އުޅަނދުތަކެއް މާލޭގެ މަގުމަތީގައި ޕާކުކޮށްފައި: މަކަރު ހަދައިގެން ގަރާޖުތަކަށް ރަޖިސްޓްރީކޮށްދީފައިވޭ.-- ފޮޓޯ: ނިޝާން އަލީ/ މިހާރު
14 އޮކްޓޯބަރ 2019 - 20:52
47 comments
އުސޫލާ ޚިލާފަށް، އެއް ގަރާޖަކަށް 1،700 އުޅަނދު ވެސް ރަޖިސްޓްރީކޮށްދީފައިވާ ކަމަށް ޓްރާންސްޕޯޓް މިނިސްޓްރީން މިއަދު ބުނެފި އެވެ.
ރައްޔިތުންގެ މަޖިލީހުގެ ގައުމީ ތަރައްގީ އާއި ތަރިކައިގެ ކޮމެޓީގައި ޓްރާންސްޕޯޓްގެ ޑެޕިއުޓީ މިނިސްޓަރު ޝިމާޒް އަލީ ވިދާޅުވީ މާލޭގައި މީގެ ކުރިން އެއް ގެއަކަށް ގިނަ އަދަދެއްގެ އުޅަނދު ރަޖިސްޓްރީކޮށްދީފައިވާ ކަމަށެވެ. އެކަމަކު ކަނޑައަޅާފައިވާ އުސޫލާ ހިލާފަށް މިހާރު އެފަދަ ކަމެއް ނުކުރެވޭނެ ކަމަށް އޭނާ ވިދާޅުވި އެވެ.
ޝިމާޒް ވިދާޅުވި ގޮތުގައި މިދިޔަ ނޮވެމްބަރު މަހުން ފެށިގެން އުޅަނދުތައް ރަޖިސްޓްރީކޮށްދެމުން އަންނަނީ ގަރާޖު ހުއްދައިގެ ސައިޒާއި އޮތޯރިޓީން ބަލާ ސައިޒާ ދިމާވޭތޯ ބެލުމަށް ފަހު އެވެ.
"އެހެންވެ މިހާރު އެކަހަލަ ކަމެއް ހިނގާނެ ކަމަކަށް އަޅުގަނޑު ގަބޫލެއް ނުކުރަން. [އެފަދަ ކަމެއް] ނުހިނގާނެއޭ ދަންނަވަން އަޅުގަނޑަށް ކެރޭނެ،" އޭނާ ވިދާޅުވި އެވެ.
ޓްރާންސްޕޯޓު މިނިސްޓަރު އައިޝަތު ނަހުލާ ވިދާޅުވީ ކުރީގައި ކޮށްފައި ހުރި ކަންތައްތަކުން އުނދަގޫތަކާ ކުރިމަތިލާންޖެހިފައިވާ ކަމަށެވެ. މީގެ ކުރިން ގަވާއިދާ ހިލާފަށް އެތައް ސަތޭކަ އުޅަނދު ރަޖިސްޓްރީކޮށްދިން ކަމުގައި ވިއަސް އެ ހުރިހާ އުޅަނދެއްގެ ރަޖިސްޓްރީ އެއްފަހަރާ ބާތިލް ނުކުރެވޭނެ ކަމަށް ވެސް ވިދާޅުވި އެވެ.
އޭނާ ވިދާޅުވި ގޮތުގައި އެ ކަންކަމަކީ ހަމައެކަނި ޓްރާންސްޕޯޓު އޮތޯރިޓީގެ މައްސަލައެއް ނަމަ ވަގުތުން ފިޔަވަޅު އެޅޭނެ އެވެ. ގަވާއިދާ ހިލާފަށް އުޅަނދުތައް ރަޖިސްޓްރީކުރުމުގައި އުޅަނދުގެ ވެރިފަރާތާއި ޓްރާންސްޕޯޓާ ގުޅިފައިވާތީ، އެކަމުގައި ޝާމިލްވި އެއް ފަރާތަށް އެކަނި ފިޔަވަޅު އެޅުން ރަނގަޅު ނޫން ކަމަށް ވިދާޅުވި އެވެ.
މިނިސްޓަރު ވިދާޅުވީ ރައްޔިތުންގެ މަސްލަހަތާ ގުޅުން ހުރި ކަމަކަށް ވުމުން އެފަދަ ފިޔަވަޅުތައް އެޅުން ފަސޭހައެއް ވެސް ނުވާނެ ކަމަށެވެ. އެކަމަކު މަސްލަހަތު އޮތް ގޮތެއް ބަލައި އެ ކަންކަން ރަނގަޅު ކުރެވޭނީ ކިހިނެއްތޯ ބަލައި އެކަމާ ގުޅޭގޮތުން އަޅަންޖެހޭ ފިޔަވަޅުތައް އަޅުއްވާނެ ކަމަށް ވިދާޅުވި އެވެ.
އާ ސަރުކާރާ އެކު ޓްރާންސްޕޯޓުން އުޅަނދުތައް ރަޖިސްޓްރީކޮށްދެނީ ރަނގަޅަށް ބެލުމަށްފަހު ކަމަށާއި އެހެން ނޫނީ އުޅަނދުތަކަށް ހުއްދަ ނުދޭ ކަމަށް ވިދާޅުވި އެވެ.
ގަވާއިދުގައި އޮންނަ ގޮތުން ހަތަރު ފުރޮޅުލީ އުޅަނދުތައް ރަޖިސްޓްރީކޮށްދޭނީ އެ ޕާކުކުރާނެ ގަރާޖެއް ދެއްކުމުންނެވެ. ނަމަވެސް އުޅަނދުތައް ރަޖިސްޓްރީކުރި ގަރާޖުގެ ދޮރުތައް ބަންދުވެ މާލޭގެ އެކި ސަރަހައްދުތައް ވަނީ އެ އުޅަނދުތަކުން ފުރިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
3މ/.
15 October 2019
ތިޔަ ޓްރާންސްޕޯޓަށް ވުރެ ރެކޯޑް ނުބެލެހެއްޓޭ މުޢައްސަސާއެއް މިޤައުމަކު ނެތް. އަމިއްލަ ތަޖްރިބާއިން މިބުނަނީ.
ރާއްޖެ
15 October 2019
ގަރާޖު ސިޓީ ވިޔަފާރި ވަރަށް ފުޅާވެއްޖެ. ޑިމާންޑްވެސް ބޮޑު
ހުވާ
15 October 2019
ރަޖިސްޓްރީ ކުރީމަނު އަދަދު ބުނަން އެނގުނީ. އަދި ކޮބާ ރަޖިސްޓްރީ ނުކޮށް އަހަރީފީ ނުދައްކާ ދުއްވާ އުޅަނދުތައް.
ޢަލީބެ
15 October 2019
ގަރާޖަކަށް 1700 އުޅަނދު ރަޖިސްޓްރީ ކޮށްދިނީ މަސްމާރުކޭޓުންތޯ؟ ނޫނީ ދައުލަތުގެ މުއައްސަސާއަކުންތޯ؟ ކޮބައިތޯ އެފަރާތުގެ ޒިންމާ.؟ ބަލާކަށް ނުޖެހޭތޯ؟ މިހާރުވެސް ކުރާނެ. ދެންވެސްކުރާނެ. ތިޔައީވާ ތަނެއް.
މީހަކު
15 October 2019
މިހާރުވެސް ލާރިދިނީމަ ރެޖިސްޓްރީ ކޮށްދޭ އަކަން އިނގޭތި ހަމަ ބުނެލީ، ވަރަށް ސަލާން
ފިރިހެނެއް
15 October 2019
ތިއީ ތެދެއް.
ކޮވެލި
15 October 2019
1700 އުޅަނދު އެއްގެއަކަށް ރަޖިސްޓްރީ ކުރަން ހުއްދަ ދިން މީހެއްގެ ނަމާއި ސޮއި މިނިސްޓްރީގެ ލިޔުން ތަކުން ފެންނަން ހުންނާނެވެ. ވީމާ، އެމީހަކާ ދެކޮޅަށް ފިޔަވަޅު އަޅަން ފަސްޖެހެނީ ކީއްވެތޯއެވެ. އޭސީސީއިންވެސް އަމިއްލައަށް އިސްނަގައިގެންވެސް މި މައްސަލަ ބަލަން ޖެހެއެވެ. އަދި ފުލުހުން މިކަމުގައި ޖިނާއީ ތަހުގީގެއްވެސް ހިންގަންޖެހެެވެ.
ޖަޖް
15 October 2019
މާތް ރަސްކަލާނގެ އަހަރެންނަށް ދެއްވި ދެފައިގާ ހިނގާފަ އެބައުޅެވޭ. ރޭގަނޑު ފައި ޕާކު ކުރަނީ އެނދުގައި. އިތުރު ގަރާޖެއް ހޯދާކަށް ނުޖެހޭ.
ބަޑީ
15 October 2019
ހިގާފަ 2 ކުދިން 2 ސްކޫލަށްލާފަ އޮފީހަށް ގަޑިޔަށް ގޮއްސަ 2 ކުދިން ސްކޫލުން ނަގާފަ 2 ކުދިން ޓިޔުޝަން ކްލާސްތަކަށް ގެންގޮއްސަ..... މީ އަދި ކުޑަވަރެއް!! ކިހިނެއްތޯ ތިބޭފުޅާ ކުރައްވާ ކަންތައްތައް ހިންގަވާފަ ކުރައްވަނީ؟
ހުސޭނީ
15 October 2019
އެންމެ ގަރާޖަކަށް 1700 ވެހިކަލް ރަޖިސްޓްރީ ކުރާއިރު ހަމަ ނޭގެނީބާ؟ ނޫނީ މާލޭ މީހާ މުއްސަނދި ކުރާ ޕްލޭނުގެ ބޮޅެއް ނޫންބާ؟
ޏިސާ
15 October 2019
ހުއްދަދިނީ ރާއްޖެތެރޭމީހެއް. ވަރަށް އިގިގެން މިބުނީ
ދޮންދީދީ
15 October 2019
ސަރުކާރަކުން ނުޖެހޭ ޕާކު ކުރާނެ ތަން ދައްކާކަށް. ކަލޭމެން ބޮޑު އަގުދީފަ ރަޖިސްޓްރީ ކުރި ގަރާޖްގަ ޕާކް ކުރޭ. ނުކުރެވޭނަމަ އަނަބުރާ ފައިސާ އަތުލާ. ތިޔަ ޓްރާންޕޯޓަކީ އަކީ އަބަދުވެސް ބައިއަޅަމުންދާތަނެއް.
އިންސާފު
15 October 2019
އަޅުގަނޑު ކާރެއް ގެނެސް ރަޖިސްޓްރީ ނުވެފަ 1 އަހަރު ވެއްޖެ. ދިވިހި ރައްޔިތެއް ކަމުގަ ވަނީނަމަ ރަޖިސްޓްރީ ކޮށްދެވެން ޖެހޭނެ. މީހުންގެ އަގު ބޮޑެތި މުދާތައް މިސަރުކާރުން ފަނާކުރަނީ. ސަހަރާ އިން ވަޅުލަން ބިން ކޮޅެއް ލިބޭ ފަދައިން މިކަން ވެސް މި އޯގާތރެި ސަރުކާރުން ކޮށް ދޭން އެބަޖެހޭ.
ާވާނުވާ
15 October 2019
ޕާރކް ކުރާނެ ތަނެއްނެތަސް ކާރު ދުއްވޭތޯބަަލާ އަދިވެސް.
ރަންނަ
15 October 2019
ނުޖެހޭ ކޮންމެހެން. ބާއަވާނެތަނެއް ދައްކާއިރަށް ތިކަން ވާނެ.
އިންސާފުއަށް
15 October 2019
ނުޖެހޭ ކޮންމެހެން. ދެން މުޅި ދައުލަތް ދަރާ ހުސްވާންވީ ތިމީހުންނަށް ހިލޭ ކަންކަންކުރަން. އެހެންވެ ބުނަނީ އަތުގަ ސްމާޓް ފޯނެއް އޮވެފަ އަދި ކާރެއް އޮތަސް ސިކުނޑި ތަރައްޤީއެއް ނުވެޔޭ