ދައުލަތުގެ ބަޖެޓް ފޮތް: މިއަދު ވަނީ ސަޕްލިމެންޓްރީ ބަޖެޓެއް ހުށަހަޅާފައި. -- ފޮޓޯ: މިހާރު
25 އޯގަސްޓް 2019 - 10:01
14 comments
ސަރުކާރުން ފޮނުވި 1.7 ބިލިއަން ރުފިޔާގެ ސަޕްލިމެންޓަރީ ބަޖެޓް މަޖިލީހުގެ ތަޅުމަށް ހުށަހަޅައިފި އެވެ.
މި އަހަރުގެ ބަޖެޓުގެ ގޮތުގައި ހަރަދު ކުރުމަށް 27.3 ބިލިއަން ރުފިޔާ ފާސްކުރި ނަމަވެސް އެ އަދަދަށް އިތުރު 1.7 ބިލިއަން ރުފިޔާ ހިމެނުމަށް ވަނީ ނިންމައިފަ އެވެ. މަޖިލީހަށް ހުށަހެޅި ސަޕްލިމެންޓްރީ ބަޖެޓާ އެކު ދައުލަތުގެ ބަޖެޓު 31.9 ބިލިއަނަށް އިތުރުވެގެންދާނެ އެވެ. އަދި ބަޖެޓުގެ އޯވަރޯލް ޑެފިސިޓް 4.9 ބިލިއަން ރުފިޔާ އަށް އިތުރުވާނެ އެވެ.
ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވީ ފިނޭންސް މިނިސްޓަރު އިބްރާހިމް އަމީރު މަޖިލިހަށް ފޮނުއްވި ސިޓީއާ ގުޅިގެން އެ ބަޖެޓް ބަލައިގަނެ، ބަޖެޓު މާދަމާ ރޭ މަޖިލިހުން ނިންމުމަކީ އެމަނިކުފާނުގެ ވަރަށް ބޮޑު އަމާޒެއް ކަމަށެވެ. އެހެންވެ، ބަޖެޓް ދިރާސާ ކުރުމުގެ މަސައްކަތް މިއަދު އެއްކޮށް ކުރިއަށް ގެންދެވުމަށް މަޖިލީހުގެ ރައީސް އެދިވަޑައިގަތެވެ.
އަދި ބަޖެޓަށް ބޭނުންވާ އިސްލާހުތައް ހުށަހެޅުމުގެ ފުރުސަތު މާދަމާ ރޭގެ ނިޔަލަށް އޮންނާނެ ކަމަށް ވެސް ނަޝީދު ވިދާޅުވި އެވެ.
ސަރުކާރުން ސަޕްލިމެންޓްރީ ބަޖެޓެއް ހުށަހަޅަން ނިންމީ ކޮންޓިންޖެންސީ އަށް ވުރެ ބޮޑު އަދަދެއް، ކޯޓުތަކުން ކުރާ ހުކުމްތަކާއި އެނޫން ގޮތްގޮތަށް ބަދަލުގެ ގޮތުގައި ސަރުކާރުން ދައްކަން ޖެހިފައިވާތީ އެކަންކަމަށް ބަޖެޓުން ޖާގަ ހޯދުމަށެވެ. އަދި މި ސަރުކާރުގެ މެނިފެސްޓޯގައި ހުރި ހުރިހާ ޕްރޮގްރާމެއް އެންމެ ފުރިހަމަ އަށް ހިމެނުމަށް ޓަކަ އެވެ.
ފިނޭންސް މިނިސްޓަރު އިބްރާހިމް އަމީރު "މިހާރު" އަށް މީގެ ކުރިން ވިދާޅުވެފައި ވަނީ ސަޕްލިމެންޓްރީ ބަޖެޓުގައި ހުންނަނީ މިހާރު ވެސް ޕްލޭން ކުރެވިފައިވާ މަޝްރޫއުތައް ކަމަށެވެ.
މިހާތަނަށް އެ ބަޖެޓުން 14.7 ބިލިއަން ރުފިޔާ ވަނީ ޚަރަދުކޮށްފަ އެވެ. އަހަރުގެ މިހާ ހިސާބަށް އާމްދަނީގެ ގޮތުގައި 14.5 ބިލިއަން ރުފިޔާ ލިބިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
25 August 2019
ބޯހިޔާވެހިކަމާއި، ސާފުބޯފެނާއި ނަރުދަމާ ލިބޭނީ މުޒާހަރާކޮށްގެން. ދިވެހިން މުޒާހަރާ ކުރާނީ ސިޔާސީ މީހަކު ހައްޔަރުކުރީ. ކީއްތަވާނީ ބޯހިޔާވެހިކަން ނުލިބިގެން މުޒާހަރާ ކުރިއްޔާ
ރަދީފުއްދީނުލް އަކްބަރު
25 August 2019
ކިހިނެތް މިވަނީ. ބަޖެޓުބޮޑުވަނީ. ރައްޔިތުން ހަނާވަނީ. ދެކޮޅު ދިމައެއްނުވޭ.
މާރަނގާ - އައްޑޫ ސިޓީ
25 August 2019
ޙަޤީގަތުގަ މިރާއްޖޭގައިނެތް މައްސަލައެއް “ތިމާމެންގެ މަންފާއަށްޓަކާ” އަމިއްލައަށް ކްރިއޭޓްކޮށް ބޯހިޔާވަހިކަމުގެ ނަމުގައި ތިޔަ ދައްކާ ވާހަކައަކީ އަސްލެއްނެތް ވާހަކަ ތަކެއް. * * މާލޭގައި ބޯހިޔާވަހިކަމުގެ ތާއްޓެއްއުޅޭނަކަ އެކަން ފެށޭހިސާބަކީ “މާލޭސަރުކާރުގެ އެއްރަށްދައުލަތް ސިޔާސަތާއި ހަމައިން” ކުލީ އަޅުންގެ ގޮތުގައި ވަޒީފާއަށާއި އަސާސީހިދުމަތަށްޓަކާ އަމިއްލަރަށް ދޫކޮށް ހިޖުރަކޔރާމީހުން. ފްލެޓަށް ހޭދަނުކޮށް ތުރާކުނުން އައްޑުއަށް ހިދުމަތް ފުޅާކުރޭ.
12345
25 August 2019
މަޖިޅިހުގެ މެމްބަރުންގެ ބޭކާރު ހަރަދުތައް ކަނޑާލަފަ މުސާރަ 1/2 ކުޑަކޮށްލަނިކޮށް ބަޖަޓް ހަމަޖެހޭނެ. ބޭނުމީ އެކަން ކުރަން ކެރޭ ވެރިއެއް. 2023 ގެ މޑޕ ކެމްޕޭނަށަ ފައިސާ ހޯދަން ބޮޑެތި މުސާރަ ދޭކަށް ނުފޭނޭ!
ޔާރު
25 August 2019
އަދީބުއާ ޔާމީނު ބުރުވާލި 1.3 ބިލިއަން ލިބުނުނަމަދޯ
އާދީ
25 August 2019
ސަރުކާރު މުވައްޒަފުންނަށް މުސާރަ އާއި އިނާޔަށް ދޭނެ ރުފިޔާ މި އަހަރުގެ ފަހު ދެމަހަށް ހުންނާނެ ކަމާމެދު ޝައްކު.. ދެން ނަންވާނީ ކުރީގެ ސަރުކާރު
މަމް ހަދާންކުރާ ބަޖެޓް
25 August 2019
ތީ ވައްކަން ކުރަން ހުށައަޅާ ބަޖެޓެއް. ވައްކަމަށް މިހާރު ކިޔަނީ ބަދަލު ދިނުން. ތީތީ ފަާސްނުކޮށް ފޮނުވާލާ. ނޫނީ ފާސްކުރިއަސް ކޮންޓިންޖެންސީއޭ ކަހަރުވަކޭ އޮތް ބައި ކަނޑާލާ. ބަދަލޭ ބުނެފިއްޔާ ބުނޭ އެކަން ޖެހިއްޖެްޔާ ހާއްސަކަމެއްގެ ގޮތުގައި މަޖިލީހަށް ހުށައަޅާށޭ. އޭރުން ފިސާރި ރަގަޅަށް ފުލޯގެ ދީބާޖާ ބަހުސް ލައިވް ޓީވީގައި ކޮށްފައި މެމްބަރުން ދިނުމާ މެދު ގޮތެއް ނިންމާނޭ!
ބޯހަލާ ކު
25 August 2019
ރާއްޖޭގެ ތާރީޚްގައި ފާސްކުރި އެންމެ ބޮޑު ބަޖެޓް އެއްވެސް ޕްރޮޖެކްޓެއް ނުހިންގާ ހާދަ އަވަހަށޭ ތިޔަ ހުލިވީ! މި މީހުންނާ ޖެހުނީމަ ބަޖެޓް މިވީ ހުދުކާފޫރަށް ނުވަތަ ލޮނުމެދަށް ދޯ؟ ބޭނުން ނުކުރިޔަސް ބަހައްޓަންވެއްޖިއްޔާ ހުލިވުން! އެހެންނުން ވާނީ، ހުވާކުރުމުގެ ރަސްމިއްޔާތަށް 2ގަޑިއެއްހާ އިރަށް ވެސް 17،000،000ރ ބައިކުދިންގެ ކޮންޕެންސޭޝަން އަށް އެތައް ސަތޭކަ މިލިއަން ރުފިޔާ. އެކަމަކު ލާރި ކައި ބުރުއްސީ ޔާންޓޭއޯ! ރައްޔިތުންނަށް އޮޅުވާ ލެވޭނީ މިވަރަށް!
މާރަނގާ - އައްޑޫ ސިޓީ
25 August 2019
ޑީޓައިލްސްއާއިއެކު ކަރުދާހުގައިލިޔެ ކުރަހާފައިވާ ދިގުމުައްދަތުގެ ނެޝަނަލް ޑިވޮލޯޕްމަންޓް ޕްލޭނެތް ނެތި ނޭފަތުކުރިއަށް މާލޭސަރުކާރުން ހަދާ ބަޖޭޓް ފާސްކޮށްދިނުން ހުއްޓާލާ. * * އިންސާނަކުދިރިހުރުމަށްބޭނުންވާ ތަރުތީބުލިސްޓަށް މާލޭސަރުކާރުން ފޫޑް، Clean water އަށްވުރެން ކުރިއަށް Shelter ގެނެސްގަތީކިހިނެއް؟! * * ރާއްޖޭގެ އާބާދީގެ ބޮޑުބައެއް ސާފުބޯފެނާއި ނަރުދަމާގެ ހިތުމަތުން މަހުރޫމްކޮށްފައި “ކުލީ އަޅުވެތިކަން ކުރިއަރުވަން” ފްލެޓް ހަދަނީ ކީއްވެ؟
ޝަރާ ސާރާޒް2050
25 August 2019
ތިޔަވަރުން ނުވިއްޔާ ކޮންޓެންޖެންސީ ބަޖެޓެއް ހުށައަޅާ.