އަންހެނުންގެ ހައްގުތައް ހިމާޔަތް ކުރަން ގޮވާލާ ކުރިިއަށް ގެންދިޔަ ހަރަކާތެއް: އަނބިމީހާގެ ގައިގައި ޖެހި މީހަކު ކުށްވެރިވެ، ވަނީ ޖޫރިމަނާކޮށްފައި
20 ސެޕްޓެމްބަރ 2016 - 11:49
8 comments
ދެމަފިރިއެއްގެ ދެމެދު ހިނގި ހަމަނުޖެހުމެއްގައި އަނބިމީހާގެ ގައިގައި ޖެހި ފިިރިއަކު ކުށްވެރިވާ ކަމަށް ނިންމައި، އެ މީހާ 200ރ. އިން ޖޫރިމަނާކޮށް ކްރިމިނަލް ކޯޓުން ހުކުމްކޮށްފި އެވެ.
އެ ހުކުމް އޭނާއަށް އައީ މާޗް، 2013 ގައި އޭނާގެ އަނބިމީހާއާ ދެމެދު ހިނގި ހަމަނުޖެހުމެއްގައި އަނބިމީހާގެ ގައިގައި ޖެހި މައްސަލައެއްގަ އެވެ.
ކޯޓުގެ ހުކުމުގައިވަނީ ދައުލަތުގެ ހެކިންގެ ބަހުން، އޭނާ އެ ކުށް ކުރިކަން ސާބިތުވާތީ އޭރު އަމަލު ކުރަމުންދިޔަ ގާނޫނުލް އުގޫބާތުގެ 126 ވަނަ މާއްދާގެ ދަށުން، މާރާމާރީ ހިންގުމުގެ ކުށުން އޭނާ ކުށްވެރިވާ ކަމަށެވެ. އެހެންވެ އަދަބެއްގެ ގޮތުން އޭނާ 200ރ. އިން ޖޫރިމަނާކޮށް، އެ ފައިސާ ހަތް ދުވަސް ތެރޭގައި ކޯޓަށް ދައްކަން ވަނީ އަމުރުކޮށްފަ އެވެ.
ކުރީގެ ގާނޫނުލް އުގޫބާތުގައި މާރާމާރީ ހިންގުމުގެ ކުށަށް އޮންނަނީ ގިނަވެގެން 200ރ. އިން ޖޫރިމަނާ ކުރުން ނުވަތަ ހަ މަހަށް ވުރެ ދިގު ނޫން މުއްދަތަކަށް ޖަލަށްލުން، އަރުވާލުން ނުވަތަ ގޭގައި ބަންދުކުރުމެވެ. މިދިޔަ އަހަރުން ފެށިގެެން އަމަލުކުރަމުން ފަށާފައިވާ ގާނޫނުލް އުގޫބާތުގެ ދަށުން މިފަދަ ކުށްތަކުގެ އަދަބު ބޮޑުވެދާނެ އެވެ. ނަމަވެސް ގާނޫނުއަސާސީ ބުނާގޮތުން އަދަބު ކަނޑައެޅުމުގައި އެ މީހަކު ކުށެއް ކުރިއިރު އެކަމަށް ގާނޫނުގައި އޮތް އަދަބަށް ވުރެ ބޮޑު އަދަބެއް ދީގެން ނުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަމެން
21 September 2016
އަންހެނުންނަށް އަނިޔާ ކުރަން ތަޅާހަދާމީހުންނަށް ދޭންވީ އަދަބަކީ 5000 ރުފިޔާ އަށް ވުރެ ކުޑަނޫން ޖޫރިމަނާއެއްކޮށް ހަފްތާއެއް ވަންދެން ކޮންމެ ދުވަހަކު މަގުމަތި ކުނިކަހަން މުނިސިޕަލްޓީ ގެ މަސައްކަތުފޮނުވަންވީ..
ޙަސަން
20 September 2016
އަނބިމީހާ ފިރިމީހާއަށް ނުކިޔަމަންތެރި ވެއްޖެނަމަ، ނުވަތަ އަނބިމީހާ ވިޔާނުދާ ކަމެއް ކޮށްފިނަމަ އިޞްލާޙުކުރުމުގެ ގޮތުން އަނބިމީހާގެ ގައިގައި އަނިޔާނުވާވަރަށް ޖެހުމުގެ ހުއްދަ ފިރިމީހާއަށް އިސްލާމްދީނުގައި ލިބިދީފައިވޭ. މި ރާއްޖޭގައި މިހާރު މައްސަލައަކަށް ވެގެން އުޅޭ ކަމަކީ އިސްލާމް ދީނުގެ ޙުކުމްތައް ޤަބޫލު ނުކުރާ މީހުން ގިނަވުން.
އަހަރެން
20 September 2016
ރަނގަޅު ވާހަކައެއް. އެކަމަކު ފިރިމީހާ ރުޅި އަންނަ ކޮންމެ ފަހަރަކު އަތް އިސްކުރާ ކިތައް ފިރިން އުޅޭބާ؟؟ ހަމަގައިމުވެސް އަހަރެންގެ ފިރިމާހާ އަކީ އެއިގެން އެކަކު.
ޝިފާގު
20 September 2016
ޚަބަރުގައި ދައްކާފައިވަނީ 200 ރ. ގެ ޖުރިމަނާއަކީ ދެވެންއޮތް އެންމެބޮޑު އަދަދުހެން ހީވާގޮތަށެވެ. ހަގީގަތަކީ އެއީ ކުރެވެން އެންމެބޮޑު ޖުރިމައިނާއެވެ. މިހުކުމުން ވެސް ދައްކައިދެނީ ފަނޑިޔާރުގޭގައި އަންހެނުންގެ ކަރާމާތް އޮތް ހިސާބެވެ. ކޮންމެހެން އެއީ ގޯހެކޭ ދަންނަވަނީކީ ނޫނެވެ. އޮތް ހިސާބު އެބަފެންނަ ވާހަކަ ބުނެލީއެވެ.
ޒޯހާން
20 September 2016
އަނބީމީހާ ގައިޖެހުމުން 200ރ؟؟؟؟ ޕޮލިހަކު ގައިގަ ޖެހުމުން އެތައް އަހަރެއް؟؟؟ އެ އަންހެން މީހާގައިގަ ކަށިމައްޗާއި ހެލްމެޓު އަޅާފަ ނެތީމަތަ އެހާދައްކޮށްލީ؟؟؟؟ މިވަރުގެ އިންސާފްވެރިކަމެއް ދުނިޔެމަތިން ލިބޭނެތަ؟؟؟؟
އަމީން
20 September 2016
ދަރިންގެ ގައިގަ މައިން ޖެހީމާ ކިހާވަރެއް ލިބެނީ! މީ ދިވެހި ރާއްޖޭގައި ކުރަމުންދާ ވިޔާނުދާ އަމަލެއް
މުގާބޭ
20 September 2016
އަންހެނުން ނަށައިގެން ހާދަ ބާރުވެރިވެއްޖޭ މިގައުމުގާ.
ގޫބްސް
21 September 2016
އަމައްޔާއި.