ޕާކިން ސިސްޓަމް ނަގައި ހީނާމާގެ އަލުން ޕާކިން ޒޯނަކަށް ހަދަނީ

ހީނާމާގޭ ހުރި ސަރަހައްދު ސާފު ކުރަނީ.

މުހައްމަދު ޔާމީން، މިހާރު

17 އޯގަސްޓް 2019 - 11:21

ހ. ހީނާމާގޭ ހުރި ސަރަހައްދުގައި ބެހެއްޓި މެކޭނިކަލް ޕާކިން ސިސްޓަމް ނަގައި އަލުން ޕާކިން ޒޯނެއް ހަދަމުން އަންނަ ކަމަށް މާލެ ސިޓީ ކައުންސިލުން މިއަދު ބުނެފި އެވެ.

ސައިކަލް ޕާކް ކުރެވޭ ގޮތަށް ހީނާމާގޭގައި ޕާކިން ޒޯނެއް ހަދާފައި ވަނިކޮށް މިދިޔަ ސަރުކާރުގައި އެތަނަށް ބޮޑެތި ބަދަލުތަކެއް ގެނެސް މެކޭނިކަލް ޕާކިން ސިސްޓަމެއް ބެހެއްޓި އެވެ. އެކަމަކު، މެކޭނިކަލް ޕާކިން ސިސްޓަމްގެ ބޭނުން އެއްވެސް ގޮތަކަށް ހިފޭ ގޮތެއް ނުވެ، އެ ސިސްޓަމްގައި ދަބަރު ޖެހި އެވެ.

އެ ތަނުގައި އެންމެ ފުރަތަމަ ޕާކިން ޒޯނެއް ހެދީ 300 އެއްހާ ސައިކަލް ޕާކް ކުރެވޭ ގޮތަށެވެ. ހީނާމާގޭ ހުރި ހުސް ބިމުގައި ބެހެއްޓީ ސައިކަލަށް ހާއްސަ މެކޭނިކަލް ޕާކިން ސިސްޓަމެކެވެ.

ހީނާމާގޭ ހުރި ސަރަހައްދު ސާފު ކުރަނީ.

މާލޭގެ ޑެޕިއުޓީ މޭޔަރު ޝަމާއު ޝަރީފް ވިދާޅުވީ ހީނާމާގޭގައި ހުރި މެކޭނިކަލް ޕާކިން ސިސްޓަމް ނަގައި އަލުން ޕާކިން ޒޯނަކަށް ހަދަން ނިންމީ މަޖީދީމަގުގައި ޕާކް ކުރުން މަދުކޮށް، ހިނގާބިނގާވެ އުޅޭ މީހުންނާއި ވެހިކަލް ދުއްވާ މީހުންނަށް އިތުރަށް ފަސޭހަ ކުރުމުގެ ގޮތުން ކަމަށެވެ. އެތަނުގައި ހަތަރު ފުރޮޅުލީ އުޅަނދާއި ދެ ފުރޮޅުލީ އުޅަނދަށް ވެސް ޕާކް ކުރެވޭނެ ގޮތް ހަދާނެ ކަމަށް ޝަމާއު ވިދާޅުވި އެވެ.

"މީގެ ކުރިން ހެދި ޕާކިން ޒޯނާ ތަފާތުވާނެ. އަޅުގަނޑުމެން އާންމުކޮށް ޕާކިން ޒޯންތައް މި ދަނީ ތިމާވެއްޓާ ރައްޓެހި ގޮތަށް ފެހިކޮށްގެން،" ޝަމާއު ވިދާޅުވި އެވެ.

މާލެ ސިޓީ ކައުންސިލްގެ އަމާޒަކީ މި މަސް ނިމުމުގެ ކުރިން އެތަނުގެ މަސައްކަތް ނިންމުމެވެ.

ހީނާމާގޭ ހުރި ސަރަހައްދު އެންމެ ފުރަތަމަ ހެދި ޕާކިން ޒޯން.

ޓްރާންސްޕޯޓް މިނިސްޓަރު އައިޝަތު ނަހުލާ މި މަހުގެ ހަތް ވަނަ ދުވަހު ރައްޔިތުންގެ މަޖިލިހުގައި ވިދާޅުވީ ކުރީގެ ސަރުކާރުން ބެހެއްޓި ޕާކިން ސިސްޓަމްތައް "ބާ ދަގަނޑަށްވެ" އެއްލާލަން ޖެހިފައިވާ ކަމަށެވެ. ޕާކިން ސިސްޓަމްތަކެއް ހަދާފައި ހުއްޓަސް، ރައްޔިތުންނަށް ލިބުނު ފައިދާއެއް ނެތް ކަމަށް އޭނާ ވިދާޅުވި އެވެ.

ތޮއްޖެހިފައިވާ މާލެ އަށް ލުޔެއް ހޯދުމަށް މި ސަރުކާރާ ގުޅިގެން މާލެ ސިޓީ ކައުންސިލުން ވަނީ މަޖީދިއްޔާ ސްކޫލާއިި ފިނޭންސް މިނިސްޓްރީ ކުރިމައްޗާއި ވެލާނާގޭ ކައިރީގައި އާއި އެމްއެމްއޭ ކައިރީގައި އާއި މާފަންނު ސަހަރާ ކައިރީގައި ޕާކިން ޒޯންތަކެއް ހަދައިފަ އެވެ.

ދަތުރުފަތުރު މާލެ މާލެ ސިޓީ ކައުންސިލް ޕާކިން ޒޯން ޕާކިން އިމާރާތް ޕާކިން މާލޭގެ ޑެޕިއުޓީ މޭޔަރު ޝަމާއު ޝަރީފް

50 ކޮމެންޓް, 60 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންބެ.

18 August 2019

ތިއޮތީ ޖަޒީރާ ވެފައި. ތަހުޒީބު ދުނިޔޭގައި ގެންގުޅޭ ޕާކިންސިސްޓަމް ނަގާ ދަބަރަށްވާން މާލޭގެ ކޮންމެވެސް ހުސްބިމެއްގައި ބާއްވާފައި ތިއޮތީ ރައިޔަތުން ނަށް ވަރަށް ފައިދާ ކުރަވެނި ކަމެއް އެޖެންޑާ 19 ގައި ދަށުން ކޮށްދީފައި. ތިހަދާ ޖަޒީރާ ޕާކުތަކުގައި ފުޅިބައްތި ޖަހާލަދޭނަމަ ރޭގަޑު ތިޔަތަންތަން ތަންކޮޮޅެއް ޖަޒީރާވާނެ. އެކަމަކު މިހާރުވެސް އެޖެންޑާ 19 އަށޤ ފެތޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޓް

18 August 2019

ސިޓީކައުންސިލަކީ ބޮޑު އަންގައެއް އޮއްނަބަޔެއް. ކުރެވޭ އެއްވެސްކަމެއް ނެތް. ވެސްޓްޕާކް ސަރަހައްދުގެ މަގުތައް ރަގަޅުކުރަން ފެށި. މުޅި މާލޭއަށް ގިނަވެގެން އުޅޭ ބުޅާތަކާއި ކޮތަރުގެ އުދަގުލުން ސަލާމަތްކަން ހޯދާނުދެވުނު އަދި މަގުތަކުގައި ކޮންސްޓުރަކްޝަން ތަކުން ބޭރުކުރާ ފެން ހޮޅިއަށްވެސް އެނޫންގޮތެއް ނޮހޯދުނު. ޝިފާ އަދި ޝަމާއު ގެ އިސްތިއުފާއަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޓް

18 August 2019

މި ސަރުކާރުން ކުރި ވަރަށް ރަގަޅު ކަމެއް ތި ބޭނުންކުރެވޭ ޕާކިންގ ސިސްޓަމް ނެގިކަން. މީހަމަ ފައިސާ ދައުލަތުން ކާންވެގެން ކުރިކަމެއް. ވިސްނާލި ކޮއްމެމީހަކައްވެސް އެގޭނެ ތި ޕާކިންގ ސިސްޓަމްގެ ބަހައްޓައިގެން ވި ފަސޭހަ އެއްނެތްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާރީފު

18 August 2019

މިމަސައްކަތަކީ ކައުންސިލްގެ ޓްރާންސްޕޯޓް ކޮމެޓީއިން ކުރިއަށްގެންދާ މަސަކަތެއް. ކޮމެޓީގެ ބަހެއްނެތި މިއޮތީ ޝަމާއު ނަންވެފަ. ކައުންސިލްގެ ގިނަމަސަކަތްތައްވެސް ރަސްމީ ޓްވިޓަރ އިން ހާމަކުރުމުގެ ބަދަލުގައި ހާމަކުރަނީ މޭޔަރ ނުވަތަ ޝަމާއު ގެ އަމިއްލަ ޓުވިޓަރއިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޑް

18 August 2019

ޕާކިންގް ސިސްޓަމޭ ކިޔައިގެން ހިންގި ބޮޑު ޖަރީމާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިދާ

17 August 2019

ވިޔަފާރިވެރިންގެ މިސްކިއްކައިރީގައިހެދި ޕާކިން އޭރިޔާގައިވެސް އެއްވެސް އަލިކަމެއްނެތް ކަންތަށް ކުރަނީ އަމާބުނީމައި ފަރަށް ދާގޮތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔާ، އެކުވެރިސުވައިދީބް

17 August 2019

ދެރަ ކަމެއް. މިއަށްވުރެ ޒިންމާދާރު ކަމާއެކު ކަންކަން ކުރަން ވެއްޖެ ނޫންތޯ... ފިކުރާ ޚިޔާލާ ތަފާތު ވިޔަސް ދައުލަތުގެ ޚަޒާނާއިން (ރައްޔިތުންގެ ޓެކްސް ފައިސާއިން) ކުރާހޭދަ އިސްރާފު ނުކުރަމާތޯ... މާދަމާ މަގާމުތަކާ ހަވާލުވާ ފަރާތްތަކުން މިއަދު ކޮށްފައި ހުރި މަސައްކަތް ތަޅާނަގައި އެއްލާލަންވީތޯ؟ ކޮންބައެއްތޯ ޒިންމާ ނަގާނީ؟ މި ކަންކަމަށް ނިމުމެއް ނެތެއްނޫންތޯ... ކޮންމެ ބަޔަކުވެސް މައްސޫލިއްޔަތާ ޒިންމާއާ ހަވާލުވަނީ ގައުމާ ރައްޔިތުންނަށް ޚިދުމަތްކުރަން.