06 އޯގަސްޓް 2019 - 00:49
8 comments
އައްޑޫގައި ހުޅުވަން ތައްޔާރުވަމުން އަންނަ އާ ހޮސްޕިޓަލްގެ ފުރާޅު ބަދަލުކޮށް ދޭނެ ބަޔަކު ހޯދަން ފިނޭންސް މިނިސްޓްރީން އަލުން ބީލަމަށް ހުޅުވާލައިފި އެވެ.
އެ މިނިސްޓްރީން މިކަމަށް އެންމެ ފުރަތަމަ ހުޅުވައިލީ މިދިޔަ މަހުގެ ކުރީކޮޅު އެވެ. ނަމަވެސް އަލުން ބީލަމަށްލީ އެކަށީގެންވާ ތަރުހީބެއް ނުލިބުމުން ކަމަށް ފިނޭންސުން ބުންޏެވެ.
މިނިސްޓްރީން ބުނީ ކުރީގެ އިކްއެޓޯރިއަލް ކޮންވެންޝަން ސެންޓަރު (އީސީސީ) 100 އެނދުގެ ހޮސްޕިޓަލަކަށް ބަދަލުކުރާ އިރު އެ އިމާރާތުގެ ފުރާޅުގެ ޓިނު ބަދަލު ކުރުމުގެ އިތުރުން އެޑްމިނިސްޓްރޭޓިވް އިމާރާތާއި މައި އިމާރާތުގެ މެދުގައި ވޯކްވޭއެއް ހެދުމުގެ މަސައްކަތް ވެސް ކުރަން ބޭނުންވާ ފަރާތްތަކަށް ބިޑް ހުށަހެޅުމުގެ ފުރުސަތު މި މަހުގެ 21 އަށް ހުޅުވާލާފައިވާ ކަމަށެވެ.
އެގޮތުން ބިޑް ސެކިއުރިޓީގެ ގޮތުގައި 40،000ރ. ހުށަހަޅަން ޖެހޭ އިރު، ބިޑް ސެކިޔުރިޓީގެ މުއްދަތަކީ ބިޑް ހުޅުވާ ތާރީހުން ފެށިގެން 148 ދުވަހެވެ.
ބީލަމުގައި ބައިވެރިވާން 500ރ. ގެ ރެޖިސްޓްރޭޝަން ފީއެއް ވެސް ދައްކަން ޖެހެ އެވެ. ފައިސާ ބަލައިގަންނާނީ މި މަހުގެ 20 އާ ހަމައަށެވެ.
އީސީސީގެ ބަދަލުކުރާ ފުރާޅަކީ އިޔާދަކުރަނިވި ހަކަތަ އުފެއްދުމަށް އެންވަޔަރްމަންޓް މިނިސްޓްރީން 2017 ގައި ފެށި މަޝްރޫއުގެ ދަށުން ސޯލާ ޕެނަލް ވެސް ހަރުކޮށްފައިވާ ތަނެކެވެ. އެކަމަކު އެތަނުގެ ފުރާޅު ބަދަލުކުރަނީ ފެން ލީކުވުމުގެ މައްސަލަ ދިމާވާތީ ކަމަށް އެނގިފައިވެ އެވެ.
ދެހާސް އެގާރަ ވަނަ އަހަރު 17 ވަނަ ސާކް ސަމިޓް ބާއްވަން އިމާރާތް ކުރި އީސީސީ ހޮސްޕިޓަލަކަށް ބަދަލުކޮށް، އެ ތަނަށް ބޭނުންވާ އިކްއިޕްމަންޓް އިންސްޓޯލް ކުރުމުގެ މަސައްކަތް ވެސް މިހާރު ކުރަމުން އަންނަ އިރު، އަންނަ މަހުގެ ތެރޭގައި އެތަން ހުޅުވައި ހިދުމަތް ދޭން ފެށޭނެ ކަމަށް ލަފާކޮށްފައިވެ އެވެ. އެތަނުގެ މަސައްކަތް ކުރިއަށް ގެންދަނީ އެލިއާ ކޮންސްޓްރަކްޝަނާ ހަވާލުކޮށްގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިދީދީއައްޑޫސިޓީ
06 August 2019
ތިޔަ ވޯކުވޭ ހަދާއިރު އިމާރާތުގެ ހުޅަނގު ބިތުގައި ހަދާފަ އެހެރަ ނަމާދު ގެއަށް ނުތެމި ދެވޭ ގޮތަށް ފަނުން ހިޔާ ކޮށްފަ ނަމަވެސް ވޯކުވޭ އެއް ހަދައި ދެއްޗޭ ހެލްތު ކުދިން ކައިރީ ބުނެދީބަލަ.
ބަރަވެލި
06 August 2019
ތަނެއްގެ ފުރާޅެއް ބަދަލުކޮށްނުލެވިގެން މި ސަރުކާރުން މަސްތަކެއްވަންދެން މިހެން އުޅެންފެށީމަ ދެން ނާގާބިލްކަމަށް އަޅެ ހީނުވާނެތަ؟ ބޮޑެތި މަޝްރޫއުތައް ގައުމުގައި ކިހިނެތްބާ ކުރިއަށް ގެންދާނީ މިވަރުގެ ކަމެއް ކޮށްނުލެވިގެން އުޅޭއިރު؟ މި ސަރުކާރަށް "އެދެވޭވަރުގެ ތަރުހީބެއް" ލިބުނުކަމަށްވާނީ ބީލަމަށް ކޮން ބަޔަކު އެއްޗެއް ހުށަހެޅީމަބާ؟
ލައިލާ
06 August 2019
2011ގައި ނަޝީދު ހެދި އިމާރާތުގެ ފުރާޅުން އަދި 10އަހަރު ނުވަނީސް ފެން ލީކުވާން ފެށުމަކީ ލަދުވެތިކަމެއް ނޫންތޯ؟
ޙަސަން ބަޑޭ
06 August 2019
ރައްއިތުން ނާއި ގައުމު އިނދަޖައްސާފަ ވެސް ، ކަމެއް ކުރުމުގެ ނަމުގަ އަމިއްލަ އެދުމައް އިސްކިރެވޭ ތޯ ބަލާ
ޢަލިދީދީއައްޑޫސިޓީ
06 August 2019
މިތަން ޑީޒައިންކޮށް ކުރަހައި ޢިމާރާތްކުރުމުގެ މަސައްކަތް އެތަކެއްފަހަރު ބޮޑުން އައިސް ބަލައި ހެދިއިރު ވެސް މިބުނާ "އެޑްމިނިސްޓްރޭޓިވް އިމާރާތާއި މައި އިމާރާތުގެ މެދުގައި ވޯކްވޭއެއް" އޮންނަން ޖެހޭނެކަމާއި އެތަން ހެދިފައި ނެތްކަން ނޭގުނީމަ ނޫންތޯ މިއަދު މަކަމެއް މިޖެހުނީ. ނާގާބިލުކަމުގެ ހެކި.
އައްޑޫސިޓީ
06 August 2019
ތިހުރިހާކަމެއް ތިކުރަނީ ކުރިންކޮށްފަހުރި އެއްވެސްކަމަކީ ރަނގަޅުނޫންކަންކަން ރައްޔެތުންނަށް ދެއްކުމަށް. ފުރާޅަކުންލީކުވެގެން މުޅިފުރާޅުބަދަލުކުރާކަށް ނުޖެހޭނެ. އެހުންނަނީރަންގަޅު ކުރެވޭނެ ކަނތައް. ވޯކްވޭއެއް ހަދަން މިސަރުކާރުން ބޭނުންވީމަ އެކަމަކީ ބައިގަރުން ނަގަންޖެހޭ ކަމެއްނޫން. ތިއުޅެނީ ކަންކުރަން ނޭންގިގެން ނޫނީފައިސާލިބޭނެމަގެއްނެތީމަ ނުކުރެވިގެން. ސަލާމް މިސަރުކާރަށާ މަޖިލިސްމެޖޯރިޓީ އައްވޯޓް ދިން އެންމެނަށް ސަލާމް. ދެން އައްޖަހާ.
ހާދަރު
06 August 2019
ހެލޯ މިނިސްޓްރީ އޮފް ފިނޭންސް އެންޑް ހެލް މިނިސްޓްރީ! ހުރިހާ އޭސީތައް ޓެސްޓް ރަން ޖެއްސީމަ 2ތިން ގަޑިއިރަށް ލައްކައެއްހާ ރުފިޔާ ކަރަންޓު ބިލަށް ދިޔަކަން އިނގޭ ދޯ!. ތިތާގެ އޯވަހެޑް ކޮސްޓް ބަޖެޓަށް އޮބި އޮންނާނެތަ؟
ސެކިއުރިޓީ
06 August 2019
މިއީ ރައްޔިތުންގެ ފައިސާ ނަހަމަ ގޮތުގައި ބޭނުންކުރުން ކުރިން ހެދި ފުރާޅުގެ އެއްވެސް ބޭނުމެއް ނުކޮށް އަނެއްކާ ފުރާޅު ބަދަލްކުރުން މިކުރަނީ ކޮންކަމެއްތޯ ފައިސާ ގިނަވީތޯ؟