ހުޅުމާލެ ބީޗު ސަރަހައްދުގައި ހުރި ތަކެތި އެޗްޑީސީން ނަގަނީ.
01 އޯގަސްޓް 2019 - 11:33
ހުޅުމާލޭގެ ބީޗް ސަރަހައްދުގައި ކެފޭ/ރެސްޓޯރަންޓުތައް ހިންގަން ބޭނުން ކުރި ގޮނޑި އާއި މޭޒު ފަދަ ތަކެތި ނަގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އެ ތަން ރޭ ހުސްކޮށްފި އެވެ.
ހުޅުމާލޭގެ އިރުމަތީ ފަރާތު ގޮނޑުދޮށުގައި ފިތުރޯނު ގަހާއި މަގޫ ގަހާއި ރުށްތަކުން ނިވާވެފައި އޮއްވައި އެ ތަން ސާފުކޮށް މޭޒުތަކާއި ގޮނޑިތައް އަތުރާލައި، އެޗުޑީސީގެ ހުއްދައެއް ނެތި، ބައެއް ފަރާތްތަކުން ވިޔަފާރި ފެށީ، މީގެ ފަސް އަހަރު ކުރިންނެވެ.
ސިނަމާލެ ބްރިޖުން މާލެ އާއި ހުޅުމާލެ މިދިއަ އަހަރު ގުޅާމުން، މުޅި ބީޗު ސަރަހައްދު ކަހަލަ ގޮތަކަށް ބަދަލުވީ ކެފޭ/ރެސްޓޯރެންޓް ހިންގާ މީހުންގެ ތަނަކަށެވެ. އެކަމަކު އެ ސަރަހައްދު އެއްވެސް ބަޔަކަށް އެޗުޑީސީން ކުއްޔަށް ދީފައެއް ނުވެ އެވެ.
ހުޅުމާލޭގެ ދެވަނަ ފިޔަވަހީގެ ނަރުދަމާ އާއި ފެން ހޮޅި ވަޅުލަން ބީޗު ސަރަހައްދު ހުސްކުރާށާއި އޭގެ ފަހުން އުސޫލެއްގެ ދަށުން އެ ސަރަހައްދު އާންމުންނަށް ހުޅުވާލާނެ ކަމަށް ބުނެ ތަން ހުސްކުރަން އިއްޔެއާ ހަމައަށް ފުރުސަތު ދިނެވެ. އެ ފުރުސަތުގައި ނުނަގާ ހުރި ބައެއް ތަންތަން އެޗްޑީސީން ވަނީ ރޫޅާލައިފަ އެވެ.
ހުޅުމާލެ ބީޗު ސަރަހައްދުގައި ޓޭޕް ދަމާ ބަންދުކޮށްފައި.
ހުޅުމާލޭގެ ބީޗުގައި ހުރި ކެފޭ/ރެސްޓޯރަންޓުތަކުގެ ސާމާނުތައް ނަގަން އެޗްޑީސީން މީގެ ކުރިން ވެސް އެތައް ފަހަރަކު މުހުލަތެއް ދިނެވެ.
ބައެއް ޓެންޓާއި ދަގަނޑު ހޮޅި ފަދަ ތަކެތި ހަރުކޮށްފައި ހުރުމުން އެ އެއްޗެހި ނަގަން ޖެހުނީ އެޗްޑީސީގެ ބުލްޑޯޒަރު ފަދަ ވެހިކަލް ބޭނުންކޮށްގެންނެވެ. ބީޗު ސަރަހައްދު ސާފުކުރަން އެޗްޑީސީގެ ގިނަ މުވައްޒަފުންތަކެއް ބައިވެރިވި އެވެ.
ހުޅުމާލެ ބީޗުތަކުގައި ވިޔަފާރި ހިންގާ ބައެއް މީހުން "މިހާރު" އަށް މިއަދު ބުނީ ބީޗުގައި ބެހެއްޓި ގޮނޑި އާއި މޭޒު ފަދަ ބައެއް ތަކެތި ނެގީ އަމިއްލަ އަށް ކަމަށެވެ. އަދި ބީޗު ބޭނުން ނުކުރެވޭނެތީ ވިޔަފާރިވެރިންނަށް ބޮޑު ގެއްލުމެއް ވާނެ ކަމަށް ވެސް އެމީހުން ބުންޏެވެ.
ހުޅުމާލެ ބީޗު ސަރަހައްދު ހުސް ކުރުމުގެ މަސައްކަތް އެޗްޑީސީން އިއްޔެ ކުރަނީ. -
"ބީޗު ބޭނުން ނުކުރެވޭ ގޮތަށް އޮތީމަ ގެއްލުން ވަރަށް ބޮޑު ވާނެ. އެއީ ހަމައެކަނި ބީޗުގައި ގޮނޑި އާއި މޭޒު ޖަހައިގެން ވިޔަފާރި ކުރާ ތަންތަން އެބަހުރި. އެމީހުންނަށް ލިބިފައި އިންނަނީ ކުޑަކުޑަ ތަންކޮޅެއް މިހާރު. އެ ތަންކޮޅުގައި ވިޔަފާރި ކުރަން ވަރަށް އުނދަގޫވާނެ،" ހުޅުމާލޭގެ ގޮނޑުދޮށް ކައިރީގައި އެންމެ ފުރަތަމަ ކެފޭއެއް ހިންގަން ފެށި ބީޗު ކްލަބްގެ ވެރިޔާ އަލީ ރިޔާޒް ވިދާޅުވި އެވެ.
އޭނާ ވިދާޅުވި ގޮތުގައި ބީޗުގައި ކެފޭ/ރެސްޓޯރަންޓުތައް ހިންގައިގެން ގިނަ ވިޔަފާރިވެރިން މަހެއްގެ މައްޗަށް 400،000ރ. ގެ އާމްދަނީއެއް ލިބެ އެވެ. ޖީއެސްޓީގެ ގޮތުގައި ސަރުކާރަށް ކޮންމެ މަހަކު ބައެއް ވިޔަފާރިތަކުން 30،000ރ. ލިބޭނެ ކަމަށް ވެސް އޭނާ ވިދާޅުވި އެވެ.
"މިވީ ގޮތުން ބައެއް ވިޔަފާރިތައް ހުއްޓާލަން ޖެހޭނީ،" ރިޔާޒް ވިދާޅުވި އެވެ.
ބީޗު ސަރަހައްދު ބޭނުން ނުކުރެވޭނެތީ ބައެއް ރެސްޓޯރަންޓްތަކުން މިހާރު ވަނީ ކައިރީގައި ހުރި އެހެން މީހުންގެ ހުސް ބިންތައް ކުއްޔަށް ނަގައިގެން މޭޒާއި ގޮނޑި ޖަހަން ފަށައިފަ އެވެ. އެކަމަކު ބީޗާ ޖެހިގެން އެގޮތަށް ހުސްކޮށް މިހާރު އޮތީ މަދު ބިންތަކެއް ކަމަށް ވާތީ ހުރިހާ ވިޔަފާރިވެރިންނަށް އެ ފުރުސަތެއް ނެތެވެ.
ހުޅުމާލެ ބީޗު ސަރަހައްދުގައި ހުރި ތަކެތި ހުސްކޮށްފައި. ---
އެޗުޑީސީން ބުނި ގޮތުގައި އެމްޑަބްލިއުއެސްސީ އިން ހުޅުމާލޭގެ ދެވަނަ ފިޔަވައްސަށް އަޅަން ޖެހޭ ނަރުދަމާ އާއި ފެން ހޮޅި ވަޅުލުމުގެ މަޝްރޫއު ގާތްގަނޑަކަށް އަށް މަސް ދުވަހުގެ ތެރޭގައި ނިމޭނެ އެވެ.
އެޗްޑީސީން ބުނީ މި މަޝްރޫއު ނިމުމުން ހުޅުމާލެ ބީޗު ސަރަހައްދު އާ އުސޫލެއްގެ ދަށުން ހުޅުވާލާނެ ކަމަށާއި އޭގެ އުސޫލުތައް އާންމުކޮށް ހިއްސާކުރާނެ ކަމަށެވެ.
Happening now.. @Ibusolih mee ee tho heyo verikamakee?? Hulhumale beach ga kuramun dhiya viyaafari thah funfundu kolli iru mikamuge zimmaanaganee kaaku tho ?@MohamedNasheed @ali_niya @thayyib pic.twitter.com/Lgjsk90Smw
— Raufbe (@Raufbe1) July 31, 2019
ހުޅުމާލޭގައި ހުރި ކެފޭ/ރެސްޓޯރަންޓުތައް ރޭ ރޫޅާލަނީ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ޢިންސާފު ކުޑޭ
02 August 2019
މިއޮއްހުރިހާ ދުވަހު ވީ ފައިދާއިން ތިޔަ އިންވެސްޓްމަންޓް ކަވާވެފަ ކިހާ ފައިދާއެއްވާނެ. ޢެ ފައިސާ އެއީ ރައްޔިތުންގެ ހައްގެއް. ސަރުކާރާ ހަވާލުކުރޭ!
ޙަބީބު
02 August 2019
ބީޗުގަ ގޮނޑިޔާ މޭޒުޖަހާކައް ވިޔަފާރި ވެރިންނައް ހުއްދައެއް ދީފަކާ ނޯންނާނެ ތީހަމަ މިސްކިތުން ފެންވަރައިގެން މިސްކިތުގަ ނިދާ ބަންގާޅިންގެ އުސޫލު ތިގޮތް ދޫކޮއްލާފަ ރާއްޖޭގެ ރިސޯޓަކައް ވަޒީފާޔަކައް އާދެބަލަ ތީތިކަޑަޔޭބުރޯ
ގޮތްކުޑަ
01 August 2019
ތިގޮތަށް ހިތަށް އެރިތަނެއްގަ މޭޒުބަހައްޓައިގެން ވިޔަފާރިކުރާމީހުން އެއްތަނުން ބޭރުކޮށްލީމަ ހަމަ ތިގޮތަށް އެހެންތަނެއްގަވެސް ފަށާ. މާލޭ ޖުމްހޫރީ މައިދާނަށް އައިސް ކެފޭ ހިންގަންފަށާ މާދަމާ
333223
01 August 2019
ގަވައިދާ ހިލާފައްކުރާކަމެއްގަ ސަރުކާރުން ޒިންމާނަގަން ޖެހޭތޯ؟
ސްޓިންސަން
01 August 2019
ބީޗަކީ ކަލޭމެން ވިޔަފާރި ކުރަން އޮތް ތަނެއް ނޫން. އަދި ޖީއެސްޓީ އަކީ ރައްޔިތު މީހާގެ ޖީބުން ދޭ އެއްޗެއް. ކޮންމެހެން ބީޗުން ލިބޭ އެއްޗަކަށް ބަރޯސާވެގެން ވިޔަފާރި ހިންގާކަށް ނުޖެހޭ. ބީޗުގެ ނަފާއިން ރައްޔިތުން މަހުރޫމު ކުރަނީ ކޮން ހައްގަކާ ލައިގެންތޯ؟ އަލީ ރިޔާޒު ހިތުން މާ މޮޅުވާހަކައެއް ތި ދެއްކެވީ ޖީއެސްޓީ އޭ ކިޔައިގެން ދެން.
ޝޮކްތެރަޕީ
01 August 2019
އެމްޑީޕީގެ މީހުންނަ ދެން ތިތަންދޭނީ ބަލަންތިބޭތި
ޙަމް
01 August 2019
ވަރިހަމަ ލައްކަ އެއް ލިބުނަސް ބީޗަކީ އަމިއްލަ މުދަލެއްނޫން ގޮނޑިޖަހައިގެން ވިޔަފާރި ކުރާކަށް
ޚަނު
01 August 2019
އެތަނުގަ ހާދަހާ ގަހެއްހުއްޓޭކުރީގަ ގަސް އިންދަދެއްވާ އެތަން ހޭޅި ފެލިކޮއްލަދެއްވާ ޕްލީޒް
މަރުމޯލު
01 August 2019
ދެން ނަގާ ޕޭވްމަންޓުމަތީ ގޮނޑި ޖަހަިގެން ތިބޭ ބައިގަނޑު
މުހުސިން ހަމީދު
01 August 2019
ޝުކުރިއްޔާ އެޗް ޑީ ސީ!