އެމްއެންޔޫގެ ވައިސް ޗާންސެލަރުކަމުގެ މަގާމުން އިއްޔެ ވަކިކުރެއްވި ފަވާޒު (ކ) އަދި ޑެޕިއުޓީ ވައިސް ޗާންސެލަރުންގެ މަގާމުން ވަކިކުރެއްވި ޝާހިން (މ) އާއި މުއާވިޔަތު، އެ ޔުނިވާސިޓީން މީގެ ކުރިން ބޭއްވި ރަސްމިއްޔާތަކަށްފަހު ފޮޓޯއަކަށް ހުއްޓިވަޑައިގެން.-- ފޮޓޯ: އެމްއެންޔޫ
21 އޯގަސްޓް 2019 - 16:07
32 comments
މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ ޑެޕިއުޓީ ވައިސް ޗާންސެލަރުންގެ ގޮތުގައި ތިއްބެވި އައިޝަތު ޝާހިނާއި ޑރ. މުއާވިޔާތު މުހައްމަދު މަގާމުން މިއަދު ވަކިކޮށްފި އެވެ.
އެ ޔުނިވާސިޓީ އަށް އަލަށް އައްޔަންކުރެއްވި ވައިސް ޗާންސެލާ ޑރ. މުހައްމަދު ޝަރީފް "މިހާރު" އަށް ވިދާޅުވީ އެ ތަނުގެ އިސްވެރިން ބޭއްވި ބައްދަލުވުމުގައި ޝާހިނާއި މުއާވިޔަތު ވަކިކޮށްފައިވާ ކަމަށެވެ. އާ ކައުންސިލް އުފެއްދުމަށް ފަހު އެ މަގާމަށް ބޭފުޅުން އައްޔަންކުރާނެ ކަމަށް އޭނާ ވިދާޅުވި އެވެ.
ޝާހިނާއި މުއާވިޔަތު ޑެޕިއުޓީ ވައިސް ޗާންސެލަރުކަމަށް، ކުރީގެ ރައީސް އަބްދުﷲ ޔާމީންގެ ސަރުކާރުން އައްޔަންކުރެއްވީ ޑިސެމްބަރު 2015 ގަ އެވެ. އެއީ ޔުނިވާސިޓީގެ ގާނޫނަށް އޭރު ގެނައި އިސްލާހަށް ފަހު އެވެ.
ގައުމީ ޔުނިވާސިޓީގެ ގާނޫނު 2011 ވަނަ އަހަރު ވުޖޫދުވިއިރު ވެސް، ޑެޕިއުޓީ ވައިސް ޗާންސެލަރުން އައްޔަންކުރުމުގެ ބާރު ދީފައި އޮންނަނީ ޔުނިވާސިޓީ ކައުންސިލަށެވެ. ނަމަވެސް ޔާމީންގެ ސަރުކާރުގައި، އޭރުގެ މަޖިލީހުން އެކަން ބަދަލުކުރީ، ޑެޕިއުޓީ ވައިސް ޗާންސެލަރުން އައްޔަންކޮށް ވަކިކުރުމުގެ ބާރު ރައީސަށް ލިބިދޭ ގޮތަށެވެ.
އާ ކައުންސިލަށް، އެމްއެންޔޫގެ ބޭރުން ތަފާތު އެކި ދާއިރާތަކުން އަށް ބޭފުޅަކު ބޭނުންވެ އެވެ. ޝަރީފް ވިދާޅުވީ އެ ދާއިރާތަކަށް ކުރިމަތިލާން މާދަމާ އިއުލާނުކުރާނެ ކަމަށެވެ. އެމީހުންގެ ސްކްރީނިން ހެދުމަށްފަހު، އެމްއެންޔޫން އެ ނަންތައް ފޮނުވާނީ ހަޔަ އެޑިއުކޭޝަން މިނިސްޓްރީއަށެވެ.
"ސްކްރީންކޮށް އަޅުގަނޑުމެން މާކްސް ދޭނެ. އެކަމަކު މިނިސްޓްރީން ކޮންމެހެން މާކްސް އަށް ބަލާކަށް ނުޖެހޭނެ ކައުންސިލަށް މެމްބަރުން ހަމަޖެއްސުމުގައި،" ޝަރީފް ވިދާޅުވި އެވެ.
ޝާހިނާއި މުއާވިޔަތު މަގާމުން ވަކިކޮށްފައިވަނީ، ޔުނިވާސިޓީގެ ގާނޫނަށް މަޖިލީހުން މި ފަހުން ގެނައި އިސްލާހުގެ ދަށުންނެވެ. ޑެޕިއުޓީ ވައިސް ޗާންސެލަރުން އައްޔަންކުރުމުގެ ބާރު އަލުން ދީފައިވަނީ ޔުނިވާސިޓީ ކައުންސިލަށެވެ.
ރައީސް އައްޔަންކުރައްވާނީ ޗާންސެލަރާއި ވައިސް ޗާންސެލަރެވެ. އެމްއެންޔޫގެ ޗާންސެލަރުކަމަށް ރައީސް އިބްރާހިމް މުހައްމަދު ސޯލިހު އިއްޔެ ވަނީ ޑރ. ހަސަން ހަމީދު އައްޔަންކުރައްވައިފަ އެވެ.
އެ އިސްލާހު މި މަހުގެ 5 ވަނަ ދުވަހު ތަންފީޒުކުރަން ފެށިއިރު، އެއަށް އަމަލުކުރަން ފަށާތާ 30 ދުވަހުގެ ތެރޭގައި އާ ކައުންސިލް އުފައްދަންޖެހޭނެ އެވެ. ޝަރީފް ވިދާޅުވީ އެ މުއްދަތުގެ ތެރޭގައި އާ ކައުންސިލް އުފައްދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީވޭތަ
22 August 2019
ތި ޝާހީނު އަކީ ސްޓާފުންނަށް ވަރަށް އިހާނެތިކޮށް ކަންތައް ކުރާ މީހެއް
ދޮންހުސޭނު
22 August 2019
ހަމަ އެއްބަޔަކު ބޯޅަ ތަޅަ ތަޅާ މި ތިބެނީ..ޝަރީފަކީ ހުރިހާ ވެރިކަމެއްގައި ވެސް މޮޅު ލިބޭ މީހެއް
ޝައިޚް.
22 August 2019
އެމް. އެން .ޔޫ އިން 2017 ވަނަ އަހަރު ދިވެހި ނަރުހުންގެ އެތައް ބައެއް އޮޅުވާލައިގެން އެކުދިން އަތުން ބޮޑު ޚަރަދުކުރުވައި، އިންޑީއާއަށް ފޮނުވައި، އެކުދިން އިންޑިއާގަ ގަނަތަޅުވައި، އެކުދިން އަތުންއެތަށް ޚަރަދެއް ކުރުވައި، 3 މަސް ފަހުން މާލެ ގެނެސް އެކުދިން އިންޑީއާގަ ކުރިމަސައްކަތް ބޭކާރުކޮއްލި ބައެއްތީ، ސަރުކާރުން ލާރި ނަގާ އެ ލާރިގަނޑު ކާލީ ތިއަމީހުން، ހެކި އެބަހުރި،
މަޖިލިސް
22 August 2019
އެއީ އެމް އެން ޔޫ އަކުންނޫން، ޓިވެޓް އޮތޯރިޓީން ކުރިކަމެއް..އެޑިއުކޭޝަން މިނިސްޓްރީން
ޒައިޝް
22 August 2019
ވަރުގަދަ ޓީމެއް ވަކި ވެގެން ދާން އެޖެހުނީ... މި 3 ބޭފުޅުންނަކީވެސް ވަރަށް ޤާބިލް، އަދި ތަނުގެ ކުރިއރުމަށް ތެދުވެރިކަމާއި އެކު މަސައްކަތް ކުރެއްވި އަދި މުވައްޒަފުންގެ އިތުބާރު ހޯދާފައިވާ ބޭފުޅުން. ބަދަލަކީ ކުރިމަތިލާންޖެހޭ ކަމެއް. 3 ބޭފުޅުންނަށްވެސް ކާމިޔާބަށް އެދެން.
ސުންބުލިކުއްލިއާ
22 August 2019
ތިޔުނިވަރސިޓީ ސިޓީކައުންސިލަކަށް ބަދަލުވެއްޖެއެއްނޫން. ކޮންމެކަމެއް ދިވެހިން ކުރާނީ ރުޅިވެރިކަމާއި ހަސަދަ ފިލުވާލުމުގެ ނިޔަތުގައި މިގޮތައްކަންތައްކުރުމުން މުޅިގައުމުގެ ފޭރާންމިވަނީ ހަލާކުވެ 100 އަހަރުފަހަތައް އަޚްލާގު އިހްތިރާމްގެ މާއްދާވެއްޓި ޖީލުތައްހަލާކުވެ ގައުމުގެ ހުންގާނު ޖާހިލުންގެ ކޮނާޓްރޯލްދަށަށްވެއްޓިފައި
ޝަރުމީލް
21 August 2019
ޔާމީނު ޤައުމީ ޔުނިވަރސިޓީ ފުނޑާލަންވެގެން ޑިމޮކްރެޓިކް ސަރުކާރެއް ވައްޓާލި މައްސަލަ ނުބަލާ އައިޕެޑަކަށާއި އޮރެންޖަކަށް ޤައުމު ވިއްކާލި މީހަކު ޔުނިވާރސިޓީއެއް ހިންގަން ހަވާލުކުރުމަކީ އެމްއެމްޕީއާރުސީ ދަވާލުމަށް ވުރެން ގައްދާރުކަން ބޮޑުކަމެއް. ފަވާޒާ - ޝާހީން އަކީ ސްޓާފުންނަށް ވަރަށް ނުބައި ދެމީނުން. ޢެމީހުންނަށް އެފެންނަނީ އޭގެ ހިތި.
އިހޫ
22 August 2019
އަހަރުމެންވެސް މިއީ ސްޓާފުން. ތިބުނާ ނުބައި ކަމެއް ނޭނގެ.
ސްޓާފު
22 August 2019
90% ސްޓާފުން ތިބީ މާޔޫސްވެފަ
ނިމާލްން
21 August 2019
ޑރ. މުއާވިޔަތަކީ އިލްމީ އަދި އަޚްލާގް ރަނގަޅު، މީހުންނާ ވަރަށް ގުޅޭ ބޭފުޅެއް. ޑރ.. މުޢާވިޔަތަށް އަދަށްވުރެ ފަހި މާދަމާއަކަށް އެދެން.
ވަހީދު
22 August 2019
މީހުންނަށް ރަނގަޅުކަން ކަން އެނގޭ. ހެހެހެ
ވެރިން
22 August 2019
ވަންނާނެ ގެދޮރެއް ނެތް ނިކަމެތިން ތިއްބާ ނުހައްގުން ޔާމީން ސަރުކާރުން ދިން ފްލެޓް ވެސް ދަމައިގަނެފަ ހުރީ.
ނޫންތަ
21 August 2019
މި އެންމެން ވަކި ކުރާއިރު އެންޓި ކޮރަޕްޝަން ކޮމިޝަންގެ ރައީސް ވަކިކުރާކަށް ނުވޭތަ؟ މި ޤައުމުގަ ހިންގި އެންމެ ބޮޑު ޖަރީމާ ހިންގާ ވީއެއްޗެއްވީ އިރު ހުޅުމާލެއިން ފްލެޓްގަނެގެން ހުރީ ހަނު. އަދި ކިރިޔާ ހޭވެރިކަން އައީ.
ހުސައިން
21 August 2019
ޑރ މުއާވިޔަތު އަށް ކާމިޔާބަށް އެދެން. އަޚުލާގު ރަނގަޅު ބޭފުޅެއް
ކަނބިލި
21 August 2019
މިހާރު ހަލާކު ނުކުރެވި އޮތްތަން ހަލާކޮށް ނިންމަނީ