ޓްރެފިކް ޕޮލިސް: މިދިޔަ ހަފްތާގައި މާލެ ސަރަހައްދުގައި 58 އެކްސިޑެންޓެއް ހިނގި ކަމަށް ފުލުހުން ބުނި -- ފޮޓޯ: ނިޝާން އަލީ/މިހާރު
13 އޮކްޓޯބަރ 2019 - 11:07
8 comments
ގަވާއިދާ ހިލާފަށް ޕާކުކޮށްފައި ހުރި 750 އަށް ވުރެ ގިނަ އުޅަނދުގައި މިދިޔަ ހަފްތާ ޓްރެފިކް ސްޓިކާ ޖަހާފައިވާ ކަމަށް ފުލުހުން މިއަދު ބުނެފި އެވެ.
ޓްރެފިކް ފުލުހުން އަންނަނީ ކޮންމެ ހަފްތާ އަކު ވެސް އެތަނުން ކުރި މަސައްކަތުގެ ތަފާސްހިސާބުތައް އާންމުކުރަމުންނެވެ. މި މަހުގެ ފަސް ވަނަ ދުވަހުން ފެށިގެން މިދިޔަ ހުކުރު ދުވަހާ ހަމައަށް 759 އުޅަނދުގައި ސްޓިކާ ޖަހާފައިވާ ކަން އެތަނުން މިއަދު އާންމު ކުރި ހިސާބުތަކުން ދައްކަ އެވެ. ގަވާއިދާ ހިލާފަށް ޕާކު ކުރާ ފުރަތަމަ ފަހަރު ޖޫރިމަނާ ކުރަނީ 250ރ. އިންނެވެ. އެކަން ތަކުރާރު ކޮށްފި ނަމަ ދެވަނަ ފަހަރު 500ރ. އިން ޖޫރިމަނާކޮށް އަދި ތިން ވަނަ ފަހަރު 750ރ. އިން ޖޫރިމަނާކުރެ އެވެ. އެހެންވެ ޖޫރިމަނާގެ ގޮތުގައި ފަސް ލައްކަ އަށް ވުރެ ގިނަ ރުފިޔާ ލިބޭނެ ކަމަށް ބެލެވެ އެވެ.
Traffic Management Department's Weekly Statistics from 5th of October 2019 to 11th of October 2019 pic.twitter.com/Coxm6VFxjz
— Maldives Police (@PoliceMv) October 13, 2019
ފުލުހުން މިއަދު ކުރި ޓްވީޓެއް
އޭގެ ކުރީ ހަފްތާގައި ފުލުހުން ސްޓިކާ ޖަހާފައި ވަނީ 458 އުޅަނދެއްގަ އެވެ. އެ ހަފްތާގައި ތިން ލައްކަ އަށް ވުރެ ގިނަ ރުފިޔާ ދައުލަތަށް ލިބޭނެ އެވެ.
ފުލުހުންގެ ހިސާބުތަކުން ދައްކާ ގޮތުގައި އެތަނުން 1169 އުޅަނދު މިދިޔަ ހަފްތާ ބަލާ ފާސްކުރި އެވެ. އަދި ގަވާއިދާ ހިލާފަށް ޕާކުކޮށްފައި ހުރި 144 އުޅަނދެއް އެތަނުން ވަނީ ޓޯ ކޮށްފަ އެވެ.
މިދިޔަ ހަފްތާ 58 އެކްސިޑެންޓު ހިނގި ކަމަށް ވެސް ފުލުހުން ބުންޏެވެ. މި އެކްސިޑެންޓުތަކުގައި އަނިޔާވެފައި ވަނީ 11 މީހުންނަށެވެ. އޭގެ ކުރީ ހަފްތާގެ ހިނގާފައި ވަނީ 44 އެކްސިޑެންޓެކެވެ.
ލައިސެންސް ނެތް 130 މީހަކާއި ލައިސެންސް ކާޑު ނުލާ ދުއްވި 63 މީހަކު ވެސް ފުލުހުން ވަނީ މިދިޔަ ހަފްތާ ހިފަހައްޓާފަ އެވެ. އަދި އެކި އެކްސިޑެންޓުތަކާ ގުޅިގެން ނުވަ މީހެއްގެ ލައިސެންސް ކާޑު ހިފެހެއްޓި ކަމަށް ވެސް އެތަނުން ބުންޏެވެ.
މި ކަންކަމުގެ އިތުރުން، ހެލްމެޓް ނާޅާ ދުއްވުމާއި ފޯނު ނުވަތަ ހެޑް ސެޓް ޖަހައިގެން ދުއްވުމާއި ގަވާއިދާ ހިލާފަށް ވެހިކަލްތަކުގައި މުދާ އުފުލުމުގެ މައްސަލަތަކާއި ގަވާއިދާ ހިލާފަށް ޓެކްސީ ދުއްވުމުގެ ބައެއް މައްސަލަތައް ވެސް މިދިޔަ ހަފުތާގައި ފާހަގަކުރެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޮހޮޑާ
13 October 2019
ތި ހުދިމަތުން ޖީއެސްޓީ އަދި ބީޕީޓީ ހިމަނަން ފެނޭ!!!އަދީ އިޝްޓިކާ ޖަހާ ކުދިންނަށް ކަމިޝަން ވެސް ދޭން ފެނޭ, އޭރުން 700 އިގެ 4ގުނަ ވެސް ލިބިދާނެ...,
ސޮބުރީ
13 October 2019
ކަލޯ ތިޔާގެންވެސް ޖީއެސްޓީ އަދި ބީޕީޓީ ދައްކަމުތޭ...؟؟؟
ސޮބުރީ
13 October 2019
ކުރުދޮށީގަ ތިޔާވެސް މިހާރު މިގައުމުގަ އާމްދަނީ ލިބޭ އިންޑަސްޓްރީތަކުގެ ތެރޭން ކުރިއަރަމުން އަންނަ އިންޑަސްޓުރީއެއް
Dhaadhey
13 October 2019
ހާދަ މަދޭ ސްޓިކާ ޖެހިވަރު. އެވަރުން ސަރުކާރުގެ ބޮޑުން ބައިވެރިވާ ކުންފުނިތަކަށް ދައްކަންޖެހޭ ވަރު ކަވަރުކުރެވޭތަ؟ ތިރޭޓުން އހަރަކަށް ލިބޭނީ 20 މިލިއަން ރުފިޔާވަރު. ތިވަރު މަދު. އަސްލުގައި ދުވާލަކަށް 1000 އަށްވުރެ ގިނަ އުޅަނދުގައި ސްޓިކާ ޖެހެންޖެހޭނެ. ގަޑިއަކުން ގަޑިއަކުން ސޯސަންމަގު އަދި ޗާންދަނީ މަގު ބަލާލަނިކޮށްވެސް އަދަދު ހަމަކުރެވިދާނެ.
ކުޑާދަންބޭ
13 October 2019
އަހާ މަޤަބޫލެއް ނުކުރާނަން މިސަރުކާރުން ސްޓިކާ ޖަހާނެކަމަކަށް، ކަލޯމެންނޭ ޕާކު ކުރާނެތަަން ދައްކާފައޭ ސްޓިކާ އެ ޖަހަނީ ވަރަށް ސަލާމް
މާލޭމީހާ
13 October 2019
ނޯ ޕާކިން ކައިރީ އިންނަ ޕާކިން ސްޕޭސްގަ ޕާކް ކުރީމަ ވެސް އެބަދޭ ސްޓިކާ ޖަހާފަ. މީދެން ކިހާ ހެއްވާ ކަމެއް. ރަނގަޅަށް ނުބަލާ ސްޓިކާ ޖަހައިގެން ނުވާނެ ދޯ..
މަހޭބެ
13 October 2019
ވީކްލީ ސްޓެޓިސްޓިކްސް ގައި ހުންނަނީ އަބަދުވެސް އިސްޓިކާ ޖެހިޢަދަދު ރެކޯޑް ހެދިވާހަކަ، އެކަމަކު ފުލުހުންގެ ޒިންމާތަކުގެ ތެރެއިން އިސްޓިކާޖެހުމަކީ ވަރަށް ކުޑަބަޔެއް... ކޮބައިތޯ އަސްލު މަސްއޫލިއްޔަތު އެކަމަށް އަހައްމިއްޔަތުކަން ދެއްވަންވީނުންތޯ؟
ފަރުހާން
13 October 2019
ސާބަހޭ