ފާޑު ކިޔަންވީ، އުފަލާ އެކު ބަލައިގަންނާނަން: ސިރިސޭނާ

ސިރިސޭނާ ވިދާޅުވީ ގައުމުގައި ހުރި މައްސަލަތައް ހައްލު ކުރާނީ މަޝްވަރާ އަށް ފުރުސަތު ދީގެން ކަމަށް.

ހަސަން އާމިރު، މިހާރު

15 ސެޕްޓެމްބަރ 2016 - 11:27

ކޮލަމްބޯ (ސެޕްޓެމްބަރު 15) - ސަރުކާރަށް އަމާޒުކުރާ ފާޑު ކިޔުންތަކާއި ތުހުމަތުތައް އުފަލާ އެކު ބަލައިގަންނަނާނެ ކަމަށް ސްރީ ލަންކާގެ ރައީސް މައިތުރިޕާލާ ސިރިސޭނާ ވިދާޅުވެއްޖެ އެވެ.

ސްރީ ލަންކާގެ އެކި ޖަމާއަތްތަކާއި ޓްރޭޑް ޔޫނިއަންތަކުގެ މެންބަރުންނާ އެކު ރައީސްގެ ގެކޮޅުގައި ބޭއްވި ބައްދަލުވުމެއްގައި ސިރިސޭނާ ވިދާޅުވީ ކޮންމެ ބަޔަކު ފާޑުކީ ނަމަވެސް ގައުމު ހަމަ މަގަށް އަޅުވާނެ ކަމަށެވެ. އަދި ކުރިމަގުގައި ވެސް ކުރިއަށްދާނީ ފާޑު ކިޔުންތަކަށް ޖާގަ ދެއްވައިގެން ކަމަށް ވިދާޅުވި އެވެ. ސިރިސޭނާ ބައްދަލު ކުރެއްވި މެންބަރުންނަކީ ނިމިގެން ދިޔަ އިންތިޚާބުގައި އެއްް ކެނޑިޑޭޓަކު ނެރުމަށް ތާއިދުކުރި ފަރާތްތަކެވެ.

ރައީސް ސިރިސޭނާ: ފާޑު ކިޔުންތައް ބަލައިގަންނާނެ ކަމަށް ވިދާޅުވި.

"އިންތިޚާބީ މެނިފެސްޓޯގައި ހުރި ކަންކަން 24 ގަޑިއިރުން ފުރިހަމަ ކުރެވެންޏާ އެކަމަށް އަޅުގަނޑުގެ ސޮއި ދޭން ތައްޔާރަށް މި ހުރީ،" މެނިފެސްޓޯ ތަންފީޒު ކުރެވޭ މިންވަރަށް އިޝާރާތް ކުރައްވާ ސިރިސޭނާ ވިދާޅުވި އެވެ.

އިންތިޚާބުގައި ވައުދުވި ކަންތައްތައް ބާރު ސްޕީޑުގައި ކުރިއަށް ގެންދިއުމަށް ހުރަސް އެޅިފައި ވަނީ، ސިރިސޭނާ ވިދާޅުވި ގޮތުގައި، ގައުމު އިގްތިސާދީ ވަޅުގަނޑަކަށް ވެއްޓިފައިވުމާއި ބައިނަލްއަގުވާމީ ދުނިޔޭގައި ލަންކާ ވަރަށް ބޮޑަށް އެކަހެރިވެފައި ވުމުންނެވެ.

ސިރިސޭނާ ވިދާޅުވީ އެމަނިކުފާނުގެ އުއްމީދަކީ އެއްބައިވަންތަކަމުގެ ސަރުކާރަކާ އެކު ރައްޔިތުންގެ އުއްމީދުތައް ފުރިހަމަކޮށް ދެއްވައި ބަދަލުތައް ގެންނެވުން ކަމަށެވެ. އަދި ގައުމުގައި ހުރި މައްސަލަތަކާއި ޚިޔާލު ތަފާތުވުންތައް ހައްލު ކުރައްވަން ބޭނުން ވަނީ މަޝްވަރާ އަށް ފުރުސަތު ދީގެން ކަމަށް ވިދާޅުވި އެވެ.

ސްރީ ލަންކާ ދެކުނު އޭޝިއާ މައިތުރިޕާލާ ސިރިސޭނާ

4 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަސަންދީ

15 September 2016

މީ ވެރިންނަކީ ވެރިޔަކައް އިސްކުރާ މީހާ ވާންޖެހެނީ ރަށްޔިތުންގެ ޚާދިމަކައް އެހެންނުވާ މީހުންނައް ތަހުޒީބު ދުނިޔޭ ގައި ކިޔާ އުޅެނީ ޚުދުމުޚުތާރު ވެރިންނޭ، ވެރިކަން ފެށެނީވެސް އަދި ހަމަ ނިމެނޭވެސް ރަށްޔިތުންނާ ހިސާބުން ދޮގާ މަކަރާ ހީލަތާ ވައްކަމާ ފަސާދަ އެއީ ތެދުވެރި އަމާނާތްތެރިންގެ ސިފައެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯމޭން

15 September 2016

ތިވާހަކަ ޕިންކު ކުދިން ކާރި ނުބުނައްޗޭ، އެމީހުން ސިރިސޭނާއަށް އިންޒާރުދީ ވަރަށް ނުރައްކާ ގޮަތަކަށް ދަތިކުރުމުގެ ބިލެއް ފާސްކޮއްފާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރޭދެން

15 September 2016

ފާޑު ކިޔަންވީ އުފަލާއި އެކު ބަލައިގަންނާނަން. އެހެން ކަމަށްވާ ނަމަ ތިރަށުގައި ތިބި ރަންރީނދޫ ސިޔާސީ އެންމެން އަނބުރާ ސަރުކާރާއި ހަވާލުކުރަންވީ އެވެ. މިހާރު ކުރަންވީ އެވެ.