ވިޔަފާރި / މަޑި އެރުވުން

އިންޓަނޭޝަނަލް ކައިޓް ފެސްޓިވަލް މި އަހަރު ވެސް ރާއްޖޭގައި

އިންގްލޭންޑުގައި ބޭއްވި ކައިޓް ފެސްޓިވަލެއްގެ ތެރެއިން-- ފޮޓޯ: އޭއެފްޕީ

އިދުހާމް ނައީމް، މިހާރު

13 ސެޕްޓެމްބަރ 2019 - 20:32

3 comments

އިންޓަނޭޝަނަލް ކައިޓް ފެސްޓިވަލް މި އަހަރު ވެސް ރާއްޖޭގައި ބޭއްވުމަށް ކޮކޫން މޯލްޑިވްސް އިން ނިންމައިފި އެވެ.

އެމްއެމްޕީއަރުސީއާ ގުޅިގެން ކޮކޫން މޯލްޑިވްސް އިން މި ހަރަކާތް ބައްވާ މިއީ ދެވަނަ އަހަރެވެ. މިއީ ދުނިޔޭގެ މަޝްހޫރު ގުޑި އަރުވާ މީހުން ބައިވެރިވާ ފެސްޓިވަލެކެވެ. އެގޮތުން މި އަހަރުގެ ފެސްޓިވަލްގައި ގުޑި އެރުވުމުގެ ދުނިޔޭގެ ޗެމްޕިއަނުން ކަމަށްވާ އެޑީ އެންޖެލީނޯ އާއި ގިލިއާމް ލިނަރެސް ޕަލައު އާއި ޑެނިއެލް ވައި ޔޫ ބައިވެރިވާނެ އެވެ.

ކޮކޫން މޯލްޑިވްސް އިން ބުނީ މި އަހަރުގެ ފެސްޓިވަލް ރާއްޖޭގެ އެކި ކަންކޮޅުތަކުގައި ކުރިއަށް ގެންދިއުމަށް ހަމަޖެހިފައިވާ ކަމަށެވެ. އެގޮތުން މި ފެސްޓިވަލް ފަށަން ހަމަޖެހިފައި ވަނީ މި މަހުގެ 28 ގައި މާލޭގެ އެކުވެނި ސްޓޭޑިއަމުގައި ކަމަށް އެ ރިސޯޓުން ބުންޏެވެ.

ދެވަނަ އިވެންތޫ ބޭއްވުމަށް ހަމަޖެހިފައިވަނީ ޅ. ހިންނަވަރުގަ އެވެ. މި އިވެންޓު ބޭއްވުމަށް ހަމަޖެހިފައިވަނީ އަންނަ މަހުގެ ހަތަރު ވަނަ ދުވަހު އެވެ. މިއީ ގުޑި އަރުވަން ބޭނުންވާ ފަރާތްތަކަށް ލިބިގެންދާނެ ބޮޑު ފުރުސަތެއް ކަމަށް ކޮކޫން މޯލްޑިވްސް އިން ބުންޏެވެ. އެގޮތުން މި ފެސްޓިވަލަށް ޒިޔާރަތް ކުރާ ފަރާތްތަކަށް ހާއްސަ ހަދިޔާ ލިބޭނެ ކަމަށް އެ ރިސޯޓުން މައުލޫމާތު ދެއެވެ.

މި މަހުގެ 28 އިން ފެށިގެން 3 އޮކްޓޯބަރުގެ ނިޔަލަށް ކޮކޫން މޯލްޑިވްސްގައި ވެސް މި ފެސްޓިވަލްގެ ތަފާތު ހަރަކާތްތައް ކުރިއަށްދާނެ އެވެ.

ޓޫރިޒަމް މަޑި އެރުވުން އެމްއެމްޕީއާރުސީ ކޮކޫން މޯލްޑިވްސް

3 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބައޯކަލޯ

15 September 2019

ކުޅިވަރުއެކުވެނިގައި ބައެއް ކަހަލަ ގުޑިތަކެއް ނާރާނެ......ސަބަބަކީ ވައިނުޖެހެނީތީވެ.....އުސްފަސްގަނޑު ކަހަލަ ތަންތަނަށް ރަނގަޅަށް ވައިޖެހޭނެ.....އެކަމަކު ސްޓެލްކޯގއ ދުންހޮޅިއާއި ދިމާލަށް ވައިމިސްރާބު އޮތުމަކީ ރަނގަޅުކަމެއް ނޫން...