ދިވެހި ބަހުގެ އެކެޑެމީގެ ރައީސް (ވ4) އާއި ނައިބް ރައީސް (ކ4) ކްރޮސް ރޯޑްގެ ބައެއް އިސް ބޭފުޅޫންނާއެކު-- ފޮޓޯ: މިހާރު
17 ސެޕްޓެމްބަރ 2019 - 17:20
16 comments
އެނބޫދޫ ފަޅުގައި ތަރައްގީ ކުރާ ރިސޯޓުތަކަށް ދާ ޓޫރިސްޓުންނަށް ދިވެހި ބަހުގެ އެކެޑެމީ އާއި ކްރޮސް ރޯޑްސް ގުޅިގެން ދިވެހި ބަސް ކިޔަވައިދޭން އެއްބަސްވެއްޖެ އެވެ.
މި އެއްބަސްވުމުގެ ދަށުން ދިވެހި ބަހުގެ އިތުރުން ރާއްޖޭގެ ތާރީހާއި ސަގާފަތާ ގުޅޭ މައުލޫމާތު ވެސް ޓޫރިސްޓުންނަށް ދިނުމަށް ވަނީ ހަމަޖެހިފަ އެވެ.
ދިވެހި ބަހުގެ އެކެޑެމީގެ ރައީސް އަޝްރަފް އަލީ ވިދާޅުވީ ކްރޮސްރޯޑްސް އާ އެކު އެ އެކެޑަމީން ސޮއި ކުރުމަށް ހަމަޖެހިފައިވާ ފަހުމްނާމާގެ ދަށުން ކްރޮސް ރޯޑްސްގައި މަސައްކަތް ކުރާ މުވައްޒަފުންނަށާއި ދިވެހި ބަސް އުނގެނެން ބޭނުންވާ ޓޫރިސްޓުންނަށް އެ ފުރުސަތު ލިބިގެންދާނެ ކަމަށެވެ. މި އެއްބަސްވުމުގެ ސަބަބުން ކްރޮސްރޯޑްސްގައި ގާއިމްކޮށްފައިވާ ކަލްޗަރަލް ސެންޓަރުން ދޭ މައުލޫމާތަކީ ސައްހަ މައުލޫމާތަށް ވެގެންދާނެ ކަމަށް ވެސް އޭނާ ވިދާޅުވި އެވެ.
"މިތާ ހުރި ކަލްޗު'ަރަލް ސެންޓަރު މުސްތަގުބަލުގައި ދިވެހިރާއްޖޭގެ މީހުންނަށް އާންމުކޮށް ތަފާތު ކަންތައްތައް ކުރިއަށް ގެންދާނެ. އެތާނގައި އެބަހުރި ވާހަކަތައް ކިޔައިދީފަ، ރެކޯޑް ކުރެވިފައި، ވިީޑިއޯ ކުރެވިފައި. އޭގަ އެބަހުރި ދިވެހި ބަހުންނާއި އިނގިރޭސި ބަހުން ވެސް. އެހެންވީމާ އެ ހުށަހެޅުންތައް އަޅުގަނޑުމެން މިދަނީ ސައްހަކޮށް ރީތިކޮށް ދިވެހިބަހުގެ ހަމަތަކަށް ފައްތަމުން." އަޝްރަފު ވިދާޅުވި އެވެ.
ދިވެހި ބަހުގެ އެކެޑެމީ އާއި ކްރޮސް ރޯޑްސްއާ ދެމެދު ފަހުނާމާގައި ސޮއި ކުރުމުން ރަސްމީކޮށް މި މަސައްކަތްތައް ފެށިގެންދާނެ ކަމަށް ވެސް އަޝްރަފް ވިދާޅުވި އެވެ.
ކްރޮސް ރޯޑްސްއިން ވަނީ ދިވެހިރާއްޖޭގެ ސަގާފަތާއި ތާރީހު އެނގޭނެހެން ކަލްޗަރަލް ސެންޓަރެއް ގާއިމްކޮށްފަ އެވެ. އެ ސެންޓަރުން ދިވެހިން އިހުގައި ކޮށްއުޅުނު ބައެއް ކަންތައްތަކާއި ކުޅިވަރުތަކާ ގުޅޭ މައުލޫމާތު ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެގުނުކަތީބު
18 September 2019
ދިވެހި ދަރިންނަށް ދިވެހިބަސް ކިޔަވައި ނުދެވިގެން އެ ކުދިންނަށް ދިވެހި ބަހުން ވާހަކަ ދައްކަން ނޭންގިގެން އުޅޭއިރު މިޖަހަނީ ދެން ކޮން ސަކަރާތެއް! މިވެސް ޖައްސާ ސްޓަންޓެއް. އެމީހުންނަށް މިހާރު ނޭންގިއޮތީ ހަމައެކަނި ދިވެހިބަސްތާ؟
ދިވެހިކުއްޖެއް
18 September 2019
ކަލްޗަރަލް ސެންޓަރު ގައި ޓޫރިސްޓުންނަށް. ސަޤާފީ މަރުކަޒުގައި ފަތުރުވެރިންނަށް. މި ދެގޮތުންކުރެ އެންމެ ދިވެހިވަންތަ ގޮތަކީ ކޮބާ؟
ރީނދޫ
18 September 2019
ބަތްކައްކާ ކުޅެންވީއެއްނު
އައްލާ
18 September 2019
މުޅިންވެސް ބަލަނީ ރައްޔަތުން އަޅުވެތިކުރެވޭތޯ ރައްޔަތުން ގުދާރު ބިންދާލައިގެން ހޯދާ ރުފިޔާކޮޅު ދަމާ ގަނެވޭނެ ގޮތެއް ހޯދޭތޯ މިހާރުވެސް ޙަބަރުތަކުން އެއިވެނީ އިޓަލީގައި ގޯތިގެދޮރު ހިލޭ ދޭވާހަކަ މިގައުމަކީވެސް 1978 އަހަރާހަމަޔަށް ހިލޭ އުޅެމުން އައި ބަޔެއް މިކަން ފެއްޓީ އެދިގުރާސްތާ 30 އަހަރުގެ އަނިޔާވެރިކަމުގައި ރައްޔަތުން އަޅުވެތިކުރަން ފެއްޓި ސަގާފަތެއް މިހާރު ކޮންމެ ސަރުކާރަކުންވެސް ދަމަހައްޓާ އިތުރަށް އަޅުވެތި ކުރެވޭތޯ މިބަލަނީ ވެދުން
ގެއްލުން
18 September 2019
ތިއަޝްރަފަކީ ކަމަކަށްވާ ކަމެއް ކުރެވޭ މީހެއްނޫން. ތިކަހަލަ ކަމަކަށްނުވާކަމެއް ކުރާނީ. ބޭރުން އަންނަ މީހުން އެންމެ ދަސްކުރާ ހިތްވާނީ ދިވެހި ވިއްޔަ. އަނެއްކާތިއަޝްރަފަކަށް ފަތްލިޔެދީފައި އޮންނަކަމެއްތަ ތިރައީސް ކަމަކީ. ކޮންއިރަކުތަ ތިތަނުން ބޭރުވަނީ.
އެދުރުގެ ކާފަ
18 September 2019
މިމީހުން އެހެން ބަހެއް ދަސްކުރަންއުޅުމަށް ވުރެ އެވެރިން ދަސްކުރާލެއް އަވަސްވާނެ.، އެހެންނޫނަސް އާހިރުގަ އެމީހުނަށް އެދަސްވާއެއްޗެއް ދަސްވާނީވެސް. އެކަޑަމީހަމަ ....
މާގުރެޓު
17 September 2019
މިވެސް ދޭތެރެއަކުން ހޮހޮޅައިން ބޯދިއްކޮށްލާ ބައެއް. މަޖީދީމަގު އެއްކޮޅުން އަނެއްކޮޅަށް ހިނގާފަ ބުނެދީބަލަ ނަންބޯޑުގަ ދިވެހިބަހެއް ފެންނަންއިނީ ކިތައް ފިހާރައިގަތޯ. އެކަމަކު ދިވެހިބަހަށް އިސްކަންދޭ ގާނޫނެއްވެސް އެބައޮވޭ، އޭގައި ކަނޑައެޅިގެން ނަންބޯޑު ހުންނަންޖެހޭގޮތްވެސް އެބައޮވޭ. ބަލަނީ ކާކުތޯ.
ސަންފާ
17 September 2019
ދިވެހިން، ދިވެހި ބަހުން ވާހަަކަ ނުދައްކިގެން މިއުޅެނީ. އަންތަރީސް ވެދާނެ.
ރަދީފު ބިން ރަފައިދާ
17 September 2019
ތިތަނަށް އަންނަ ޓުއަރިސްޓުން ލައްވާ ބަށިވެސް ކުޅުވަންޖެހޭނެ.
ސިރިސޭނަ
17 September 2019
ރާއްޖެ އަންނަ ކޮންމެ ޓުއަރިސްޓް އަކަށް ދިވެހިބަހުގެ ބޭސިކް ކޯހެއް ފުރިހަމަ ކުރަންޖެހޭ ގޮތައް ޤާނޫނައް އިސްލާހެއް ގެންނަން ފެނޭ