ޚަބަރު / މެމްބަރު ގާސިމް އިބްރާހިމް (މާމިގިލި)

ޑީޑީ ވަކިކުރަން ވަކި ގޮތަކަށް ވޯޓު ނުދެއްވީ ގާސިމް އެކަނި

ޖުމްހޫރީ ޕާޓީގެ ލީޑަރު އަދި މާމިގިލި ދާއިރާގެ މެމްބަރު ގާސިމް. --- ފޮޓޯ: ހުސެއިން ވަހީދު/ މިހާރު

މުހައްމަދު ޔާމީން، މިހާރު

28 އޯގަސްޓް 2019 - 17:30

ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީޑީ) ވަކިކުރަން ރައްޔިތުންގެ މަޖިލިހުގައި ނެގި ވޯޓުގައި މާމިގިލި ދާއިރާގެ މެމްބަރު ގާސިމް އިބްރާހިމް ވަކި ގޮތަކަށް މިއަދު ވޯޓެއް ނުދެއްވަ އެވެ.

ކްރިމިނަލް ކޯޓާއި ހައި ކޯޓުގައި ކުރިން މަސައްކަތް ކުރެއްވި ޑީޑީ ވަކިކުރަން މަޖިލިހުން ނިންމީ ވޯޓުގައި ބައިވެރިވެވަޑައިގެންނެވި 72 މެމްބަރުންގެ އިއްތިފާގުންނެވެ. އެކަމަކު، ވަކި ގޮތަކަށް ވޯޓު ނުދެއްވާ މަޖިލިހުގެ ތަޅުމުގައި އިންނެވީ ޖުމްހޫރީ ޕާޓީގެ ލީޑަރު ކަން ވެސް ކުރައްވާ ގާސިމް އެކަންޏެވެ.

ގާސިމް އެ މައްސަލައިގައި ވަކި ގޮތަކަށް ވޯޓު ނުދެއްވާ އިރު، މަޖިލިހުގެ ވޯޓު ގަޑީގައި ނެގި އެހެން ކަންކަމަށް އޭނާ ވޯޓު ދެއްވި އެވެ. އެގޮތުން ސަގާފީ ތަރިކައިގެ ބިލަށް ގެނައި އިސްލާހުތަކާ އެކު، ބިލް ފާސް ކުރުމާ މެދު ނެގި ވޯޓުގައި ގާސިމް ބައިވެރިވެވަޑައިގެން ބިލް ފާސް ކުރުމަށް ވޯޓު ދެއްވި އެވެ.

ޑީޑީ ވަކިކުރަން ނިންމައި މަޖިލީހުގެ ޖުޑިޝަރީ ކޮމިޓީން ފޮނުވި ރިޕޯޓަށް ގާސިމް ބަހުސެއް ވެސް ނުކުރައްވަ އެވެ. ޖުމްހޫރީ ޕާޓީގެ ފަރާތުން ރިޕޯޓަށް ބަހުސް ކުރެއްވީ ކެންދޫ ދާއިރާގެ މެންބަރު އަލީ ހުސައިން އެކަންޏެވެ. އަލީ ހުސެއިން ވާހަކަ ދެއްކެވީ ފަނޑިޔާރުކަމުން ޑީޑީ ވަކިކުރުމަށް ތާއީދު ކުރައްވަ އެވެ.

ޑީޑީ ވަކިކުރަން ނެގި ވޯޓުގައި އަލީ ހުސެއިންގެ އިތުރުން ޖުމްހޫރީ ޕާޓީގެ ތިމަރަފުށީ ދާއިރާގެ މެމްބަރު އަބްދުﷲ ރިޔާޒް އާއި އިސްދޫ ދާއިރާގެ މެމްބަރު އަލީ ހަމީދާއި ދަނގެތި ދާއިރާގެ މެމްބަރު، ކުރީގެ ޑިފެންސް މިނިސްޓަރު މުހައްމަދު ނާޒިމް ވެސް ވޯޓު ދެއްވީ ޑީޑީ ވަކިކުރުމަށެވެ.

މަޖިލީހުން އިތުބާރު ނެތްކަމުގެ ވޯޓު ނެގުމާ ގުޅޭގޮތުން ސުޕްރީމް ކޯޓުން 2017 ގައި ކޮށްފައިވާ ހުކުމުގައިވާ ގޮތުން ރައީސާއި ނައިބު ރައީސާއި ވަޒީރުންގެ އިތުރުން މިނިވަން މުއައްސަސާތަކުގެ ވެރިންނާއި ފަނޑިޔާރުން މަގާމުން ވަކިކުރަން މަޖިލީހުން ފާސް ކުރިޔަސް، އެކަމުގައި ފަސް ބަސް ބުނާނީ ސުޕްރީމް ކޯޓުންނެވެ.

މިއީ ޖޭއެސްސީ އިން ބަލަމުން އައި މައްސަލައެއް ސާބިތުވެގެން ސުޕްރީމް ކޯޓުގެ ފަނޑިޔާރެއް މަޖިލިހުން ވަކިކުރަން ނިންމި ފުރަތަމަ ފަހަރެވެ. މީގެކުރިން ގދ. ތިނަދޫ ކޯޓުގެ މެޖިސްޓްރޭޓް އިބްރާހިމް ރަޝީދުގެ ސުލޫކީ މައްސަލަ ސާބިތުވާ ކަމަށް ޖޭއެސްސީން ނިންމުމާ ގުޅިގެން މަޖިލިހުން އޭނާ ވަނީ ވަކިކޮށްފަ އެވެ.

މެމްބަރު ގާސިމް އިބްރާހިމް (މާމިގިލި) ރައްޔިތުންގެ މަޖިލިސް ސުޕްރީމް ކޯޓް ޖުމްހޫރީ ޕާޓީ ގާޒީ އަބްދުﷲ ދީދީ

35 ކޮމެންޓް, 112 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަގު ކަދުރު

29 August 2019

އަހުރެންގެ މުސާރަވެރިއަކަށް އޭނާގެ ވަފާތެރިކަމާ އެއްވަރުގެ ހެޔޮކަމެއް ކޮށްދެވޭތޯ އަހުރެންބަލާނެތާދޯ؟؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ..ކޮބާ

29 August 2019

ވަގުން ތިބޭނީ ވަގުންގެ ދިފާއުގަ..މިފަހަރު ގަޔައް އަރައިގެންފާނެ ކަމުގެ ބިރަށް ހަނު އިނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވާދީބުރާނީ

29 August 2019

ސިޔާސީ މައިދާނުން ބޭރުކުރަން ޖެހޭ ވަރަށް ގިނަ ކުނި ބުނި އެބަހުރި. އެއާއެކު ބައެއް އާލަތްތައްވެސް ޖެހޭ ބޭރުކުރަން. މީ އޭގެ ތެރެއިން އެކަކު. މިޒަމާނުގެ ސިޔާސީ ވިސްނުމަށް އެކަށީގެންވާ މީހެއް ނޫން. މުވައްޒަފުން އަޅުވެތިކުރުމާއި، ސާރވިސް ޗާރޖަށް މަކަރު ހެދުމާއި، ދީންވެރި ރަގަޅު ދިރިއުޅުމެއް އުޅެން ނޭގުމާއި، ވެރިކަން ހިންގުމުގެ ނިޒާމާއި، ޢަދުލު އިންސާފުގެ ނިޒާމަށް ނުރަގަޅު އަސަރު ފޯރުވުމާއި، އަންހެނުންނަށް އިހުތިރާމް ނުކުރުން އެއީ މީނަގެ ސިފަތަކެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްވާ

29 August 2019

މިހާރު އެނގޭނު ދިވެހިންނަށް ސަރުއީ ދާއިރާ އިސްލާހު ކުރަން ބޭނުން ނުވަނީ ކޮން ބަޔެއްކަން! މި ކަހަލަ ލައްކަ މަހުޖަނުން އުޅޭނެ ފަނޑިޔާރުގެ އިހު ހުރިގޮތަށް ހަމަ ބަހައްޓަން ބޭނުންވާ! އެމީސްމީހުުންނަށް އެނގެނީ ކަންނޭނގެ ދީދީ ކަހަލަ މީސްމީހުން ފަނޑިޔާރުންނަށް ތިބެންޏާ ނުފޫޒު ފޯރުވައިގެން އެ މީސްމީހުން ބޭނުންވާހާ ގޮތަކަށް ހުކުމް ތައް ނެރެވިދާނެޔޭ! މީ ސޭޓުމެންގެ ފެންވަރު މި ފެންނަނީ! ދެން ވެސް ޤައުމު އިސްލާހުކުރަންށޭ ކިޔައިގެން ވާހަކަ ދައްކާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

29 August 2019

ގާސިމް އަކީ މިނިވަނެކެވެ. އޭނަ ބޭނުން ގޮތަކަށް ވޯތް ދެވޭނެއެވެ. އެމްޑީޕީ މީހުންނަށް އަންނި ބުނާ ގޮތެއް ނޫން ގޮތެއް ހަދަން ނުކެރެއެވެ. އެކަމު ހޮވީ ރައްޔިތުން ވޯޓް ދިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައުސުލްމާލު

29 August 2019

ގާސިމު ވޯޓެއް ނުދޭނެތާ އޭނަވެސް މައްސަލަތަކަށް ނުފޫޒު ފޯރުވާކަމަށް ރައްޔިތުން ތުހުމަތު ކުރޭވިއްޔަ. އެހެންވީމާ ޑީޑީ އާ ގާސިމާ ގުޅުން އޮންނާނެކަމަށް ލަފާކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

29 August 2019

ފަންޑިޔާރުންނަށް ރިޝްވަތު ދޭ މީހުން ނަށް ވަކިގޮތެއް ނިންމާކަށް ނޭންގޭނެދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔާ!

29 August 2019

ވެސްޓެޑް އިންޓެރެސްޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމަދާ

29 August 2019

ގާސިމް އަބަދުވެސް ރައްޔިތުންނަށް ދޯކާ ދީފައި އޭނަ އާ އެކު ޖަރީމާ މީހުން ސަލާމަތް ކުރަން އުޅޭ މީހެއް މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

29 August 2019

އެޖެންޑާ 19 އަށް ކޯލިޝަންގެ ވެރިންގެ ފުރިހަމަ އެއްބާރުލުން ނުލިބޭނަމަ، ކޯލިޝަނުގެ ބޭނުމެއް ނެތް. ރައީސް ސޯލިޙްގެ ސަރުކާރުގެ އެންމެ އިސް ވަޢުދަކީ ރައްޔަތުންނަށް އުފާ ފާގަތި ހިތްހަމަޖެހޭ ދިރިއުޅުމެއް ހޯދައި ދިނުން ކަމުގއި ވީހިނދު، އެމަންޒިލަށް ވާޞިލުވުމަށް ރާއްޖޭގައި ޢަދުލުވެރި އިންޞާފު ހަމަހަމަ ގޮތުގައި ގާއިމުކޮށްދޭނެ ފަނޑިޔާރުން ތިބެންޖެހޭ. މިކަމަށް ސަރުކާރުން އެޅުއްވި ފިޔަވަޅުގައި، ކޯލިޝަންގެ ވެރިން ފަހަތަށް ޖެހުނީ ކީއްވެބާ؟ކޯލިޝަން ފެއިލްވީތޯ؟