އެމްބިއުލާންސް ބިޑާ ގުޅޭގޮތުން ވާހަކަ ދައްކާނީ އޭސީސީން މައްސަލަ ބެލުމުން: ފިނޭންސް

ރާއްޖެއަށް 15 އެމްބިއުލާންސް ގެނައުން އަގުބޮޑުކޮށް ހުށަހެޅި ކުންފުންޏަށް ދިން މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ބަލަމުން ދަނިކޮށް ވަކި އެއްޗެއް ބުނަން ބޭނުން ނުވާ ކަމަށް ފިނޭންސް މިނިސްޓްރީން މިއަދު ބުނެފި އެވެ.

އެންމެ ކުރު މުއްދަތެއްގެ ތެރޭގައި އެމްބިއުލާންސް ގެނައުމުގެ އިތުރުން އެންމެ ހެޔޮ އަގެއް ހުށަހެޅީ ވެސް އޭޑީކޭ އިންނެވެ. އެ ކުންފުނިން ހުށަހެޅީ 59-89 ދުވަހާ ދޭތެރޭ އެމްބިއުލާންސްތައް ގެންނަން 7.9 މިލިއަން ރުފިޔާ އެވެ. ދެ ވަނަ އަށް އެންމެ ހެޔޮ އަގު ހުށަހެޅި އެމްއޯ ޓްރޭޑުގެ އަގަކީ 90 ދުވަހުގެ ތެރޭގައި ތަކެތި ގެނެސްދިނުމަށް 8.4 މިލިއަން ރުފިޔާ އެވެ.

ނަމަވެސް އެ ބިޑް ކާމިޔާބުވީ އިންޑިއާގެ މޯހަން މުތާ އަށެވެ. އެ ކުންފުނިން ހުށަހެޅީ 90 ދުވަހުގެ ތެރޭގައި ތަކެތި ހަވާލުކުރާ ގޮތަށް 8.7 މިލިއަން ރުފިޔާ އެވެ.

އެއީ ކޮރަޕްޝަން ކަމަށް ތުހުމަތުކޮށް މައްސަލަ އޭސީސީ އަށް ހުށަހެޅީ އޭޑީކޭ ޓްރޭޑް އެންޑް ޝިޕިންއިންނެވެ.

Ambulance gennan India kunfugnah dhinumun ACC ah

The most trusted news source in the Maldives

Mihaaru

އޭޑީކޭން މައްސަލަ އޭސީސީއަށް ހުށަހެޅުން--

އެމްބިއުލާންސް ގެނެސްދޭން އަގުހެޔޮކޮށް ކުންފުނިތަކަކުން ހުށަހަޅާފައި ވަނިކޮށް، ބޮޑު އަގު ހުޅަހެޅި ކުންފުންޏަށް ދިނީ ކީއްވެތޯ "މިހާރު" އިން ސުވާލުކުރުމުން ފިނޭންސް މިނިސްޓްރީގެ މީޑިއާ އެކްޒެކްޓިވް މުހައްމަދު ޝަނޫން ވިދާޅުވީ އެ މައްސަލަ އޭސީސީން ބަލަމުން ދަނިކޮށް ވަކި އެއްޗެއް ބުނަން ބޭނުންނުވާ ކަމަށެވެ.

"އޭސީސީން ބަލާ މައްސަލައެއްގައި އަޅުގަނޑުމެން އެއްޗެއް ބުނުމަކީ ރަނގަޅު ކަމަކަށް ނުވާނެ،" ޝަނޫން ވިދާޅުވި އެވެ.

އޭޑީކޭ ޓްރޭޑް އެންޑް ޝިޕިންގެ ޑެޕިއުޓީ މެނޭޖިން ޑިރެކްޓަރު މުހައްމަދު ޔާމީން ރޭ ވިދާޅުވީ ފިނޭންސް މިނިސްޓްރީން އެ ބީލަން އިންޑިއާގެ ކުންފުންޏަށް ދިނީ އިންސާފުން ނޫން ކަމަށެވެ.

އޭޑީކޭ އިން ބުނި ގޮތުގައި ބީލަން ކާމިޔާބު ނުވި ސަބަބެއް ކަމަށް މިނިސްޓްރީން ބުނީ މިނިމަމް ރިކުއާމަންޓަންސްގެ ތެރެއިން ފުރިހަމަ ނުވާ ބައެއް ކަންކަން ހުރުމެވެ. ނަމަވެސް އެ ކަންކަން ވެސް ހުންނާނީ ފުރިހަމަކޮށްފައި ކަމަށް އޭޑީކޭ އިން ބުންޏެވެ. އެގޮތުން އޮކްސިޖަން އައިޓަމާއި އެމްބިއުލާންސްގެ ބޮޑުމިން ފަދަ ކަންކަން މިނިސްޓްރީން އެދިފައިވާ ގޮތަށް ބީލަމުގައި ހިމަނާފައިވާ ކަމަށް އެ ކުންފުނިން ބުންޏެވެ.

އެމްބިއުލާންސް ގެންނަން ދީފައިވާ އެމްއެމް އެކްސްޕޯޓަކީ ސަރުކާރުގެ އެކި ޕްރޮޖެކްޓްތައް ނަގައިގެން ރާއްޖޭގައި ވިޔަފާރި ކުރާތާ އެތައް އަހަރެއް ވެފައިވާ އިންޑިއާ ކުންފުންޏެކެވެ. ކާޑުގެ ބާވަތްތައް އެތެރެކުރުމުން ފެށިގެން ގޮސް އިންފްރާސްޓްރަކްޗާގެ ޕްރޮޖެކްޓްތައް ވެސް އެ ކުންފުނިން ހިންގަ އެވެ.