ރިންގްރޯޑުގައި ޓެކްސީތަކެއް ދުއްވަނީ: މިއަދުން ފެށިގެން ޓެކްސީ މީޓަރު ބޭނުންކުރެވޭނެ -- ފޮޓޯ: ނިޝާން އަލީ/މިހާރު
01 އޯގަސްޓް 2019 - 17:23
62 comments
ޓެކްސީގައި މިއަދުން ފެށިގެން ޓެކްސީ އެޕްލިކޭޝަން ބޭނުންކުރުމުގެ ހުއްދަ ޓްރާންސްޕޯޓް މިނިސްޓްރީން ދީފި އެވެ. އެއަށްފަހު ދަތުރުތަކަށް ނެގޭނެ އެންމެ ބޮޑު އަގަކީ 75ރ. ކަމަށް ސަރުކާރުން ވަނީ ހަމަޖައްސައިފަ އެވެ.
އެ މިނިސްޓްރީން ކުރި އިއުލާނެއްގައި ބުނީ މާލެ ސަރަހައްދުގައި ރަޖިސްޓްރީކޮށްގެން ދުއްވާ ހުރިހާ ޓެކްސީއެއްގައި، މޮބައިލް ތިން އެޕްލިކޭޝަނެއް ބޭނުންކުރަން ހުއްދަ ދީފައިވާ ކަމަށެވެ. އެއީ އަވަސް ރައިޑް، ޕިކްމީ އަދި އެއައީ އެވެ. ނަމަވެސް އެ އެޕްލިކޭޝަންތައް ބޭނުންކުރަން ފެށުމަށް މިނިސްޓްރީން ވަނީ ޓެކްސީތަކަށް ދެ މަސް ދުވަހުގެ މުއްދަތެއް ދީފަ އެވެ.
މިއަދުން ފެށިގެން ޓެކްސީ އެޕްލިކޭޝަން ބޭނުންކުރަން ފެށިކަމުގައި ވިއަސް އަގުތަކަށް ބަދަލު އަންނާނީ އަންނަ ބުދަ ދުވަހުން ފެށިގެންނެވެ.
މިނިސްޓްރީން ބުނީ ރައްޔިތުންގެ ޝަކުވާ ބޮޑުވުމުން ޑްރައިވަރުންނާއި އާއްމުންނާ މަޝްވަރާކުރުމަށްފަހު ޓެކްސީގެ އަގަށް ހެޔޮ ބަދަލެއް ގެނެސްފައިވާ ކަމަށެވެ. އެހެންވެ އަލަށް ކަނޑައެޅި ރޭޓުތަކުގައި، ޓެކްސީގެ ޑިިކީއަށް އަރުވާ ދާގީނާއަކަށް ވެސް އިތުރު އަގެއް ނެގުމަކީ މަނާކަމެއްކަމަށް އަންގާފައި ވެ އެވެ.
ޓެކްސީ އެޕްލިކޭޝަން ބޭނުންކުރަން ފެށިއަސް މާލެ އަދި ހުޅުމާލޭގައި ކުރާ ދަތުރުތަކަށް ނަގާނީ މިހާރު ވެސް ނަގާ އަގުކަމަށްވާ 25ރ. އެވެ.
ޓެކްސީ މީޓަރާއެކު ދަތުރުތަކުގެ އަގަށް ގެނައި ބަދަލު
- މާލެ- ހުޅުލެ އަދި ހުޅުލެ- މާލެ: ދަތުރެއްގެ އަގު 60ރ.
- ހުޅުމާލެ- ހުޅުލެ އަދި ހުޅުލެ- ހުޅުމާލެ: ދަތުރެއްގެ އަގު 60ރ.
- މާލެ- ހުޅުމާލެ އަދި ހުޅުމާލެ- މާލެ: ދަތުރެއްގެ އަގު 75ރ.
ޓްރާންސްޕޯޓު މިނިސްޓަރު އައިޝަތު ނަހުލާ ނެރުއްވި ބަޔާނެއްގައި ވިދާޅުވީ މި ސަރުކާރު ހަވާލުވިއިރު ވެސް ޓެކްސީ ނުލިބުމާއި ޓެކްސީގެ އަގު ބޮޑުވުމަކީ ރައްޔިތުންގެ ވަރަށް ބޮޑު ޝަކުވާއެއް ކަމަށެވެ. އެހެންވެ މަޝްވަރާތަކަށްފަހު މި ގެނައީ އެންމެންނަށް ވެސް ފައިދާވާނެ ބަދަލެއްކަން ފާހަގަކުރެއްވި އެވެ.
"މިކަމުގެ ފަސޭހަ ހުރިހާ ފަރާތްތަކަށް ވެސް ލިބިގެންދާނެ ކަމަށް އުއްމީދުކުރަން،" މިނިސްޓަރު ވިދާޅުވި އެވެ.
މާލެ ސަރަހައްދުގައި ޓެކްސީކުރުމުގެ ހުއްދަ 1،200 ޓެކްސީއަކަށް ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައި
02 August 2019
ސާބަސް ނަހުލާ ތިކޮއްލީ އެއްވެސްސަރުކާރަކުން ނުކުރެވިފަވާކަމެއް ކަމަނާއާއި މިސަރުކާރުން ރައްޔިތުންނާމެދު ވިސްނާކަން މިއެގެނީ
ސުލައިމާން
02 August 2019
ކޮންއެޕޮލިކޭސަނެއް. ދުނިޔޭގެ އެންމެތަރައްގީވެފައި ތިބި ގައުމުތަކުގައިވެސް ޓެކުސީތަކުގެ ފުރަތަމަ އުސޫލަކީ މީޓަރު. އެޕްލިކޭސަންބޭނުން އެންމެބޮޑަށް ކުރާތަންތަނުގައިވެސް ބޭނުން މީހަކަށް މީޓަރުގެ ހިދުމަތްދިނުން މަޖުބޫރު. މިރާއްޖޭގައި މިކަން ކުރަން ނުކުޅެދި އަދި މިކަން ކުރަން ނުކެރުނު ވާހަކަވެސް ބުނާކަށް ނުކެރުނު. ޓެކްސީގެ ދަތުރުގެ ކަންބޮޑުވުމަކީ ހައްލުނުވެ އޮތްކަމެއް.
މައްލި
02 August 2019
ޓްރާސް ފޯޓަށް ކީއްވެތަ އީދަށް މި ދަތުރު ކުރާ ލޯއްޗު ފަހަރު ގެ އަގު ކޮށްޓްރޯލު ނުކުރެވިގެން މިއުޅެނީ. ހިތަށް އެރިއަގެއް އެ ނަގަނި. އަބަދު ޓެކްސީ ފަހަތުން ދުވަނި. ހީވަނީ މިކަން އެކަނި ކުރަށް ބޮޑް މުސާރަ ނަގައިގެން ތިބެން އައި ބައެއް ހެން
މޯޑޭ
02 August 2019
މިސަރުކާރުން ޓެކްސީ ޑްރައިވަރުންނަށް ވެސް ލަޑެއް ނު މިދިނީ. އެއޮށް ވަރުން ވެރިކަމަށް ގެނެސް ދިނީމަ.
އާރީ
02 August 2019
އާއިޖީއެމްއެޗް ޑޮކުޓަރަކަށް ދަށްކަށްވެސް ތިން ހަތަރު މަސްވޭ. ސަރުކާރު އޮފީހަކަށް ހިދުމަތެއް ހޯދަށް ދިޔައަސް ތިންހަތަރު ގަޑީއިރުވޭ. ދެން ޓެކްސީއެއް ނުލިބުނީމަ މި ތޮށްޖެހިފަ އޮތް ކޮންކުރިޓް ޖަންގަލީގަ އެވާހަކަ ނުދަށްކާ. ބުއްދީގެ ބޭނުންހިފާ. ޓެކްސީ ޓްރައިންވަރުންނަކީ ރޮބަޓް ތަކެއް ނޫން. މި މަސައްކަތް ފެށީމަ އެގޭނި ކިހާ އުދަގޫ ބުރަ ހަރަދު ބޮނޑް މަސައްކަތެއް ކަން.
ރައްޔިތުމީހާ
02 August 2019
ފައިދާއެއް ނުވަންޏާ ނުކޮށްބަލަ.
މޯޑް
02 August 2019
ފަބުލިކު ޓްރާސްފޯޓް ހިދުމަތް ނުދެވޭތީ ޓެކްސީތަކަށް ބާރު ބޮނޑްވަނި. ސަރުކާރުގެ ޒިންމާއިން ރެކެން ޓެކުސީ ޑުރައިވަރުންނާ ރަށްއިތުން ޖަންސަނި. ކީއްވެތަ މާލޭގައި ބަހުގެ ހިދުމަތް ނުދެވެންވި. އަބަފު ފޮނި ވާހަކަ ދަށްކަނި. ވަރަށް ފޫހިވެއްޖެ މިސަރުކާރުގެ އަމަލުތައް ހުންނަ ގޮތުން
ޑަރަން
01 August 2019
ޢަހަރެންގެ ޓެކްސީ އަގު ކަނޑައަޅާނީ ހުދު އަހަރެން. ޜުޅިއަރުވަން ނޫޅޭ
ހުތާނި
02 August 2019
އެހެންވީމާ ކަލޭގެ ގޭގެ ހަތަރުފާރުތެރޭގައި ތިޓެކްސީ ދުއްވާ. އެއްވެސް މީހަކު ބެހޭކަށް ނުޖެހޭނެ އޭރުން.
މޮޔަ ދިވެހިން
02 August 2019
އެހެންވިއްޔާ ތިބޭފުޅާގެ ގޭގެ ކޮޓަރި ތެރޭ ތި ކާރު ބާއްވައިގެން އެއް ކޮޓަރިން އަނެއް ކޮޓަރިޔަށް ދަތުރު ކޮށްލަދީ އޮވޭ!
ރައްޔިތުމީހާ
02 August 2019
ތިހެންވީއިރު ގޭގަ ޓެކްސީ ދުއްވާ.
ހަހަހަ
01 August 2019
އެހެންވީރުން ސެންޓަރްފީ ކަޑާލަދީ!!!!!!!!!!!!!!!!!!!!!!!!!!!! ޢެތައް ފީއެއް އެއްފަޅިންތި ފެންނަނީ.؟؟؟؟؟؟؟؟؟؟؟؟؟؟
ކަލޭ
01 August 2019
ވިލިމާލެ އޮތްގޮތަށް މާލެ ހަދާބަލަ. ކިހިނެތް ވެގެންތަ މިއުޅެނީ. މަގެއްގަ ހިގާލެވޭކަށް ނޯވެޔޭ. އަދިވެސް އޫބާ އަކާ ގެރިޔަކާ ގެންނަން ވިއްޔޯ، ތިބުނާ އެއްޗެއް ގެނެސްބަލަ ސިއްހީ ނިޒާމަށް، މިހާރު އައިޑީ ކާޑު ހިފާގެން ދިޔާމަ -/300 އެހެންނޫނިއްޔާ -/400 މިހާރު މިދެއްކެނީ. މިވާހަކަ ދައްކާ މީހަކު ނޫލޭ. ކުލިވެސް ކިޔަންވީ ހަމަ ހިތައް އަރާ ވަރަކަށް، އެޑްވާންސް ވެސް ހަބޭސް.
ކަޓޭ
01 August 2019
ތި އަގުތައް އެއްގޮތަކަށްވެސް ކަމަކުނުދޭ. އޫބަރ ނޫނީ ގްރޭބް ތައާރަފް ނުކުރެވެންވީ ސަބަބެއް ނޭގުނު. ތިވަރުގެ ބޮޑެތި އަގުތައް ނަގާއިރުވެސް ހަމަ ޓެކްސީ ޑްރައިވަރުން ރުހޭގޮތައް މިނިސްޓރީން ދޫކޮއްލަން ޖެހޭތަ.