ކޮންސްޓްރަކްޝަން މަސައްކަތް ކުރާ ސައިޓެއް-- ފޮޓޯ: ނިޝާން އަލީ/ މިހާރު
24 ސެޕްޓެމްބަރ 2019 - 15:15
81 comments
މި އަހަރުގެ ފުރަތަމަ ކުއާޓާގައި ރާއްޖޭގެ އިގްތިސާދީ ދުވެލި ކުރިއަރާފައި ވަނީ 3.1 ޕަސެންޓަށް ކަމަށް މޯލްޑިވްސް މޮނިޓަރީ އޮތޯރިޓީ (އެމްއެމްއޭ)ގެ ރިޕޯޓެއްގައި ބުނެފި އެވެ.
އެމްއެމްއޭގެ ކުއާޓާލީ ބުލެޓިންގައިވާ ގޮތުން މިއީ މިދިޔަ އަހަރުގެ އެ މުއްދަތާ އަޅާބަލާއިރު ވަރަށް ބޮޑު ދަށްވުމެކެވެ.
މިދިޔަ އަހަރުގެ ފުރަތަމަ ކުއާޓާގައި ރާއްޖޭގެ އިގްތިސާދީ ދުވެލި ހުރީ 4.7 ޕަސެންޓުގަ އެވެ. މި އަހަރުގެ ފުރަތަމަ ކުއާޓާގައި ރާއްޖޭގެ އިގްތިސާދު ތިން ޕަސެންޓަށް ކުރިއަށް ދިޔަ ނަމަވެސް މި އަހަރު ނިމޭ އިރު ރާއްޖޭގެ އިގްތިސާދު ކުރި އަރާނެ ކަމަށް ލަފާ ކުރަނީ 5.4 ޕަސެންޓަށެވެ. މިދިޔަ އަހަރު އިގްތިސާދު ކުރިއަރާފައި ވަނީ 7.5 ޕަސެންޓަށެވެ.
ފުރަތަމަ ހަ މަހުގެ އިގްތިސާދީ ކުރިއެރުން ދަށްވެފައިވާ އިރު ގިނަ ވިޔަފާރިތަކަކުން ވެސް އަންނަނީ އެކަން ފެންނަމުންނެވެ. އެގޮތުން ކޮންސްޓްރަކްޝަން ދާއިރާގެ ކުރިއެރުން މި އަހަރު ވަނީ ވަރަށް ބޮޑަށް ދަށަށް ގޮސްފަ އެވެ. މީގެ އިތުރުން ހޯލް ސޭލް އަދި ރީޓެއިލް ވިޔަފާރިތައް ދަށަށް ގޮސްފައިވެ އެވެ.
ކުރީގެ ފިނޭންސް މިނިސްޓަރު އަދި އިގްތިސާދީ ތަޖުރިބާކާރު އަހުމަދު މުނައްވަރު ވިދާޅުވީ، އިގްތިސާދީ ދުވެލި ދައްވުމުން ދޭހަވަނީ އިގްތިސާދީ ހަރަކާތްތައް ހިނގި މިންވަރު މަދުވުން ކަމަށެވެ. މި އަހަރުގެ ފުރަތަމަ ކުއާޓާގައި އިގްތިސާދީ ދުވެލި ދަށްވުމަކީ އިގްތިސާދީ ގޮތުން ބަލާ އިރު މާބޮޑު މައްސަލައެއް ނޫން ކަމަށާއި ކަންބޮޑުވާން ޖެހޭ ކަމަށް މިކަން ވާނީ މިކަން ތަކުރާރުވާ ނަމަ ކަމަށެވެ.
"އަނެއްހެން ގްރޯތު ރޭޓް ނެގެޓިވްވީއެއް ނޫން. އެބަ ކުރިއަށްދޭ. އެހެންވީމަ، ކުއާޓާލީކޮށް އަންނަ މިފަދަ ބަދަލުތަކަކީ މާބޮޑު ކޮންސާނެއް ނޫން،" އޭނާ ވިދާޅުވި އެވެ.
ރާއްޖޭގެ އިގްތިސާދު ކުރިއަރާ ދުވެލި ދައްވުމުގެ ސަބަބެއް ކަމަށް ބެލެނީ މިދިޔަ ފަސް އަހަރުގެ ތެރޭގައި ކޮންސްޓްރަކްޝަން ދާއިރާ އަށް އާއި ބޮޑު ކުރިއެރުން މަޑު ޖެހިލުމުން ކަމަށް އޭނާ ވިދާޅުވި އެވެ. މުނައްވަރު ވިދާޅުވީ، ފަސް އަހަރުގެ ތެރޭގައި ހިންގި ބޮޑެތި ގިނަ މަޝްރޫއުތައް މިހާރު ނިމިފައިވާ އިރު އިތުރު ބޮޑު މަޝްރޫއުތައް ކުރިއަށް ނުދާތީ އޭގެ އަސަރު ފެންނާނެ ކަމަށެވެ. އެހެން ނަމަވެސް ރާއްޖޭގެ އިގްތިސާދަށް ބަލާ އިރު އެންމެ ބޮޑު ހިއްސާއެއް ކުރާ ޓޫރިޒަމް ދާއިރާ ކުރިއެރަމުން ދިޔުމަކީ ރަނގަޅު ބަދަލެއްގެ ގޮތުގައި އޭނާ ސިފަކުރެއްވި އެވެ.
މި އަހަރު ނިމޭއިރު ޓޫރިޒަމް ދާއިރާ 18 ޕަސެންޓަށް ކުރިއަރާނެ ކަމަށް ލަފާކޮށްފައިވެ އެވެ.
ރާއްޖޭގެ އުފެއްދުންތެރިކަމުގެ ނިސްބަތުން ޓޫރިޒަމް ދާއިރާގެ ހިއްސާ 27.9 ޕަސެންޓުގައި ހުރި އިރު ދަތުރުފަތުރާއި މުއާސަލާތީ ހިދުމަތްތައް ހިއްސާކުރަނީ 13 ޕަސެންޓުގަ އެވެ. ހޯލްސޭލް އަދި ރީޓެއިލް ވިޔަފާރީގެ ދާއިރާގެ ހިއްސާ އަށް ޕަސެންޓުގައި ހުރި އިރު ކޮންސްޓްރަކްޝަން ދާއިރާގެ ހިއްސާ އަކީ ހަ ޕަސެންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
25 September 2019
އިގްތިސާދީ ދާއިރާއިން ކުރިއެރުން ނުލިބުނުކަން މިއޮތީ ސާފުކޮށް ފެންނަން. ދެން ކޮންމެވެސް ބަހަނާއެއް ދައްކައިގެން ވޭތުވެދިޔަ 5 އަހަރުގެ ވައްކަމޭ ލޯނޭ ކިޔައިގެން ތިބޭ. އިންސާފާއި ހަމަަހަމަކަމުން ކޮން ކުރިއެރުމެއް ލިބުނީ. ސަރުކާރާ މަޖްލީހާއި ޖުޑިޝަރީ އާއި ދިނީމަވެސް ވޭތުވެދިޔަ ސަރުކާރުތަކުގެ ކޮރަޕްޝަން ބެލި ފިޔަވަޅެއްނޭޅި 1 އަހަރު މިދަނީ، މިނިވަން މުއައްސަސާތަކުގެ ވެރިން ހަމަ އެގޮތުގަ.ވީމާ އިގްތިސާތީދާއިރާއިން 0 އިންސާފުން 0 އޯވަރއޯލްސަރުކާރު ފެއިލް
ނަސީދު
24 September 2019
ޜައީސް ޔާމިން ގެ ވާހަކަ ދެން ދެއްކުމުގެބޭނުމެއް ނެތް ހާލަތުބަދަލުކުރާނީވެސް ރައްއިތުން އެމަޅީގަބެދިގެން ސަލާމަތުގެ އައްސޭރިޔައްދާންވެސް ހަމަތިބޭނީ ރައްއިތުން
ކަނބިލި
24 September 2019
ޑިމޮކްރަސީ އޭ މިނިވަން ކަމޭ ކިޔަ އިގެން ވެރިކަމަށް އަ އި މީހުން ގަ އުމަށް ހަދަމުންދާ ގޮތް. ގަ އުމު އިންޑިޢާ އަށް ވި އްކާލަ އިގެން ދުވަހަކުވެސް ސަލާމަތް ނުވެވޭނެ ދަރަނި ބޮލުގަ އި އަޅަ އިގެން ސަޅިބަ އިސާ ކަނޑުމާ އި ރަޢްޔިތުންގެ ފަ އިސާ ޕާޓީ އެކްޓިވިސްޓުންނަށް ބެހުން ނޫން ކަމެ އް ނުކުރެވޭ
އާންމު
24 September 2019
ކޮމެންޓްތަކަށް ބަލާލީމާ އެގިގެންދަނީ ރައްޔިތުން މިސަރުކާރަށް ނުރައްސަން ކުރާ މަސައްކަތް. ބަލަންހުރޭ އިދިކޮޅު ޔާމީނު ވަގު...ކައުންސިލް އިންތިހާބު ވެސް ނަގާނީ އަހަރުމެން އެމްޑީޕީ. ހަމަ ހުންނަން ޖެހޭނީ. ލޮލް.
ހޯހޯ ނޯނޯ
24 September 2019
ނުވާނެ ތިކަމެއް މިފަހަރު ބޮޑުތަނުން ޔާމީނު ކާމިޔާބު ކުރާނެ އިންޝާﷲ. ބަލި ގަބޫލްކުރަން ރެޑިވެތިބޭ
ވަރަށް ސާފު
25 September 2019
މި ފަހަރު އެމްޑީޕީ އަކަށް ވޯޓެއްނެތް. ވަރަށް ސަލާމް.
ހޯހޯ އިނަފް
25 September 2019
އަހަރު ދުވަސް ވަނީ ގައުމަށް ފައިދާވާ ކަހަލަ އެއްކަމެއްވެސް ނެތް ފެށިފަ.....ޕާޓީ މީހުނާ ސަޕޯޓަރުންނަށް ބަދަލުގެ ގޮތުގައި އެތައް ސަތޭކަ މިލިޔަނެއް އެވެސް ކޯޓުން ބޭރުން......ކަމެއް ނުކުރެވޭތީ އަބަދު ޔާމީނޭ ކިޔައިގެން ކޮންމެވެސް ކޮހެއްގޮވުން...ނައު އިނަފް،އިނަފް
ހާމާނު
24 September 2019
ގައުމުގެ މުޅިމަތިފަޑިއައް އަލިފާނެއް ފެނެއްވަކިނުވާ ޕާޓީމީހުންލީމަ، ގައުމު ދަވާލަނީ. 2008 ގަ ބެލިފިލްމަކާ ވައްތަރީ، ދެންކުރިޔައްއޮތީ ކަންމަތީފިހާރަ ބަނގުރޫޓުވުމާ ސިވިލްސަރވަންޓުންގެ މުސާރައިން %12 ކެނޑުން، ދެންފުންމާލައިގެން ފިލީމަ ނިމުނީ. ް
ހައްގުބަސް
24 September 2019
ރާއްޖޭގެ ރިޒާވް ރައިސް ޔަމިންގެ ދައުރުގާ ދިޔައީ އިތުރުވަމުން. މިސަރުކާރު އައިފަހުން ދަނީ މަދުވަމުން.
މަންޑޭލާ
24 September 2019
ނަޝީދާ އޭނަގެ އަހުލުވެރިންނަކީ ރާއްޖެދެކެ ލޯބިނުވާ ބައެއް.
ޝޮކްތެރަޕީ
24 September 2019
ރައިސް ޔާމިންގެ ދައުރުގާ މުޅި ރާއްޖެ ދިޔައީ ކުރިޔަ. ރާއްޖޭގެ އިގްތިސޯދުވެސް ދިޔައީ ނުހަނު ބާރުމިނުގާ ކުރިޔަ. ބޭރުޤައުމުތަކުގެ ވެރިންވެސް ތައުރީފު ކުރި މީހަގީގަތަކީ. ބަޔަކު ގަބޫލުނުކުރިޔަސް ކުރިޔަސް މީ ހަގީގަތަކީ.
ޖޖޖޖ
24 September 2019
މިސަރުކާރު އިސްތިއުފާދީ. ވާނެ 6 އެތި ވަންދެން ރައްޔިތުން މަޑުންތިބެގެން ވާކަށް ނޯންނާނެ.
އަލިބެއްޔާ، އެކުވެރިސުވައިދީބް
24 September 2019
އަޑުގަދަކޮށް މުޒާހަރާކުރި މީހުން ވެރިކަމާ ހަވާލުވެގެން ގައުމު މިއޮތް އަރިއަޅާލައި އިގްތިސާދީ އަނދަވަޅަކަށް ވެއްޓި ނިމެނީ. ލޯނުވެސް ނަގައި ތަންތަން ހަދައި ތަރައްގީ ކުރެވޭނީ ފިސަހަރި ކެރޭ ވަރުގަދަ ލީޑަރަކަށް އެކަން މިދަނީ ފެނި ސާބިތު ވަމުންނެވެ. ޝުކުރިއްޔާ ރައީސް ޔާމީން