އިންޑަސްޓްރިއަލް ވިލެޖް: މާލޭގައި ހުރި ގުދަންތަކާއި ވޯކްޝޮޕް ފަދަ ތަންތަން އިންޑަސްޓްރިއަލް ވިލެޖަށް ބަދަލުކުރާނެ. --ފޮޓޯ: މުުހައްމަދު ޝަރުހާން
10 ސެޕްޓެމްބަރ 2016 - 13:35
9 comments
އިންޑަސްޓްރިއަލް ވިލެޖުގެ މަސައްކަތްތަކުގެ ބޮޑު ބައި އަންނަ މަހު ނިމޭނެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
އިންޑަސްޓްރިއަލް ވިލެޖުގެ މަސައްކަތްތަކާ ގުޅޭ ގޮތުން މިނިސްޓަރު މިދިޔަ ހަފުތާގައި ވިދާޅުވީ އެ ތަނުގައި ކަރަންޓާއި ފެނާއި ނަރުދަމާ ގާއިމްކުރުމުގެ މަސައްކަތް މިހާރު ވެސް ކުރަމުން އަންނަ ކަމަށެވެ. އެ މަސައްކަތް އަންނަ މަހު ނިމޭނެ ކަމަށް ލަފާ ކުރެވޭއިރު، އެ ތަނުގެ މުހިއްމު މަސައްކަތްތައް ނިމިފައިވާ ކަމަށް މުއިއްޒު ވިދާޅުވި އެވެ.
"އިންޑަސްޓްރިއަލް ވިލެޖުގައި ގާއިމްކުރާ ވޭސްޓް ޔާޑު ގާއިމްކުރަން ބިން، ލަސްވެގެން އޮކްޓޯބަރު މަހުގެ ތެރޭގައި ވޭސްޓް ކޯޕަރޭޝަނާ އަޅުގަނޑުމެން ހަވާލު ކުރާނަން،" އޭނާ ވިދާޅުވި އެވެ.
އިންޑަސްޓްރިއަލް ވިލެޖު ހަދާތީ މާލޭ ދެކުނުކޮޅުގައި އަލަށް ކަނޑާފައިވާ ނެރުގެ މަސައްކަތް ވީހާ އަވަހަކަށް ނިންމަން ބޭނުންވިޔަސް އެ މަސައްކަތް ލަސްވަމުން ދަނީ ބޮޑު ހިލަ ނުގެނެވިގެން ކަމަށް މިނިސްޓަރު ވިދާޅުވި އެވެ. ފައިކަށި ހަދަން ގެންނަނީ އާއްމުކޮށް ރާއްޖެ ނުގެންނަ ވަރުގެ ބިޔަ ސައިޒެއްގެ ހިލަ ކަމަށް ވެސް މުއިއްޒު ވިދާޅުވި އެވެ.
"ފައިކަށްޓަކީ ޖަޕާނު ސަރުކާރުގެ ކޮންސަލްޓަންޓަކު ޑިޒައިންކޮށްފައިވާ ފައިކަށްޓެއް. ނެރު ވެސް ކަނޑާފައި ވަނީ ކޮންސަލްޓަންޓް ހަދާފައިވާ ޑިޒައިނާ އެއްގޮތަށް،" މިނިސްޓަރު ވިދާޅުވި އެވެ.
އިންޑަސްޓްރިއަލް ވިލެޖުގެ މަސައްކަތްތަކާ އެކު ކުރިއަށް ގެންދާ ނެރުގެ މަސައްކަތް ޑިސެމްބަރު މަހާ ހަމައަށް ކުރިއަށްދާނެ ކަމަށް އޮތީ ލަފާކޮށްފަ އެވެ.
އިންޑަސްޓްރިއަލް ވިލެޖަށް ބޭނުންކުރާ މައި މަގުގައި ތާރު އެޅުމުގެ މަސައްކަތް ކުރިއަށް ދަނީ.-- ފޮޓޯ: ހުސެން ޝަޔާހު/ މިހާރު
މާލޭގައި ހުރި ގުދަންތަކާއި ވޯކްޝޮޕް ފަދަ ތަންތަން ބަދަލުކުރަން ތަރައްގީކުރާ އިންޑަސްޓްރިއަލް ވިލެޖުން 6.9 ހެކްޓަރުގެ ބިން ވަނީ ހިއްކައިފަ އެވެ. ވިލެޖުގެ މައި މަގެއްގެ ގޮތުގައި ބޮޑުތަކުރުފާނު މަގުގެ ވަކި ސަރަހައްދެއް ބޭނުންކުރަން ނިންމައި އެ ތަނުގައި މިހާރު އަންނަނީ ތާރު އަޅަމުންނެވެ.
އިންޑަސްޓްރިއަލް ވިލެޖު މި އަހަރުގެ ޖުލައި 26 ގައި ނިމެނޭ ކަމަށް ހައުސިން މިނިސްޓްރީން އިއުލާންކުރި އެވެ. އެކަމަކު އެ މުއްދަތަށް މަސައްކަތް ނުނިމުނީ ލޮޖިސްޓިކަލް ވަރަށް ގިނަ ދަތިތަކެއް ކުރިމަތިވެގެން ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮކަންޑި މޭން
10 September 2016
"މާލޭގެ ބިން އެންމެ އިންޗިއެއްގެ މިންވަރުން ވިޔަސް ބޮޑު ކުރެވޭކަށް ނެތް" - ވިލާތު ރައީސް، 2009 އޮކްޓޯބަރ. ރައީސް ޔާމީން 2016 ގައި މިއޮށް އެތައް ސަތޭކަ ހެކްޓަރެއްގެ ބިން ހިއްކާ މާލޭގެ ބިމަށް އިތުރު ކުރީ. މީ ތަފާތަކީ. ދުރުވިސްވޭ ޤާބިލް ކެރޭ ލީޑަރުންނާއި ވިލާތު ރައީސްއާ ހުރި.
ބޭނުމީ މިނިވަންކަން / އައްޑޫ ސިޓީ
10 September 2016
ޤައުމަށާއި ރައްޔިތުންނަށް ''އެއްވެސް ފައިދާއެއްނެތް'' ބޭކާރު ޕްރޮޖެކްޓްތައް އެންމެ ގިނައިން ހިންގި މިނިސްޓްރީ އަކީ ހައުސިން މިނިސްޓްރީ. ހިންގި ކޮންމެ ޕްރޮޖެކްޓެއް ވެސް ހިންގާފައިވަނީ ''ފޮރުވިފައިވާ އެތައް ކަމެއް'' ގެ ތެރެއިން. ނަތީޖާއެއްގެ ގޮތުން ބައެއް މަސައްކަތް މެދުތެރެއިން ވަނީ ހުއްޓިފައި. އެކަމަކު މުޅި ޕްރޮޖެކްޓްގެ ހަރަދު ދައުލަތުގެ ބަޖެޓުން ވަނީ ހިންގާފައި. މާލޭ މަސްވެރިންގެ ޕާކްގައި ބަހައްޓަން މިނިސްޓްރީން ރޭވި ބިނާ ކޮބާ؟ އެކަމަށް ދައުލަތުގެ ބަޖޭޓުން ފައިސާ ހޭދަކޮށްފައިވޭތޯ؟ އެކަން ހިނގި ގޮތުގެ ތަފުސީލް އިގޭ މީހަކު އެބަހުރިތޯ؟ މިފަދަ ކަންކަން ''މިވެރިކަމުގައި'' ނުބެލުނު ކަމުގައި ވިޔަސް އަދި މިކަންކަން ބަލާނެ ސަރުކާރެއް ރައްޔިތުން ގެންނާނެ. މިނިސްޓްރީގައި އުޅުއްވާ ކުދިންނާއި އަދި މައުލޫމާތާއި ޑޮކިއުމަންޓެއް އޮތް ކޮންމެ މީހަކު ވެސް އެފަދަ އެއްޗެހި ރައްކާކޮށްފައި ބަހައްޓަވާ. ހެކި ނައްތާ ނުލައްވާ. / އައްޑޫ ސިޓީ
ތަމެން
10 September 2016
އައްޑޫ ސިޓީ އޭ. އެކޮއި ސިޓީ ނުކިޔާ ފުރަތަމަ ވެސް ތަމެން ރަށަށް ގޮސް ލޯ ކުދިވާ އެއްޗިއްސަށް ސައިކަލް ނުދުއްވޭ ގޮތް ހަދާދީބަލަ. އެމީހުންނާއި ހެދި މުޅި ރަށް ހަލާކު ވަނީ އެއް ނޫންތަ. ލޯކުދި ވާއެއްޗެހި ތަމެން ބޭރު ކޮށް ބަލަ ޑިއޯގޯ ގާޝިއާ އަށް. ސިޓީ އޭ. ސިޓީ ގެ ދަރަޖަ ލޯންގް ވޭ ޓު ގޯ. އަތޮޅު ކިޔާ އެއީ ރާއްޖޭގެ އައިޑެންޓި ޓީ އަކީ.
ބަލި ދީދީ
10 September 2016
ދެން މާލޭ މަގުތަކަށް އޮރެންޖް ކައިފައި ތޮށި އަޅަން ނިކުންނަން ވީނު؟ ތިމާ އުފައްދާ ކުނި އެހެން ބައެއްގެ ތެރެއަށް އަޅާނަމޭ ފާޅުގައި ބުނާ މީހަކަށް ވުރެ ނާތަހުޒީބު މީހަކު ކޮބާ؟
އެމްސް
10 September 2016
ލަސްވަމުންދާ މަސައްކަތް ނިއްމަން ބޭނުންވާ ހިލަ ފުވައްމުލަކު ހުޅަނގު ފަރާތު ފަރުމަތިން ނުނެގޭނެ ބާ؟ ފުވައްމުލަކު ފަރަށް އެރި ވިއެޓްނާމްގެ އާގު ބޯޓު ލުއި ކުރަން އަދިވެސް އިތުރު ހިލަތައް މޫދަށް އުކާލަމުން ދާކަމަށް ވޭ!
ައަދުރޭ
10 September 2016
ތިތަނުން މަށަށް ގޯއްޗެއް ދޭންވާނެ
ބަލަންވީ
10 September 2016
އިންޑަސްޓްރިއަލް ވިލެޖް ތީ އަދި ވަރަށް ކުޑަ ކުޑަ މިންވަރެކެވެ. ތިވަރުން ނުވާނެއެވެ. ތިވަރު އެބަޖެހޭ ބަދަލު ކުރަން. އިންޑަސްޓްރިއަލް ވިލެޖް ވެސް ތަރައްގީ ކުރަންވީ އަދި މީގެއިތުން މާލޭގެ ދެކުނުން އޮތް އެނބޫދޫފަޅުން ހިއްކަން ވީ މާލޭގެ ދެކުނާއި ވީ ފަޅިން މާލެ ވަރުގެ ދެ މާލެ ސަރަހައްދު އެމްޓީސީސީ އަށް ގެންނަ ޑްރެޖަރު ބޭނުން ކޮށްގެން. އަދި އެތަން ތަރައްގީ ކުރުމަށް ޗައިނާގެ އެގްޒިމް ބޭންކް އިން 1 ބިލިއަން ޑޮލަރު އަދި ސައުދީ ފަންޑް އިން 3 ބިލިއަން ޑޮލަރުގެ ލޯން ނަގައިގެން އެތަން ތަރައްގީ ކުރަންވީ އެއީ ރާއްޖޭގެ އިންޑަސްޓްރިއަލް ޕާރކްގެ ގޮތުގައި. އަދި އެ ޕާރކްގެ އެއްބައިގައި ވަރުގަދަ ރެސިޑެންޝަލް ޕާރކެއްވެސް ހެދޭނެ ނޫންތޯ 1 ބިލިއަން ހައުސިންގް ޔުނިޓްސް އިމާރާތް ކުރާ ގޮތަށް. އެއިރުން ބޭރު މީހުންނަށާއި އަދި ދިވެހިންނަށް ކުއްޔަށް ދީގެން ސަރުކާރަށް މަހަކު އެއް ޓްރިލިއަން ޑޮލަރު ލިބޭނެ ނޫންތޯ ކުލީގެ ގޮތުގައި.
ހެ ހެ
10 September 2016
ދޮންކަލޯ އެންބޫދޫ ފަޅު ވިއްކާލި ވާހަކަ ނުބުނޭތަ؟
ކުޅިބަލާ މީހާ
10 September 2016
މިނިސްޓަރު މުޢީޒު ކުރަައްވާ ކަމެއްތަ؟ ސަހަލު ގޮތަކަށް ނުދާނެ! ކޮންމެ ކަމެއް މިބޭފުޅާ ކުރައްވަން އުޅުއްވިޔަސް އަތަށް ގޮވާނީ! %100 ޔަގީން މުޖައްރިބު! ލިސްޓު ދިގު ކަމުން މިތާ މުއީޒުގެ ހުރިހާ "ޕްރޮޖެކްޓު" ތަކުގެ ލިސްޓެއް ނުލިޔާނަން. މާލެ ވަށާ މީހަކު ހިގާލީމަ ފެންނާނެ.