އެމެރިކާގެ ސެންޓްރަލް ކޮމާންޑުގެ ކޮމާންޑަރު، ޖެނެރަލް ކެނެތު މެކެންޒީ ބުރާސްފަތި ދުވަހު ވަނީ ސައުދީ އަށް ވަޑައިގެންފައި. --ފޮޓޯ:އޭއެފްޕީ
21 ޖުލައި 2019 - 12:09
9 comments
ރިޔާޒް (ޖުލައި 21) - އެމެރިކާ ސިފައިން ސައުދީ އަރަބިއާގައި ތިބުމާއި ސައުދީގެ ވަސީލަތްތައް ބޭނުން ކުރުމަށް ރަސްގެފާން ސަލްމާން ބިލް އަބްދުލް އަޒީޒް ހުއްދަ ދެއްވުމާ އެކު އެމެރިކާ ސިފައިން ސައުދީ އަށް ފޮނުވަން ޕެންޓަގަނުން ރުހުން ދީފި އެވެ.
ސައުދީ އަރަބިއާގެ ޑިފެންސް މިނިސްޓްރީން ނެރުނު ބަޔާނެއްގައި ބުނެފައި ވަނީ އެމެރިކާ އާއި ސައުދީއާ ދެމެދު އޮތް ގާތް ގުޅުމަށާއި މެދު އިރުމަތީގެ ސަލާމަތާއި ރައްކާތެރި ކަމަށް ދެ ގައުމުން އިސްކަން ދޭ މިންވަރަށް ބަލާއިރު އެމެރިކާ ސިފައިން ސައުދީގައި ތިބުމަކީ އެންމެ ރަނގަޅު ކަމެއް ކަމަށް ރަސްގެފާން ނިންމަވާފައިވާ ކަމަށެވެ.
އެމެރިކާ ސިފައިންގެ އޮފިޝަލަކު ވިދާޅުވީ ސައުދީ އަށް 500 ސިފައިން ފޮނުވާނެ ކަމަށާއި އެއީ މެދުއިރުމަތީގައި ތިބޭ އެމެރިކާ ސިފައިންގެ އަދަދު އިތުރު ކުރަން ޕެންޓަގަނުން މިދިޔަ މަހު ނިންމި ޕްލޭނުގެ ދަށުން ފޮނުވާ ސިފައިން ކަމަށެވެ.
އެމެރިކާގެ އަސްކަރިއްޔާ އިން ބުނީ ހޮރްމޫޒް ކަނޑުއޮޅިން ދަތުރުކުރި ބޯޓުތައް މަތިންދާ ބޯޓުގެ އެހީގައި މޮނިޓާ ކުރަމުންދާ ކަމަށެވެ. އަދި އެ ކަނޑުއޮޅިން މިނިވަންކަމާ އެކު އުޅަނދުތައް ދަތުރު ކުރެވޭނެ ގޮތެއް ހަމަޖައްސަމުންދާ ކަމަށް ބުނެފައިވެ އެވެ.
އެމެރިކާ ސިފައިން ސައުދީގައި ތިބެން ފެށީ 1991 ވަނަ އަހަރުގެ ގަލްފު ހަނގުރާމައިގެ ދުވަސްވަރުގަ އެވެ. އެ ފަހަރު ސައުދީ އަށް ދިޔަ އެމެރިކާ ސިފައިން އެ ގައުމުން ފޭބީ 12 އަހަރަށް ފަހު 2003 ގަ އެވެ. ސައުދީގެ ވެރިރަށް ރިޔާޒުގެ ދެކުނުން 80 ކިލޯ މީޓަރު ދުރުގައިވާ ޕްރިންސް ސުލްތާން ވައިގެ މަރުކަޒުގައި އެމެރިކާގެ މަތިންދާ ބޯޓެއް ވެސް ބޭއްވި އެވެ.
ގަލްފުގެ މަސްރަހު ހޫނުވެފައި ވަނީ ހޮރްމޫޒް ކަނޑުއޮޅިން ދަތުރުކުރި އިނގިރޭސި ވިލާތުގެ ތެޔޮ ބޯޓެއް އީރާނުން ހުކުރު ދުވަަހު ހިފެހެއްޓުމާ ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
22 July 2019
ގެފުޅު ބަލަހައްޓަން އެމެރިކާ ސިފައިން ބައިތިއްބަން ވެސް ރަސްގެފާނު ފަސްނުޖެހޭނެ.ގޮތްކުޑަ ރަސްގެފާނު.
އަލީ އީމަން
21 July 2019
މެދުއިރުމަތީ ބިމެއް ނެތް އިޒްރާއިލް ޔަހޫދީނަށް ފަހި ކޮއްދިން ފިތުނަ ގަނޑެއް ގަ ސައުދީ އަރަބިއާއިން އެއްބަސް ވީއެވެ.
ޕްރީޕެއިޑްޝިއު
21 July 2019
އެމެރިކާގެ އަސްކަރިއްޔާ އިން ބުނީ ހޮރްމޫޒް ކަނޑުއޮޅިން ދަތުރުކުރި ބޯޓުތައް މަތިންދާ ބޯޓުގެ އެހީގައި މޮނިޓާ ކުރަމުންދާ ކަމަށެވެ.... ދެންއަޅެފަހެ.... ކޮބާތަ ކަލޭމެން ގެންގުޅޭ ސެޓަލައިޓުތައް. އޭގެ ބޭނުމެއް ހަމަނެތީތޯ. ފޭކު ބައިގަނޑެއްމީ ސަހާދެފާތެދެއް. އަދި ބުނެލަންތޯ! މަސްރަހު ގޯސްވީ އެންމެފުރަތަމަ އީރާނުގެ ބޯޓެއް އިނގިރޭސިވިލާތުން ހިފެހެއްޓުމުން. އޮޅުވާލަން ނޫޅުއްވާ.
ކަރީމުއްދީން ބާޝާ
21 July 2019
މީ އެއުޅޭ މޯޑުގެ ކަންތައް.
ކައްލަބް
21 July 2019
ސައޫދީން ވަރުގެ މުނާފިގު ބަޔަކު މިދުނިޔެމަތީގަ ނޫޅޭ.
އިސްލާމް
21 July 2019
100 ޕަސެންޓް އިސްލާމީ ގައުމެއް ސައުދީ. އެގައުމުގައި އެމެރިކާ ސިފައިން އެ ތިބެނީ. ދެން ކޮބާ މި ގައުމުގައި އިންޑިއާ ސިފައިން ތިބުމުގާ މައްސަލައަކީ. ހުރިހާ ކަމެއް ސިޔާސީ ކުރަންޏާ އެއްކަމެއް ވެސް ރަނގަޅު ކަމެއްކަމުގަ ނުފެންނާނެ
ކިއްލިބާޝާ
21 July 2019
100 ޕަސެންޓެއް 200 ޕަސެންޓެއް ކިޔާނެކަމެއް ނެތް އިނގޭ.
އުމަރު ނަ
21 July 2019
ކޮބާ އުމަރު ނަސީރު ފޮނުވާ އަވަހަށް ސައުދީއަށް މިކަމާ ދެކޮޅު ހަދަން.
ފުންއަސަރު
21 July 2019
ސައުދީން ތިނިންމީކީ މާކަ ރަނގަޅު ނިންމުމެއްނޫން. ތަނެއްގާ ވަކިހިއްޕާލައިފި ނަމަ، އެތަނެއްގެ ދުވަސްދުއްވާލާފާނޫނީ ދާނޭބައެއްނޫން އެމެރިކާއަކީ. އެމީހުން ސައުދީއަށް ކުރިންއަރާތިބެފަ ފޭބުނު މޮޔަހީވެފާ ތިއްބާ އިތުރު ފުރުސަތެއް އަނެއްކާ ތިދިނީ. ސައުދީންވިޔަސް ތީކީ ކުރަންހެޔޮވާވަރު ކަންތަކެއްނޫން. މިފަހަކަށްއައިސް ސައުދީގެ ނަން ހަޑިވާފަދަ ގޮތްގޮތަށް ބައެއް ކަންކަން ވެސް ކުރާކަން ފާހަގަވޭ. އެގޮތުން ސައުދީގާ އެތަކެއް ސިނަމާ ހެދުމާ މިފަދަ ބައިވަރުކަންކަން