23 ޖުލައި 2019 - 07:26
17 comments
ބަތަލާ ޕްރިޔަންކާ ޗޯޕްޅާއާ ޖެހުނީމާ ހުރިހާ ކަމެއް ވަރިކަމަށް މިހާރު ބެލެވިދާނެ އެވެ. އިންޑިއާގައި ދިވާލީ ފަދަ މުނާސަބަތުތައް ފާހަގަކުރަން ހަވާ އަރުވައި ބަޑި ބޭހުގެ ކުޅިވަރުތައް ކުޅޭތީ އެއީ އޭނާ ގަޔާވާ ކަމަކަށް ނުވެ އެވެ. އަދި ނޭވާ ހިއްލުމުގެ ހިއްލާތީ ބަޑިބޭހުގެ ކުޅިވަރުތަކަށް ތާއީދުނުކުރާ ކަމަށް ބުނެފައިވެ އެވެ. އެކަމަކު މިދިޔަ ޑިސެމްބަރު މަހު އިންޑިއާގައި އޮތް އޭނާގެ ކައިވެނީގެ ހަފުލާގައި ހަވާ އެރުވި އެވެ. އެކަމާ ގުޅިގެން ވަރަށް ގިނަ ބަޔަކު ފާޑު ކިޔާފައިވެ އެވެ.
މި ފަހަރު އަނެއްކާވެސް ހަމަ މި ބާވަތުގެ ނޭދެވޭ އަދި ފޭނުންނަށް ބަލައިގަންނަން އުނދަގޫ ކަމެއް ޕްރިޔަންކާގެ ފަރާތުން ފެނިފައިވެ އެވެ. އެއީ މި މަހުގެ 18 ވަނަ ދުވަހު ފާހަގަކުރި އޭނާގެ 37 ވަނަ އުފަން ދުވަހުގެ މަޖާގަނޑުގެ ތެރެއިން މިދިޔަ ހަފުތާގައި މަޔާމީގައި ހޭދަކުރި ޗުއްޓީ ތެރޭގައި ދުންފަތުގެ އިސްތިއުމާލު ކުރުމެވެ.
Smoking cures Asthma 🙄 pic.twitter.com/5ddD1xalRf
— Sushant Kumar Rai 🇮🇳 (@Skraivns) July 21, 2019
ސޯޝަލް މީޑިއާގައި ވެސް ދައުރުވެފައިވާ ފޮޓޯތަކުގައި ޕްރިޔަންކާ ސިނގިރެޓް ބޯ މަންޒަރު ފެންނަ އިރު، އޭނާގެ ފިރިމީހާ ނިކް ޖޯނަސް އާއި މަންމަ ޑރ. މަދޫ ޗޯޕްޅާ ވެސް ކައިރީގައި ބޮޑު ދެ ސުއްޓާ ޖަހައިގެން ތިބޭ ތަން ފެނެ އެވެ.
Diwali is injurious to health, not smoking. Because Asthma is caused due to Diwali, not smoking.
— Anshul Saxena (@AskAnshul) July 21, 2019
Thanks to Priyanka Chopra.
މިކަމާ ގުޅިގެން ވަރަށް ގިނަ ބަޔަކު ވަނީ ސޯޝަލް މީޑިއާގައި ޕްރިޔަންކާ އަށް އެއްޗެހި ކިޔައިފަ އެވެ. އެއް ބަޔަކު ބުނި ގޮތިގައި ނޭވާ ހިއްލާތީ ބަޑިބޭހުގެ ކުޅިވަރަށް ތާއީދު ނުކުރާ މީހަކު، މިހާރު ފަރުވާ އަށް ސިނގިރެޓް ބޮނީ ކަމަށެވެ. އަދި ޕްރިޔަންކާގެ ފަރާތުން ފެންނަ މިކަހަލަ ކަންކަމަކީ އޭނާގެ ބަހާއި އަމަލާ ދިމާ ނުވާ މީހެއްގެ ގޮތުގައި ބައެއް މީހުން ސިފަކޮށްފައިވެ އެވެ.
priyanka Chopra is so professional that she's smoking to get asthma back so that she could say that she suffered from asthma in #Diwali smoke free Advertisement 😆😂 #PriyankaChopra pic.twitter.com/iRHpgjH2P5
— Pheonix Orion (@ThhoughtCaptain) July 21, 2019
އަނެއްކޮޅުން، މަންމަ އަކީ ޑޮކްޓަރަކަށްވެފައި ދަރިފުޅާއި ދަނބިދަރިފުޅާ އެކު ދުންފަތުގެ އިސްތިއުމާލު ކުރަން މަދޫ އިނުމަކީ ވެސް ވަރަށް ހުތުރު އަމަލެއް ކަމަށް ބައެއް މީހުން ބުންޏެވެ.
#PriyankaChopra giving comments on diwali to not use firecrackers and all & I have asthma people like me suffer during diwali and blabla
— Anurag Tiwari (@AnuragT82299142) July 21, 2019
Pic 1. Firecrackers on her wedding
Pic 2. Smoking cigarette
Now this cigarette won't affect you and the firecrackers didn't harm to anyone pic.twitter.com/ZYYm8eRuaO
ޕްރިޔަންކާ އަށް ފާޑުކީ ބައެއް މީހުން ބުނި ގޮތުގައި ވަރަށް ގިނަ އަންހެނުން ރޯލް މޮޑެލެއްގެ ގޮތުގައި ބަލާ އަދި ޔުނިސެފް ކަހަލަ ޖަމާއަތެއްގެ އެމްބަސެޑަރުކަން ވެސް ކުރާ މީހަކު ދުންފަތުގެ އިސްތިއުމާލު ކުރުމަކީ އެއްގޮތަކަށް ވެސް ބަލައިގަނެވޭނެ ކަމެއް ނޫނެވެ.
ބައެއް މީހުން ބުނި ގޮތުގައި ޕްރިޔަންކާ ތިމާވަރުގެ މީހަކު ނެތިގެން އެހެން މީހުންނަށް މަގު ދައްކަން އުޅުމަށް ވުރެ، އަމިއްލަ ނަފުސު އިސްލާހު ކުރިއްޔާ މާ ރަނގަޅު ވާނެ އެވެ. ހަމައެއާ އެކު ބަހާއި އަމަލާ ދިމާނުވުމަކީ ދެފުށް ދެގޮތް މީހުންގެ ގޮތެއް ކަމަށް އޭނާ އަށް ބައެއް މީހުން ހަނދާން ވެސް ކޮށް ދީފައިވެ އެވެ.
@all_iz_wel smoking is awful!! Yuck!!
— PRIYANKA (@priyankachopra) February 6, 2010
އަދި އަމިއްލަ އަށް ދުންފަތުގެ އިސްތިއުމާލު ކުރާ އިރު 2010 ވަނަ އަހަރު މީހަކަށް ޓެގްކޮށް، ދުންފަތުގެ އިސްތިއުމާލު ކުރާތީ ޕްރިޔަންކާ ކުރި ޓްވީޓެއް ވެސް ބައެއް ފޭނުން ވަނީ އޭނާގެ ހަނދާނަށްޓަކައި އަލުން ތިލަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާޝާ
24 July 2019
ވަރަށް ދެރަވަރު ނާތަހުޒީބް އަމަލެއް ޕްރިޔަންކާ އަތުން ޔުނިސެފްގެ އެމްބެސެޑާކަން ނަގަން ގޮވާލަން
ސުނީތޭ
24 July 2019
ރާއްޖޭގެ ރައީސްކަންކުރި ބޭފުޅުން ސިނގެރޭޓް ބޯތީ ދިވެހިން ކަމަކަށްވެގެން ނޫޅޭ އެކަމު އިންޑިއާ އަންހެނަކު ފެގެއް ބޯލާއިރައް ހާދަވަރެކޭ މިވަނީ
މުޙައްމަދުފުޅު
24 July 2019
އޭނާ ދައްކާފައި ހުރި ވާހަކައާ، ޢަމަލާ ދިމާނުވާތީ ވަރުވަނީ.. ދެން ބުނޭ ރާއްޖޭގައި ރައީސްކަން ކުރި މީހުންގެ ވާހަކައާ ޢަމަލާ ދިމާވޭހޭ؟
ނެގުނު ރައީސް
24 July 2019
ބޮވެންވާނެ ބޯންއެބަޖެހޭ އެކަމަކު ބޯން އޮތް ހަމައެކަނި އެއްޗަކީ ސިނގެރޭޓް ވީމާ ދެން ސިންގެރޭޓް ގިނަވޭ
ނިކޭ
24 July 2019
ނިކްމެންނާ ޖެހުނީމާ ގުޑުގުޑާވެސް ޖެހޭނީ ބޯން
ޙަމަ
23 July 2019
ސުނިޔަންކާ ނުބޯތަ؟
މަބުނީ
23 July 2019
ބަހާ އަމަލާ ދިމާނުވޭ.
ފުންއަސަރު
23 July 2019
ތިމާޔަށްވުރެ ހަގު ފިރިހެނުންނާ އިނުމުން ތިހުރިހާ ކަމެއްވެސް ތިލަވާނެ. އަދި ތިމާ މުސްކުޅިއަތަށް އަޅާލީމާ ތިމާދޫކޮށް އެސޮރު އެހެންމީހަކާ އިންނަތަންވެސް ފެންނާނެ.
ރޭނުކާ
23 July 2019
މީ އޭނަ އިންމީހާގެ އުމުރަކާ ގުޅޭ މައްސަލައެއް ނޫން. ކަލެއަށް ވަރަށް ފުން އަސަރު ކޮށްފިތާ އޭނަ ހަގު މީހަކާ އިނދެގެން.
ބަނާނާ
23 July 2019
ޢުމުރާ ގުޅޭކަމެއް. ޅަ ފިރިހެން ކުއްޖަކާ އިނީމަ އޭނަ އުޅޭގޮތަށް އުޅެން ހަދަައިގެން ޕްރިޔަންކާ އުޅޭ ފާޑެއް. ޢޭނަ އުޅެނީ އުމުރާ ނުގުޅެގޮތަށް ޅަވެގެން.
ޝިފް
24 July 2019
އަންހެންމީހާއަށް ވުރެއް ހަގު ފިރިހެނަކާ މީހަކާ އިނުމަކީ ސުންނަތެއް.އެހެންމަ ތިމާއަށް ވުރެ ހަގު މީހަކާ އިނދެގެން ފާޑުކިޔުމުގެ ހައްޤެއް އެކަަކަށްވެސް ނޯންނާނެ.މި ޕްރިޔަންކާ ރަނގަޅު ކުރީކިނޫން.ޕްރިޔަންކާ އެކުރީ ރަނގަޅު ކަމެއް ނޫން.ބަހާ އަމަލާ ދިމައެއް ނުވެ.
ޖުނައިދު
24 July 2019
ޝިފް ތިބުނަނީ އެއީ ސުންނަތަށް އުޅެންވެގެން ކުރި ކަމެކޭތަ؟ ސުންނަތަށް ޢަމަލުކުރަންވެގެން މީހުން ކުރާ އެފަދަ ކަންކަމާ ބަހެއް ނުބުނެވުމާ، ރޯމާ ކާފަރަކު ކުރާ އެކަހަލަ ކަންކަމާ ސުންނަތާ ގުޅުވޭތޯ؟
ޖަމަލޭ
23 July 2019
ޕްރިޔަންކާމެންނާއެކު ތޮފިއަޅައިގެން ހުރި އަންހެންކުއްޖާވެސް ހާދަ ކޫލްއޭ.
ދިސްއިޒްއިޓް
23 July 2019
އެއީ އަމިއްލަ މިނިވަން ކަން ސިނގިރެޓް ބުއިން އެއީ ގާނޫނީ ގޮތުން މަނާ ކަމެއް ނޫނޭ...
ނަވާޒު
23 July 2019
ސުނިޔަންކާ މިކަމާ ބުނަނީކީކޭބާ؟
ސުނިޔަންކާ
23 July 2019
ދިވެހިން ހަމަ ނާތަހުޒީބީ އަދިވެސް. ސިނގިރޭޓް ބުޔެކޭ ކިޔާފަ ޕްރިޔަންކާ އާ ބެހޭކަށް ނުޖެހޭ
ބަބުރޭ
24 July 2019
ދިވެހިންނެއް ނުބެހޭ. އޭނަގެ ގައުމުގެ މީހުން އޭނަގެ ދެކޮޅު ނުޖެހޭ ވާހަކަ ތަކަކަށް ފާޑުކީ ވާހަކަ. އަމިއްލަ މިނިވަން ކަމޭ ކިޔާފަ ޕުރިޔަންކާ ކޮންމެ އެއްޗެއް ބުޔަސް އަހުން ދިވެހިންނަށް ވަރިހަމަ. އަހުން ތެރެއިން ބަޔަކު އެއީ ރޯލުމޮޑެލަކަށް ހަދައިގެން އުޅޭ. ގިނަ މީހުނަށް ވިސްނޭ.