ވަޒީރުންގެ މަޖިލީހުން މިއަދު ބޭއްވެވި ބައްދަލުވުމުގެ ތެރެއިން.-- ފޮޓޯ: ރައީސް އޮފީސް
15 އޮކްޓޯބަރ 2019 - 20:56
133 comments
އެކަނިވެރި މައިންނާއި ބަފައިންނަށް ދޭ އެލަވަންސް އެންމެ ގިނަވެގެން 10،000ރ. އާ ހަމައަށް ބޮޑުކުރަން ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
އެމަނިކުފާނު އެގޮތަށް ނިންމެވީ، ވަޒީރުންގެ މަޖިލީހުގެ މިއަދުގެ ބައްދަލުވުމަށް ޖެންޑާ މިނިސްޓްރީން ހުށަހެޅި ކަރުދާހާ މެދު މަޝްވަރާ ކުރެއްވުމަށް ފަހު ކަމަށް ރައީސް އޮފީހުން ބުންޏެވެ.
ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ގެ ފަރާތުން އެ ކަރުދާސް ހުށަހަޅާފައި ވަނީ، އެކަނިވެރި މައިންނާއި ބަފައިންނަށް ދޭ މާލީ އެހީގެ ޕްރޮގްރާމް މިހާރު ހިނގަމުންދާ ގޮތުން، އެހީ ހައްގުވާ ބައެއް މީހުން އިސްތިސްނާ ވަމުންދާތީ ކަމަށް ރައީސް އޮފީހުން ބުނެ އެވެ. މީގެ ކުރިން 2016 ވަނަ އަހަރު އެ އެހީ ދޭ އުސޫލަށް ގެނައި ބަދަލާ ގުޅިގެން ވަރަށް ގިނަ މީހުން އެހީން މަހްރޫމް ވެފައިވާ ކަމަށް ވެސް ސަރުކާރުން ބުންޏެވެ.
އެހެންވެ، އަލަށް ގެންނަ އިސްލާހުތަކާ އެކު އެހީ މިހާރު ހައްގުވާ މީހުންނަށް ކުރިމަތިވާ ގޮންޖެހުންތަކަށް ހައްލެއް ލިބޭނެ ކަމަށް ރައީސް އޮފީހުން ބުންޏެވެ.
ކެބިނެޓުގެ މިއަދުގެ ބައްދަލުވުމަށް ޖެންޑާ މިނިސްޓަރު ޝިދާތާ ވަޑައިގަންނަވަނީ---ފޮޓޯ: ރައީސް އޮފީސް
އެހީ ދިނުމުގެ އުސޫލަށް ގެންނަ ބަދަލުތަކުގެ ތެރޭގައި، ފަގީރުކަމުގެ ހާލަތު ކަނޑައެޅުމުގައި މިހާރު ބޭނުންކުރާ މިނިމަމް ޔުނިޓަކީ، "ގޭބިސީ" (އެއްތަނެއްގައި ކައްކައި ކައިބޮއި ނިދައި އުޅޭ އެންމެން) ކަމަށް ބެލުމުގެ ބަދަލުގައި، ފަގީރުކަމުގެ ހާލަތު ކަނޑައެޅުމުގައި ބަލާ މިނިމަމް ޔުނިޓަކީ، އެކަނި ދަރިން ބަލަހައްޓާ މައިންނާއި ބަފައިންގެ އާއިލާ ކަމުގައި ކަނޑައެޅުން ހިމެނެ އެވެ. މީގެ ކުރިން އެހީގެ މިންވަރު ކަނޑައަޅާފައި ވަނީ ކުދިންގެ މައްޗަށް ބިނާކޮށް، ކޮންމެ ކުއްޖަކަށް 1000ރ. ހިސާބު ކުރުމަށް ފަހު މަހެއްގެ މައްޗަށް އާއިލާ އަކަށް އެންމެ ގިނަވެގެން 3،000ރ. ލިބޭ ގޮތަށެވެ.
ނަމަވެސް މިއަދު ގެނައި ބަދަލުގެ ސަބަބުން، އާއިލާއަކަށް މަހެއްގެ މައްޗަށް ދެވޭނެ އެންމެ ބޮޑު އަދަދަކީ 10،000ރ. ކަމަށް ވަނީ ރައީސް އިބްރާހިމް މުހައްމަދު ސޯލިހް ވަނީ ކަނޑައަޅުއްވާފައި ކަމަށް ރައީސް އޮފީހުން ބުންޏެވެ. މީގެ އިތުރުން މިހާރުގެ ހާލަތަށް ބަލައި "އިންކަމް ތްރެޝްހޯލްޑް" ކަނޑައަޅާނީ ޖެންޑާ މިނިސްޓްރީން ކަމަށާއި ނުކުޅެދުންތެރިކަން ހުންނަ މީހުންނަށް ދޭ މާލީ އެހީ، އެކަނި ކުދިން ބަލަހައްޓާ މައިންނާއި ބަފައިންނަށް ލިބެމުން ދިޔަ ނަމަވެސް އެކަނިވެރި މައިންނާއި ބަފައިންނަށް ދޭ އެލަވަންސް ވެސް އެފަދަ މައިންނާއި ބަފައިންނަށް ލިބޭގޮތަށް ހަމަޖެއްސުން ވެސް މި ނިންމުންތަކުގެ ތެރޭގައި ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޫއްޕޭ
18 October 2019
ޢެއްބަސް ކިޔައިގެން ވަރިވީމާ 20000.00 ރުފިޔާ ލިބޭނެ ސަޅިގޮތެއް!!!!
ބީކޭކޭ
16 October 2019
ބޮޑުކުރޭ! ޢޭރުންދެން މުޅިގައުމުގަ ތިބޭނީ އެކަނިވެރި މައިންނާއި ބަފައިން! ދެން މުސްކުޅިން ނައްދޭ އެލަވަންސް ބޮޑުކޮއްލީމަނިމުނީ! ޢޭރުން ދެން މިގައުމުގަ މަސައްކަތެއް ކުރާނެ މީހަކު ނުހުންނާނެ! އަދިވަރައްފެންނަ ކަމެއް ނުކުޅެދޭ ކުހިންނައް ދޭއެލަވަންސް 50000ރ ހަދާލަން އޭރުންދެން މުޅިގައުމުގަ ތިބޭނީ ހުސް ނުކުޅެދޭކުދިން! މިގައުމުގަ ކަންކަން ކުރަންވާނީ ޖަޕާނުސަރުކާރުން ކަންކޮއްދޭގޮތައް މިސާލަކައް ބޭރުތޮށިލާދޭނީ އަތައް ފައިސާނުދޭނެ!ސާފުވާނެކަމައް ހީކުރަން!
މުސްކުޅިން.
16 October 2019
އުމުރުންދުވަސްވީ މީހުންނަށް ދޭނެ ފައިސާއެއްނެތް. ޚާއްސައެހީއަށްބޭނުންވާމީހުން ( ނުކުޅެދޭމީހުންނަށް ) ނަށްދެނީ އެއްމެ -/2000 ރުފިޔާ. މި އެލާވާން މިހާބޮޑުކުރުމުގެ ބޭނުމަކީ ދެމަފިރިންވަރިވެ 2 ދަރިންތިބިނަމަ -/20000ރ އެއްކުއްޖަކު ހުރިނަމަ -/ 10000 ރުފިޔާ ނެގުން. މީ ދިވެހިން އިސްލާމްދީނާ ޚިލާފު ކަންތައްތައްކުރުވުމަށް ހިއްވަރުދިނުމަށް ކުރެވޭކަމެއް.
ކަކަކަކަ
16 October 2019
އޭ މަބުނީ މަގޭ އެބަތިބި 15 ދަރިން. އެހެންވީމަ މަށައް 15000 ލިބޭނެދޯ؟؟ 15 ކުދިންގެ ތެރެއިން 8 ކުދިން ތިބީ މީހުންނާއި އިނދެގެން. އަނެއް 7 ކުދިންގެ ތެރެއިން 2 ކުއްޖަކު މަތީ ތައުލީމަށް ކިޔަވަން މެލޭޝިއާގަ. އަނެއް 5 ކުދިންގެ ތެރެއިން 3 ކުދިން ސްކޫލް ނިމިއްޖެ. ދެންތިބި 2 ކުދިން ކިޔަވަނީ.
ކިކިކިކި
16 October 2019
މައިންބަފައިންނަށް ދަރިން ވާނީ ހަމަ ދަރީންނަށް، އެއިން ކުއްޖަކަށް ސާޅީސް އަހަރު ފުރުނަސް. ނަމަވެސް މީގައި މިއޮތީ 18 އަހަރު ނުފުރޭ ކުދީންގެ ވާހަކަ. އަދި ދައުލަތުގެ ޚަރަދުގައި ތިމާގެ އަމިއްލަ ދަރިން ބަލަންޖެހުމުގެ ލަދުވެތިކަމެއްގެ ވާހަކަ. އެގޮތުން 10 ކުދިންނާ ހަމަޔަށް ބަލާދޭ ވާހަކަ
ދެބެން
16 October 2019
ކޮންމެ އިންތިހާބަކަށް ފައިސާ ދެން ވާދަކުރާ މީހަކު ގޮވަންވީ ތިމަންނަގެ ވެރިކަމުގައި 20 ހާހޭ ތިޔައްވުރެއް މާތާހިރު ވާނެ ރަނގަޅު ބޭސްފަރުވާޔާ ރައްރަށުގެ މަގުތައްހެދީޔާ ގައުމު އިނދަ ޖައްސާލަންނޫޅޭ ބޭރުފައިސާގެ އަގު އުފުލި ދާނޭ ކޮސްނުގޮވާ ހޮޔޮވިސްނާ.
ާަަކެ
16 October 2019
ނެވަ މެރިޖް ވިތް ޗައިލްޑް މިއީތަ އެކަނިވެރި މައިންނަށް އިގިރޭސިބަހުން ކިޔާގޮތަކީ ސާފުކޮށްދޭނީ ކާކު ؟
ރޯނާއެދުރާ
16 October 2019
ކުދިންކޮޅު ޚަބަރު އެއްކޮށް ކިޔާފައިތަ ތިޔަ ތެލުލެވެނީ. މި ލިޔުން ކުރުކޮށްލަ ދެންތަ؟ މީގައި ބުނެފައި އޮތީ ކުރިންވިއްޔާ 5 ދަރިން ތިއްބަސް ލިބޭނީ 3 ކުދިންނަށްވާ ލާރިޔޭ. މިހާރު ހެދިގޮތުންވިއްޔާ 10 ވަނަ ކުއްޖާއާ ހަމައަށް ލާރި ދޭނޭ. ދިހަޔަކަށްވުރެ ގިނައިން އެކަކަށް ކުދިން ލިބެނީ މިހާރު މަދު މީހަކަށްވީމަ، އަނެއްހެން ބުނަންޏާ ހުރިހާ ކުދިންނަށް، ކޮންމެ ކުއްޖަކަށް ދޭނަމޭ 1000 ރުފިޔާ، އެކުދިން ބަލަން، ކޮންމެ ކުއްޖެއްވެސް 18 އަހަރު ވަންދެން.
ރޯނާއެދުރާ
16 October 2019
އެކަމު މަށްވެސް ނޭނގެ ދެން އެބުނާ ފަޤީރުކަން ބަލާ މިންގަނޑަށް އަންނަ ބަދަލުގެ ސަބަބުން ދަރިއަކަށް ޖެހޭ އަދަދަށް ބަދަލެއް ނުގެންނާނޭ ކަމެއް
ިއިހޫ
16 October 2019
ކޮންމެ ކުއްޖަކަށް 1000 ރުފިޔާ އެ ލިބެނީ. އެހެންވީމަ 10 ދަރިން ހުރިއްޔާ 10000 ލިބޭނީ.
ހަކީމް
16 October 2019
މިއާ އެކުއެކީގައި ފިރިމީހާ ދޭން ޖެހޭ ބައި ބޮޑުކުރަން އެބަޖެހޭ ..
ކީކޭ ބުނާނީ
16 October 2019
ތިޔަ އެކަނިވެރި މައިންނަށް ދޭ އެލަވަންސް ލިބޭތީ ނަހަލާލަށް ވިހާ މީހުން ވިހާ ވަރުން ވިހަނީ، މީހަކާ އިންނާކަށް ބޭނުމެއްވެސް ނުވޭ، ދަރިންނަށް ރަނގަޅު ތަރުބިއްޔަތެއް ދޭން މަަސައްކަތް ކުރަނީ މުޖުތަމަޢަށް ގިނަވާ ބޭކާރު ބައެއް.. އެއަށްވުރެ ރަނގަޅުވާނެ ޙަލާލު މަސައްކަތްކޮށްގެން ދަރިން ބަލަމުން ގެންދާ މީހުންގެ ޙާލަތު ވަޒަންކޮށް ބޯހިޔާވަހިކަމާ އެހީތެރިކަން ފޯރުކޮށްދެން މަސައްކަތް ކުރިއްޔާ