ހީނާމާގޭ ޕާކިން ޒޯންގައި ބަހައްޓާފައިވާ ސިސްޓަމް. މި ސިސްޓަމް ނަގައި މިތަނުގައި ޕާކުކުރާނެ ޖާގަ އަންނަނީ ހަދަމުން. -- ފޮޓޯ: ހުސައިން ވަހީދު/މިހާރު
21 ޖުލައި 2019 - 16:56
32 comments
ކުރީގެ ސަރުކާރުން ބެހެއްޓި ޕާކިން ސިސްޓަމްތައް ނަގައި އެ ތަންތަނުގައި ޕާކުކުރުމުގެ ޖާގަ ހަދަމުން އަންނަ ކަމަށް ޕްލޭނިން އެންޑް އިންފްރާސްޓްރަކްޗާ މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.
މާލޭގެ އެކި ހިސާބުތަކުގައި 20 ޕާކިން ސިސްޓަމް ބަހައްޓަން ނިންމައި 2016 ގައި ހައުސިން މިނިސްޓްރީން އިއުލާންކުރި އެވެ. އެކަން އެސްޓީއޯއާ ހަވާލުކުރުމުން ބައެއް ތަންތަނުގައި ސިސްޓަމް ބެހެއްޓި އެވެ. ވެލާނާ ބިލްޑިން ކައިރީގައި ބެހެއްޓީ ކާރަށް ހާއްސަ މެކޭނިކަލް ޕާކިން ސިސްޓަމެކެވެ. ކުރިން ހީނާމާގޭ ހުރި ހުސް ބިމުގައި ބެހެއްޓީ ސައިކަލަށް ހާއްސަ ސިސްޓަމެކެވެ.
އެއްފަހަރާ 10 ކާރު ޕާކްކުރެވޭ ކާރު ޕާކިން ސިސްޓަމް ބޭނުންކުރަން ފެށި ނަމަވެސް ވަކި ހިސާބަކުން އެކަން ހުއްޓުނީ އެވެ. ސަތޭކަ ސައިކަލް ޕާކްކުރެވޭ ގޮތަށް ހީނާމާގޭ ބިމުގައި ސިސްޓަމެއް ބެހެއްޓި ނަމަވެސް ބޭނުމެއް ނުކުރެ އެވެ. އެ މަރާމާތު ކުރުމުގެ ޒިންމާ ނަގާނެ ބަޔަކު ނުވި އެވެ.
މިނިސްޓަރު އަސްލަމް ނޫސްވެރިންނާ ވާހަކަ ދައްކަވަނީ. --ފޮޓޯ: ހުސެއިން ވަހީދު/މިހާރު
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ ކުރީގެ ސަރުކާރުގައި ސިސްޓަމްތައް އިންސްޓޯލްކުރިއަސް މަސައްކަތްކުރާ ތަން ނުފެންނަ ކަމަށެވެ. އެއީ، ރާއްޖެ އަށް އެންމެ އެކަށީގެންވާ އަދި ރައްކާތެރި ސިސްޓަމްތަކެއް ނޫން ކަމަށް އޭނާ ވިދާޅުވި އެވެ.
"އާއްމުކޮށް މިކަހަލަ މެކޭނިކަލް ޕާކިން ސިސްޓަމްތަކުގައި އަޅުގަނޑުމެންނަށް ރަނގަޅަށް މެއިންޓެއިންކޮށް ނުބެލެހެއްޓޭ ކަމަށް ވަންޏާ ނުރައްކާތެރި ހާދިސާއެއް ހިނގުމަކީ ވަރަށް އެކަށިގެންވާ ކަމެއްގެ ގޮތުގައި އަޅުގަނޑުމެންނަށް ފެނުނީ،" އަސްލަމް ވިދާޅުވި އެވެ.
މިނިސްޓަރު ވިދާޅުވި ގޮތުގައި ސިސްޓަމްތައް ބޭނުން ނުކުރެވޭތީ، ރޫޅާލައި މިހާރު ވަނީ ރައްކާކޮށްފަ އެވެ.
"ކޮންމެ ބަޔަކު ޚަރަދުކޮށްގެން ކުރި ކަމެއް ކަމަށް ވިޔަސް އެއީ ދައުލަތުގެ މުދާ، އެ ހުންނާނެ ރައްކާކޮށްފައި،" އަސްލަމް ވިދާޅުވި އެވެ.
މިނިސްޓަރު ވިދާޅުވީ ހީނާމާގޭ ބިމުގައި ހުރި ބިމުގައި ވެސް މިހާރު އަންނަނީ ޕާކުކުރެވޭނެ އިންތިޒާމް ހަމަޖައްސަމުން ކަމަށެވެ. މާފަންނު އަސަރީ ކެފޭ ހިންގި ތަނުގައި ވެސް ޕާކުކުރެވޭނެ ޖާގަ ހަދަމުން އަންނަ ކަމަށް ވިދާޅުވި އެވެ.
"ޕާކިން މައްސަލައަކީ ވަރަށް ބޮޑުވެފައި އޮތް ކަމެއް. ކުދިކުދި ހައްލުތަކެއް މީގެތެރެއިން މި އަންނަނީ. އަޅުގަނޑު ގަބޫލެއް ނުކުރަން މީގެތެރެއިން އަޅުގަނޑުމެންނަށް ފުރިހަމަ ހައްލެއް އަންނާނެ ކަމަކަށް،" އަސްލަމް ވިދާޅުވި އެވެ.
އަސްލަމް ވިދާޅުވި ގޮތުގައި އާ ޕާކިން ޖާގައާ އެކު މައްސަލަ އަށް ކޮންމެވެސް ވަރެއްގެ ލުޔެއް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުއީސާސަރީފު
22 July 2019
ކޮބާހޭ ކާރުތައް ރަޖިސްޓަރީކުރި ގަރާޖުތައް ވަކިގަވާއިދެއްނޯވޭ ޕާކުކުރާކައް ކާރުތައް މައުމޫން ވެރިކަމުގަ ކާރައް ވަކިން ޕާކުލައިން ސައިކަލައްވަކިން ޕާކުލައިން މާރަގަޅުނު
އަލިފް ހ
22 July 2019
އޭރުން އެތަނުގައި ލައްކަ ބައިވަރު ވެހިކަލްތައް ޕާކު ކޮށްލެވޭނެ ދޯ!
ނަގިލި
22 July 2019
ތިއެއްޗިހި އުކާލުމުގެ ބަދަލުގައި މަސްހިއްކަން ބޭނުންކުރެވިދާނެ، މަތީގައި މަސްތައް ބަރިބަރިއަށްޖަހާފަ ތިރިން އަލިފާން ޖަހާނީ.
ބުނަންނެތީ
22 July 2019
މެކޭނިކަލް ޕާކިންގ ބޭނުންކުރަން ބިރުގަންނަނީ ނޫނީ ނުކެރެނީ. އިހަށް ބޭނުން ކުރަން ފަށާފަ މައްސަލައެއް ޖެހޭނަމަ ބަންދުކޮށް އެތަން ރޫޅާފަ ނަގަން އެންމެ ރަގަޅު. އެކަމު ބޭނުންނުކޮށް ތިޔަ ކަހަލަ ވާހަކަ ދެއްކީމަ ދުވަނީ ހަސަދަވެރިކަމުގެ ދުމުގެ ވަސް.
މަރޭމިތުރު
22 July 2019
ގަލޮޅުދަނޑު އެހެން ތަނަކަށް ބަދަލުކޮށް އެތަނުގައި ޕޭޕާރކިންގ ހެދުމަކީ މުޅި މާލެއަށް ވާނެ ވަރަށްބޮޑު ފަސޭހައެއް!
ކެކެ
22 July 2019
މަރޭ ކަލޭ މިވީހާ ތަނަށް ކުރި އެންމެ ރަނގަޅު ކޮމެންޓުތީ.
މޮހޮނު123
22 July 2019
ކުރާނެކަމެއް ނޭގިގެން، ތިމަންނަމެންވެސް ކަމެއް ކޮށްފީމޭ ބުނަންވެގެން ކަމެއް ކޮށްލަނީ. މަގުތައް ދުއްވާކޮޅުބަދަލުކުރުމާއި، މަގުތަކުގައި ދަމާފައިވާ ރޮނގުގެ ކުލަ ބަދަލުކުރުން، މިމީހުންނަށް މިކުރެވޭކަމަކީ
ނެގުނުކަތީބު
22 July 2019
މިހުންނަނީ ރައްޔިތުންނަށް ހެއުވެރިކަން ކޮށްދިނުމަށް ވަޢުދުވެގެން އަންނަ ވެރިން ރައްޔިތުންގެ ފައިސާ ރޯމާ ދުވާލު ފޭރޭ މަންޒަރު. ހަދައިފައި ހުންނަ ޕާކުތަށް ތަޅާލާފަ އަލުން ހެދުމާއި ރަނގަޅަށް ހުންނަ ތަންތަން އެހެން ތަންތަނަށް ބަދލުކޮށްލުން. ދައުލަތަށް ލިބޭ ހުރިހާ ފައިސާއެއް މިފަސްގަނޑަށް އަޅާ ހުސްކުރުން. އެކަމަކު ޖަޒީރާ ރާއްޖެ؟؟؟؟؟؟
އަބުލްބަރކާ
22 July 2019
ޕާކިން ހާއްސަޖާގަ ހަދަންޖެހެނީ ސޯސަންމަގު އޭޑީކޭއަށް ކައިރިން އިންޑިޔަން އެމްބަސީ އަށް ދޭން އުޅުނު ބިން.. ގައުމީ ޔިނިވާސިޓީގެ ދަރިވަރުން ވެސް ފަސޭހަ ވާނެ . ހަދާފަ މަގު އެއްކޮށް ހުސްކޮށްލަންވީނުން.
ގޮއިދޫހަސަނު
22 July 2019
މިޒަމާނުގައި ބަޖެޓާއި ކުޅުންދަތިވާނެއެެވެ. އެހެންވީމަ ދަށުންދަމާބައި ނަގަނީ ކޮންސްޓްރަކްޝަން ޕްރޮޖެކްޓުތަކުންނެވެ. މިއީ އެފަދަ ޕްރޮޖެކްޓެކެވެ. މިއީ، ކޮންސްޓްރަކްޝަން މިނިސްޓްރީ އާއި އެސްޓީއޯ ގުޅިގެން ހިންގާފަވާ ބޮޑުޖަރީމާއެކޭ ނުބުނެވޭނެ އެއްގޮތެއް ނެތެވެ. މިނިސްޓަރު މުޢިއްޒުއާއި އެސްޓީއޯގެ އިސްވެރިން ރައްޔިތުންނަށް ޖަވާބުދާރީ ވާންޖެހޭނެއެވެ. ރައްޔިތުންނާއި މުވައްޒިފުންގެބޮލުގައި ތުޅާއަޅުވާފަ އެމީހުން އުފަލުގަ ތިބިޔަދީގެންނުވާނެއެވެ.
ސްޓިކާޖަހާ
22 July 2019
ހަތރު ފްލޯޔަށް 100 ސައިކަލު ޕާކްކުރެވޭނެ ގޮތަކަށް ނަހަދާ ކުޑަ ބިންކޮޅުގަ 10 ސައިކަލު ޕާކް ކުރެވޭނެ ޖާގަ ހެދީމަ އެހެރީ ދޫނިރާއްޖޭގެ ޖަޒީރާވެފަ!