ޓީޗަރުންތަކެއް: ލީޑިން ޓީޗަރުންގެ އުސޫލާ މެދު ކަންބޮޑުވުން ފާޅުކުރި.-- ފޮޓޯ: ހުސެއިން ވަހީދު/ މިހާރު
25 ޖުލައި 2019 - 22:41
36 comments
ލީޑިން ޓީޗަރުންނާ ގުޅޭގޮތުން ނިންމި ނިންމުމަކީ ސްކޫލުތަކުގައި ކިޔަވައިދިނުމުގެ މިންގަނޑުތައް އިތުރަށް ހަރުދަނާކުރަން ގެންނަ ހެޔޮ ބަދަލެއް ކަމަށް އެޑިއުކޭޝަން މިނިސްޓްރީން މިރޭ ބުނެފި އެވެ.
އެ މިނިސްޓްރީން ނެރުނު ބަޔާނުގައި ބުނީ "ލީޑިން ޓީޗަރުންގެ ޒިންމާ ބަދަލުކުރުމުގެ އުސޫލު" އަކީ ހުރިހާ ސްކޫލެއްގައި ވެސް އެއް ހަމައެއްގައި އެކަން ތަންފީޒުކުރުމުގެ ބޭނުމުގައި ގެނައި ބަދަލެއް ކަމަށެވެ. ލީޑިން ޓީޗަރުކަމަކީ މަގާމަކަށް ނުވާއިރު އެއީ ޓީޗަރުންގެ ތެރެއިން ވަކި ޝަރުތުތަކެއް ހަމަވާ ފަރާތްތަކަށް ހަވާލުކުރާ މަސްއޫލިއްޔަތަކަށް ވުމުން، އަލަށް އަމަލުކުރާ އުސޫލުގެ ދަށުން މިހާރު ތިބި އެއްވެސް ލީޑިން ޓީޗަރެއްގެ ވަޒީފާ ނުގެއްލޭނެ ކަމަށް ބުންޏެވެ.
އަންނަ އަހަރުން ފެށިގެން އެ އުސޫލަށް އަމަލުކުރަން ފަށާއިރު، މިހާރެކޭ ވެސް އެއްގޮތަށް އެ ސްކޫލަކަށް ކަނޑައަޅާފައިވާ އަދަދަށް ލީޑިން ޓީޗަރުން އެ ސްކޫލެއްގައި ތިބޭނެކަމަށް ބަޔާނުގައި ބުންޏެވެ. އާ އުސޫލުގެ ތެރެއިން ލީޑިން ޓީޗަރުން ނެގުން ކުރިއަށްދާއިރު، މިހާރު ތިބި މީހުންނަށް ވެސް ކުރިމަތިލައިގެން ލީޑިން ޓީޗަރަކަށް ވުމުގެ ހަމަހަމަ ފުރުސަތު އޮންނާނެކަން ފާހަގަކުރި އެވެ.
"ލީޑިން ޓީޗަރުންނާ ގުޅިގެން މިހާރު އަމަލުކުރަމުންދާ އުސޫލުން ވެސް ލީޑިން ޓީޗަރުންނަކީ ދެ އަހަރު ދުވަހުން ބަދަލުވާ ގޮތަށް އައްޔަންކުރެވޭ ބައެއް ނަަމަވެސް، އެކަން ހުރިހާ ސްކޫލުތަކުގައި އެއް ހަމައަކުން އަމަލުކުރެވެމުން ނުދާކަން ފާހަގަކުރަމެވެ. އެހެންކަމުން މި އުސޫލާއެކު ހުރިހާ ސްކޫލެއްގައި ވެސް ލީޑިން ޓީޗަރުން އައްޔަންކުރުމާއި މަސްއޫލިއްޔަތު ހަވާލުކުރުން އެއް ހަމައެއްގައި އަމަލުކުރެވިގެންދާނެ އެވެ،" ބަޔާނުގައި ބުންޏެވެ.
އެ އުސޫލު ވުޖޫދަށް ގެނެސްފައިވަނީ ހުރިހާ ސްކޫލެއްގެ ޕްރިންސިޕަލުންނާއި އެޑިއުކޭޝަން މިނިސްޓްރީއާ ގުޅުންހުރި ހުރިހާ ފަރާތްތަކާއި ސީއެސްސީއާ މަޝްވަރާކުރުމަށްފަހު ކަމަށް ބުންޏެވެ.
ލީޑިން ޓީޗަރުންގެ މަގާމު އުވާލުމާއެކު އެ މަގާމުތަކުގައި ތިބި ޓީޗަރުން ދަނީ ކަންބޮޑުވުން ފާޅުކުރަމުންނެވެ. އެގޮތުން ހައިސިއްޔަތެއް ނެތި ޒިންމާއެއް އުފުލަން ބޭނުންނުވާ ކަމަށް، ކަންބޮޑުވުން ފާޅުކުރި ބައެއް ލީޑިން ޓީޗަރުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިއުމަލާ
27 July 2019
ހެޔޮ ބަދަލެއް! މަރުހަބާ !!!ސިގަޕޯރ ފަދަ ގައުމުތަކުގައި ވެސް މިކަން އޮންނަނީ މިގޮތައް! މިފަހުން މި މަޤާމަށް ގެންނަނީ އެންމެ ޤާބިލް މީހުން ނެއް ނޫން/ ތަފާތު ނުފޫސު ތަކުގެ ތެރެއިން މި މަޤާމަށް ޓީޗަރ ގެނެވޭ ކަމީ ޙަޤީޤަތެއް! މާއްދާތައް އެބަ ބަލަހައްޓާ އެމާއްދާތަކުން ޚާއްޞަ ނޫން ބޭފޫލުންވެސް / ކިޔަވާދިނުން އެންމެ ކުރިއަރާފައިވާ ޤައުމުތަކުގައި މިހާރު ފޮލޯ ކުރަނީ މި އުސޫލަށް/ މިއުސޫލު ގެންނަން މާލަސްވެސް ވެއްޖެ/
ކުން
03 August 2019
އަދިވެސް ވާނީ ހަމަ އެހެން. އެއްވެސް މީހަކު ނުހުންނާނެ ތިބުނި ގޮތަށް ހުރިހާ މާއްދާތަކުން ޓީޗިންގ ހަދައިގެން ހުރި މީހެއް. ޓިގޮތައްވަންޏާ ޖެހޭނީ ކޮންމެ މާއްދާ އަކަށް ލީޑީން ޓީޗަރެއް ލާން ...ހހ
ާެއަލިބެ އެކޯޑު
27 July 2019
މިނިންމުމަކީ ރަނގަޅު ނިންމުމެއް ސިޔާސީ އަމުރުވެރިން ތަކެއްގެ ޝަރަފު ވެރިކަން ގެއްލުނީމާ ކުކުރާނެ ފެނވަރު ދައްމީހުން ގިނައިން ތިބީ 100 ގެނިންމުމެށް ހެޔޮބަދަލެއްގެ ފެށުމެށް ސާބަސް މިނިސްޓަރ
ބޯހަލާކް
26 July 2019
ފިންލެންޑް ގެ ސްކޫލް ސިސްޓަމަށް ބަދަލުކޮށްބަލަ
އިބު
26 July 2019
އަޅުގަނޑަކީ ވެސް ރާއްޖޭގެ ސްކޫލެއްގެ ލ.Tީޗަރެއް. ކުރިންވެސް އަމަލު މިކުރަމުން މިދަނީ މި އުސޫލަށް. ތަފާތަކީ ޖޮބް ޓައިޓަލް ނެތުން. އެކި ސްކޫލުތަކުން އަމަލުކުރަނީ އެކި ގޮތްގޮތައް. މިސާލަކަށް މާލޭގެ ބައެއް ސްކޫލުތަކުގައި އުޅޭ ލ.ޓީޗަރުން އެއްވެސް ގަޑިއެއް ނަގއެއް ނުދެއްވާ.. އުސޫލުގައ ބަޔާްކުރަނީ ވީކަކު 6 މަދުވެގެން ނަގަންޖެހޭކމަށް. ޙަޤީގަތުގައި ބުރަކޮށް އުޅުއްވާ ލ.Tީޗަރުންނަށް މިހާރުމިދޭ ޓެނުއަރ އަކީ ކުރާ މަލާމާތެއް.
ނިއުމަލާ
27 July 2019
މީރާއްޖޭ ގެ ތަޢްލީމީ ނިޒާމަށް ގެނައި ބަދަލެއްނޫން ދުނިޔެ މިތަޖްރިބާ ކުރަން ފެށިތާ ކިތަންމެ ދުވަހެއް/ ކުރިން އެލް.ޓީ ނުވަތަ ސުޕަރ ވައިޒަރ ނެއްނުތިބެއެވެ.އެ ބަދަލުވެސް ރާއްޖެ ތަޖްރިބާ ކުރަން ފެށީ ނިއުޅެމުން ދާ ދުނިޔެވީ އުސޫލުން/ މީގެ ޒަމާންތަކެއް ކުރިން އެސިސްޓެންޓު ޕްރިސިޕަލް ގެ ޒިންމާ އަކީ މިހާރު ގެ އެޑްމިނިސްޓްރޭޓަރ ގެ ޒިންމާ/ މީ ހިންހަމަ ނުޖެހެން ވީ ވަގުތެއް ނޫން /ޖޯޝާ އެކު ކުރިއަށް ދާންވީ/ ދުނިޔެވީ މަންފާ އަށް ވުރެން މާ މާތް މަސައްކަތެއް
އަލިބެއްޔާ، އެކުވެރިސުވައިދީބް
26 July 2019
ކޮންމެ ބަދަލެއް ގެނަޔަސް އެ ބަދަލަކުން ތައުލީމީ ނިޒާމަށާއި ކުދިންގެ ކިޔެވުމަށް ކުރިއެރުން ލިބޭނަމަ ރަނގަޅެވެ. ކަމާއި ގުޅޭ އެންމެހާ ފަރާތްތަކާއި މަޝްވަރާ ކޮށްގެން ކަންކަން ނިއްމުމަކީ އިސްލާމީ ރިވެތި ގޮތެކެވެ.
ލައްކަ ވާހަކަ
26 July 2019
އެނގިދާނެތާ ވާ ގޮތެއް ބަަލަން ތިބޭނަން ލީޑިންގް ޓީޗަރުން ނަކީ މަގާމެއް ދީފައި ތިބެން ޖެހޭ ބައެއް ކަންކަން ދިރާސާ ނުކޮށް ނިންމީމަ އަތަށް ގޮވާނީ ކިހާ ދުވަހެއް ވާނެބާ ކިޔވައިގެން ތޮފިތައް އަޅައިގެން ތިބޭ ނަމުގައި މޮޅު ޓީޗަރުން ސެޓުފިކެޓުތައް ހޯދ ގަނެގެން މީހުނނަށ ލާރިދީގެން އެސައިމެންޓް ހަދައިގެން ތިބެނީ ކަމަކާ ޖެހުނީމަ ޗޮސް.
ނިޒާމާ
28 July 2019
ލައްކަ ވާހަކަ / ދުނިޔޭގެ ކަންކަން ކަން އަބަދުވެސް ދާނީ ބަދަލުވަމުން / 100 ގެ ބަދަލެއް/ ތިބުނާ އެލް.ޓީން މުދައްރިސުން ނޭ ބުނަން ލަދު ގަނޭ/ ކިޔަވާ ނުދޭ ބަޔަކަށް ހާލަތު އެނގޭނެ ބާ!
ޓީޗަރެއް
26 July 2019
ފާޑުކިޔުމުގެ ކުރިން ކޮންމެ ބަޔަކު ވެސް އަނެކަކު ކުރާ މަސައްކަތް ގާތުން ބަލާ ދިރާސާ ކޮށްލާ. ސްކޫލްތައް މި ހިންގަނީ މިޑްލް މެނޭޖްމަންޓުން
ގުޑުގުޑާ
26 July 2019
އުސޫލުބަދަލުކުރީ ތައުލީމީ މުޅިނިޒާމު ފުޑުފުޑު ކޮއްލުމުގެ މަގުސޮދުގައި
ޢައިމިނަ
26 July 2019
ތިއަށްވުރެ މުހިއްމު ކަމެއް އަބަދު ސަލާންބުނެފަ ގޭގަ ތިބޭ ޓީޗަރުންނާ މެދު އަމަލުކުރާނެ ގޮތެއް ކަނޑައެޅުން. ޙަފުތާއަކު އެއްދުވަހު ކިޔަވައިދޭން ދާ ޓީޗަރުން ވެސް އެބަތިބި
ގެރި ހޮކި
27 July 2019
ބަލަ ލީޑިންޓީޗަރުންގެ މަޤާމަށް އިއުލާނުކުރުމުން ގާތްތިމާގަ ކަމަށާއި އެކުގައި ކޮފީއަށްދާ މީހުންނަށް ބަލާފަ ލީޑިންޓީޗަރުގެ މަޤާމަށް ނަގަނީ ސަލާމްބުނެފަ ގޭގައުޅޭ އެންމެގިނައިން ސަލާމްބުނެ ވަޒީފާއަށް އިހުމާލުވާ ޓީޗަރުން ބަލަން ދުރުވޭ ލިޔެކިޔުމުން ހެކިދައްކާނަން ކޮފީއަށް ދިޔަމިންވަރުން ފިޔަވާ!
ޖަޒީރާބޭ
26 July 2019
ތިޔަކަމަކީ އެޑިއުކޭޝަން ދާއިރާ ހަލާކުކޮށްލަން ގެނައި ބަދަލެއް! ސަރުކާރަށް ސަނާނުކިޔާ އެލްޓީން ތަކެއް ތިބީމަ އެމީހުން ނަގާއުކާލަން ކުރިކަމެއްތީ!