ހަރަމައިން ޖަމާއަތުގެ މައްސަލަ ފުލުހަށް

އަހުމަދު ސާއިލް އަލީ، މިހާރު

14 ޖުލައި 2019 - 14:45

ހައްޖަށް ގެންދިއުމަށް އަލްހަރަމައިން ހައްޖު ގްރޫޕަށް ހުއްދަ ދީފައިވާ ވަރަށް ވުރެ އިތުރަށް ފައިސާ ނަގާ މައްސަލަ ބަލައިދިނުމަށް އިސްލާމިކް މިނިސްޓްރީން މިއަދު ފުލުހުންނަށް ހުށަހަޅައިފި އެވެ.

އަލްހަރަމައިން ޖަމާއަތުން ހައްޖުވެރިންގެ އަތުން އެއްލައްކަ ރުފިޔާ ނަގާތީ ބަޔަކު އެ ޖަމާއަތުގެ އޮފީހުގައި ކަންބޮޑުވުން ފާޅުކޮށް ވާހަކަ ދައްކާ ވީޑިއޯއެއް ވަނީ ސޯޝަލް މީޑިއާގައި އާންމުވެފަ އެވެ.

އެ ގުރޫޕަށް އިސްލާމިކް މިނިސްޓްރީން ހުއްދަ ދީފައިވަނީ އެ ޖަމާއަތުން ހުށަހެޅި ޕްރޮޕޯސަލްގައިވާ ގޮތަށް ކޮންމެ ހައްޖާޖީއެއްގެ އަތުން 69،965ރ. ނެގުމަށެވެ. ނަމަވެސް އެ ޖަމާއަތުން އެއްލައްކަ ރުފިޔާ ނަގާ ކަމަށް ފައިސާ ދެއްކި ބައެއް މީހުން ބުނެ އެވެ.

Hajj ge mathiveri alhukan adhaa kuran meehun fonuvumugai mivaruge makaraai heelai hadhaa group thakah dheefaivaa quota vaguthun baathil kuran jehey @AhmedZahirAli @IVaadhuvee @alixahir @FaisalNasym @ShimranAb @MVIaffairs @Mihaarunews @raajjemv pic.twitter.com/swkFQuamSy
— Abulho Nizar (@AbulhoLuco) July 12, 2019

ހަރަމައިން ޖަމާއަތުން އިތުރަށް ފައިސާ ނަގާތީ ބަޔަކު ކަންބޮޑުވުން ފާޅު ކުރާ ވީޑިއޯ--

އިސްލާމިކް މިނިސްޓްރީގެ ޑެޕިއުޓީ މިނިސްޓަރު ޝާފިއު އަލީ "މިހާރު" އަށް ވިދާޅުވީ ސޯޝަލް މީޑިއާގައި އާންމުވެފައިވާ ވީޑިއޯއާ ގުޅިގެން އަލްހަރަމައިން ޖަމާއަތުގެ މައްސަލަ ބަލައިދިނުމަށް އިސްލާމިކް މިނިސްޓްރީން މިއަދު ފުލުހުންނަށް ހުށަހަޅާފައިވާ ކަމަށެވެ.

އިސްލާމިކް މިނިސްޓްރީ އަށް މިއަދު އެ ޖަމާއަތުގެ އިސް ބޭފުޅުން ހާޒިރުކޮށްފައިވާ ކަމަށް ވެސް ޝާފިއު ވިދާޅުވި އެވެ. އެކަމަކު އެ ބައްދަލުވުމާ ބެހޭ އިތުރު ތަފުސީލެއް ނުދެ އެވެ. އަދި އެކަން ބަލައި އަޅަން ޖެހޭ ފިޔަވަޅުތައް އަޅާނެ ކަމަށް ވެސް އޭނާ ވިދާޅުވި އެވެ.

އެހެން އަހަރުތަކެކޭ އެއްފަދައިން މި އަހަރު ވެސް އިސްލާމިކް މިނިސްޓްރީން ޖަމާއަތްތަކަށް ހުއްދަދިން ވަރަށްވުރެ އިތުރަށް ފައިސާ ނަގަމުން އަންނަ ކަމަށް ބުނެ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.

ޝާފިއު ވިދާޅުވީ މިހާތަނަށް މިނިސްޓްރީ އަށް ހުށަހަޅާފައިވަނީ އަލްހަރަމައިން ޖަމާއަތުގެ މައްސަލަ އެކަނި ކަމަށެވެ.

މި އަހަރު ރާއްޖޭން މީހުން ހައްޖަށް ގެންދިއުމަށް އިސްލާމިކް މިނިސްޓްރީން ހުއްދަ ދިނީ ފަސް ޖަމާއަތަކަށެވެ.

ހުއްދަދިން ޖަމާއަތްތަކާއި އަގުތައް

1) އެކްރޯ ހައްޖު ގްރޫޕު: 59،965ރ. 2) ހައްޖު ކޯޕަރޭޝަން: 69،965ރ. 3) މިނާ ހައްޖު ގްރޫޕު: 69،965ރ. 4) އަލްހަރަމައިން ހައްޖު ގްރޫޕު: 69،965ރ. 5) ޒައި ހައްޖު ގްރޫޕު: 70،000ރ. 6) ތަޒްކިޔާ ހައްޖު ގްރޫޕު: 72،250ރ.

ހައްޖަށް ގެންދާ ޖަމާއަތްތަކުން އިތުރަށް ފައިސާ ނަގާ މައްސަލަ އަކީ ކޮންމެ އަހަރަކު ވެސް ފެންމަތިވާ މައްސަލައެކެވެ. އެކަން ހައްލު ކުރުމަށް ގަވައިދުތަކެއް ހެދި ނަމަވެސް މިހާތަނަށް އެކަމަށް ހައްލެއް ލިބިފައެއް ނުވެ އެވެ.

ފުލުހުން ހައްޖު އިސްލާމިކް މިނިސްޓްރީ ހައްޖު ކޯޓާ

32 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުކޮސް

15 July 2019

އިތުރަށް ފައިސާދޭ މީހުންނަށްވެސް ނުވިސްނޭބާ އެ ދޭ އިތުރު ފައިސާއަކީ ރިޝްވަތުކަމެއް؟! ވީޑިއޯގަވެސް ބޮޑަށް ރުޅިއައިސްގެން އުޅެނީ އެމީހުންނަށްވެސް ގިނަ ފައިސާ ދީގެން ދިއުމުގެ ފުރުސަތު ނުލިބުމުން، ގިނަ ފައިސާ އަތުލާތީކީ ނޫން. އަޅުކަމުގަވެސް މަކާރާއި ހީލަތާއި ކޮރަޕްޝަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

98764

15 July 2019

މިނާގުރޫޕުގެ އަގު އޭކްރޯއައްވުރެ ދިހަހާސްރުފިޔާބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

15 July 2019

ބޮޑަށް ބުރަވެވެނީ ތިހުރިހާ ގްރޫޕަކުންވެސް އިތުރަށް ފައިސާ ނަގާނެކަމަށް! ވީމާ ހައްޖަށް ދާން ބޭނުންވި ނަމަވެސް އޮޅުވާލުމުގެ ތެރެއިން ބަޔަކަށް އިތުރަށް ފައިސާ ދީގެން ދިއުން ރަނގަޅުވާނެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

15 July 2019

ނޫން. ހުރިހާ ގްރޫޕަކުން އިތުރަށް ފައިސާއެއް ނުނަގާ. އެކަމަކު ބައެއް ގްރޫޕުތަކުން އިތުރަށް ނަގާ ފައިސާގެ އަދަދު އެގިފައި އަންތަރީސްވާވަރުވޭ. މިއީ ދެރަ ކަމެއް. ހުއްޓުވަންޖެހޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޫވެހި

15 July 2019

އެކަމަށް އޮތް ހައްލަކީ ގުރޫޕުތަކަށް ކޯޓާދީފައި ދާންބޭނުންވާ ގުރޫޕަކަށް ދަނަކަށްޖެހޭ ފައިސާ އިސްލާމިކް މިނިސްޓްރީއަށް ދެންކުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާނަތު

15 July 2019

ތީ ހަމަ ރަނގަޅު ވާހަކައެއް. އެއްލައްކަ ނަގާފަ ބިލް ހަދަނީ މިނިސްޓްރީ އަށް ހުށައެޅި އަގަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިއިއްބެ

15 July 2019

ޖަމާއަތް ތަކުން ހާމަކުރި އަގު ގެ އިތުރުން ފައިސް ދެއްކި ރަސީދުނުދީ ނެގި ފައިސާ ކޮބާ؟ ބުކްކުރަން އެޑްވާންސް ގެ ނަމުގަ. މުޅި ޖުމްލަ 100،000 ވަރު ނަގާ އޭތި މީތި ކިޔައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

15 July 2019

ހަގީގަތެއް ، އިތުރަށް ފައިސާ ހަމަނަގަމުންދަނީ ބައެއް ގްރޫޕްތަކުން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

15 July 2019

ތިޔަގްރޫޕްތަކުން ނިކަމެތި ރައްޔިތުންނަށް މަކަރު ނުހެދޭގޮތަށް ނިޒާމް ބަޑަލު ކުރަންޖެހޭ.. ބޭންކެއް މެދުވެރިކޮށް ނޫނީ ސީދާ މިިނިސްޓްރީ މެދުވެރިކޮށް ނޫނީ ފައިސާގެ މުއާމަލާތް ނުކުރެވޭގޮތް ހަދަންވީ. ރައްޔިތުމީހާ ފެލާލައިގެން މުއްސަދިން ޖީބް ފުރާ ސިސްޓަމް ހުއްޓުވަން ލަސްވެއްޖެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޓޮމް

15 July 2019

ފުރަން 2 ދުވަހަށް ވުމުން އިތުރަށް ލާރިނެގުން މީއާންމުކަމެއް. ހައްޖައްގެންގޮސް ލަގެޖުފީކަމަށް ބުނެ ފުރުމުގެ ކުރިން 300 ޑޮލަރު ނުވަތަ ރިޔާލު ގުރޫޕްތަކުން ނަގާ އަދި ބަސްދަތުރޭ އަވަސްކުރުމަށޭ ކިޔާފަ އިތުރަށް ފައިސާނަގާ ޒަމްޒަމް ފެންފުޅިޔަށް އިތުރަށް ލާރިނަގާ މިހެންގޮސްކިޔާނެކަމެއްނެތް މިކަން ހުއްޓުވަން ސަރުކާރުތައްވަނީ ނުކުޅެދިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމާދި

14 July 2019

ހައްޖަށް ދާން ރަސީދު ނުލިބޭ ފައިސާ ދޭން ޖެހުން، ގޭގެ ކުލިދައްކަން ރެޔާއި ދުވާލު މަސައްކަތް ކުރުން، ބޭސް ފަރުވާއަށް ސަލާމް ޖެހުން، މަޖިލިސް މެންބަރުން ގާތު ދިރިއުޅުމުގެ ބޭުނުންތައް ފުއްދަން އެދެން ޖެހުން ފަދަ ކަންތަކަކީީ ދިވެިހި ސަގާފަތް. މިކަންތައްތައް ނެތިގެން ނުދާނެ.