މިރޭގެ ޖަލްސާގައި ގަވަރުނަރު ވާހަކަ ދައްކަވަނީ -- ފޮޓޯ: ހުސެއިން ވަހީދު/ މިހާރު
08 ޖުލައި 2019 - 00:16
33 comments
މިދިޔަ އަހަރު ނިިމުނު އިރު ދައުލަތުގެ ރަސްމީ ޒިޒާވްގައި 712 މިލިޔަން ޑޮލަރު ހުރި ކަމަށާއި އެއީ 21 ޕަސެންޓްގެ ކުރިއެރުމެއް ކަަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަހުމަދު ނަަސީރު ވިދާޅުވެއްޖެ އެވެ.
އެމްއެމްއޭ އަށް 38 އަހަރު ފުރުން ފާހަގަކުރަން ދަރުބާރުގޭގައި މިރޭ ބޭއްވި ރަސްމިއްޔާތުގައި ވާހަކަ ދައްކަވަމުން ނަސީރު ވިދާޅުވީ ދުނިޔޭގެ އިގުތިސާދީ ދުވެލި މި އަހަރުގެ ފުރަތަމަ ތިން މަސްދުވަހުގެ ތެރޭގައި މަޑުޖެހުނު ކަމަށާއި ރާއްޖޭގެ އިގުތިސާދީ ދުވެލި ވެސް މި އަހަރު މަޑުޖެހިލާނެ ކަމަށް ލަފާކުރެވުނު ކަމަށެވެ. އެހެން ނަމަވެސް އޭނާ ވިދާޅުވި ގޮތުގައި ރާއްޖޭގެ އިގުތިސާދީ ދުވެލި ޖުމްލަ ގޮތެއްގައި ފާހަގަކޮށްލެވޭ މިންވަރަކުން ކުރިއަރާނެ ކަމަށް ލަފާ ކުރެވެ އެވެ.
އެމްއެމްއޭ އަށް ހިދުމަތްކޮށްދެއްވި ބޭފުޅަކަށް ކުރީގެ ރައީސް މައުމޫން ހަނދާނީ ފިލާ ދެއްވަނީ -- ފޮޓޯ: ހުސެއިން ވަހީދު/ މިހާރު
"ދެހާސް އަށާރަ ވަނަ އަހަރު ނިމުނު އިރު ދިވެހިރާއްޖޭގެ ރަސްމީ ރިޒާވްގައި 712 މިލިޔަން އެމެރިކާ ޑޮލަރު ހުރި ކަމަށް އަޅުގަނޑުމެންނަށް ތަފާސްހިސާބުތަކުން އެބަ އިނގޭ. ފާއިތުވެ ދިޔައަހާ ބަލާއިރު މިއީ 21 އިންސައްތައިގެ ކުރިއެރުމެއް،" އޭނާ ވިދާޅުވި އެވެ.
ނަސީރު ވިދާޅުވި ގޮތުގައި މިދިޔަ ޖޫން މަސް ނިމުނު އިރު އެމްއެމްއޭގެ ބޭނުންކުރެވޭ ރިޒާވްގެ ގޮތުގައި ހުރީ 276 މިލިޔަން ޑޮލަރެވެ. އޭގެ އިތުރުން ސަރުކާރުން އުފައްދާފައިވާ ސޮވަރެއިން ޑިވެލޮޕްމެންޓް ފަންޑުގައި 158 ޑޮލަރު ހުއްޓެވެ.
ރާއްޖޭގެ މާލީ ނިޒާމު ހަރުދަނާ ކުރަން އެމްއެމްއޭއިން ކޮށްފައިވާ ބައެއް މަސައްކަތްތައް ނަސީރު މިރޭ ފާހަގަ ކުރެއްވި އެވެ. އެގޮތުން 2018 ވަނަ އަހަރު ވެސް އެމްއެމްއޭ އިން މާލީ ދާއިރާ ސުޕަވައިޒްކުރުމަށާއި މޮނިޓާކުރުމަށް މަސައްކަތްކޮށްފައި ވާނެ ކަމަށް އޭނާ ވިދާޅުވި އެވެ.
މާލީ ދާއިރާގެ ހާލަތު 2018 ވަނަ އަހަރު އޮތީ ވަރުގަދަކޮށް،" އޭނާ ވިދާޅުވި އެވެ.
މާލީ ދާއިރާ ދެމެހެއްޓެނިވި ގޮތެއްގައި ތަރައްގީކުރުމަށް އިސްކަންދޭ ފަދައިން ފައިނޭންޝަލް އިންކްލޫޝަން ކުރިއެރުވުމަކީ ވެސް މުހިއްމު އަމާޒެއް ކަމަށް ނަސީރު ވިދާޅުވި އެވެ. އެކަމަށް ޓަކައި އިކޮނޮމިކް މިނިސްޓްރީން އިސްނަގައިގެން ކްރެޑިޓް ގެރެންޓީ ސްކީމެއް އެމްއެމްއޭއިން ތައާރަފުކޮށްފައިވާ ކަމަށް އޭނާ ވިދާޅުވި އެވެ.
އެމްއެމްއޭ އަށް 38 އަހަރު ފުރުން ފާހަގަކުރަން މިރޭ ބޭއްވި ރަސްމިއްޔާތު ޝަރަފްވެރިކޮށްދެއްވީ އެ ބޭންކްގެ ފުރަތަމަ ގަވަރުނަރު އަދި ކުރީގެ ރައީސް މައުމޫނު އަބްދުލް ގައްޔޫމެވެ. އެ ރަސްމިއްޔާތުގައި ބައެއް މިނިސްޓަރުންނާއި އެމްއެމްއޭ އަށް ހިދުމަތް ކުރެއްވި ބައެއް ބޭފުޅުން ވެސް ބައިވެރިވެވަޑައިގެންނެވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
08 July 2019
ކޮންތާކަށް ލާރިތައް ދިޔައީ. ދެން އިންޑިއާ އަތުން ލާރިނަގަމުން ގޮސް ދަރަނީގައި ބަނދެވި އަޅުވެތި ވެއްޖެ.
ހުތާނި
08 July 2019
އަމީރު ގައުމުގެ މާލިއްޔާ އާއި ހަވާލުވެގެނައި ކުރިއެރުމުގެ ނަތީޖާ މިފެންނަނީ.
ޗަކޮއޭ
08 July 2019
712 މިލިއަނުން 276 މިލިއަނަށް މަދުވީ 6 މަސްތެރޭ. މީހަކުކުރި ބުރަމަސައްކަތް ވަގަށްގޮވާފައައިސް ފެންފޮދަކާނުލާ 436 މިލިއަން ދިރުވާލީތޯ ނުވަތަ ނާސްތާބަހާފަ ގޯތިކުދިންގެ ކުންފުނިތަކަށް ބަދަލުދީގެންތޯހުސްވީ؟
ނާންނާނެ
08 July 2019
ހެވެއްނު ރިޒާވްގަ ކިތަންމެ ބައިވަރެއް އޮތަސް. އަދި މިހާރު ރިޒާވް ފުލުން ދިއައަސް. ދެން ޔާމީނެއްވެސް އެ ދުވަހެއްވެސް ނާންނާނެ. މިއަދު މަޖްލިހުގައި އެ ހިނގަނީ ޔާމީން ވަޅުލުމުގެ މަސައްކަތް. ޖަލަށްލާފަ ފަހުން ވަޅުވެސްލާނެ. އެހާވެސް ބޮޑަށް އެމީހުންގެ ވާހަކައިގައި ހަސަދައާ ނަފްރަތު އެކުލެވޭ. ގައުމު ބަނޑަށްޖެހުނަސް ހެޔޮ ޔާމީން ޖަލަށްލެވެނިކޮށް އެ ނިމުނީ. އެކަމު އަޖައިބުވާނީ އެއަށްފަހުވެސް ހިތްހަމަޖެހުން ނުލިބޭނެތީ.
ފޖާމިން
08 July 2019
ރައީސް ޔާމީނަށް ވަގަށް ގޮވީ ނުހައްޤުން. ރައީސް ޔާމީނުގެ ބޮލުގައި އަޅުވައިގެން އެއުޅެނީ ދޮގު ތުހުމަތެއް. މިސަރުކާރަކީ ދޮގު ހެދުންނޫން ކަމެއް ކުރާ ބައެއްނޫން. ދިވެހިން މިތިބީ ރީތި ބޮނޑިއެއް ބޮއެއަވަދިވެގެން.
ރައިވެރި އަލީ
08 July 2019
ޝުކުރިއްޔާ ރައީސް ޔާމީން!
ޖެހޭނެއޭ
08 July 2019
ރާއްޖޭގެ އިގްތިސާދު މިހާރު އޮތް ހާލަތުން އަރައިގަންނަން ރައީސް އޮފީސް އެބަޖެހޭ 24 ގަޑިއިރު މަސައްކަތް ކުރަން 5 އަހަރުގެ މުއްދަތަށް ފުރަތަމަ ކަމަކީ އެޓް އެނީ ކޮސްޓް އެބަޖެހޭ ރާއްޖޭގައި ތިބި ގަވާއިދާއި ޚިލާފަށް އުޅޭ ބިދޭސީން ރާއްޖޭން ފޮނުވާލަން މިނިމަމް ލޭބަރ ވޭޖް ގާނޫނު ފާސް ކޮށްފިނަމަ ހުރިހާ ފައިދާ އެއް ކުރާނީ މިމީހުންނަށޭ އެއީ ވާރކް ވިސާ ފީއެއް ދައްކާ ބަޔެއް ނޫން މެޑިކަލް ހައްދާފައި ތިބި ބަޔެއް ނޫން ޑިޒީޒް ކެރިއަރސް ތަކެއް މިކަން ކުރަން
އިތުރުވާނެއޭ
08 July 2019
މިރާއްޖޭގެ ނޭޝަނަލް ރިޒާރވް އަދި ވެސް އިތުރުވާނެއޭ ސަރުކާރުން ސްޕެޝަލީ ރައީސް އޮފީހުން ގަވާއިދު ތައް ގަވާއިދާއި އެއްގޮތަށް ސަރުކާރުގެ ކަންކަން ކުރަން ބާރު އަޅާ އެކަން ސިފައިންނާއި ގުޅިގެން ތަންފީޒު ކުރަން ހިފައިފިނަމަ އެގޮތުން ބަލާއިރު ރާއްޖޭގެ ރިސޯރޓްސް ތަކުގައި ހުރި މެދު ފަންތި އާއި އަދި މަތީ ފަންތީގެ ވަޒީފާ ތައް ދިވެހިންނަށް ދޭން މަޖްބޫރު ކުރުވާ އެގޮތަށް ނުސީދާ ގޮތެއްގައި އަމަލު ކުރަން ފަށާއިރަށް އާބާދީގެ ބޮޑު ބަޔެއްގެ ފައިނޭންޝަލް ކެޕޭސިޓީ
ކިޔަވާ ސޮރު
08 July 2019
ޔާމީނު ދައުލަތުގެ ރިޒާވް ކައި ހުސްކޮށް ކޮރަޕްޝަންއަށް ތަޅާ ބުރުއްސިކަމަށް މިހާރު މިއޮތް ސަރުކާރުން އަޑުފަތުރަމުން ދިޔައީ! އެކަމަކު ޔާމީނު މުޅި ރާއްޖޭގައި ބޮޑެތި މަޝްރޫޢުތައް ހިންގާ ނިންމަމުން ދިޔައީ! އެއާއެކުވެސް 2018 ވަނަ އަހަރު 149،520،000 ޑޮލަރު ނުވަތަ 2،305،598،400 ރުފިޔާ ރިޒާވް އަށް އިތުރުވީ ވާހަކަ އެ ހާމަކުރީ! ނަމަވެސް މި ސަރުކާރު އައިސްގެން މި ވީ 7 މަސްތެރޭގައި ބޮޑު މަޝްރޫޢެއް ނުހިންގާ އޮވެ އިހަށްދުވަހު މި ނޫހުންކީން އެތަށް މިލިއަން ޑޮލަރު ދައުލަތުގެ ރިޒާވުން މަދުވީ ވާހަކަ! މީގެ މާނައަކީ ނަންބަރުތަކަށް ބަލާކަމަށް ވަންޏާ ޔާމީނު ސަރުކާރޭ ކިޔައިގެން މި ސަރުކާރުން ހެދީ ދޮގުތާއެވެ!
ނުދަނޭދޯ
08 July 2019
ދައުލަތުގެ ރަސްމީ ރިޒާރވް ގައި އެންމެ ޑޮލަރެއް ނެތް ކަމަށް އެމްޑީޕީން ދެއްކި ވާހަކަ ތަކަކީ އެއީ ރޯ ބުހުތާނު ދޮގު ކަން މިހާރު މިދަނީ އެނގި ފާޅު ވަމުންނޫންތޭ ޔޫ ޑޯންޓް އަންޑަރސްޓޭންޑް އިކޮނޮމިކް ނޯރމްސް ދޯ ތަމެން ނުދަންނަން ދޯ އިކޮނޮމިކް އެން ބިޒްނެސް ނޯރމްސް ނުދަންނަން ދޯ...