އޭއައިއޭގެ ޖެނެރެލް މެނޭޖަރު އިބްތިޝާމާ
19 ސެޕްޓެމްބަރ 2016 - 11:25
22 comments
އައްޑޫ ގަމާއި ސްރީ ލަންކާއާ ދެމެދު ޝެޑިއުލް ދަތުރުތަކެއް ފެށުމާ ގުޅޭ ގޮތުން ސްރީ ލަންކަން އެއާލައިންސާ މިހާރު ވާހަކަ ދައްކަމުން އަންނަ ކަމަށް ގަން އެއާޕޯޓް ހިންގާ އައްޑޫ އިންޓަނޭޝަނަލް އެއާޕޯޓް ކޮމްޕެނީ (އޭއައިއޭ) އިން މިއަދު ބުނެފި އެވެ.
އެ ކުންފުނިން މިހެން ބުނެފައި މި ވަނީ އަންނަ ނޮވެމްބަރު މަހު ގަމަށް ދަތުރުތައް ފަށަން ތައްޔާރުވަމުން އަންނަ ކަމަށް ސްރީ ލަންކަން އެއާލައިންސުން ބައެއް މީޑިއާތަކުގައި ވެސް ބުނެފައި ވަނިކޮށެވެ.
މީގެ ކުރިން ވެސް އެ އެއާލައިނުން ވަނީ ގަމަށް ޝެޑިއުލް ދަތުރުތައް ކުރަން ޝައުގުވެރިކަން ފާޅުކޮށްފަ އެވެ.
އޭއައިއޭގެ ޖެނެރެލް މެނޭޖަރު އިބްތިޝާމާ އަހުމަދު ސައީދު "މިހާރު" އަށް ވިދާޅުވީ ސްރީ ލަންކަން އެއާލައިންސާ އެކު މަޝްވަރާތަކެއް ކުރަމުން އަންނަ ކަމަށެވެ.
"ނެގޯސިއޭޝަންތައް ކުރިއަށް އެބަ ދޭ. އެކަމަކު މީގެ ތަފުސީލަކަށް ދާން އަދި ތަންކޮޅެއް ދަތި. މީޑިއާތަކަށް މީގެ ޑީޓެއިލެއް ދެވޭ ހިސާބަށް ދިޔައިމަ އެ މައުލޫމާތު އަޅުގަނޑުމެން ހިއްސާކުރާނަން،" އޭނާ ވިދާޅުވި އެވެ.
އިބްތިޝާމާ ވިދާޅުވީ ގަމަށް ދަތުރުތައް ކުރުމާ ގުޅޭ ގޮތުން ބޭރުގެ ބައެއް އެހެން އެއާލައިންތަކާ ވެސް ވާހަކަ ދައްކާނެ ކަމަށެވެ. އޭގެ ތެރޭގައި އެއާ އޭޝިއާ، ފްލައި ޑްބާއީ ކަހަލަ އެއާލައިންތައް ހިމެނޭނެ ކަމަށް ވިދާޅުވި އެވެ.
"ވަރަށް އަވަހަށް ބޭރުގައި އޮންނަ ފެއާއެއްގައި އަޅުގަނޑުމެން އެބަ ބައިވެރިވަން. އޭގެ ތެރެއިން އެއާލައިންތަކާ އެކު ވާހަކަ ދައްކާނަން،" އިބްތިޝާމާ ވިދާޅުވި އެވެ.
ގަން އެއާޕޯޓް ތަރައްގީކުރަން ހިންގާ މަޝްރޫއުގެ ދަށުން ރަންވޭ ބޮޑުކުރުމުގެ މަސައްކަތް މިހާރު ވަނީ ނިންމާލައިފަ އެވެ. އެހެންވެ އަންނަ މަހު ރަންވޭ ރަސްމީކޮށް ހުޅުވަން ހާއްސަ ރަސްމިއްޔާތެއް އޭއައިއޭ އިން ބާއްވާނެ ކަމަށްވެ އެވެ.
އާ ރަންވޭގެ އެއް ބައި މިދިއަ އަހަރު ބޭނުންކުރަން ވަނީ ފަށައިފަ އެވެ. ގަން އެއާޕޯޓްގައި މިހާރު އަޅާފައިވަނީ އެންމެ ބޮޑެތި ބޯޓްތަކަށް ވެސް ޖެއްސޭ ވަރުގެ 3،160 މީޓަރުގެ ދިގު ރަންވޭއެކެވެ.
ގަމުގައި ސީ ޕްލޭން ބޭސްއެެއް ހަދައި އޮޕްރޭޓް ކުރަން ޓްރާންސް މޯލްޑިވިއަން އެއާލައިން (ޓީއެމްއޭ) އާ މިހާރު ވަނީ ހަވާލުކޮށްފަ އެވެ.
މީގެ އިތުރުން ގަމުގައި ފެންވަރު ރަނގަޅު ހޮޓަލެއް ތަރައްގީކުރަން ވެސް އޭއައިއޭ އިން ވަނީ ނިންމައިފަ އެވެ.
ގަން އެއާޕޯޓް ތަރައްގީކުރަން ހިންގާ މަޝްރޫއަށް ގާތްގަނޑަކަށް 60 މިލިއަން ޑޮލަރު ހަރަދު ވާނެ ކަމަށް އޭއައިއޭ އިން އަންދާޒާކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭރި
04 December 2016
އެހެރަ ކަމެއް
ޒެޑްސް
20 September 2016
ރަންވޭ އަދި ކިތަންމެ ދިގު ކުރިޔަސް އެންމެ ބޮޑެތި ބޯޓުފަހަރަކަށް ނުޖެއްސޭނެ. ރަންވޭގައި ފުޅާމިން ވެސް ހުންނަން ޖެހޭނެ. އެހެން ނޫނީ ޓެކްސީވޭ ގައި އޮންނަ ބިޔަ ބޯޓުގެ ފިޔަގަނޑާއި ރަންވޭމަތީގައި އޮންނަ ބިޔަ ބޯޓުގެ ފިޔަގަނޑު ޖެހޭނެ. އެހެން ވީމަ ބޮޑެތި ބޯޓުފަހަރު ޖެއްސޭނެ ކަމަށް ވިދާޅުވާ މިންގަނޑަކީ ހަމައެކަނި ރަންވޭ ގެ ދިގުމިން ކަމަށް އެކަނި ހެދުން ރަނގަޅެއްނޫން.
އަހުމަދު އިސްމާއިލް ބޯގަންވިލާ
20 September 2016
ހާދަރީ ތި ކުއްޖެކޭ
އާމިނަތު / ކޮލޮމްބޯ.!!!
20 September 2016
ހީއެއްނުވޭ މިހާރު ތިޔަހުރި ވަޒީފާ ހޯދައިގަތް ގޮތައް ސުރީލަންކާގެ ސަރުކާރާއި ތޮޅެލެވޭނެހެން... މިތަނުގައި މާރަނގަޅު އަދި ވަރައް ފުރެޝް ކުދީން އެބަތިބި... ބުއްދި ވެރީ އަނގަ މަދުކޮށް ސިއްރުން އުޅުން އެނޫނީ.!!!!؟؟؟؟؟ ޑެތްތޯ✂️
ހެހެހެހެ
19 September 2016
މީ ކޮންމެ އަހަރަކު އެއްފަހަރު ދޮންދޫނި އަންނަހެން ދެކެވޭ ވާހަކައެއްނު؟
ސުވަދީބް
19 September 2016
އައްޑޫ އަށް ފާޑުފާޑުގެ ދަތި ކުރާތާ ވަރަށް ދުވަސް ވެއްޖެ ތާ އެވެ. ދެން މި އޮޕްރެސަން ނަތީޖާ އަކީ އައްޑޫ ޒުވާނުން 'އެހެންގޮތަކަށް' ވިސްނަން މަޖުބޫރު ކުރުވާ ކަހަލަ ކަމަކަށް ވެއްޖެ ނަމަ، އެންމެނަށްވެސް އޭގެ ހިތާމަ ލިބޭނެއެވެ! މެދު އިރުމަތިން އެހެރީ އޮޕްރެސަން ނަތީޖާ ފެންނާށެވެ!!!!
މުގާބޭ
19 September 2016
ކޮބާ ތިބުނާ 'އެހެންގޮތަކީ'؟ މެދުއިރުމައްޗެއް ނޫން ދުނިޔޭގެ ހުރިހާތަނެއްގާވެސް އޮޕުރެޝަން އެބައޮތް. އެގޮތުން މަގޭ ގައުމުގާވެސް. ކެރެންޏާ އާދެބަލަ މަށާދިމާކޮށްލަން.
ހޭމަ / ސޭފް އައިލޭންޑް ، ސްނާމީ ޒޯން
19 September 2016
ކަބުލޮވެސް ބޭނުންވާނެ ކަބުލޮއަށް ކަންކުރެވޭކަން އަދި ކަބުލޮގެ ސީވީ ރީތިކޮށް އެޗީވްމަންޓް ދައްކަން. އެހެން ނަމަވެސް ކަނބުލޮގެ ރައީސް އައްޑޫ ގަމުން ލަންކާ އަށް ނުވަތަ ލަންޑަނަށާއި ޑްބާއީ ބޭންގކޮކް އަށް ދަތުރު ކުރާތަން ދެކޭކަށް ބޭނުމެއްނުވާނެ. - ހޭމަ **** ސްނާމީ ސިޓީ
އަބުދުﷲ
19 September 2016
ޕިސް ޕިސް
ހުސްނާ
19 September 2016
އެއަރލައިނެއް ދަތުރުކުރަންފަށާނީ، މީހުން ތިބެގެން. އައްޑު އަތޮޅުގަމަށް ދާންތިބީ ކިތައްމީހުންތޯ؟ އައްޑު އަތޮޅު ފޯއްމުލައް ހުވަދުއަތޮޅުގައި މިވަގުތު އޮޕަރޭޓު ކުރަނީ 1500 ޓުވަރިސްޓު އެނދު ގަން އެއަރޕޯޓު ފީޒިބަލް ވާނީވެސް އަދި ޝެޑިއުލް އެއްގެ ދަށުން ފުލައިޓުތައް އޮޕަރޭޓު ކުރާނީ ދެކުނުގައި ޓުވަރިސްޓު އެނދު ގިނަވެގެން. ޕީޕީއެމްގެ ވައުދެއް އައްޑުއަތޮޅުގައި 5000 ޓުވަރިސްޓު އެނދު 5 އަހަރުތެރޭގައި ތަރައްގީކުރުން. އެވަރު ނުވިޔަސް ސަރުކާރުން ވައުދުވެފައިވާ އިސްމެހެލާ ހެރަ އަދި ހަންކެޑެ ތަރައްގީ ކޮށްފިނަމަ ކޮންމެވެސް އިގުތިސާދީ ތަރައްގީ އެއް އަންނާނެ. ގަން އެއަރޕޯޓަށް ޑައިރެކުޓު ފުލައިޓުސް އޮޕަރޭޓު ކުރެވެން ފެށިއްޖެނަމަ ފޯއްމުލައް މާފުށިފަދަ 3 މާފުއްޓަށް ބަދަލުކުރެވިދާނެ. އައްޑު އަތޮޅު ގަން އެއަރޕޯޓުން ފޯއްމުލަކަށް 45 މިނިޓުން ސްޕީޑު ލޯންޗުގައި ދެވޭ. އައްޑު އަތޮޅުގަމުން ސީޕުލޭންގައި ހުވަދު އަތޮޅު ކޮންމެ ރަށަކަށް ގިނަވެގެން 45 މިނިޓުން ދެވޭނެ. މާލޭ އެއަރޕޯޓުން ނ، ރ، ބ. ޅ ސީޕުލޭން އޮޕަރޭޓު އެބަކުރެވޭ. ސަރުކާރުން އެބަޖެހޭ އަތޮޅުތައް ތަރައްގީކުރުމަށް ސީރިޔަސްވުމަށް. އަތޮޅުތައް ތަރައްގީ ކުރެވޭނީ އިގުތިސާދީ ތަރައްގީ ގެނެސްގެން. ރާއްޖޭގެ ހުރިހާ އެންމެނަށް މާލެ ހުޅުމާލޭގައި ކުއްޔަށް ނޫޅެވޭނެ.
ހުސޭނުބެ
19 September 2016
އައްޑުއަތޮޅުގެ ރައްޔިތުންގެ އުންމީދުތަކާ އެއްގޮތަށް މިސަރުކާރުން އައްޑުއަތޮޅު ތަރައްގީކުރަމުންދާނަމަ ރައިސް ޔާމީން 2018 ކާމިޔާބު ކޮށްދިނުމަށްޓަކައި އައްޑުއަތޮޅުގެ 90 % ރައްޔިތުން މަސައްކަތްކޮށްދޭނެ!! ތާޢީދުކުރާނެ!! ވޯޓް ކަރުދާސްކޮޅުގައި ރައިސް ޔާމީންގެ ނަން އޮތްނަމަ އެނަމަކާ ދިމާލަށް ހެޔޮ ފާހަގަޖަހާނެ!! އައްޑު އަތޮޅުގެ ގަން އެއަރ ޕޯޓާއި ސީޕްލޭން ހަބާއި މަގުތަކާއި ނަރުދަމާތަށް މުޅިން ނިންމާ ވަޒީފާގެ ފުރުސަތުތަށް އިތުރަށް އެއަތޮޅުގެ ރައްޔިތުންނަށް ތަނަވަސްކޮށް ދެވިއްޖެނަމަ ހަމަ މިއީ ޝައްކެތް އޮތްކަމެއްނޫން!! 2018 ރައިސް ޔާމީން ކާމިޔާބު ކުރައްވާނެ!!
ޙައް
19 September 2016
ލަންކާ އަށް ދެވުނީމަ ނިމުނީ ދޯ. މިއީ ދިވެހިންގެ ވިސްނުން ހުންނަ ގޮތް.