ސުޕްރީމް ކޯޓު: ކުޑަކުދިންގެ ކައިވެނީގެ އިތުރުން ގާޒީގެ ވަލީއަށް ކައިވެނި ކޮށްދެވޭނީ ވެސް މިހާރު ސުޕްރީމް ކޯޓުން ހުއްދަ ދިނުމުން --ފޮޓޯ/މިހާރު
20 ސެޕްޓެމްބަރ 2016 - 16:30
21 comments
ސުޕްރީމް ކޯޓުގެ ހުއްދަ ހޯދައިގެން ނޫނީ ކުޑަކުދިންގެ ކައިވެނިކޮށް ނުދެވޭ ގޮތަށް އާއިލާއާބެހޭ ގަވާއިދަށް ސުޕްރީމް ކޯޓުން މިއަދު އިސްލާހު ގެނެސްފި އެވެ. މީގެ އިތުރުން ކައިވެނިކޮށް ދޭން ގާޒީއަށް ވަލީ ދެވޭނީ ވެސް ސުޕްރީމް ކޯޓުގެ ހުއްދަ ހޯދައިގެން ކަމަށް ގަވާއިދަށް ވަނީ އިސްލާހު ގެނެސްފަ އެވެ.
އާއިލާއާ ބެހޭ ގަވާއިދުގައި ކުރިން އޮންނަ ގޮތުން ކުޑަކުއްޖެއްގެ ކައިވެނި ކޮށްދޭން މާލޭގައި ހުންނަ ފެމިލީ ކޯޓަށް ފެނިއްޖެ ނަމަ އިތުރު ހުއްދައެއް ނެތި އެ ކޯޓަށް އެ ކައިވެނިކޮށް ދެވިދާނެ އެވެ. އަދި ޖެންޑާ މިނިސްޓްރީގެ ބަހެއް އެކަމުގައި ހޯދަންޖެހޭނެ ކަމަށް އޭރު އެ ގަވާއިދުގައިވެ އެވެ.
ސުޕްރީމް ކޯޓުން ގަވައިދަށް މި ގެނައި އިސްލާހު ބުނާގޮތުން ކުޑަކުއްޖެއްގެ ކައިވެނި ކޮށް ދެވޭނީ ފެމިލީ ކޯޓުން އެކަން ސުޕްރީމް ކޯޓަށް ހުށަހަޅައި، އެކަމުގެ ހުއްދަ ހޯދައިގެންނެވެ. އަދި އެގޮތަށް ހުށަހަޅާއިރު ޖެންޑާ މިނިސްޓްރީން ތައްޔާރުކުރާ އެސެސްމަންޓް ރިޕޯޓް ވެސް ހުށަހަޅަންޖެހޭނެ ކަމަށް އިސްލާހުގައިވެ އެވެ.
ގާޒީގެ ވަލީއަށް ކައިވެނިކޮށް ދިނުމާ ގުޅޭގޮތުން ގަވާއިދުގައި އޮންނަ ބަޔަށް ގެނައި އިސްލާހު ބުނާގޮތުން ފެމިލީ ކޯޓަށް އަދި ރަށު ކޯޓުތަކަށް ހުށަހެޅޭ ކައިވެނިތަކުގެ ތެރެއިން ގާޒީ ވަލީ ދީގެން ކައިވެނިކޮށްދޭން ޖެހޭ ކަމަށް އެ ކޯޓަކަށް ފެންނަ ހާލަތުގައި އެކަން ކުރެވޭނީ ސުޕްރީމް ކޯޓުގެ ފަނޑިޔާރުންގެ މަޖިލީހުގެ ލަފާގެ މަތިން އުއްތަމަ ފަނޑިޔާރު ހުއްދަ ދިނުމުންނެވެ.
ގަވާއިދުގައި ކުރިން އޮންނަ ގޮތުން ފެމިލީ ކޯޓުން އަދި ރަށު ކޯޓުތަކުން ވެސް ގާޒީ ވަލީ ދީގެން ކައިވެނިކޮށް ދެވޭނީ މާލޭގައި ހުންނަ ފެމިލީ ކޯޓުގެ އިސްގާޒީ ނުވަތަ އެ ކޯޓުގައި އެވަގުތަކު ހުރި އެންމެ އިސް ބޭފުޅެއްގެ ހުއްދަ ލިބިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރީދު
21 September 2016
ކައިވެނީގެ ތެރެއަށް ސަރުކާރުތައް ވަނުމުގެ ސަގާފަތް އުފެދުނީ ހުޅަނގުން. ޒަމާނުއްސުރެން ކައިވެނީގެ ގޮތުގަ މީހުން ދެކެމުން އައި ގޮތް ބަދަލުކުރުމަށްޓަކައި ސަރުކާރުތައް ވަންނަން ފެށީ. އެއްޖިންސުގެ ކައިވެނި އުފެދުނީވެސް މިގޮތަށް. ބައެއް ގައުމުތަކުގަ ކައިވެނީ ކުރީމަ ދައްކަން ޖެހޭ ޓެކްސްވެސް މަދުވޭ. ކުރީގަ ކައިވެނީގެ ތެރޭގަ ނާއިންސާފެއް ހިނގިޔަސް އެކަން ހައްލުކުރަނީ އާއިލާތެރެއިން އެކަކު އަނެކަކުގެ އަގު ހިފައްޓައިގެން. އެކަމަކު މިހާރު ކޯޓަށް ގޮސް މީހާ ޖުރިމާނާ ކުރިވާފަ މުޅި ގައުމުގަ ފަސީހަތް ކުރުން ހިމެނޭ. ތިމާ އިނދެގެން އުޅޭ މީހާ ލަދުގަންނަވާފަ ހަމަ އޭނަޔާއެއްކޮށް އުޅެވެނީ ކިހިނެއްބާ؟
އަލީ
21 September 2016
ސުޕްރީމްކޯޓުގެ ހުއްދަ އޮވެގެންވެސް ކުޑަކުދިންނާއި ކައިވެނިކުރެވިގެން ނުވާނެ! މީހަކު އަޅެ ހައިރާނެއް ނުވާނެ!
ދޮންދީނި
21 September 2016
އެއްކަލަ ސޕރމ ކޓ ދޯ! މިއީ ވަރަށް މަތީގައި ތިބޭ ބައެއް....
ވަކީލު
20 September 2016
ޤާނޫނު ނަންބަރު 4/2000 (އާއިލާއާބެހޭ ޤާނޫނު) އަށް 1 ވަނަ އިޞްލާޙު ގެނައުމުގެ ޤާނޫނު (11/2013) ގެ 72 ވަނަ މާއްދާ އާއި 73 ވަނަ މާއްދާ އާ ޚިލާފަށް ހަދާފައިވާ ގަވާއިދުގެ އިސްލާހެއް
ކައިވެނި
20 September 2016
ކައިވެނި ކުރަން އުޅޭ ދެމީހުންނަށް ކައިވެނީގެ މަގްސަދު އެނގޭތޯ ބެލީއްޔާ މާރަގަޅެއްނު. ހޯމޯންސްތައް ކޮންޓްރޯލުން ނެއްޓުނީމަ އެކަމުގެ ހައްލަކީ ކައިވެންނެއް ނޫން. ހޯމޯންސްތައް ކޮންޓްރޯލް ނުވެގެން އުޅޭ މީހަކަށް ކައިވެނިކޮށްގެން އޭނަގެ ނަފްސު ކޮންޓްރޯލެއް ނުކުރެވޭނެ. ކައިވެނި ލަސްކުރާ ވާހަކައެއް ނޫން މި ދައްކަނީ. ދިރިއުޅުމުގެ މަގްސަދު ރަގަޅަށް ކަނޑައެޅުމަށްފަހު އޭގެ ތެރެއިން ކައިވެނި ކުރަން ނިންމަންވީ.
ޙަސަންދީ
20 September 2016
ވަލީ ވެރިޔަކައް މިވީ ސްޕްރީމްކޯޓްތޯ؟
ވިސްނޭމޫސާ
20 September 2016
ހަޤީޤީ ލޯބި ފެންނާނީ ހަމަ ކައިވެނިކުރުމަށްފަހު.......ކައިވެނި ކުރަންއުޅެ ނުކުރެވިގެން އުޅޭ ކުދިންނަށް ބުނެލަން
އެމްސް
20 September 2016
ސްޕްރީމް ކޯޓު، އިސްލާމް ދީން، އިސްވާންވީ ދީނެއް ނޫން ބާ!
ހައިރާން
20 September 2016
ބަލަ "ކުޑަ ކުދިން" ކައިވެނި ކޮއްދެވޭތަ؟ މީ 21 ވަނަ ގަރުނު. އިސްލާމީ ޒަމާނީ ޑިމޮކްރަސީ ބޭނުންވެގެން އުޅޭ ގައުމެއް ކަމަށް ވިއްޔާ ކުޑަ ކުދިން ކައިވެނި ކޮށެއް ނުދޭނެ! ޚަލާސް. ނިމުނީ. ސުޕްރީމް ކޯޓަކަށް ވެސް އެކަމެއް ނުކޮށްދެވޭނެ. މިކަމާ ބެހޭ ގޮތުން ޔުނައިޓަޑް އޮޕޮޒިޝަން ގެ ބަހަކީ ކޮބާ؟
ޔުނައިޓެޑް އޮޕޮޒިޝަން
20 September 2016
ކަލެއައް ބޮޑައް އެނގޭނީ.
ހަސީނާ
20 September 2016
ޝަރީޢަތުގައި ހުއްދަ ކަންތައްތައް ވީހާވެސް ދަތިކޮށްފައި ބޭއްވީމާ ޒުވާނުންގެ މެދުގައި ކައިވެނިން ބޭރު ގުޅުންތަކާއި ފާޑުފާޑުގެ ބަލިތަކާއި މިހާރުވެސް މިއުޅެނީ އަތްނުފޯރާ ފަށުގައި.