ހައުސިން މިނިސްޓަރު އާތިފާ މިއަދު މަޖިލިހުގައި. --- ފޮޓޯ: މަޖިލިސް
22 ޖުލައި 2019 - 12:44
8 comments
ގެދޮރު އިމާރާތްކުރަން ބޭނުންވާ ލުއި ލޯނާ ގުޅޭ ސިޔާސަތުތައް އަންނަ މަހުގެ ފަހުކޮޅު އިއުލާނުކުރައްވާނެ ކަމަށް ހައުސިން މިނިސްޓަރު ހައުސިން މިނިސްޓަރު އައިމިނަތު އާތިފާ މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި، މެންބަރަކު ކުރެއްވި ސުވާލަކަށް ޖަވާބު ދެއްވަމުން އާތިފާ ވިދާޅުވީ ބޯހިޔާވަހިކަމުގެ ކަންކަމަށް ފަސް ޕަސެންޓާއި ހަ ޕަސަންޓުގެ އިންޓަރެސްޓް ރޭޓެއްގައި ލޯނު ދޫކުރުމަކީ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ވައުދެއް ކަމަށެވެ.
އެގޮތުން ވޭތުވެދިޔަ ހައެއްކަ މަސް ދުވަހުގެ ތެރޭގައި އެމްއެމްއޭ އާއި ދައުލަތުގެ މާލީ އިދާރާތަކާ އެކީގައި މަސައްކަތްކުރި އިރު، މިހާރު ކުރިއަށް ދަނީ އެންމެ ފަހު ޑްރާފްޓްގެ މަރުހަލާ ކަމަށް އޭނާ ވިދާޅުވި އެވެ. އަދި އޮގަސްޓް ފަހުކޮޅު، އެކަން އިއުލާން ކުރައްވާނެ ކަމަށް އޭނާ ވިދާޅުވި އެވެ.
"އަންނަ އޮގަސްޓު މަސް ނިމޭ ހިސާބުގައި ވަރަށް އުފާވެރި ޚަބަރެއްގެ ގޮތުގައި، ފަސް ޕަސަންޓާއި ހަ ޕަސެންޓު އިންޓްރަސްޓުގައި ރާއްޖޭގެ އެތަން މިތަނުގައި ގެދޮރު އިމާރާތް ކުރުމަށްޓަކައި ލުއި ލޯނު ލިބުމުގެ މަސައްކަތް އާންމުވެގެން ދާނެ،" މިނިސްޓަރު އާތިފާ ވިދާޅުވި އެވެ.
އާތިފާގެ ޖަވާބާ ގުޅިގެން އިހަވަންދޫ ދާއިރާގެ އެމްޑީޕީގެ މެމްބަރު މުހައްމަދު ޝިފާއު ވަނީ ލޯނު ދޫކުރާނީ ކޮން ގޮތަކަށްތޯ ސުވާލު ކުރައްވައިފަ އެވެ.
ޖަވާބުގައި އާތިފާ ވިދާޅުވީ ލޯނުތައް ދޫކުރާނެ ވަކި ގޮތަކާ މެދު ގޮތެއް ނިންމާފައި ނުވާ ކަމަށެވެ. އެކަމަކު، ކަމާބެހޭ ފަރާތްތަކުން ގުޅިގެން އިއުލާނުކުރާ ސިޔާސަތުތަކުގެ ތެރޭގައި އެ ހުރިހާ ތަފްސީލްތަކެއް ހިމެނޭނެ ކަމަށް ވެސް އާތިފާ ވިދާޅުވި އެވެ.
"އަޅުގަނޑު ގަބޫލުކުރަނީ ރާއްޖޭގެ ހުރިހާ ރައްޔިތުންނަށް، ލޯން ހުށަހެޅުމުގެ ފުރުސަތު ހުޅުވާލެވިގެން ދާނެ ކަމަށް. އަޅުގަނޑުމެން އަމާޒުކުރާނީ ވެސް އެގޮތަށް،" އާތިފާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަންޕަތު
22 July 2019
މިކަހަލަ ލުއިކަމުން ކަފަކޮޅެއްކަހަލަ ލޯނު ވަރަށް އަޑުއިވޭ ނިމޭއިރު މީހާލޯނުގަޖެހި އަނދާހުލިވެފަ. ބޭންކުގެ ފައިދާ ބިލިއަނުން. ބޯހިޔާވަހިކަމަށް ހައްލުހޯދަންކަމަށްބުނެ ވިލިގިލިހުސްކުރި ހުޅުމާލޭކިޔާ ތަނެއް އާބާދުކުރި ކުރެވުނު ހައްލެއްއަދިފެންނާކަށްނެތް. ހަމަބިންވެރިންނަށް ފުލެޓުވެސް ލިބުނީ މުއްސަދިންނަށް ގޯތިވެސް ގަނެވުނީ. އެއްކަލަ ނިކަމެތިމީހާ އަދިވެސް މަގުމަތީގަ.
މައިހާ
22 July 2019
ތިޔައީ ހަމަ ކުންފުނީ ތަކުގެ ޖީބަށް އަޅައިދޭ އެއްޗެއް މިކަމުގެ ފައިދާ އެންމެނަށް ހަމަޖައްސާ މީސްމީހުން ހަދަން ފަށާ ނުނިމި ހުރި ގެތައްވެސް ސްކީމެއްގެ ފަށުން އެހީވާން ޖެހޭ
ރަދީފު ބިން ރަފައިދާ
22 July 2019
ކޮންތާކުން ލާރިނެރެނީ. ދެންމެއަކު އަސްލަމު އެއޮތީ ބުނެފާ ލާރިނެތިގެނޭ ޕުރޮޖެކްޓުތައް ކުރިޔަށްނުކަނޑަނީ. ސަރުކާރުގެ އެއްކޮޅުގާ ލާރިހުރެފާ އަނެއްކޮޅުގާ ލާރިނެތުން އެއީ ކިހާބޮޑު މައްސަލައެއްނޫންތޯ!
ސާދިޔާ
22 July 2019
ފާޑުފާޑުގެ ލޯނުތައް އިއުލާނުކޮށްކޮށްތިބޭ ތިކަންވެސް ހަމަޖެހިގެންދާނީ ވަކިބަޔަކަށް ކިޔަވާލޯނާ ހިލޭޑިގްރީވެސް ލުއިވެގެންދިޔައީ ވަކިބަޔަކަށް އެގްރިމަންޓްގަ ސޮއިކޮއްފަ ދެމަސްވާއިރިއަދި ހިލޭޑިގްރީ ވާނުވާގަ
ލޯލް
22 July 2019
ކައުންސިލް އިންތިޚާބު އެބަ ބޯމަތިވެއެއްނުން! މިކަހަލަ ކިތަންމެ އެއްޗެއް ކިޔާނެ! ތިޔަ މަކަރުވެރި ކަށި މިހާރު ފަހަކަށް އައިސް ދެ ފަހަރު ޖަހައިފި! ޕްރޮމޯޓްކުރަނީ އިންޑިޔާއަށް ގައުމު ވިއްކާ ސިޔާސަތު! ދެންކޮން ކަމެއް ރައްޔިތުންނަށް ކޮށްދެވޭނީ؟ އެހެން ނޫނަސް ގައުމުތަކުގައި ހައުސިން ލޯނަކީ %4.5-3 ގައި ދޫކުރާ އެއްޗެއް! ރަގަޅަށް ވިއްޔާ އާދައިގެ މީހަކަށް ތިޔަ ލޯނާގާތްވެސް ނުވެވޭނެ!
ތުވާކީން
22 July 2019
ލޯންތައް ހުރޭ މިހާރުވެސް...އާދައިގެ މީހުން ޝަރުތުހަމަނުވަނީ ހަދާފަ ހުންނަ ގަވއިދުން..ލާރިލިބޭ މީހުން މުއްސަދިން ޝަރުތުހަމަވާނީ..
ކުރިއަރާނެއޭ
22 July 2019
ގެދޮރު އެޅުމާއި ގަތުމުގެ ލުއި ލޯން ސަރުކާރުން ދޫކުރުމުގެ ކުރިން ރާއްޖޭގެ ހުރިހާ ރައްޔިތުން ބިން ބޭނުންވެގެން އުޅޭ މާލެ ސަރަހައްދުން ކޮންމެ މީހަކަށް 2 ހާސް އަކަފޫޓްގެ ބިމެއް އަކަފޫޓަކަށް މަހަކު 1 ރުފިޔާ ކުއްޔެއްގެ ގޮތުގައި ސަރުކާރަށް ދައްކާ ގޮތަށް ހަދައިފިނަމަ މަހަށް ދާ މަސްވެރިއާ އަތުގައި ވެސް އޮންނާނެ މާލެ ސަރަހައްދުގައި ގޯއްޗެއް އޭނާ އަށް ލިބޭ އާމްދަނީން އޭނާ މިތަނުގައި ގެދޮރު އަޅާނެ އެހެން ވެއްޖެނަމަ ރާއްޖޭގެ އިގްތިސާދު އަތް ނުފޯރާ ވަރަށް
ދަސދަސދަސ
22 July 2019
މާލެ ސަރަހައްދުން ހިލޭ ބިން ދޯ ބޭނުންވަނީ.