރުލާ ގޮތެއް ނުވެ އެވެ. ފަހުން ވެއްދި ތިން މީހުން ވެސް އަމިއްލަ އަށް ވަޒީފާ ދޫކޮށްލާފައި ވަނީ ކުރާނެ މަސައްކަތެއް ނެތިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
05 July 2019
ސިރިސޭނާ ނޫނަސް ގިނަ ދިވެހިންވެސް މިތިބީ ހަކުރު ޕާޓޭންގެ ސަބަބުން އަމިއްލަ ނަފްސު ނުރައްކަލުގެ ތެރޭގައި، ކުރީގެ ސަރުކާރުގައި ޕާޓޭންނަކީ މަތީ ގަދަ ބައެއް ކަމަށް ހަދާފައިވާތީ މިހާރުވެސް އެމީހުންނަށް ހީވަނީ ލައްކައެކޭ. ރޭގެ އެއްވުމުގައިވެސް ކަންމަތީ ގުރޫޕުތަކުގެ ބޮޑުން ބައިވެރިވީ އަނެއްކާވެސް މިމީހުންގެ ގަދަކަން ދައްކަން
ބަބުރަންޖީ ހާޖީ
04 July 2019
ސިރިސޭނަވެސް ޑުޓާޓޭ ފަރާތުން ހިތްވަރުލިބިގަންނާސެވެ.
ޑޭސް8
04 July 2019
ޢިންސާނިއްޔަތު ކަމަކީ މަސްތުވެގެން އަބަދު ހަަމައިންނެއްޓިފަ ތިބުންތޯ؟؟؟؟؟؟؟؟ ހަމަ އަހާލީ!!!!!!
ޑރ.ފަޒުނާ/ހިތަދޫ/ސ.އެފުރިކާ
04 July 2019
ދިވެހިސަރުކާރުން އެބަޖެހޭ ތުނބުޅިދިއްކޮށްގެ ތިއުޅޭ ގޮތެއްފޮތެއް ނެތްމީހުންތައް ޑިސްމިސްކޮށް އެބައިމީހުން ގުރޫޕުހަދައިގެން ހިންގަން ރާވާ ޖަރީމާތައް ކޮންމެ ސިފައެއްގައި ވީނަމަވެސް ހުއްޓުވަން، މިފަދަ މީސްމީހުންނަކީ ކުޑަމިންވަރެއްގެވެސް އިންސާނިއްޔަތުކަމެއްހުންނަބައެއްނޫން، މިމީސްމީހުންގެ އަމަލުތަކަށް ބަލާނަމަ މިމީހުންނަކީ ޖަނަވާރުންނަށް ތުރެން ނުބައި ބައެއް، ޖަނަވާރުން ވިހޭމަންމަވެސްދަންނަކަމަށް ވާއިރު އެވަރުގެ ތަސައްރަފެއްވެސްނުހުންނަބައެއް. އަވަސ
ކުޑަ ގޮޅި
04 July 2019
ޖައްލާދު އަކީ މަރުގެ ހުކުމް ތަންފީޒް ކުރާ މީހާއެވެ.އެބަހީ މަރަން ޖެހޭ މީހާ މަރާލާ މީހާއެވެ.ވީމާ މަރުގެ ހުކުމް ތަންފީޒް ނުކުރާ ނަމަ ޖައްލާދު ކުރަން ޖެހޭ ކަމެއް ނޯންނާނެއެވެ.
ފުންއަސަރު
04 July 2019
ތިހުރިހާ ކަމެއް ތިހެންހުއްޓަސް، ލަންކާގައި މަރުގެއަދަބު ތަންފީޒްވާ ދުވަހަކަށް އުންމީދުކުރަން. ބޮއްސުންލާފާވާ ތިފަދަކަންކަން ހަމަޔަކަށް އަޅުވަން މަސައްކަތްފަށާ ކޮންމެމީހަކަށްވެސް ދުއްތުރާލާ ކުރިމަތިވާނެ. އެކަމު ތަތްވެ ނަޖިސްވެފާވާ ތިތަންތަން ހަމަމަގަށް އަޅުވަންޖެހޭ. ތިބޭފުޅާގެ ފުރަތަމަ ނިންމެވުން ވަރަށްބަރާބަރު. އެކަމު މިހާރު ހިތަށް މިއަރަނީ، ތިބޭފުޅާގެ އެދުވަހުގެ އެނިންމެވުމަށް ފަހުވަގުތު ތިބޭފުޅާވެސް ނޫނެކޭ ބުނެފާނޭ. ދޫނުދެއްވާނޭކަމށް ހީކުރަން.