12 އޮކްޓޯބަރ 2019 - 12:20
58 comments
މޯލްޑިވްސް ނޭޝަނަލް ޔުނިވާސިޓީ (އެމްއެންޔޫ) ގެ ކޯސްތައް ހިންގަމުން އަންނަ ކުރީގެ އެމްއީއެސްގެ އިމާރާތް ހުސްކުރަން އެޑިއުކޭޝަން މިނިސްޓްރީން އަންގައިފި އެވެ.
އެ ޔުނިވާސިޓީގެ ވައިސް ޗާންސެލަރު ޑރ. މުހައްމަދު ޝަރީފް "މިހާރު" އަށް މިއަދު ވިދާޅުވީ އަންނަ މަހުގެ 14ގެ ކުރިން އެމްއީއެސް އިމާރާތް ހުސްކުރަން މި މަހުގެ ކުރީކޮޅު އަންގާފައިވާ ކަމަށެވެ. އެގޮތަށް އެންގީ ސަރުކާރުން އެއްދަންފަޅީގެ ސްކޫލެއް ހިންގަން ކަމަށް އޭނާ ވިދާޅުވި އެވެ.
އެކަމަކު، އެ ސްކޫލާ ގުޅޭ އެއްވެސް މައުލޫމާތެއް ސަރުކާރުން އަދި ހާމައެއް ނުކުރެ އެވެ.
އެމްއީއެސް އިމާރާތުގައި ހިންގަމުން އަންނަނީ ފައުންޑޭޝަނާއި ޝަރީއާގެ ކޯސްތަކެވެ.
ޝަރީފް ވިދާޅުވީ ކޯސްތަކާއި ދަރިވަރުންގެ އަދަދު އިތުރުވަމުން އައި ނަމަވެސް އެމްއެންޔޫގެ އިމާރާތުގެ ޖާގަ އަށް ކުރިއެރުމެއް ނުލިބޭ ކަމަށެވެ. އެހެންވެ، ވަރަށް ބޮޑު ދަތިތަކާ ކުރިމަތިލާންޖެހިފައިވާ ކަމަށް ވިދާޅުވި އެވެ.
އެމްއެންޔޫގެ ކޯސްތައް ހިންގަމުން ދިޔަ ބައެއް އިމާރާތްތަށް ބާ ވެގެން މިހާރު ބޭނުމެއް ނުކުރެ އެވެ. އެގޮތުން ،ބާ ޖަމާލުއްދީން ސްކޫލްގައި ވެސް ކިޔަވައިދެމުން ދަނިކޮށް އެ ތަން ހުސްކޮށް އެ ދަރިވަރުން ދެން ބަދަލުކުރީ އެމްއީއެސް އިމާރާތަށެވެ. އެ އިމާރާތަށް އެމްއެންޔޫގެ ބައެއް ބަދަލުކުރީ، އެތަނުގައި މަންދު ކޮލެޖު ނުހިންގޭނެ ކަމަށް ބުނެ 2015 ވަނަ އަހަރު އެތަން ސަރުކާރުން އަތުލުމުންނެވެ.
ސޮލާހުއްދީން އިމާރާތަކީ ވެސް އެމްއެންޔޫ އިން ބޭނުންކުރި ތަނެކެވެ. އެކަމަކު އެތަން ބާވެގެން މިދިޔަ އަހަރު ވަނީ ހުސްކޮށްފަ އެވެ.
"ޖާގައިގެ ދަތިކަން ވަރަށް ބޮޑަށް ދިމާވެފައި މިވަނީ މިހާރު،" ޝަރީފް ވިދާޅުވި އެވެ.
އެއްދަންފަޅި އަށް ކިޔަވައިދޭ ސްކޫލެއް އެމްއީއެސްގެ އިމާރާތުގައި ހިންގަން ސަރުކާރުން ނިންމިއިރު، މާލޭގައި މިވަގުތު އެއްދަންފަޅި އަށް ކިޔަވައިދޭ ސްކޫލެއް ނެތެވެ. ސަރުކާރުގެ އަމާޒަކީ ރާއްޖޭގެ ހުރިހާ ސްކޫލެއް ވެސް އެއްދަންފަޅި އަށް ބަދަލުކުރުމެވެ.
އެޑިއުކޭޝަން މިނިސްޓްރީން ކުރިން ބުނެފައިވާ ގޮތުގައި މާލޭގެ ސްކޫލުތައް އެއްދަންފަޅި އަށް ބަދަލުކުރަން އިތުރު 10 ސްކޫލް ބޭނުންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮލެޖު ބޯއި
14 October 2019
އެންމެ ބަރާބަރުވާނީ ގެއްލުމުގެ ބަދަލު އިބުރާއަށް ދީފަ ސްކޫލު ހިންގުން އިބުރާއަށް ދިނުން
9999
13 October 2019
ރާއްޖެތެރޭ މީހުން އެއްދައްފަޅިއަށް ކިޔަވަން މާލޭގައި ސުކޫލް އަޅައިގެން ދުވަހަކުވެސް އެއްދަންފަޅި ވާނެތަ؟ ފެކަލްޓީތައް ރާޢްޖޭގެ ބިން ބޮޑު ރަށްތަކަށް ބަހާލާށޭ! ދާނެ ޓީޗަރަކު ދާނެ. މީހުން ނުދައްޏާ ދާނެ މީޙުން ތަމްރީން ކުރަން ބޭރަށް ފޮނުވާނީ. އަންނަންދެން ބޭރުން ޓީޗަރުން ހޯދާނީ. މި ނޫންގޮތަކަށް މިކަމެއް ހައްލެއް ނުވާނެ! ސަރުކާޜުން ބޭނުމެއް ނުވޭ މާލެއަށްވުރެ ދުރަށް ވިސްނާކަށް.
ްިއި( ބުރާ )
13 October 2019
އިސްލާމީ ފެކަލްޓީ ގެ ދުވަސް ދުއްވާލަން ކުރާ ކަމެކެވެ
ދޮންވެލި
13 October 2019
އިބްރާ ބޭނުން ވާނެ އެވެ .
ހާދަ ދެރައޭ
13 October 2019
ދިވެހިރާއްޖޭގެ ޤައުމީ ޔުނިވަރސިޓީއަށް ކޮންމެ ސަރުކާރަކުން ކުރަނީ ޖެއްސުން. ތަންތަނުން ނެރެ އެއްލާލާއިރު ވަންނާނެ އެކަށޭނަ ދާޢިމީ އިމާރާތެއް ނުދައްކާ. އެހެން ޤައުމުތަކުގެ ޤައުމީ ޔުނިވަރސިޓީތަކަކީ ސަރުކާރުން ގާތް އަހައްމިއްޔަތުކަމެއް ދީގެން ކުރިއަރުވާ ތަންތަން. ޤައުމުގެ ކުރިމަގު ބިނާކުރެވެން އޮތީ ދަރިންނަށް މަތީ ތަޢުލީމެއް ދީގެން.
ރާއްޖެ މަންޖެ
13 October 2019
ތި ތަނަކީ މިހާރު ފެކަލްޓީ އޮފް ލޯ އެންޑު އިސްލާމިކް ސްޓަޑީސް ގެ ކޯސްތަށް ހިންގަމުން އަންނަ ތަނެއް، ދީން ކިޔަވައިދޭތި މިސަރުކާރަށް ހަޒަމުނުވީ
ޢަނާ
13 October 2019
ކީ އް ކުރާ އިތުރު ސްކޫލެ އް. މޮޅު ނަތީޖާ ނެރެން ބޮޑު ސްކޫލެ އް ބޭނުން ނުވާކަން އަހްމަދި އްޔާ އިން ނާ ޖޭ އއއެސް އިން އއެދަނީ ސާބިތު ކޮށްދެމުން.
ވޯލް
13 October 2019
ކަރުދާހުގައި އޮންނަ ނަތީޖާ އަކީ ހުރިހާ އެއްޗެއް ނޫން. ކުދިންނަށް ދަސްކޮށްދޭންޖެހޭ ގިނަ ޚަރަކާތްތަށް ތިބުނާ ސްކޫލްތަކުގެ ތަނުގެ ޖާގައިގެ ދަތިކަމުގެ ސަބަބުން އޮންނީ ނުވެފައި. ތަނުގެ ޖާގަ އިތުރުކުރެވި އެއްދަންފަޅިއަށް ކުދިންގެ ކިޔެވުން ބަދަލުކުރެވުނީމަ އޭގެ ފައިދާ ބޮޑުވާނެ. ކިޔެވުމުގެ އިތުރުން ސްކޫލްގެ ތެރެއިން އިތުރު ކަރާކަތް ހިންގި ގެއަށް އައިސް އަލުން އެކި ތަންތަނަށް ކުދިން ދުއްވުމުގެ ބަދަލުގައި ސްކޫކގެ ތެރޭގައި އިތުރު ހަރާކާތް ހިނގު މުހިއްމު
މުރާސިލް
13 October 2019
މިތަން އިބުރާ އަތުން ނެގީމައޭކިޔާފަ އިބުރާއަށް 50 މިލިޔަން ދިން ޚަބަރު އެހިން މީ ވަރާސް ދެެރަވަރުގެ ޚަބަރެއް
96589ހހހ
13 October 2019
ދަރިފުޅާ ދެރަވަންޏާވާންވީ.ހަޒާނާގައިހުރި ފައިސާކޮޅު ފާޓީކުދިންގެ ކުންފުނިތަކަށް ބަދަލުގެގޮތުގައި ދީހުސްކޮށްފި. ނުވިތާކަށް 14 ބިލިއަނުން އިތުރަށް ގައުމު ދަރުވާލައިފި. ރައްޔިތުންނަށް ލިބުނީ ފެންފޯއްޕާކެއް. ސިއްހީ ހިދްމަތުގެ ފެންވަރު އެނގޭނީ އެތަނަށް ދިޔަމީހަކަށް. އިންޖެކްޝަން ގަނޑެއްވެއް ނުލިބޭ. ދިވެހިން އަމިއްލައަށް ހޯދި ހަލާކު. ﷲ ތައާލާ އިންސާނައަށް ޖައްސަވާ މުސީބާތްތަކަކީ އެއިންސާނާ އެއިލާހައް ނުކިޔަމަންތެރިކަހުރިވަރުންމެދުވެރިކުރައްވާކަންކަން.
ސޯލިހުބޭ
13 October 2019
ސޯލިހުބޭގެ މެގަޕްރޮޖެކްޓްއެއް
ބޮޑުމީހާ
13 October 2019
ކީއްތަވާނީ މުޅި ޔުނިވާރސިޓީ އެއްކޮށް އަތޮޅުތެރެއަށް ބަދަލުކުރިއްޔާ! އޭރުން ކޯސް ހަދާކުދިން މާލެއިން ޔުނިވާރސިޓީގެ ކެމްޕަސްތައް އެހެން ކަންކމަށް ބޭނުންކުރެވޭނެ