ފިޔާ ބަސްތާތަކެއް ބަހައްޓާފައި-- ފޮޓޯ: މިހާރު
14 އޮކްޓޯބަރ 2019 - 15:58
9 comments
ބާޒާރުން ފިޔާ ހުސްވެ، ފިޔާގެ އަގު އާދަޔާ ހިލާފަށް އުފުލިފައިވާ އިރު މިކަމަށް ހައްލެއް ލިބެންދެން އެސްޓީއޯއިން ފިޔާ ލިބޭނެ ކަމަށާއި އެކަމަކު ވިއްކާނީ ލިމިޓް ކޮށްގެން ކަމަށް އެ ކުންފުނިން ބުނެފި އެވެ.
މި ވަގުތު އެސްޓީއޯ އިން ފިޔާ ކިލޯއެއް ލިބެން ހުރީ 30ރ. އަށެވެ. އެގޮތުން އެސްޓީއޯގެ ސުޕަމާޓުން ފިޔާ ގަންނަން ދާ ކޮންމެ މީހަކަށް ވިއްކަނީ، އެއް ކިލޯގެ ފިޔާ އެވެ. ބާޒާރުން ފިޔާ ހުސްވުމުން އެ ކުންފުނިން ވަނީ މިދިޔަ ހަފްތާގައި އެއާ ފްރައިޓްކޮށް ފިޔާގެ ސްޓޮކެއް މާލެ ގެނެސް ވިއްކަން ފަށާފަ އެވެ.
އިންޑިޔާއިން އޭޝިޔާގެ ގައުމުތަކަށް ފިޔާ ވިއްކުން ހުއްޓާލި ނަމަވެސް އެއްވެސް ދަތިކަމެއް ނެތި ރާއްޖެ އަށް ފިޔާ ލިބޭނެ ކަމަށް އިންޑިޔާ އެމްބަސީން ބުނެ އެވެ. އެގޮތުން މި މަހުގެ 10 ވަނަ ދުވަހުން ފެށިގެން ކުރިއެކޭ އެއްގޮތަށް އިންޑިއާ އިން ރާއްޖެ އަށް ފިޔާ އެތެރެކުރެވޭނެ ކަމަށް ބުނެފައިވެ އެވެ.
އެސްޓީއޯއިން ބުނީ، އާންމުކޮށް މާލެއަށް ފިޔާ ގެންނަ ކުންފުނިތަކުން ފިޔާ އެތެރެ ކުރަން ފަށާ، ސްޓޮކް އަންނަން ފެށުމުން ލިމިޓް ކުރުމެއް ނެތި ފިޔާ ވިއްކަން ފަށާނެ ކަމަށެވެ.
ބާޒާރުގައި ފިޔާ ކިލޯއެއް 50ރ. އަށް ވުރެ މަތީގައި އުޅޭ އިރު ބައެއް ކުދި ފިހާރަތަކުން ފިޔާ ކިލޯއެއް 80ރ. އަށް ވެސް އަންނަނީ ވިއްކަމުންނެވެ.
ފިޔާގެ އަގު އެހާ ބޮޑަށް އުފުލުނީ އިންޑިޔާ އަށް ކުރި ވިއްސާރައާ ގުޅިގެން ފެންބޮޑުވެ، އެ ގައުމުގައި އުފައްދާ 35 ޕަސެންޓް ފިޔާ ދަނޑުތައް އެއްކޮށް ހަލާކުވެފައިވެ އެވެ. އެންމެ ގިނައިން އިންޑިޔާގައި ފިޔާ އުފައްދަނީ މަހާރަޝްތްރާ އާއި ކަރްނާޓަކާގަ އެވެ. މި ދެ ސްޓޭޓަށް ވެސް މިދިޔަ އޮގަސްޓް މަހު، ބޯކޮށް ވާރޭވެހި ފެންބޮޑުވުމުގެ ހާދިސާތައް ކުރިމަތިވި އެވެ.
އިންޑިޔާއަކީ މި ސަރަހައްދުގައި އެންމެ ގިނައިން ފިޔާ އެކްސްޕޯޓް ކުރާ ގައުމެވެ. އެގޮތުން މިދިޔަ އަހަރު އެކަނި ވެސް އިންޑިޔާ އިން 2.2 މިލިއަން ޓަނުގެ ފިޔާ އެކްސްޕޯޓް ކޮށްފައިވެ އެވެ. މުޅި އޭޝިޔާގެ ފިޔާގެ އެކްސްޕޯޓުގެ ދެބައިކުޅަ އެއް ބަޔަށް ވުރެ ވެސް ބޮޑު އަދަދެއް އިންޑިޔާއިން އެކްސްޕޯޓް ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
14 October 2019
މީކިހިނެތްވީކަމެއް އިންޑިޔާގެ އާދައިގެފިހާރަޔަކުން ފިޔާކިލޯއެއްގަތީމަޖެނީ ދިވެހި ހަތްރުފިޔާ އެކަމު އެސްޓީ އިން އިންޕޯޓުކޮށްގެން ވިއްކީމަޖެހެނީ ތިރީސްރުފިޔާ އެހެންވީމަ ތިޔޮތީ ރައްޔިތުންނަށް ފިޔާއަގުހެޔޮކޮށްދީފަ
އަޙްމަދު ޒަކީ
15 October 2019
ބްރޯ، އިންޑިޔާ ކޮންފިހާރަކުން 7 ރުފިޔާއަށް މިހާރު ފިޔާ ކިލޯއެއް ލިބެން ހުރީ. އަނެއްކާ އެބުނަނީ އެއަރ ފްރައިޓްކޮށްގެންނޭ ގެންނަނީ، ގައިމު، ސީ ފްރައިޓްއަށް ވުރެ އެއްތައް ގުނައެއް އެއަރ ފްރައިޓްގައި އަގު ބޮޑުވާނެ، 80އަށް ހުރި އެއްޗެއް 30 ތިރިކޮށް ދިނިމީހަވެސް އަދިވެސް ޝަކުވާ! ދިވެހިން ދުވަހަކުވެސް ރަނގަޅުގޮތެއް ނޯންނާނެ. މޫސާގެފާނު އަރިހުގައި ތިގޮތަށް ޝަކުވާ ކުރާ ބަޔަކު އުޅުނު.
ސަމަދު
14 October 2019
ވަރަށް އަގުހެޔޮވެއްޖެނުން.ޓޮންގާ ފިހާރައިންވެސް —/35 އަށް ލިބޭ.
ކަރީމުއްދީން ބާޝާ
14 October 2019
މަށަކަށް ލާހިކެއްނޫން 30ރ. ގެ ނަގުން ފިޔާކިލޯއެއް ގަންނާކަށް. އައިފޯނެއް ހޯދަން މިހާރު މި ލާރިއެއްކުރަނީ.
ގުބަރު
14 October 2019
ކިހާ ސަޅި 7 ރުފިޔާއަށް ލިބުނު ފިޔާކިލޯ 30ރ އަށް މިހާރު އެޖެންޑަ 19 ވ. ޔަހޫދީވާނެ
ނިހާނު
14 October 2019
80ރ ގަހުރިއެތި 30ރ އަށް ބަދަލުވި ބާހަކަ ބުނަން އުޅެނިކޮށް ކަރަށް ނާރު އެރީތަ...
ބްރަސީލިއާ
14 October 2019
7 ރުފިޔާ އަށް ކުރިން ގަތީ
އަޙްމަދު ޒަކީ
15 October 2019
ކަލޭ ދެން ފިޔާ ނުކައި ހުރޭ! ބޭކާރު ވާހަކަ ނުދައްކާ
އޭޝް
15 October 2019
ގުބަރު! ފިޔާ ދުނިޔޭގެ ބާޒާރުން ނޫނީ އެ އެކްސްޕޯރޓް ކުރާ ބަޔަކު އެކްސްޕޯރޓް ކުރުނ ހުއްޓާލީމަ، 2 ރުފިޔާ އައްވިއްކި އެތި 100ރުފިޔާއައްވެސް ގަންނަންޖެހޭނެ. އެސް،ޓީ،އޯ އިން އެވިއްކަނީ ރާއްޖޭގެ ބާޒާރުން އެލިބޭ އަގައްވުރެހެޔޮކޮށް. މިއިން ދޭހަވަނީ ދިވެހި ވިޔަފާރިވެރިން ދިވެހި ރައްޔިތުން ދެކެ ލޯބިވާމިންވަރު.