ޓޫރިޒަމަށް ސަމާލުކަން ދޭން ޖެހޭ، އެހެން ނޫނީ އަޑިއަޅާލާފާނެ: އެމްޔޫ މަނިކު

މޯލްޑިވްސް ޓޫރިޒަމް ކޮންފަރެންސް ފެށުމުގެ ރަސްމިއްޔާތުގައި ޓޫރިޒަމް މިނިސްޓަރު އަލީ ވަހީދު (ކ) އެމްޔޫ މަނިކު (މ) އަދި ސޮލާހު ޝިހާބު -- ފޮޓޯ: ޓޫރިޒަމް

ފާތިމަތު ޝަނާ މުހައްމަދު، މިހާރު

03 އޮކްޓޯބަރ 2019 - 11:22

23 comments

ޓޫރިޒަމް ދާއިރާއަކީ ބޭރުގެ އެކި ގައުމުތަކާ ގުޅިފައިވާ ދާއިރާއަކަށް ވާ އިރު މި ދާއިރާގެ ކަންކަމަށް ސަލާމުކަން ނުދޭ ނަމަ އަޑިއަޅާލުމުގެ ފުރުސަތު ބޮޑު ކަމަށް މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީ (މަޓީ)ގެ ޗެއާމަން މުހައްމަދު އުމަރު މަނިކު (އެމްޔޫ މަނިކު) މިއަދު ވިދާޅުވެއްޖެ އެވެ.

ޓޫރިޒަމް ދުވަހާ ގުޅުވައިގެން ޓޫރިޒަމް މިނިސްޓްރީން، ކްރޮސްރޯޑްސްގައި ފެށި މޯލްޑިވްސް ޓުރިޒަމް ކޮންފަރެންސް ފެށުމުގެ ރަސްމިއްޔާތުގައި ވާހަކަ ދައްކަވަމުން ރާއްޖޭގެ ޓޫރިޒަމް ދާއިރާގެ އެންމެ ތަޖުރިބާކާރު އެއް ވިޔަފާރިވެރިޔާ، އެމްޔޫ މަނިކު ވިދާޅުވީ ޓޫރިޒަމް ދާއިރާ ފެށިގެން މިހާ ހިސާބަށް އައިއިރު ބޮޑު ކުރިއެރުމެއް އައިސްފައިވާ ކަމަށެވެ. ނަމަވެސް ޓޫރިޒަމް ދާއިރާ ކުރިއަރުވަން މުޅި ދުނިޔެއަށް ވެސް ބޮޑެތި ގޮންޖެހުންތައް ހުރި އިރު އެކަންކަން ރާއްޖެއަށް ވެސް ކުރިމަތިވާ ކަމަށް ވިދާޅުވި އެވެ.

"މޫސުމަށް އަންނަ ބަދަލުތަކާއި ޕޮލިއުޝަން އާއި ޓެރަރިޒަމް އަކީ ރާއްޖެއަށް އެކަނި ހުރި ގޮންޖެހުންތަކެއް ނޫން. އެހެން ނަމަވެސް މުޅި ދުނިޔޭގެ ޓޫރިޒަމަށް ހުރި މައްސަލަތައް،" އެމްޔޫ މަނިކު ވިދާޅުވި އެވެ.

އޭނާ ވިދާޅުވީ ދިމާވާ ގޮންޖެހުތަކާ ކުރިމަތިލާ، ޓޫރިޒަމް ކުރިއެރުވުމަށް މުހިއްމު މަސައްކަތްތަކެއް ކުރަން ޖެހޭ ކަމަށެވެ.

ރާއްޖޭގެ އެންމެ ބޮޑު އެއް ކުންފުނި ޔުނިވާސަލްގެ އެއް ހިއްސާރު ވިދާޅުވި ގޮތުގައި ރާއްޖޭގައި މަސައްކަތް ކުރާ މީހުންގެ 75 ޕަސެންޓް ސީދާ ގޮތުންނާއި ނުސީދާ ގޮތުން ޓޫރިޒަމާ ގުޅިފައިވެ އެވެ.

"ޓޫރިޒަކީ ރާއްޖޭގެ އެންމެ ބޮޑު އިންޑަސްޓްރީ. ގަބޫލު ނުކުރިއަސް ކުރިއަސް އަސްލަކީ އެއީ. މި އިންޑަސްޓްރީގެ މުހިއްމު ކަމަކީ ކޮންމެ ސަރުކާރެއް އަޔަސް އަޅުގަނޑުމެން ހިފަހައްޓާނެ ކަމެއް. އަނެއްކާ މިނިސްޓްރީއަކީ ދުނިޔެއާ ގުޅިފައި އޮންނަ އެއްޗެއް. އެހެންވީމަ އަޅުގަނޑުމެން މި ބަލަން ޖެހޭނީ ވަރަށް ރަނގަޅު ގޮތެއްގައި،" އޭނާ ވިދާޅުވި އެވެ.

އޭނާ ވިދާޅުވީ ރާއްޖޭގެ ވަޒީފާގެ ބާޒާރުގައި ވެސް އެންމެ ގިނަ ފުރުސަތު އޮތީ ޓޫރިޒަމް ދާއިރާގައި ކަމަށެވެ.

"މި ދާއިރާގެ ބޭނުން އެންމެ ފުރިހަމަ ގޮތެއްގައި ޒުވާނުން ހިފަން ޖެހޭ،" އެމްޔޫ މަނިކު ވިދާޅުވި އެވެ.

ދުނިޔޭގެ ޓޫރިޒަމް ދުވަހުގެ މިއަހަރުގެ ޝިއާރަކީ "ޓޫރިޒަމް އެންޑް ޖޮބްސް" އެވެ. މުޅި ދުނިޔޭގައި ޓްރެވެލް އެންޑް ޓޫރިޒަމް ދާއިރާގައި 400 މިލިއަނަށް ވުރެ ގިނަ މީހުން ވަޒީފާ އަދާކުރެ އެވެ.

އެމްޔޫ މަނިކު ވިދާޅުވީ ޓޫރިޒަމް ދާއިރާގެ ވަޒީފާގެ ފުރުސަތުތައް އިތުރުކޮށް ދިވެހިންގެ ބައިވެރިވުން މަތިކުރަން އިންޓާންޝިޕް ޕްރޮގްރާމުތަކާއި ބޭރުގެ އެކި ގައުމުތަކުން ޓްރެއިނިން ހޯދޭނެ އިންތިޒާމުތައް ފަހިވާން ޖެހޭ ކަމަށެވެ.

ޓޫރިސްޓުން ޓޫރިޒަމް ޓޫރިޒަމް މިނިސްޓްރީ އެމްޔޫ މަނިކު

23 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޜަގީބް

04 October 2019

ކޮން ފައިދާއެއް ވަނީ؟ އެއްފައިފާއެއް ވެސް ނުބޭ. ބިލިއަން ޑޮލަރުގެ އިންޑަސްޓްރީއެއް އެކަމަކު ލޯ ލާރިއެއް ވެސް ރާއްޖޭގެ އިޤްތިސާދަކަށް ނުވައްދާ. ހުރިހާ ލާރިއެއް ބޭރު ބޭންކު ތަކުގަ ބަހައްޓާފަ ސާވިސް ޗާޖުން ޓެކްސް ދައްކާލާފަ ޤައުމު ދަވާލާ އިންޑަސްޓްރީއެއްތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜަދީފުކޮޕީ

04 October 2019

ސަމާލުކަން ދީފަ އޮތީމަ ދޯ މަނިކުމެން މަދު ބައެއް މުޅި ރާއްޖޭގެ މުއްސަނދިކަމުން ކުރިއެރީ. ރައްޔިތުން ތިބީ އިއްޔެވެސް މިއަދުވެސް އަޑި އަޅާފަ.‏ޓޫރިޒަމް ނޫން ސިނާއަތްތަކަށް ދޭ ސަމާލުކަން ރާއްޖޭގަ ބޮޑުވާން ޖެހޭ. ރާއްޖޭގަ ހަމަ އެކަނި އޮތް ސިނާއަތަކީ ރިސޯޓް ޓޫރިޒަމްކަމަށް ރިސޯޓްފަހަރު ހިންގާ މަހުޖަނުން ބުނެދެނީ އެމީހުންގެ ބާރު ހުރިހާ ވެރިކަމެއްގެ މައްޗަށް ގަދަކުރަން. ރާއްޖެ އަޑި އަޅާލާނީ ޓޫރިޒަމް ނޫން ސިނާއަތެއް ނެތުމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތތތހހ

04 October 2019

ތަނެއްގަ ހިރި މަރުމޯލަކަށް ވެރިކަންދީ އަދިވެސް. އޭނައަށް ނޭނޣެ ރާއްޖޭގަ ހުރި 40 ހާސް ބެޑްކަންވެސް. 35 ހާހަށް އިތުރު ކުރަނީޔޯ. އެވަނީ މަދުކަންވެސް އެނގުނިެްޔާތާ ރަނގަޅުކުރަންވެސް އެނގޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީރާ

04 October 2019

ސަމާލުކަން ދޭންވީ ތިޔަމީހުންގެ މުއްސަނދިކަން އަޑިއަޅާލާފާނެތީއެއްނޫން. ރައްޔިތުން މަގުތަކަށް ނިކުމެ ސަރުކާރުބަދަލުކުރަނީ މުއްސަނދިންގެ މުއްސަނދިކަން އިތުރުކޮށްދޭނެ ވެރިޔަކު ވެރިކަމަށް ގެންނާކަށެއްވެސްނޫން. ރައްޔިތުން މަގުތަކަށްނިކުތީ ރައްޔިތުންނަށް ކާންބޯން ނުލިބޭތީ. ނިދާލާނެގޮތެއް ނެތީތީ. ރައްޔިތުންގެ ކުރިއެރުމާ ތަރައްޤީގެ ފުރަތަމަ.މަރުޙަލާއަކީ މިހާރުން މިހާރަށް ގެދޮރުގެކުއްޔާ ކަރަންޓާ ފެނުގެ އަގު ކޮންޓްރޯކުރުން. އޭގެފަހުގަ ސިންގަޕޫރު ހެދެންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަހްޔާ

04 October 2019

ޔުނިވާސަލްއަކީ ގިނައިންދިވެހީންނަ ވަޒީފާލިބޭކުންފުންޔެ.. އެބަހުރި ބޭރުމީހުން ހިންގާރިޒޯޓު ތަކުގަ އެބަތިބި 3 ދިވެހިންވެސް އެބަފެނޭތަ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސަންދުރާ

03 October 2019

އިންކަމްޓެކުސް ނަގަންއުޅޭތީ ތިޔައުޅުއްވަނީ މޭކަރައިގެން ތީކޮންބައެއް ދހިވެހިން ލޭބޯ އެއްކުންފުނި ތިޔުނިވާސަލަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމާދު

03 October 2019

ދިވެހިން ބޭނުން ވަނީ މ.ޔ މަނިކުގެ މުއްސަނދިކަން، އެކަމަކު ބޭނުމެއް ނުވޭ އަމިއްލަ މަސައްކަތެއްކުރާކަށް، ހަމަ މީހެއްގެ ދަށުގެ އޭނަދޭ މުސާރަޔަށް އުޅެވެނީ.. މުސާރަޔަށް އުޅޭމީހުން ދުވަހަކުވެސް މުއްސަދިއެއް ނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭކެނޑޭ

03 October 2019

މަނިކުފާނުއެވެ. ތިޔަ އުލުއްވަނީ ތިބޭފުލުންގެ ވިޔަފާރިން އިންކަމްޓެކްސް ނަގާ ބިދޭސީންގެ ވަޒީފާ ތައް މަދުކޮއް ދިވެހިންގެ ވަޒީފާތައް ތި ދާއިރާ އިން އިތުރު ކޮއް އެވެރިންނަށް ދޭންޖެހޭ މުސާރަ ބޮޑު ވެދާނެތީދޮތަ! މިހާރުވެސް މަނިކުފާނުގެ ތިޔަ ކުންފުނީގައި ގިނައީ ބޭރުގެ ކުޑަ މުސާރަ އަށް ގެންގުލޭ މީހުންކަން ފާހަގަ ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރޮޅި

03 October 2019

މިނިސްޓަރުންނާއި ވެރިން ރިސޯޓް އޯނަރުންގެ އުގައް ވެއްޓޭ މަންޒަރު މިހާރު އެބަފެނޭ. ސަރުކާރާ މެދު މީހުން ކުރާ އުއްމީދު ބޮޑު. ރިސޯޓްތަކުގެ ވެރިންގެ ދައުވަތު ތަކަށް ހެއްލެން ފަށައިފި. ރިސޯޓް ތަކަށް ގިނަގިނައިން ވެރިން އެރީމަ މަހުޖަނުންގެ ދަށު އެބަވޭ.