17 ޖުލައި 2019 - 07:43
8 comments
އިމްތިހާނެއްގައި ކޮޕީކޮށްގެން ފަޅާ އެރުމަކީ އާ ކަމަކަށް ނުވާނެ އެވެ. އަދި އަމުދުން އިންޑިއާގައި އެއީ ހަމަ އާދައިގެ ކަމެކެވެ. ނަމަވެސް އިމްތިހާނެއް ހެދި ހާހެއްހާ ދަރިވަރުންގެ އިމްތިހާނު ކަރުދާހުގައި ދާދި އެއް އިބާރާތަކުން އަދި ގާތްގަނޑަކަށް ހަމަ އެއްކަހަލަ ގޯސްތަކެއް ހަދާފައި ހުރި ނަމަ އެއީ އާދަޔާހިލާފު ކަމަކަށް ވެދާނެ އެވެ.
އިންޑިއާގެ ގުޖުރާތުގައި ތިން ސެންޓަރެއްގައި ހެދި އިމްތިހާނަކުން މިކަހަލަ މައްސަލަގަނޑެއް ވަނީ ފަޅާއަރައިފަ އެވެ. ގްރޭޑް 12 ގެ 959 ދަރިވަރަކު ހެދި އިމްތިހާނެއްގައި ވަނީ އިންގްލިޝް ލިޓްރޭޗާ، އެކައުންޓިން، އިކޮނޮމިކްސް އަދި ސްޓެޓިސްޓިކް މާއްދާ އިން ހައިރާން ކުރުވަނިވި "ކޮޕީ ކުރުމުގެ" ކަންތައްގަނޑެއް ފާހަގަކުރެވިފަ އެވެ.
މީގެ ތެރެއިން 200 އެއްހާ ދަރިވަރުން "ޑޯޓާ އިޒް އާތެން ލޭމްޕް އޮފް ދަ ފެމިލީ" މައުޟޫއަށް ލިޔުނު މަޒުމޫނުތަކުގެ އިބާރާތް ވެސް ހުރީ ފެށިގެން ނިމެންދެން އެއްކަހަލަ ގޮތަކަށެވެ.
މިކަމާ ގުޅިގެން ގުޖުރާތުގެ ސެކަންޑަރީ އެންޑް ހަޔާ އެޑިއުކޭޝަން ބޯޑް (ޖީއެސްއެޗްއެސްއީބީ) އަށް ބޮޑު ޝޮކެއް ވަނީ ލިބިފަ އެވެ. އެތަނުން ބުނީ މި ވަރުގެ ކަމަކާ ދުވަހަކު ވެސް އަދި ކުރިމަތި ނުވާ ކަމަށެވެ. އަނެއްކޮޅުން އިމްތިހާނު ބާއްވާފައި ވަނީ އިމްތިހާނު ކަރުދާހެއް ވެސް ލީކްނުވާނެ ހުރިހާ މަގެއްހެން ބަންދުކޮށްގެން ކަމަށް ވިޔަސް މި "މާސް ކޮޕީން" އަކީ ސީރިއަސް މައްސަލައެއް ކަމަށް ބުންޏެވެ.
އިންޑިއާގައި ދަރިވަރުންތަކެއް އިމްތިހާނު ހޯލުގައި.
އެހެންވެ އިމްތިހާނު ހެދި ދަރިވަރުންގެ މައްސަލަ ބެލުމަށް، އިމްތިހާނުގެ ނަތީޖާ ވެސް ވަނީ އަންނަ އަހަރާ ހަމައަށް ހިފަހައްޓައިފަ އެވެ. އަދި އިމްތިހާނު ކުރިއަށް ގެންދިޔަ ތިން ތަންތަނުގައި ކޮޕީ ކުރުމާ ގުޅުން ހުރި އެއްވެސް ކަމެއް ހިނގާފައިވޭތޯ ބެލުމުގެ މަސައްކަތް ވެސް މިހާރު އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޯލް ފޭކް
17 July 2019
ބަލާ ރާއްޖޭގައިވެސް ތިކަހަލަގޮތަކަށް ކޮޕީ ކޮށްގެން ނުވަތަ ޕޭޕަރ ލީކްވެގެން ކުރިން ހަދަމުންގެންދިޔަ އޯލެވެލް ނުހެދޭގޮތްހެދި. އަދި ދުނިޔޭގެ އެއްވަނަ ފަސޭހައިން ހޯދާލެވޭ، ވަކި ޤައުމުތަކަކަށްއެކަނި ބައްޓަންކޮށްފަ ހުންނަ އޯލެވެލްއެއް ހަދަންފެށި. މި އޯލެވެލްއަކީ 8-5 ޤައުމަކަށްއެކަނި ކަސްޓަމައިޒް ކޮށްފައިވާ އިމްތިހާނެއް. ދެންމިކިޔަނީ އޯ ލެވެލް އިން ދުނިޔޭން 1 ވަނަ ހޯދިއްޔޭ.
ބެލެނިވެރިޔާ
17 July 2019
ރަނގަޅު ވާހަކައެއް. މަގޭ އެއްދަރި ތިޔަ އޯލެވެލް ހަދާފައިގޮސް ގަލްފްގެ ޤައުމެއްގެ އިންޓަރނޭޝަނަލް ސްކޫލަކުން އަސްލު އެތިހެދީމަ ލިބުނީ ވަރަށް ދަށްކޮށް. ހަގުދަރިފުޅު އިހަކަށްދުވަހު އެނިންމީ އޭނާގެ އޯލެވެލް. ވަރަށް ޓަފްވެފަ މުޅިނަ ތަފާތު. ގިނަކުދިން ފާސްކުރުމުގެ ނިޔަތުގައި އިންޑިއާ, ނޭޕާލް އަދި އެފްރިކާގެ 2 ޤައުމަކަށް ޚާއްޞަ ކޮސްފައިވާ ޕޭޕަރ އެއް ދިވެހިދަރިވަރުންލައްވާ ހެއްދުމަކީ މޮޅަށް ކިޔަވަން ބޭނުންވާކުދިންނަށްލިބޭ ބޭއިންސާފެއް. ޢަދި އޭލެވެލްގެ ނަތީޖާ ދައްވާކަމެއް.
ޢަލީބެ
17 July 2019
ޖަވާބު އެއްގޮތްވަނީ ކޮޕީކުރީމަ އެކަންޏެއްނޫން. ސުވާލު އޮންނަ ގޮތަކުންވެސް ޖަވާބު އެއްގޮތްވެދާނެ. މިސާލަކަށް ދިވެހިރާއްޖޭގެ މިނިވަން ދުވަހަކީ ކޮބައިތޯ ސުވާލުކޮށްފިނަމަ ޖަވާބަކީ ޖުލައި 26 އެވެ. ރަނގަޅަށް ޖަވާބު ދީފިނަމަ ހުރިހާ ޖަވާބުވެސް އޮންނާނީ މިގޮތަށް.
ނުރަބޯ
24 July 2019
ތިކަހަލަ ތާކުންތާކު ނުޖެހޭ މީހުން ކޮމެންޓު ނުކުރިއްޔާ ރަނގަޅުވާނީ. މައުލޫއަކަށް ލިޔެފައޮތް މަޒުމޫނެއް އެއްގޮތް ވެގެން އެވާހަކަ އެއޮތީ. 1000 ދަރިވަރުންނަށް އެއް އިބާރާތަކުން މަޒުމޫނެއް ނުލިޔެވޭނެ.
ގަޓް ބްރޯ
17 July 2019
މިރާއްޖޭގަވެސް ތިޔަކަހަލަ ކަމެއްވުން ވަރަށް ގާތް. މިހާރަކަށް އައިސް ސްކޫލްގެ ރަސްމީ ގަޑީގަ ކްލާސްތެރޭ ކުދިންއަތުން ބޮޑެތި ފީ ނަގައިގެން ބައެއް ޓީޗަރުން އަމިއްލައަށް ޓިއުޝަން އެބަ ނަގައިދޭ. މިޢީ ސްކޫލްގެ މެނޭޖްމެންޓްއަށް ނޭނގި ކުރެވޭނެކަމެއްނޫން. އެހެންކަމުން އެގޮތަށް ޓިއުޝަން ނަގާކުދިންގެ ޕޭޕަރުތައް އެއްގޮތްވުން އެއީ ވެދާނެކަމެއް.
ނުރަބޯ
24 July 2019
ރަނގަޅު ވާހަކައެއް. އެޓީޗަރަކު ކިޔަވައިދޭ ގްރޭޑަކަށް ނުވަތަ ދަރިވަރުންނަށް ޓިއުޝަން ނަގައިދެވިގެން ނުވާނެ އުޞޫލެއްގެ ގޮތުން.
އެމްއެމްއައި
17 July 2019
"އަނެއްކޮޅުން އިމްތިހާނު ބާއްވާފައި ވަނީ އިމްތިހާނު ކަރުދާހެއް ވެސް ލީކްނުވާނެ ހުރިހާ މަގެއްހެން ބަންދުކޮށްގެން ކަމަށް ވިޔަސް މި "މާސް ކޮޕީން" އަކީ ސީރިއަސް މައްސަލައެއް ކަމަށް ބުންޏެވެ." "ލީކްނުވާނެ" ހުރިހާ މަގެއް ބަންދުކުރީ ދެން ލީކް ނުވެއެއް ނުހުންނާނެ ދެއްތޯ؟ ލީކް ވާނެ ހުރިހާ މަގެއް ބަންދުކުރި ނަމަތާ "ލީކް ނުވާނީ"...
ފައިސާ ފައިސާ
17 July 2019
އިންޑިއާ މީހުންނަކީ އަބަދުވެސް ތިޔަފާޑުގެ ރެކޯޑް ހަދާ ބައެއް.