އިސްލާމިކް މިނިސްޓަރު އަހުމަދު ޒާހިރު "މިހާރު" އަށް އިންޓަވިއު ދެއްވަނީ: ދީނަށް ފުރައްސާރަ ކުރާ މީހުންނާ ދެކޮޅަށް ގާނޫނެއް ހަދަން އޭނާ ވަނީ ނިންމަވާފައ. --ފޮޓޯ: ނިޝާން އަލީ/ މިހާރު
05 އޮކްޓޯބަރ 2019 - 19:53
18 comments
ރާއްޖޭގައި އިސްލާމް ދީނާ ދެކޮޅަށް ފުރައްސާރަކުރާ މީހުންނާ މެދު ފިޔަވަޅު އެޅުމަށް ބިލެއް ހަދައި ރައްޔިތުންގެ މަޖިލިހަށް ހުށަހެޅުމަށް އިސްލާމިކް މިނިސްޓްރީން ނިންމައިފި އެވެ.
އިސްލާމިކް މިނިސްޓްރީގެ މީޑިއާ އޮފިޝަލް މިރޭ ވިދާޅުވީ އިސްލާމް ދީނަށް ފުރައްސާރަ ކުރާ މީހުން ހުއްޓުވުމުގެ ބިލެއް ރައްޔިތުންގެ މަޖިލިހަށް ހުށަހަޅަން މިނިސްޓަރު ޑރ. އަހުމަދު ޒާހިރު ނިންމަވާފައިވާ ކަމަށެވެ. އެކަމަކު، އެކަމާ ގުޅޭ ތަފްސީލެއް މީޑިއާ އޮފިޝަލް ނުދެއްވަ އެވެ.
މީޑިއާ އޮފިޝަލް ހަމައެކަނި ވިދާޅުވި ގޮތުގައި މިނިސްޓަރު އެގޮތަށް ނިންމެވީ އިސްލާމް ދީނަށް ފުރައްސާރަކުރުން ރާއްޖޭގައި އިތުރުވާތީ އެފަދަ މައްސަލަތަކުގައި އެކުގައި މަސައްކަތް ކުރެއްވުމަށް ދީނީ އިލްމުވެރިންތަކެއް މިނިސްޓްރީއާ އެކުގައި ބޭއްވި ބައްދަލުވުމަށް ފަހު އެވެ.
އިސްލާމް ދީނަށް ފުރައްސާރަ ކުރުމާ ދެކޮޅަށް ގާނޫނެއް ހެދުމުގެ މަސައްކަތް ފެށީ މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓެއްގައި، ކީރިތި ރަސޫލާ އަށާއި އިސްލާމް ދީނަށް ފުރައްސާރަވާ ގޮތަށް ލިޔެފައި ވާތީ ގިނަ ބަޔަކު އެކަމާ ކަންބޮޑުވުން ފާޅުކުރަމުން ދަނިކޮށެވެ.
"ޕްރިލިމިނަރީ އެސްސެމެންޓް އޮން ރެޑިކަލައިޒެޝަން އިން ދަ މޯލްޑިވްސް"ގެ ނަމުގައި އެމްޑީއެން އިން ނެރުނު ރިޕޯޓުގައި، އިސްލާމްދީނާ ދެކޮޅު ވާހަކަތަކެއް ލިޔެފައިވެ އެވެ. ރާއްޖޭގެ ތައުލީމީ ނިޒާމުގައި ކިޔަވައިދޭ ފޮތްތަކުގައި ހަރުކަށި ވިސްނުމަށް ބާރުއަޅާ ވާހަކަ ހުރި ކަމަށް ބުނެ، ކީރިތި ގުރުއާނުގެ ނައްސުން އައިސްފައިވާ ބައެެއް ކަންތައްތަކާއި ހަދީސްތަކުގައިވާ ބައެއް ކަންކަން ރިޕޯޓުގައި ފާހަގަކޮށްފައިވެ އެވެ.
ގުރުއާނުުގެ ނައްސުން އައިސްފައިވާ ކަންތައްތަކާ ދެކޮޅަށް ލިޔެފައިވާ އެއް ވާހަކަ އަކީ ރަސޫލާގެ އިސްރާ އާއި މިއުރާޖްގެ ދަތުރުފުޅަކީ ސައިންޓިފިކް ގޮތުން ގަބޫލު ނުކުރެވޭނެ ވާހަަކައެއް ކަމަށް ބުނެފައި ވުމެވެ. ދީނުގެ އަސާސްތަކާއި އަގީދާ އާއި މުސްލިމުން ގަބޫލުކުރާ ބައެއް ކަންކަމާ މެދު ސުވާލު އުފައްދައި ހަޖޫ ޖަހާފައިވެ އެވެ.
އެމްޑީއެންއިން ވަނީ އެ ރިޕޯޓާ ގުޅިގެން މައާފަށް އެދިފަ އެވެ. ނަމަވެސް ފަހުންވެސް އަންނަނީ އެކަމުގެ ދިފާއުގައި ވާހަކަ ދައްކަމުންނެވެ.
ދީނަށް ފުރައްސާރަކޮށް ދަށު ދަރަޖައިގެ ބަހުރުވައިން މިފަދަ ރިޕޯޓެއް އާންމުކުރުމަކީ ރާއްޖޭގެ ގާނޫނުތަކުން ފިޔަވަޅު އެޅޭނެ ކުށެއް ކަން ގިނަބަޔަކު ދަނީ ހާމަކުރަމުންނެވެ. މިއީ ދިވެހި މުޖުތަމައު ދުވަހަކު ވެސް ބަލައި ގަންނާނެ ކަމެއް ނޫންކަން އެތައް ބަޔަކު ދަނީ ބުނަމުންނެވެ.
އެމްޑީއެންގެ އަމަލު ކުށްވެރިކޮށް އެ މައްސަލަ ބަލައި ދިނުމަށް ސަރުކާރު ކޯލިޝަންގައި ހިމެނޭ އެމްޑީޕީ ފިޔަވާ އެހެން ޕާޓީތަކުން ވަނީ ގޮވާލައިފަ އެވެ. އަދި އިސްލާމިކް މިނިސްޓްރީން ވަނީ އެ މައްސަލަ ފުލުހުންނަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަތްބޯރާހި
06 October 2019
ގާނޫނެއް ހެދުމަށް ވުރެ އައުލާކަން ބޮޑުވެގެންވަނީ އިސްލާމިކް މިނިސްޓްރީގެ މިނިސްޓަރު މިހާރުން މިހާރަށް އިސްތިއުފާދެއްވުން.
އަހްމަދު
06 October 2019
އިސްލާމްދީނަށް ފުރައްސާރަކުރާ މީހުންނަށް ފިޔަވަޅެއްނޭޅިގެން ތިޔައުޅެނީ ގާނޫނެއްނެތީމާތޯ؟އިސްލާމް ދީން އައީ މީގެ ސާދަ ސަތޭކަ ސާޅީސް އަހަރުގެކުރިން އިސްލާމުން އުޅެންވީގޮތުގެ ގާނޫނަކާއެކު. އެއީހުރިހާކަމަކަށް، ހުރިހާ ޒަމާނަކަށްފެތޭ ގާނޫނެއް. ދީނަށް ފުރައްސާރަކުރާ މީހުންނާމެދު އަމަލު ކުރަންވީގޮތް ވެސް އެގާނޫނުގައި އެބައޮތް. އެގޮތަށްއަމަލު ނުކޮށް އެހެން ގާނޫނެއް ހަދަންތިޔަ އުޅެނީ އިސްލާމީގާނޫނު (އެބަހީ ކީރިތިޤުރްއާން) މަނިކުފާނު ގަބޫލު ނުކުރައްވަނީތޯ؟
އިމަނާ
06 October 2019
ގާނޫނެއް ނެތިގެނެއްނޫން ފިޔަވަޅު ނޭޅިގެން ތިޔައުޅެނީކީ. ސަރުކާރުގެ ތެރެއިން، ބޮޑުން ދީނަށް ފުރައްސާރަކުރަނީ. ދެން ކިހިނެއްތޯ ފިޔަވަޅެއް އަޅާނީ. މިނިސްޓަރ ދީނީމީހުން އެއްކޮށްގެން މިހާރުވެސް ތިޔަހައްދަނީ ގުނބޯ. ތިޔަގޮތަށް ހެއްދޭނީވެސް ވަކިވަރަކަށް. ދީނީމީހުންގެ ފަހަތުގައި ތިބިމީހުން މަދެއްނަވާނެ. އެކަން ވިސްނާތި.
މާވެޔޮ
06 October 2019
ހެޔޮ ނުވާނެ މާވެޔޮ މިސްކިތް އަވަހަށް ނިންމާލަ ދީބަލަ. މިސްކިތައް ދާހިތްވެޔޭ ނުލާހިކު.... 6 އަހަރު ވަނީ 5 ބުރި އިމާރާތެއް ހަދަން. އަޖައިބެއް ނުވާނެތަ؟؟؟؟
މުޙުއްމާ
06 October 2019
މަނިކުފާނު ޤާނޫނު އޮތީ މީގެ 1441 އަހަރުކުރިން ހަދާފައޭ. ވެގެން އުޅޭ ގޮތަކީ ހައްޔަރުކުރަންޖެހޭ މީހުން ހައްޔަރުކުރަން ނުކެރިގެން އަދި މައްސަލަ ބަލަން ވެސް ނުކެރިގެން.
ދޮންމަނިކެ
06 October 2019
މިހާރުއޮތް ގާނޫނުތައް މަދީތޭ
މުހައްމަދު..
06 October 2019
އާ ގާނޫނެއް ހަދާކަށް ނުޖެހޭނެ، އަސްލު ސަބަބަކީ މަނިކުފާނަކީ އެއްވެސް ބާރެއްނެތް ނަމެއްގައި ބަހައްޓަވާފައި ހުންނަވާ ބުދެއްކަހަލަ ބޭފުޅެއް، ގާނޫނެއް ނެތިގެން ފިޔަވަޅުނޭޅެނީއޭ ކިޔާފައި މައްސަލަ އޮއްބާލާން ވަގުތު ހޯދަނީ.
އަޑަފި
06 October 2019
ތިޔަ ކަމަށް ޤާނޫނެއް ހަދާކަށް ނުޖެހޭ، މިހާރު ހުރި ޤާނޫނު ތަކުންވެސް ތިޔަކަމަށް އަދަބު ދެވޭނެ. މިހާރު މިއޮތް ސަރުކާރުގެ މެޖޯރިޓީ އޮތް މަޖްލިހުން، ތިޔަ ބުނާމީހުނަށް އަދަބެއް ލިބޭގޮތަށް ޤާނޫނެއް ފާސްކުރުމަކީ ނާދިރުކަމެއް. އަނެއްކާ ތިޔަ ވިދާޅުވާގޮތުން ޤާނޫނެއް ފާސްކުރަންދެން ހިތުހުރި އެއްޗެއް އިސްލާމްދީނާ ބެހޭގޮތުން ހަމަ ކޮންމެ އެއްޗެކޭވެސް ކިޔަންވީތޯ. މި ކަމަށް އެޅޭނެ ފިޔަވަޅެއް ނެތީތޯ. ތިޔަ ބުނާ ބައިގަނޑާ ޖެހުނީމަ ޤާނެއް ޤަވާޢިދެއްގެ ބާރެއް ނޯވޭ
ރާޖާ
06 October 2019
މިނިސްޓަރ މިހާރުވެސް ޤާނޫނު އެބައޮތް. ބޭފުޅާގެއަކީ ބަސްނުވިކޭ އޮޑިއަކަށް އަރާ ހުރި ނާގާބިލް މީހެއް. ޒިންމާ ވާން ނުޖެހޭނެ ކަމަށް މަޤާމުގައި ދެމި ހުރުމަށްވުރެ އިސްތިއުފާ ދީނުން މާ ރަނގަޅު.
އިހޫ
06 October 2019
ހަމަ ވަރަށް ރަގަޅު ކަމެއް...