28 ސެޕްޓެމްބަރ 2019 - 20:58
5 comments
ރާއްޖޭގެ އާޓިސްޓެއްގެ ކުރެހުމެއް ބޭރު މީހަކު "ވަގަށް" ނަގައި ބޭނުންކުރި މައްސަލައިގައި އާޓްސް އެންޑް ހެރިޓޭޖް މިނިސްޓަރު ޔުމްނާ މައުމޫން ކަންބޮޑުވުން ފާޅުކުރައްވައިފި އެވެ.
މިނިސްޓަރު މިކަމާ ބެހޭ ގޮތުން ވާހަކަ ދައްކަވާފައި މި ވަނީ އެމެރިކާގެ ލަވަކިޔުންތެރިޔާ އާރޮން ކާޓާ، ރާއްޖޭގެ ޑިޖިޓަލް އާޓިސްޓް އަލީ ޝިމްހާގްގެ ކުރެހުމެއް އަމިއްލަ އެއްޗެއް ކަމަށް ބުނެ އިންސްޓަގްރާމްގައި ހިއްސާކުރުމާ އެކު، އޭނާ އަށް އަމާޒުވި ފާޑުކިޔުންތަކާ ގުޅިގެން އެ ކުރެހުން މިއަދު އިންސްޓަގްރާމުން ޑިލީޓް ވެސް ކޮށްލާފައި ވަނިކޮށެވެ.
Very concerned to hear allegations about someone plagiarizing the art work of the Maldivian Artist @Shimhaq. Very sad if it is true. Maldives maybe a small country but we have such talented Artists whose rights need to be protected https://t.co/gFGnuzOddd
— Yumna Maumoon (@yumna_maumoon) September 28, 2019
ޝިމްހާގް ޓެގް ކުރައްވައި މިނިސްޓަރު ޔުމްނާ ކުރެއްވި ޓްވީޓެއްގައި ވިދާޅުވީ، ރާއްޖޭގެ ކުރެހުންތެރިއެއްގެ މަސައްކަތުގެ ނާޖާއިޒު ފައިދާ ނެގުމަކީ ކަންބޮޑުވާ ކަމެއް ކަމަށާއި އެކަމާ ހިތާމަ ކުރައްވާ ކަމަށެވެ.
"ރާއްޖެ ކިތަންމެ ކުޑަ ނަމަވެސް ރާއްޖޭގައި ވަރަށް ހުނަރުވެރި ފަންނާނުން އެބަތިބި. އެ މީހުންގެ ހައްގުތައް ހިމާޔަތްކުރަން ޖެހޭ،" މިނިސްޓަރު ވިދާޅުވި އެވެ.
Blatantly stolen! 🤨 https://t.co/zpRGfB7laN
— Shimhaq (@shimhaq) September 27, 2019
ސިންގާއެއްގެ މޫނު ދައްކުވައިދޭ ޝިމްހާގްގެ ޑިޖިޓަލް އާޓް ކުރެހުން އާރޮން ކާޓާ އިންސްޓްރާމްގައި ޕޯސްޓްކުރީ އިއްޔެ އެވެ. އެއާ އެކު ސޯޝަލް މީޑިއާގައި ޝިމްހާގް ފޮލޯކުރާ ވަރަށް ގިނަ ބަޔަކު ވަނީ #އާރޮން ކާޓާއާޓްތީފްގެ ނަމުގައި އާރޮންއާ ދެކޮޅަށް ވަރުގަދަ ކެމްޕޭނެއްކޮށް އޭނާ ލަދު ގަންނުވާލައިފަ އެވެ. މިކަމާ ގުޅިގެން އޭނާ ވަނީ ކުރެހުން ޑިލީޓްކޮށްލައިފަ އެވެ.
އާރޮން ބުނީ ކުރެހުން ޑިލީޓްކުރީ އޭނާއަށް ވަގަށް ގޮވައި ބުލީކުރާތީ ކަމަށެވެ. އަދި އެކަން ކުރި މީހުންނަށް ދައުވާކުރާނެ ކަމަށް ވެސް އޭނާ ކުރި ޓްވީޓެއްގައި ބުންޏެވެ.
ޝިމްހާގް ބުނީ ކުރެހުމުގެ މައްސަލާގައި އާރޮންގެ ގާތު ޝަކުވާކުރުމުން އެއީ އޭނާގެ އެއްޗެއް ކަމަށް ދައުވާކޮށް، އެއީ ގަނެފައިވާ އެއްޗެއް ކަމަށް ބުނެފައިވާ ކަމަށެވެ. ނަމަވެސް ކުރެހުން އެއްވެސް މީހަކަށް ވިއްކާ ނުލާ ކަމަށާއި އެ ބޭނުން ކުރުމުގެ ހުއްދަ ވެސް އެއްވެސް މީހަކަށް ދީފައި ނުވާ ކަމަށް ބުންޏެވެ.
އުމުރުން 31 އަހަރުގެ އާރޮންއަކީ އެމެރިކާގެ މަޝްހޫރު މިއުޒިކް ބޭންޑް "ބެކް ސްޓްރީޓް ބޯއިޒް" ގެ މެމްބަރު ނިކް ކާޓާ، 39. ގެ ކޮއްކޮ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަކަރުވެރިން
29 September 2019
ޔުމްނާ ދިވެހިންނަށް ދަށްކަންކުރި ޓްވީޓެއްތީ. ތިކަން ކުރިމީހާ ޓެގްވެސް ނުކުރޭ. ހެޔޮނިޔަތެއްނެތް.
ހިގޮ
29 September 2019
....ޖެހޭ،، ޖެހޭ...ޖެހޭ...ކޮންޖެހޭ ޖެހޭ ޔެއްކިޔާ ކަށް ކުރާކަށް ނު މަތިފަޑިއަށް އަރާ ތިތިބީ ދެންކުރަންވީނު..އާ އެހެންޔާ ހާދިސާއެއް ހިގާއިރައް ކަމެއް ވާއިރަށް ޖެހޭ ޖެޙޭ..ތިހެންބުނެވޭނީ ރައްޔިތުން ތިބޭފުޅުންނަކަށް ނޫން
ރަދީފު ބިން ރަފައިދާ
28 September 2019
ކޮބާ ރާއްޖޭގައި އުޅޭ ހުރިހާ މަސައްކަތްތެރިން. ކޮބާ ރިސޯޓަށް ވައްދަންޖެހޭ ދިވެހި ޒުވާނުން. ކުރެހުންތެރިންނަށްވުރެ މިމީހުންގެ ހައްގުތައް މާމުހިއްމު. މިދައްކަނީ ބައިވަރު މީހުންގެ ހައްގުތަކެއް ގެއްލިގެންއުޅޭވާހަކަ.
އެހެންތޭ
28 September 2019
ކުރެހުން ވަގަށް ނެގުމުން ދޯ ތަމެންނަށް އެނގުނީ އާރޓިސްޓުންގެ ހައްގު ތައް ހިމާޔަތް ކުރަން ތިޔާއީ އަމާ ބުނީތީ ފަރަށްދާ އުސޫލުން ތަމެން ކަން ކުރާ ގޮތްތޭ މަމެން ތަމެން ގާތުން އަހާލަން ބޭނުންވެއޭ ބުނަން މަމެން ނެތީމޭ....
ޖަމްލީ
28 September 2019
މި ކަމަނާއަށް އަދިކިރިޔާ އެކަން އެނގިވަޑައިގަތީ..މީޑިއާތަކުގައި ދިވެހިން އެތައް ހަޅުތާލެއްކޮށްފި..މިހާލަހުން އަދި އެމީހާ އެފޮޓޯ ޑިލީޓްވެސް ކުރިފަހުން ކީއްވެބާ..